القدر يجمعنا رغم كل شيء

part 12

بسم الله الرحمن الرحيم
بصوا يا جماعه حصل غلطه في البارت اللي فات وهو اني كتبت أن اللي بيكلم مجهول 1 هو مروان وانا كان قصدي رامي فبعتذر عن الخطأ وانا صلحتو بس علشان اللي قراو قبل ما أصلحو
ويلا نبدأ البارت الجديد
Lets go
________________________
ساره بمرح :مفاجاه
لكن ساره هي اللتي فوجات مما رأت فقد رأت كارمن تقف بجوار مازن بملابسها الضيقه وشعرها المسبوخ ومكياجها الصارخ
مازن :انتي ايه اللي جابك
رأت كارمن ساره ولكن لم تعرف من هي فقاطعت مازن
كارمن بتكبر :مين انتي علي شان تدخلي كدا تلاقيكي واحده من اللي بيترمو علي مزونه
كان مازن سيوقف كارمن ولكن اثاره الفضول ليعرف رده فعل ساره
ساره بكبرياء ولكن بداخلها تريد البكاء :لا يا حببتي دي انتي اللي بتتكلمي عنها دي مش انا
كارمن بغرور :والله وهو انتي عارفه اصلا انا مين
ساره :وهتكوني مين يعني
كارمن بفخر :حبيبه مازن .
لم تجب ساره ونظرت لها باشمازاز
كارمن :ايه اتكسفتي خلاص مش عارفه تردي علشان يبقي تعرفي انتي بتكلمي مين
ساره باستهزاء :لا ياحببتي انتي اللي تعرفي انتي بتكلمي مين كويس
كارمن وهي تلوح بيدها :وهتكوني مين يعني
ساره :انا مرات مزونه وهي تقلدها في مزونه
نظرت إليها كارمن بسخريه ولم تجب ثم نظرة لمازن
كارمن :ايه رايك في الميك اب بتاعي يا زومه انا عملاه مخصوص علي شان اجيلك بي علشان تشوف الفرق بيني وبينها انا يهتم بنفسي
هم مازن بالإجابة ولكن قاطعته ساره بسخريه :قصدك تشطيب شقه
ابتسم مازن علي كلامها وغيرتها اما كارمن فكانت تستشيط غضبا
ساره وهي تجلس علي الكرسي المقابل لمازن :يلا يامدام كارمن من هنا عايزه اكلم جوزي
كارمن بغيظ :مدام ميييين ده انتي اللي مدام لا مش مدام ده حجه
ساره وهي تقف :مين دي اللي حجه يا تيته مين دي
مازن بصرامه:بس
صمتا ولكن كل واحده تنظر إلي الأخري بغيظ
دخل رامي وجد هذا المنظر ثم نظر لمازن وقال:الله يكون فعونك يا صاحبي
مازن :عايز ايه انت كمان
رامي :مم موظفين شركه فرنسا وصلو
مازن وهو يمسح علي وجهه:تمام دخلهملي
رامي برسميه :تمام يا فندم
خرج رامي
مازن :يلا بقي من هنا علشان هشتغل
كارمن :لا يابيبي خليها هي اللي تطلع انا لسه هقعد معاك شويه
ساره :لا يا حببتي انتي اللي تطلعي بالبهيه اللي في وشك يلا عايزه اتكلم مع جوزي شويه وحطي ميه خط تحت جوزي دي
كارمن بسخريه :جوزك اه جوزك ده من ساعه ما دخلتي مدفعش عنك بكلمه لانو مابيحبكيش بيحبني أنا
نظرت لها ساره بغيظ ثم نظرت إلي مازن وجدته ينظر لها ببرود
ماذا لهل يوافق علي ما قيل ايحب تلك ولا يحبني ماهذا ماهذا
نظرت له باعين مغتاظه لامعه بينما نظرت لها كارمن بأعين منتصره
دخل رامي وادخل اول موظف من الشركه التي في فرنسا
رامي :ده اول موظف واشطر موظف في الشركه اللي هناك وملفاته اهي وقام بوضع الملفات علي المكتب وخرج
مازن :اهلا وسهلا اتفضل يا بشمهندس ...ثم نظر إلي الورق أمامه ..بشمهندس احمد اتفضل اقعد
