القدر يجمعنا رغم كل شيء

part4

هنكمل ونشوف يوسف هيعمل ايه لما يعرف أنهم سافرو بره
Lets go
       ______________________________
يوسف بصراخ وغضب شديد :يعني ايه العيله كلها في انجلترا
عبد الله :والله معرف يباشا بس مشيت وراهم للمطار وعرفت أنهم سافرو انجلترا
يوسف :وبابا معاهم
عبد الله :اه يباشا
يوسف :طيب ليه مقلييش
عبد الله :مش انت يباشا غيرت رقمك ومش عايز حد يوصلك
يوسف بتذكر وهو يجلس علي الكرسي :اه صحيح .....طيب بص خليك قريب من المطار ولما يرجعلوا تشوفلي في ايه ماشي
عبد الله :ماشي يباشا
         _________________________
في اليوم التالي
هدي وهي تفتح الستائر :يلا يساره اصحي
ساره بنوم :يماما خمس دقائق لسه بدري علي الجامعه
هدي وهي تبتسم :ماما ايه وجامعه ايه انتي لحقتي نسيتي قومي يساره انا هدي
ساره وهي تفيق:ايه ده انا فيين ...اه اه صح انا اتجوزت وجيت هنا
ساره بفزع وهي تفرق عينيها :انتي مين ...اه اه انتي هدي
هدي بضحك انتي نائمه خالص
ساره :معلش يهدي انا نومي تقيل ومبفقش بسرعه
هدي وهي تضع الصينيه علي طربيزه صغيره:ولا يهمك .....يلا علشان تفطري
ساره :ايه ده هفطر هنا
هدي :مش احنا قولنا كل واحد بيفطر في اوضتو
ساره :اه صحيح ...بس بس انا مبحبش اكل لوحدي كلي معايا يهدي
هدي :انا اسفه بس ممنوع
ساره :ليه ممنوع انا بقولك كلي
هدي :طيب يساره قومي الاول اغسلي وشك كدا وتعالي يبقي نتكلم
ساره :لا بقي انا كدا الفجر ضاع عليا هقوم اصلي وربنا  يغفرلي بقي وبعدين يبقي نتكلم
هدي :طيب الاكل كدا هيبرد
ساره :الصلاه اهم
وذهبت ساره وتوضأت وصلت
ساره وهي تجلس علي السرير وتضع الطعام أمامها
هدي :ايه ده هتكلي هنا علي السرير مش علي الطربيزه  دي دي مخصوصه للاكل وفي منها في كل الاوض
ساره :لا انا حابه اكل هنا......وقامت ساره وامسكت يد هدي واجلستها أمام الصينيه وجلست هي أمامها من الناحيه الأخري
ساره :يلا ناكل
هدي :يساره ممنوع عمر باشا لو عرف هيرفدني
ساره :لو قال حاجه أنا هكلموا يرضيكي اكل لوحدي يعني انا كدا مش هيجيلي نفس
هدي :بس..
