القدر يجمعنا رغم كل شيء

part 3

يلا نكمل ونعرف مين اللي مراقب ساره
Lats go...
_______________________
عبد الله :اه يباشا ساره دخلت الجامعه من الساعه 9
يوسف بغضب:متقولش ساره دي تاني انا بس اللي اقول ساره فاهم انت قول الانسه او اي حاجه
عبد الله :حاضر يباشا
يوسف :معرفتش مين اللي رحلهم امبارح
عبد الله :لا والله يباشا ...بس هسال كدا واعرف
يوسف :طيب انجز علشان انا مش مرتاح
عبد الله :حاضر يباشا
______________________
عادت ساره لمنزلها
ساره لنبىره هادئه :السلام عليكم
مروه :وعليكم السلام هايساره عملتي ايه في الجامعه
ساره بهدوء :الحمد لله
مروه :انا مش متعوده منك علي الهدوء ده في ايه
ساره :مفيش يماما
مروه بتنهيده :ربنا يريح قلبك يبنتي ويطمنك .....ادخلي غيري هدومك وصلي عقبال ما بباكي واخوكي يجوا
ساره :حاضر
_________________________
علي سفره الطعام
مروه :هايمحمود هنجهز ساره بايه وعلينا ايه
محمود :ده عمر الكيلاني كلمني النهارده وقالي مش عايز حاجه منكوا حاجه ولا حتي هدومها هتبقي علينا
مروه :بس ازاي يمحمود هيه لازم تنزل وتشتري وتفرح زي بقيت العرائس
محمود :اهو قال كدا ويبقي تجيب لما تسافر
مروه :طيب الفرح
محمود :الفرح هيكون في انجلترا وهيبقي علي قد العيله بس
ساره في نفسها :ايه الفقر ده العيله بس ده انا كنت هعزملو عيال الشارع يطربقوها فوق دماخه بس يلهههووي البت مريم انا لازم أعزمها دي هتموتني
ساره لمحمود:بابا لو سمحت انا عايزه اعزم مريم
محمود :طيب هشوف عمر كدا واقولك
ساره بغضب وهيه تنهض :عمر ايه اللي تقولو هو فرحوا لوحدو مش كفايه غصب
محمود بهدوء :مهو اللي هيجيب التزاكر والدعوات فلازم اقولو
ساره بغضب :وكان لازم يعملوها بره مكان يعملو هنا
محمود :معلشان شغل جوزك الفتره دي بره
ساره بصراخ :الله هو كمان بقي جوزي ..بعد ازنكوا
ودلفت ساره اللي غرفتها ساره في نفسها :جوزي يلهوي هو بقي جوزي ينهار ابيض ده انا حتي معرفش شكلو طيب والله يعمر انت وابنك لوريكوا ايام ماشي
_____________________
مر الشهرين سريعا قامت فيهم ساره بدعوه مريم وعائلتها الي حفل الزفاف وقام محمود بدعوه عائلته كما فعلت مروه وقامت بدعوه أخيها ولكن لم يتمكنوا من دعوه يوسف ابن أخيها لانه كان في فرنسا وايضا لم يتمكنوا من اخبار احمداخو ساره الأكبر الذي يعمل في فرنسا وانقطعت أخباره منذ فتره
_____________________
قبل الزفاف بيومين
ساره بصراخ :ياماااما خلاص ارجوكي
مروه :يبت خلاص ايه لازم تكوني حلوه قدام جوزك
ساره :ومين قالك اني عايزه ابقي حلوه وبعدين هي المسكات دي هتخليني حلوه
مروه :اه وبطلي حركه بقي علشان اعرف احطلك
ساره بحزن :ماما يعني احمد مش هيحضر الفرح
مروه :معلش بقي يساره لما نوصلو هنبلغوا بس حبيب امو اخبارو مقطوعه من فتره وحشني اوي وكانت ستبدا في البكاء
ساره بمرح :خلاص بقي انتواهتقلبوها نكد فوق دماغي انا عروسه يناس
مروه بضحك :طيب ماشي يعروسه

__________________
مجهول 1:يعني خلاص الفرح كمان يومين
مجهول 2:اه ........امال هنبدء في الخطه امتي
مجهول 1:لا مش دلوقتي نسيبه شويه ده لسه عريس
مجهول 2:يقلبك الطيب
وبداو في الضحك
___________________
يوم الزفاف
ذهب الجميع الي انجلترا وتم تجهيز العروس فكانت ساره في غايه الجمال واقيم حفل الزفاف في الحديقه الاماميه لفيله عمر الكيلاني في انجلترا حسنا دعونا نقل قصر فلقد كان كبييير بحق