ثم وجه كلامه الي ساره وكارمن :يلا تطلعوا بره دلوقتي
التفتت ساره لتخرج ولكن توقفت في مكانها واعينها متسعه من الصدمه ودموعها تهبط كأنها شلالات
نظر احمد لساره وجسده يرتعش بقوه ولا يصدق
احمد بصوت متقطع :س..سااره
ساره ببكاء وهي تجري عليه وتحتضنه بقوه وتبكي وتتحدث وبالكاد صوتها يسمع:احمد ...انت... انت...وحشني...انا بحلم
احمد وهو يبادلها الاحتضان :لا مش حلم انا اهو
وبسرعه وقف مازن وهو يري زوجته في احضان رجل آخر انزل يده بشده علي المكتب أمامه وتحدث وهو متناسي تماما وجود كارمن بل لم يهمه وجودها
مازن بصراخ وهو يتقدم انتجاه ساره ويمسك يدها بقوه ويبعدها عن أحمد :انتي مابتتكسفيش معندكيش حياء ثم صفعها صفعه مدويه
نظر إليه احمد بصدمه كيف يتحدث مع أخته هكذا هو ما شأنه بها حتي وكيف يصفعها  أمامه هذا كثير
بقيت ساره مصدومه فمازن مهما  فعل لها لم يمد يده قط عليها يهينها يزعجها لكنه لم يضربها أبدا
بقيت مكانها صامته تنظر إلي مازن ودموعها علي خدها هو حتي لم يسألها من هذا
قام احمد بسحب ساره خلفه وهي تمسكت بقميصه من الخلف تحتمي به
نظر إليها مازن بغضب اكبر وصرخ :ايييه هو ده كمان حبيب هو في ايه
ساره بعناد وهي تدفن وجهها في ظهر احمد :اه حبيب ملكش دعوه
مازن بصراخ :هو ايه اللي ملكش دعوه سااااره
دخلت كارمن وامسكت بيد مازن :ياحبيبي سيبك منها لكن لم يستمع إليها مازن بل قام بدفعها لتصتدم بالمكتب
احمد بصراخ :وانت مالك بيها انت وبتكلمها كدا ليه وبتضربها بانهي حق ملكش دعوه بيها سامع والله ولا يهمني انك مديري في الشركه ومسيبكش ألا وهما بصوتوا عليك فاهم
مازن بصوت هادر:هو سؤال وعاوز اجابتو انت حبيبها زي ما هي بتقول
احمد بعناد :اه حبيب....
لم يكمل الكلمه لأن مازن لكمه وجهه
نظر إليه احمد وقام هو الآخر بضربه وتوالي ضرب اللكمات المتبادلة بينهم
حتي صرخت ساره ووقفت بينهم وهي تبكي :ببببسسسس...هو ايه ده اللي انت فالح فيه تهني....تضربني...تتهمني ...وتضرب كل اللي اعرفهم ...وانت بس الي تحب وتصاحب واحده تانيه ..لا وكمان ايه بتسمعها بتهني ولا بتكلمها .....وبتجبها البيت والمكتب انا خلاص زهقت كل مره اقول خليكي معاه....كل مره اقول هيتغير ...ويقولولي امسكي في بيحبك لكن للاسف مش باين ....انا خلاص جبت اخري ...مازن ارجوك طلقني ....هستنا ورقتي...قالت كل هذه الكلمات من بين شهقاتها
وقف احمد غير مستوعب أن هذا زوج أخته منذ متي وهي متزوجه منه حتي أن فرحته بلقائها لم تجعله يفكر ماذا تفعل هنا وكيف أتت الي انجلترا
فهم احمد أن هناك جبال تحمله أخته فوق راسها فسحبها من يداها وهم أن يخرج من الغرفه نظر إلي مازن وقال احنا في الكافتيريا اللي تحت وخرج واغلق الباب بينما مازن لم ينظر إليه ولم يجب
كارمن بعد رحيلهم :في ايه يا مازن ومالك متنرفز علشانها كدا ليه وبعدين هي قالتلك طلقني مطلقها
مازن وهو مازال كما هو :اطلعي بره دلوقتي
كارمن :بس يا مازن ..