ساره :بس ايه يلا
هدي باستسلام :حاضر
وبداو في تناول الطعام في جو لم تالفه هدي في هذا البيت الهادئ
           ________________________
في مكان آخر كان يوسف يتحدث مع امير
يوسف :ايه يا أمير ايه الاخبار
امير:لسه متجوز كان فرحوا امبارح
يوسف :ايه ده اتجوز كارمه
امير :لا خالف كل توقعاتي واتجوز واحده تانيه
يوسف :ودي معروفه ولا لا
امير :لا دي واحده منعرفهاش ملناش شغل معاهم
يوسف :تمام طيب هنعمل ايه
امير بابتسامه خبيثه:هبعتلوا هديه فرحوا طبعا
يوسف بستغراب :يعني ايه
امير بنفاذ صبر :يعني ههددوا يغبي
يوسف بابتسامه شر :ما ده اللي مستني من زمان
         __________________________
بعد أن انتهت ساره من الفطور
ساره :امال بابا عمر فين عايزه انزلوا مش باين من بعد الفرح حتي مش شفتوا لما دخلت
هدي :الباشا الكبير راح الشغل في الشركه هنا وهيقعد يومين كدا هو وطارق علشان الشغل ....بس الباشا الصغير خد اجازه اجباريه اسبوعين
ساره باستغراب:اجباريه
هدي :ايوه اصلوا بيحب الشغل اوي وعمروا ما غاب ولا يوم حتي لو كان تعبان بس الباشا الكبير خلاه ياخد اجازه علشان عريس وكدا
ساره :ممم كدا
نظرت ساره من الشباك وجدت حديقه جميله مليئه بالازهار
ساره :الله دي جميله اوي
هدي :ايوه دي الجنينه الخلفيه مازن باشا بيحبها اوي علشان مامتوا الله يرحمها كانت بتحبها وبتاخد بالها منها
ساره بسرعه وهي تجري علي الخزانه:والله طيب انا عايزه انزل  يلا بسرعه الدولاب ده في ايه
فتحت ساره الدولاب وجدت ملابس كثيييره جدا بها عده فساتين رائعه :قامت بتنقيه احداهم كان  عباره عن فستان لونه وردي به حزام ابيض  وبه بعض الفصوص بالون الابيض وعليه طرحه بيضاء
هدي بانبهار :الله ده جميييل اوي
ساره بعد أن نظرت إلي هدي وهي تحمل الفستان ورأت ملابس هدي لاول مره كانت عباره عن ملابس خدم تقليديه فستان اسود وعليه شيء يشبه المريله بالون الابيض ساره بعد ان لمعت براسها فكره :عجبك الفستان الوردي ياهدي
هدي :اه عجبني جدا
ساره وهي تمد يدها بالفستان لهدي:بجد طيب اللبسيه
هدي باستغراب: اللبس ايه
ساره:اللبسي الفستان ده ايه المشكله وانا اخد لبسك شويه اصلو عجبنيييي جدا انا اول مره اشوفه في الحقيقه عمري ما شفتوا غير في  التلفزيون ومش مصدقه عيننني
هدي برفض :انا اسفه يساره بس مدام مني لو شافتني بدا وانتي بدا هترفدني اكييد  ومبالك لو مازن باشا  شفني اكيد هيرفدوني برضوا بس احتمال يقتلوني بعدها وانا محتاجه المرتب ده لاني انا بصرف علي امي واخواتي انا اسفه يساره
ساره بمرح :ايه يهبله يرفدوكي دي وكمان يقتلوكي ...هههه لا طبعا انا مش هسمح بكدا وبعدين انتي خايفه بزياده دي مجرد هدووم يلا بقي ......
هدي باستسلام :اللي تشوفيه يساره
وقامت هدي بإعطاء ساره ملابسها وارتدت فستان ساره الوردي
           _____________________
أمام فله عمر الكيلاني في انجلترا
شخص ملثم :ها يباشا انا قدام الفله ابدا في التنفيذ
امير :اه يلا ابدا انا عرفت انو اخد اجازه اسبوعين وبعدين لسه عريس فأكيد هتلقيه في البيت...يلا ابعتلو هديه فرحوا حالا