في الحفل دخلت العروس ممسكه بيد والدها وسلمها للعريس الذي اضطر الي الحضور بعد اللحاح طارق ومدير أعماله رامي
لم تنظر ساره الي مازن ابدا كما فعل هو الآخر كانو يتجنبون النظر إلي بعضهم البعض
ذهبت ساره لمريم وبقيه بنات العائله
مريم :ايه الحلاوه دي يققممر مكنتش اعرف انك جاامده كدا
ساره بابتسامه :ايه وهو انتي فكراني وحشه ولا ايه وبعدين ده ماما سلخت وشي بالمسكات
مريم:طيب يبقي هتيلي مامتك في فرحي تعملي المسكات دي ....وبعدين ايه الفستان الجامد ده ولفت الطرحه واو رغم أنها عاديه بس جامممده
ساره وهي تنظر إلي فستانها :والله حلو ده عمو عمر هو اللي جايبو ذوقو تحفه الفستان عجبني اوي
مريم بمرح :عمو ايه بقي يبقي قوليلوا بابا ده زي بباكي برضوا
ساره :انتي عارفه يمريم رغم انو اجبرني علي الجواز بس انا حاسه ان جوا حاجه بيظهر البرود والجبروت بس حساه حزين
عمت ساره هدير وهي قادمه من بعيد :ايه يعروسه هنقضيها كلام احنا عايزين نفرح ونهيص
ساره بضحك :طيب يلا نلفرح ونهيص
وقضوا اليوم في اللعب والمرح
أما عند مازن
محمود وهو يصافح مازن :الف مبروك يبني
مازن :ربنا يبارك فيك
مروه بفرحه:الف الف مبروك يبني
مازن :ربنا يبارك فيكي يطنط
مروه :طنط ايه بقي انت تقولي يماما انت خلاص بقيت ابني
احس مازن بوجا في قلبه اسيقول كلمه امي لغير امه كيف ذالك أنه لم ينطق بهذه الكلمه منذ وقت طويل ماذا يفعل
تمالك مازن نفسه
مازن :حاضر ياماما
مروه بفرحه :عيزاك تحط ساره في عنيك دي ساره طيبه والله وانا واثقه انكوا هتحبوا بعض
مازن في نفسه :قال احطها في عنيا قال ده انا هوريها اللي عمرها ما شفته
مازن لمروه :من عنيا
أما عمر فكان يستمع اللي تهنات العائلات بجانب مازن
انتها الحفل علي الساعه 7 مساءا وغادروالمدعوون علي فندق علي أن يبيتو ليله ويغادروا ثاني يوم
ودع مازن وساره المدعوين نظرت ساره خلفها وجدت زوجها يسبقها الي البيت
ساره في نفسها :ايه ده هو مش هيشلني زي الافلام لالا ازاي انتي مش شايفه السلالم اللي قدامك دي كلها قدام القصر ده امال جوه عامله ده كدا ظهرو هيتكسر ازاي بس مكان يستنا شويه حتي اشوف وشو ده انا ده كلو معرفش ملامحو يربي
دخل مازن البيت بهيبته المعهوده وجد الخادمات يصتففن صفين أمام الباب مر بينهم وقال لرايسه الخدم خدو بالكوا منها ودوها اوضتها رايسه الخدم مني :حاضر يامازن باشا
وغادر مازن الي غرفته
هو بطبع لن يكون معها في غرفه واحده هو حتي لم ينظر لوجهها
دخلت ساره البيت
حياها جميع الخدم :اهلا ساره هانم
ساره بصدمه وصوت عالي :ايييه ده انتو بتتكلموا عربي
بدات بعض الخادمات بضحك بخفوت استغربت ساره لماذا يضحكون ماذا فعلت
حمحمت مني :حمحم
نظرت إليها ساره رأت علامات الضيق باديه علي وجهها
مني :انسه هدي
هدي :نعم
مني :هتبقي انتي المساوله عن ساره هانم هتوريها اودضتها وفهميها قواعد القصر
هدي :حاضر
تقدمت هدي وساره خلفها
ساره بذهوول :الله الفله دي تحفه
هدي بضحك :انتي تلقائيه اوي انا افتكرت مازن باشا هيتجوز واحده متكبره كدا بس خالف كل توقعاتي
ساره :انا اللي كل حياتي اتقلبت
هدي :ايه
ساره :لا متخديش في بالك ...امال صحيح انتوا بتتكلموا عربي ازاي
هدي :احنا اصلا مصريين وعمر باشا مبيحبش الخدم الأجانب فجابنا علشان كدا
ساره :اها ..طيب وايه القوانين اللي مني كانت بتقول عليها
هدي :بصي يساره هانم ال..