مازن بغضب :انا قلتلك اطلعي بره
خرجت كارمن وهي تتافف
جلس مازن في مكتبه قليلا يفكر في ساره التي كانت تبكي اللي هذا الكم احبها لايتحمل رأيتها تبكي ولكن من هذا الذي كانت تحدثه نظر إلي ملفه وجد اسمه احمد محمود عمران نظر إليه مازن ومسح وجهه بيده بعنف :ففففف اكييد اخوها اللي كانت بتقولي بقالو سنتين مشافتوش ياربي اعمل ايه ديما لازم اغلط فيها واظلمها اففف
ولم يتحمل مازن البقاء هكذا وقرر النزول لهم قاطعه رامي وهو يدخل :هو ايه اللي حصل والموظف الاول فين
مازن :مش هشتغل النهارده كلو من بكره
رامي :افندم...طب بنسبه ل
مازن :راامي قلت مش هشتغل النهارده وحمل مفاتيح سيارته ونزل الي الكافتيريا
____________________________
في الكافتيريا
احمد وهو يحاول تهداه ساره :خلاص بقي يا سوسو ده كلو علشان شفتيني
ساره بابتسامه من بين دموعها :انت كنت فين ده كلو انت متعرفش انا قلقت عليك قد ايه
احمد :اهدي كدا وانا اقولك
ساره وهي تمسح دموعها :خلاص اهو قلي
احمد:مافيش ياستي الحكايه اني ملقتش وظيفه بسرعه فمحبتش اقلقو عليا وبعدين الخط ضاع بالارقام فمدورتش علي ارقامكوا لحد ما استقر وبعدين أنهينا في الشركه دي والشغل في الاول كان صعب ومكنتش بلاقي وقت حتي احاول اوصلكوا والشركه كان ليها فرع في مصر قلت هحاول انتقل هناك وبعدين صفو الشركه اللي في فرنسا واخذدو شويه موظفين كنت هقابل النهارده البشمهندس مازن واقولو ينقلني فرع مصر بس ملحقتش اتكلم معاه
صمتت ساره واخفضت رأسها
احمد بجديه :هو ايه بقي اللي بيحصل وازاي مازن جوزك
نظرت له ساره وامتلات عيناه بالدموع مره اخري :اصل هو ..
احمد :براحه كدا وقوليلي
حكت له ساره أنها متزوجه منه ولكنه يحب كارمن تلك الفتاه التي كانت في المكتب وانه قام بايهانها عده مرات
تنهد احمد ونظر الي أخته ومسح دموعها :بس الطلاق مش حل
نظرت إليه ساره :هو ايه اللي مش حل
احمد :ساره انا هتكلم مع الباشمهمدس ونشوف حل
ساره بصوت عالي نسبيا :حل ايه ده هو مافيش غير حل واحد يطلق
قاطعها مازن :مش مطلق ..ثم جلس على مقعد بجانبهم
احمد بهدوء :نبدا من الاول لو سمحت
مازن :اه ياريت
احمد :تمام انا احمد محمود عمران مهندس عندكوا في الشركه وأخو ساره الكبير
مازن :اتشرفنا ...وانا مازن الكيلاني زوج ساره
احمد :مانا لسه عارف حالا...بشمهندس مازن انا عايز ساره تيجي معايا يومين ثلاثه كدا ده طبعا لو مش حابب الطلاق
مازن :مينفعش
احمد :ليه يابشمهندس
ساره :بقولكوا ايه انا مش رايحه معاك يا احمد انا راجعه لاهلي في مصر فاهم وانت يابشمهندس طلقني
مازن وهو. لا يعيرها اهتماما ويوجه كلامه الي احمد :ينفع لحظه
احمد :اكيد
وقامت من كراسيهما واتجها الي مكان قريب من ساره ولكنها لا تستطيع سماعهم
مازن : انت عارف انو لو كان حد تاني انا مكنتش هخليك تنزل معاها الكافتيريا انا بس علشان بثق فيك حتي قبل ما اعرف انك اخوها
احمد :والله مانا عارف بتثق فيا ولالاده انت هرتني ضرب فوق
مازن بجديه :مينفعش ساره تسيب البيت أساسا لأنها متراقبه والمره اللي فاتت حولو يخطفوها وفعلا كانو هيخطفوها وانا مشدد عليها حراسه في البيت بس زي مانت شايف كدا هربت منهم وجت لوحدها
احمد :يوسف
مازن بتنهيده :اه... هو انت كنت عارف انو بيحبها