الملثم:حاضر يباشا حالا اهو
واغلق الملثم الخط ودلف بخطواط واثقه الي سور الفله والي نقطه معينه توقف وبدأ بفك الأسلاك لأن السور كان مكهرب فبدا هذا الرجل محترف بحق
       ____________________
داخل الفله
خرجت ساره من غرفتها سعيده بملابس هدي وظلت تدور كالاطفال وهدي خلفها لا تصدك ان هذه زوجه مازن
أمسكت ساره يد هدي وجرت مسرعه علي السلالم ونزلت امام البوابه الداخليه وبدأت بدوران بهدي حتي داخت هدي ثم خرجت مسرعه من البوابه الداخليه وجرت نحو الحديقه الخلفيه هيه وهدي وإذا بصوت طلقه مويه يهز المكان والطلقه تمر بجوار ساره التي تسقط علي الارض من الصدمه
فزعت هدي كثير وذهبت مني لتري ما في الامر
كان مازن في الحديقه الخلفيه في هذا الوقت وراي خيال يقع علي الأرض تحرك باتجاهه وكان علي مسافه منهم حين قالت هدي بهمس :مازن باشا
نظرت ساره الي حيث تنظر هدي رأت شاب وسيم يمشي بخطأ واثقه
ساره في نفسها :يخرب بيت حلاوتك كانت عينا مازن وشعره معرضين للشمس مما أظهر جمالهم ولونهم البني وبشرته البيضاء فكان وسيما جدا
نظر مازن الي السور وجد رجل يقفز إلي الخارج علم انه من أطلق النار
نظر مازن لساره ثم قال بهدوء :انتي كويسه
وقبل أن ينظر مازن لمني وهدي همست مني إلي هدي
مني :شكلها كويسه يلا نمشي ونسبهم
اومأت هدي وغادرو
نظر مازن إليهم وهم يعطوه  ظهورهم ويدلفو الي الداخل ظن ان هدي هي ساره هو لا يحفظ ملامح ساره ولكن كانت هدي ترتدي ملابس غير ملابس الخدم
مازن لساره وهو لايعرف أنها ساره:انتي كويسه
ساره :اه اه سليمه الحمد لله ثم وقفت ايه ده يلهووووي
مازن بستغراب وهو يرفع أحد حاجبيه : فيه ايه
ساره ببكاء وشهقات :انا....كنت...هموووت وبدأت في البكاء
مازن بستغراب في نفسه :ايه الهبله دي لسه فاكره وبعدين هو انا حاسس ليه اني اعرفها وشفتها في حته غير الفيله هنا
مازن لساره ببرود:خلاص متعيطيش
ثم نظر جانبها فراي ورقه جلبها مازن وفتحها وقرا
''اتمني تكون عجبتك الهديه يا عريس ودي حاجه بسيطه جدا قصاد اللي جاي لو مبعدتش عن تصاميم الفلل والأراضي الجديده بتاعه مصطفي وانت حر "
قام مازن بطئ الورقه بعنف وقال:والله مانا سايبها
ساره بغباء :تسيب ايه
نظر إليها مازن :وانتي مالك
ساره في نفسها :يخربيت برووودك ياخي
مازن :يخربيت ايه
ساره بخضه  وفي نفسها ده سمعني ثم قالت:يييخربيت حلاوتك
مازن وهو يرفع أحد حاجبيه :أيه
ساره :ها ولا حاجه وبعدين انا واحده لسه كانت هتموت حد يقف يتكلم معاها
مازن وهو ينظر لعينيها :هو انا شفاتك بره الفيله قبل كدا
ساره بارتباك ماذا تقول هذا الاحمق لا يعرف انها زوجته ماذا تقول ساره:ها لا ماظنش ابدا انا لسه جايه هنا جديد
مازن بعدم اهتمام :طيب ......ورحل من أمامها
ساره بتنهيده ارتياح :انا مكنش لازم ابدا افكر قدامه انا طلعت بفكر بصوت عالي يلهوي لو سمع يخربيت برودك  ده هيقتلني
        _________________________
في مكان آخر
مجهول 1:اييه مين اللي ضرب نار في الفيله
مجهول 2:مش عارف لسه بندور
مجهول 1:لا نتوا لازم تعرفوا بسرعه ده هيبوظ كل خطتنا