قاطعتها ساره :لو سمحتي بلاش ساره هانم دي بحس اني رجعت لعصر محمد علي ايام باشا وبيك والكلام ده قوليلي ساره بس
هدي بضحك خافته :حاضر يساره بصي قوانين هنا ان ممنوع تتكلمي بصوت عالي ممنوع تضحكي بصوت عالي ومواعيد النوم الساعه 12 يعني بعد 12بليل ممنوع تخرجي بره الاوضه
ساره :يلهووي طيب افرضي حد عايز يشرب اوياكل يعمل ايه
هدي :ممنوع تخرجي من الاوضه حتي لو جعانه اوعطشانه
ساره :طيب يلهوي ليه القوانين الخنقه دي لصوت ولا ضحك انتي ناقص تقولي ولا نفس هو فيه ايه
هدي :معلش بقي يساره اصل عمر باشا بيكرهه الصوت العالي وكمان بيصحي من اقل حركه فلو اتقفشتي بيبقي تقريبا اخر يوم في حياتك ثم أضافت بنبره مرعبه ده كان فيه واحد خالف القوانين وخرج بره الاوضه بتاعتو بعد الساعه 12 مشفتهوش بعدها
ساره بشهقه :يلهوي طيب علي ايه بلاش احسن ....طيب والأكل بمواعيد زي الافلام ولا لا
هدي :لا الاكل بذات ملوش مواعيد معاكي الطباخ من الساعه 6 الصبح للساعه ‭11.5‬بالليل والأكل هيكون في الأوضه بتاعتك يعني محدش بياكل مع حد انا من ساعه مجيت هنا واوضه السفره ماتفتحتش خالص
ساره بالم :هدي هو احنا لسه موصلناش انا رجلي وقفت من الجزمه بكعب وظهري اتقطم من كثر مابدوس علي الفستان
هدي :للخلاص وصلنا وقامت بفتح باب ليظهر منه غرفه جمييله جدا
ساره بنبهار : الله الاوضه جميله جدددا انا افتكرت مازن هيرميني في اوضه معفنه بس طلع جدع
هدي بعدم فهم :ايه ويرميكي فين
ساره وهي تدلف للغرفه :لا متخديش في بالك وظلت ساره تتطلع حولها بذهول كانت الغرفه واسسسعه جدا بها سرير كبير في المنتصف وعلي جانبها مكتب انيق للغايه بكرسي وبها دولاب كبير ومرآ وبها كمان خاص يحتوي علي بانيو كبير
قامت هدي بمساعدته ساره بتغير الفستان وقامت بفتح الدولاب أمام ساره لتختار ماتريد ارتدائه
فختارت ساره بيجامه قطنيه
هدي :اسيبك انا بقي ترتاحي
ساره وهي تتثائب :لما اعوزك بكره إن شاء الله الاقيكي فين
هدي بابتسامه :في قوض في ادور اللي فوق كل الخدم فيها وغير كدا انا هكون قدام حضرتك من الصبح...يلا تصبحي علي خير
ساره :وانتي من أهله
وغطت ساره في نوم عميق
_____________________
يوسف بصراخ وغضب شديد :يعني ايه العيله كلها في انجلترا
_______________
هايحلوين
البارت خلص
يوسف هيعمل ايه
مازن هيعامل ساره ازاي
وساره هتتقبل العيشه ازاي يلا نشوف كل ده البارت الجاي
متنسوش فولو وكومنت