احمد :اه عرفت صدفه
مازن :بس انا مكنتش اعرف انها اختك
احمد بابتسامه :مانت لو كنت ركزت في الأسماء كنت عرفت ....بص بقي يا مازن انا مش هلاقي لساره إنسان زيك بس انت ضغط عليها كثير وهي لو صممت علي الطلاق يبقي ليها حق
مازن :بس انا مش عايز أطلقها
احمد :أما اصلا مش عايزك تطلقها بس بقولك خليها تيجي معايا يومين ثلاثه وانا هحاول أهديها
مازن :بقولك متراقبه غير كدا انت هتكون في الشغل اليومين دول
احمد بمرح :خلاص هاخذهم اجازه
مازن بحده :الشركه ما بتديش اجازات
احمد :يامازن بقي خلاص ايه ماستهلش يومين علشان مراتك ها
مازن بتنهيده:خلاص هتعدو علي البيت تأخذ هدوم وهعين عليها اربع رجاله وانت لو سبتها لحظه هزعلك وهعدي عليكو باليل علي ماتكون هديت وبكره هاجي اخذها
احمد :لا والله ماتخذها من دلوقتي
مازن :خلاص متفقين
احمد :يامازن استني هو ايه اللي متفقين
لكن مازن كان قد ذهب إلي ساره
اخذها هي وأحمد الي البيت اخذت ساره بعض ملابسها ورحلت مع احمد الي الشقه الخاصه بالعمال في الشركه كانت شقه راقيه وبسيطه وجميله في نفس الوقت
بقيت ساره عند أحمد طوال اليوم واحمد يحاول يهدئها
جلست ساره علي الاريكه بعد أن لبست سويت شيرت بكم وبنطال جينز ورفعت شعرها ديل حصان
ساره :اه والله وحشني اللبس ده اوي الواحد مش عارف يلبس الحجات دي ولا شعري اللي قرب يقع بسبب الطرحه ليل نهار
احمد وهو يعتدل في جلسته:نعم هو ايه اللي ليل نهار
ساره :الطرحه مانا بنام بيها
احمد :لا والله
ساره :اه والله
تنهد احمد :لا بقي المشكله كبيره
ساره :ايوه كبيره وانا مش طالعه من هنا غير علي المطار لبابا فاهم
احمد :ساره اهدي وصدقيني اكيد كل حاجه مازن قالها او عمالها ليها سبب وانتي بنفسك حكتيلي عن مواقف لما بتكون لوحدكو ومش كمان جايبلك التلفون اللي في ايدك ده ده احدث ايفون يابنتي مش فاهمه
ساره بغضب :لا والله وده رايك وبعدين انت بتتكلم علي اساس ايه وبدافع عنو علي اساس ايه وانت لسه شايفو النهارده ها
احمد بتوتر :لا مهو اصل انتي هو
ساره :خلاص خلاص شكلك مغبي حاجه عني بس لو بتحبني بجد ابعدو عني
احمد :يا ساره اهدي بصي خليكي معاه كمان شهر بالضبط لو حصل حاجه ياستي انا اللي هقف قصادو واوعدك اطلقك منو ها ايه رايك وبعدين انتي لسه ماجبتيش ثلاث اسابيع زي ما بتقولي والحياة بيحصل فيها مشاكل في الاول
ساره :يا احمد انا ....
قاطعها رنين هاتف احمد برساله
فتح احمد الهاتف وجده مازن كتب له "انا وصلت وطالع افتحلي"
احمد :تمام
قام احمد بالتصال علي هاتف الموظفين ليقوموا بفتح الباب المبني ثم بعد دقائق سمع صوت الباب يرن
احمد :قومي افتحي
ساره :لا والله البنات هما اللي يقومون يفتحو
احمد :لا الصغيرين هما اللي يقومون ولا عايزه اخوكي الكبير هو اللي يقوم
ساره وهي تقف :طب مين اللي بره يمكن راجل
احمد :اخلصي يا ساره الله يكرمك
قامت ساره ونظرت من العين السحريه رأت مازن
ساره بصوت عالي لاحمد :يا احمد قوم افتح انت ده مازن
مازن من خلف الباب :ماتفتحي انتي مش هاكلك
وافقت ساره وقامت بفتح الباب وهي لاتنظر الي مازن بل تنظر إلي الأرض بغضب واضح
عندما فتح الباب تقدم مازن ثم استند علي الباب وهو يري ساره فقام باتصفير :ايه ده ايه ده هو انتي لازم تكوني مع اخوكي علشان تلبسي اللبس الجامد ده