مجهول 2:متخفش مازن برضوا مش غبي علشان يقع لهم بسهوله دي وبعدين هنعرف مين عمل كدا وهنوقفه
مجهول 1وهو يتهاوي علي الكرسي :طيب تمام اعرفوا بسرعه
           ______________________
دخلت ساره الي غرفتها ودخلت بعدها هدي وارتمت باحضانها تبكي
ساره وهي تربت علي ظهرها بحنان: في ايه 
هدي :انا خفت اوي يكون حصلك حاجه انتي احسن حاجه حصلتلي في البيت ده انا مش عايزاكي تمشي
ساره بهدوء :يبنتي امشي ايه ثم أضافت بمرح وبعدين انا لسه عرفاكي من امبارح بالليل لحقتي تحبيني
هدي بجديه :اه انا شفت فيكي حنان مش موجود هنا وانا هنا بعيده عن اهلي وحاسه بالغربه بس كنت بستحمل علشان المرتب احلي وأهلي محتاجين غير كدا مكنتش هبعد لحظه واحده عرفه انا بقالي سنه ونص مشفتهمش بس معاكي حسيت بحنان مش موجود في البيت ده انا عايزاكي تفضلي معايا
ساره :خلاص يستي انا معاكي اهو متخافييش
هدي بجديه :طيب هاتي هودمي بقي دي مني هزقتني تهزيق
ساره بضحك :خلاص خلاص خديهم انا اسفه يستي
  وبقيت ساره في غرفتها بقيه اليوم تفكر في ذالك الوسيم الهادئ بينما هدي معها تجلب لها الغذاء والعشاء
               _________________________
عبد الله بخوف :ي..ب..يباشا
يوسف بغضب :متنطء يزفت
عبد الله :اصل ...
يوسف بصراخ وهو ينهض من مكانه :متتكلم انت هتنقطني كلمه كلمه
عبد الله بتردد :اصل يباشا العيله كلها رجعت حتي عيله الانسه رجعت معادا هيه مش شايفها انا بقيت هنا جنب المطار من ساعت مقولتلي  وكلوا رجع معادا هي
يوسف بغضب :وانت واقف مكانك متروح تسأل هيه فين
عبد الله :اروح ازاي يباشا مهما هيقولو حد غريب جاي يسال عليها ليه
يوسف وهو يجلس ويضع يده علي عينه :اه صحيح طيب احجز اول طياره علي إنجلترا من عندك وسبب حد عندك يجيبلك الاخبار. يراقب المطار إذا رجعت ..وانا هحجز اول طياره عندي
عبد الله :تمام يباشا
واغلق الخط
وضع يوسف يده علي وجهه يفكر
امير وهو يدلف الي المكتب :ايه ي شبح مالك  هيه السينيوريتا مدوخاك ولا ايه
يوسف وهو ينزل يده من علي وجهه :ساره سافرت انجلترا ولسه مرجعتش
امير باستغراب:وهيه هتعمل ايه في انجلترا
يوسف :ماده اللي هيموتني
وأمسك يوسف الهاتف وكان يقوم بحجز تذكره اللي انجلترا
يوسف :الوو انا عايز احجز اول طياره علي إنجلترا طياره درجه اولي
وفي هذه اللحظه عندما لاحظه امير أشار بيده علامه 2يعني احجز تذكرتين
يوسف وهو يتحدث في الهاتف :خليهم تذكرتين
الموظفه :حاضر يفندم ثواني ثم قالت اقرب طياره لانجلترا كمان عشر ايام
يوسف بغضب :مفيش اقرب منها
الموظفه بخوف :للاسف لا يافندم
يوسف :طيب خلاص احجزي التذكرتين
الموظفه :تمام يفندم
اغلق يوسف الخط ثم حدث امير 
يوسف :انت عايز تروح انجلترا ليه
امير بضحكه شريره:ايه رايح اشوف الشغل هناك وبعدين مشاريع مصطفي لازم اخدها  لا يمكن اسبها  لمازن
يوسف :ماشي كان ممكن تخليك تشوف الشغل هنا وانا اشوفه هناك
امير :لا انت هتبقي مشغول مع السينيوريتا
يوسف :مممممم
وانتهي حديثهم علي أنهما سيذهبان اللي انجلترا بعد عشر ايام
              _________________________