احمرت وجنتا ساره ولكن حاولت اظهار غضبها وتذكرته عندما كان مع كارمن وصفعيه لها ولكنها لم تغضب بل حزنت وسالت دموعها دون أن تشعر علي خدها
رآها مازن فحزن بشده علي حالها وقرر أن يوافق علي ماتريد لايريدها أن تعاني اكثر وتبكي أكثر تنهد بحزن ودخل
مازن :احمد
احمد :ايه يا برنس انا اهو
دخل مازن وجلس مقابل له
بينما دخلت ساره وكانت ستتجه ناحيه الغرفه
احمد :رايحه فين
ساره :داخله
احمد :لا تعالي
ساره :طيب هلبس عبايه
احمد بصرامه:ساره تعالي ده جوزك
تاففت ساره وذهبت وجلست بجانب احمد
بقي الصمت كثير حتي قاطعه احمد
احمد :هتعملو ايه دلوقتي هتسكتو كثير
لم يجب أحد منهم غير ان ساره ازدادت في البكاء
احمد وهو يحاوط ساره بيده :بص يامازن ساره دي اغلي حد عندي اهد  الدنيا لو حد خلها تنزل دمعه واحد مقالك بقي باشلالات دي ساره اغلي حاجه عندنا في عيلتنا وانت اخذتها بس شكلك مش قادر تحافظ عليها
مازن :الحكايه مش كدا بس انا
احمد وهو يقف :بس انت كل شويه تخليها طعيت بتكلمها باسلوب مش حلو بتكلم بنات عليها ايه يا اخي مش خايف من ربنا
تنهد مازن ثم :بص يا احمد انت عارف اني قدامي حوالي شهر تمام هي بس تستحملني شهر
ساره بصراخ :شهر شهر كلوكو عاملين تقولولي شهر انا مش هستحمل يوم كمان تمام علشان يبقي تضربني تاني كويس وخذ حاجتك اهي وقامت ساره برمي الهاتف ليحاول احمد التقاطه وينجح بذالك
احمد :انتي هبله
ساره :احمد متتدخلش وخلي ياخذو وايضا قامت بخلع الخاتم ووضعه علي الطاوله أمامهم
وعقدت يدها أمام صدرها
نظر مازن الي ساره وصمت ولكن بداخله كلام كثير
فهم احمد الأمر وتظاهر بأنه يأتيه مكالمه مهمه
احمد :انا هستاذن  شويه بس علشان جايلي مكاامه مهمه
وذهب احمد الي غرفه من الغرف واغلق الباب واتصل بالفعل بشخص ما
احمد :ايه رايك نتقابل بكره
ذالك الشخص :تمام اصلا عايز اديك ورق مهم
احمد :تمام مستنيك بكره
أما عند مازن وساره
مازن:ساره انا..
ساره :لو سمحت متتكلمش
مازن بندم :ساره لا لازم نتكلم بصي انا معرفش انا مديت ايدي عليكي ازاي انتي اغلي انسانه علي قلبي
ساره ببكاء :اه اه قعد اتكلم ماده اللي انت بتعرف تعملو تتكلم كلام مش من قلبك وانا للاسف مبقدرش ماصدقش كل كلمه حلو بتقلها بتخليني في سابع سما واي كلمه وحشه بتقلها باتنزلني سابع ارض انا تعبت بجد تعبت انا كمان مقدرش اشوفك مع واحده تانيه انت اول انسان واخر انسان في حياتي 
ابتسم مازن بخفوت :يعني ايه
ساره بصراخ وبكاء مرير :يعني بحبك بحبك من اول مره شفتك فيها من اول ما اضرب نار وانا كنت لابسه لبس الخدمين من ساعتها وانا مبفكرش الا فيك فاكر لما كلمت بابا وماما كويس رغم اني كنت عماله ادايق فيك حسيت أدايه ربي كرمني بزوج حنين عارف كل لما احس انك بتغار عليا بكون هطير من الفرحه عارف انا كمان بغير عليك انت بتغير وبتقفل الدنيا قدامي لكن انا بغير ومبقدرش اعمل حاجه بكون بضطر اشوفك مع البت اللي انت بتحبها بس قلت هستحمل واستحمل وكل ما اكلم حد يقولي اصبري وفعلاصبرت بس لحد انك تضربني وكفايه وعارف كمان اني اصعب حاجه في الدنيا انك تحب حد هو اصلا مش حاسس بيك ومش بيحبك
ابتسم مازن بسعاده وقام وجلس بجانبها وحاوطها بذراعه :طيب وبعد ده كلو لسه عايزه تطلقي ومين قال إنك بتحبي واحد مش حاسس بيكي والطلاق ههو اللي هيريحك
ساره ببكاء وهي تتمسك به :ده هيكون اكثر حاجه هتوجعني بس استحمل الوجع ده ..عن وجع انك تكون مع واحده تانيه قدامي
مازن وهو يمسح دموعها:ششش خلاص ثم نظر لها ساره بصي عايزك تستحمليني شهر كمان شهر واحد كمان بس واوعدك هفهمك تمام
ساره ببكاء :أما مقدرش استحمل
مازن وهو يربط علي كتفها :وانا مقدرش استحمل بعدك عني
نظرت له ساره بذهول
نظر إليها مازن وقال بجديه :انا استحاله اطلقك ولو اخر يوم في حياتي انتي مش بعد ما دخلتي حياتي تطلعي منها كدا انتي بقيتي كل حاجه في حياتي ...ها لسه عايزه تطلقي
ساره ببكاء :انا مش عارفه ليه ديما اصدقك وليه دائما عايزه اكون جنبك
مازن :يعني خلاص
ساره :خلاص
مازن :طب اللبسي الخاتم
ساره :لا انت لبسهوني
ابتسم مازن والبسها الخاتم
مازن :طيب يلا بقي قومي اللبسي
ساره باستغراب وهي تمسح دموعها:ليه
مازن :علشان نروح
ساره :لا ياحبيبي انا خلاص اتنازلت عن الطلاق ماشي إنما انا واحده غضبانه عند اهلها ومش هرجع في نفس اليوم
مازن :هو احمد ده اهلك
ساره :هو مش اهلي كلهم بس واحد منهم
مازن :طيب عايزه ترجعي امتي
ساره :كمان اسبوع
مازن :نعممم لا طبعا ...ساره بقولك ايه متتعبيش قلبي ويلا بقي
ساره بدلال :وليه ان شاء الله قلبك هيتعب
نظر مازن لها بحب :علشان مقدرش اعيش لحظه من غيرك يلا بقي
ساره :لا اخر كلام عندي ثلاث ايام
تنهد مازن :لا بصي اخري الليله دي تقعديها هنا غير كدا لا وانا اصلا متفق مع اخوكي علي كدا
دخل احمد :متفق مع مين ياحبيبي انت قلت متفقين وانا اعترض بس انت اتفقت يبقي بالمنطق كدا انت اتفقت مع نفسك
ساره :شفت يبقي كدا متفقتش
مازن :ممم طب بص يا احمد ساره هترجع معايا بكره
احمد بتكبر :هيبقي افكر
مازن بجديه :ساره ترجع بكره تاخذ بكره اجازه وتقابل  اللي هتقبلو ساره مرجعتش بكره هتكون في الشغل من بكره والجمعه قبعتلك شغل علي الاب
احمد بسرعه :ساره انتي من بكره في بيت جوزك يا حببتي البنت ملهاش الا بيت جوزها
ضحكت ساره علي طريقتهم :خلاص ماشي موافقه ....بس انت هتقابل مين يا احمد
احمد بتوتر :لا مفيش ...وهي دي كمان لحقت توصلك يا مازن
مازن :لا بس توقعت
احمد وهو يتثائب :طب يلا بقي تصبحوا علي خير
ساره :وانت من اهل الخير
دخل احمد
مازن :انا هقوم اروح بقي ..وهيبقي اجي اخذك بكره الصبح
ساره وهي تمسك يده :لا ارجوك
مازن وهو يجلس مره اخري :يعني
ساره بإحراج ووجهها يحمر:يعني خليك معايا النهارده وبكره نروح سوا
نظر إليها مازن وجزبها الي أحضانه وناما هكذا
استيقظ احمد في الصباح ارتدي ملابسه
نظر إلي مازن وساره كانا لا زالا نائمين كما كانا ابتسم  ونزل لمقابله شخص ما
احمد :اهلا اهلا والله غيبه طويله
ذالك الشخص :يلا نتكلم في الشغل علي طول ..خذ الورق ده ده هيدينو ويودي ورا الشمس كمان بس لازم نكمل الخطه للآخر ومتنساش صوت وصوره
احمد وهو يبتسم تمام اوي
      ________________________________
هايحلوين ⁦♥️⁩
البارت خلص
ايه رايكو
البارت الجاي هيكون في أحداث تانيه كثيير وحجات كثير هتتكشف
يلا
السلام عليكم ورحمه الله وبركاته⁦♥️⁩