القدر يجمعنا رغم كل شيء

part 10

بسم الله الرحمن الرحيم
يلا نشوف هديه عمر
Lets go

                    ______________________
انتهي ساره ومازن من الطعام وعادة الي المنزل وجدوه هادي فاتجه كل منهم الي غرفته
حاولت ساره فتح الباب العديد من المرات ولكن دون جدوى
بينما مازن عندما فتح غرفته نظر إليها باستغراب وهو يرفع أحد حاجبيه
نزلت ساره للاسفل للبحث عن هدي لتسالها عن المفتاح
بينما مازن نزل ليسأل والده عما حدث في غرفته
جائهم صوت عمر من خلفهم :ايه معجبتكوش المفاجاه
نظرت ساره إليه باستغراب :مفاجات ايه يا بابا ده الاوضه بتاعتي ماقفوله
بينما أدرك مازن كل شي
عمر :خلاص دي مبقتش اوضتك
ساره بشهقه :يالهوووي هاترموني في الشارع
عمر بابتسامه:هو احنا نقدر .
مازن ببرود :بقي كدا ...طب ليه ده البيت واسع
عمر بابتسامه استفزاز:والأوضاه كمان واسعه وسريرها كبير اوي
ساره بعدم فهم :يابشر انا مش فاهمه حاجه انا مالي بده كلو انا بس اوضتي مقفوله وعايزه مفتحها وهو ايه اللي مبقتش بتاعتي
قام مازن بسحب ساره من يدها والتي بدت متفاجاه ولا تفهم اي شي
بينما ابتسم عمر وعاد الي غرفته
قام مازن بسحب ساره حتي وصلو الي غرفت مازن دخل مازن بينما بقيت ساره في الخارج هذه اول مره تري فيها ساره غرفه مازن
مازن ببرود: هتفضلي بره كثير
ساره بعدم فهم واحراج:هو انا هدخل ليه اصلا انا رايحه اوضتي
مازن بنفاذ صبر :بابا قفل اوضتك وغير الحجات اللي في اوضتي
ساره بغباء :وايه المشكله
مازن بابتسامه غضب :المشكله لا ابد ما فيش هو انتي متاكده انك في هندسه اصل مخك واقف ..بابا عايزنا في اوضه واحده ..ادخلي
ساره بشهقه :اوضه  واحده ليه استغفر الله
مازن ببرود:وهو ايه اللي استغفر الله انتي داخله اوضه واحد من الشارع متدخلي يا ساره
ساره :لا انا هروح واقنع بابا يرجعني لاوضتي
مازن:مش هيوافق ولو عملتي ايه ..وبعدين المفروض نبين أننا متجوزين عادي
زمت  ساره شفتيها وقالت :بس انا هدومي في الاوضه التانيه
مازن :اكيد بابا حطهم هنا في الدولاب دوري عليهم
ساره :ممم.طب انا طالعه انام مع هدي
ذهب مازن اليها وجذبها  من يدها وادخلها واغلق الباب وذهب وأخذ ملابس له وقبل أن يدلف الي الحمام الملحق بالغرفه قال :الاوض فوق لكل خدامه سرير وصغير هتروحي تنامي فين متحرجيهاش معاكي
ودلف مازن الي الحمام وبقيت ساره أمام الباب مصدمه حتي خرج مازن من الحمام 
مازن وهو يجفف شعره :انتي لسه واقفه عندك متقوليش هتنامي كمان عندك
ساره بتوتر :ها لا
ثم اخذت ساره مخده وشي تتخطي بيه
مازن وهو يسحبهم منها:رايحه فين
ساره :هاروح انام علي الكنبه دي
مازن وهو ياخذ المخده واللححاف ويذهب باتجاه الكنبه :لا انا هروح انام هناك
ساره بنفي :لا دي قوضتك انا هنام علي الكنبه
مازن وهو ينام :وهو حد قالك انك متجوزه كيس جوافه ...نامي يا ساره واسكتي
لم تستطع ساره الجدال كانت تريد النوم حتي أنها ابت أن تغير ملابسها لأنها لا تعرف ماذا ترتدي أمام مازن فهو لم يري شعرها وهذا بحسباتها هي
مر عده ساعات علي نومهم حتي استيقظت ساره وهي عطشه للغايه فقامت وفتحت الباب وكانت ستتجه للاسفل استيقظ مازن علي صوت الباب
مازن بنوم:انتي رايحه فين
ساره :نزله اشرب
مازن :نازله فين انتي متعرفيش انو بعد الساعه 12ممنوع النزول
ساره :وده ليه ان شاء الله هو احنا في سجن كلمكوا غريب اوي انا نازله واللي يحصل يحصل انشاء الله اموت مانا كداكدا هموت من العطش
وكانت تهم بالنزول حين أوقفها مازن
مازن :انا نازل اقعدي انتي
ساره :طب يلا بسرعه علشان عطشانه اوي
مازن :وكمان بتتامري قعدي واسكتي
ونزل مازن للاسفل وهو يتلفت لليمين واليسار
بينما تبعته ساره وهي مستغربه من منظره
نزل مازن للاسفل وأخرج زجاجه مياه ونظر خلفه وجد ساره
مازن :انتي هبله بتعملي ايه هنا
ساره :الله يخربيتك خضتيني
مازن :وانا اللي خضيتك اللي جابك هنا
ساره :مانا كنت نازله وراك ايه المشكله يعني وبعدين انت نازل تتسحب كدا ليه
فزعا حين سمعا صوت يأتي من الخلف
عمر وهو في قمه غضبه :بتعملوا ايه في الساعه دي
ساره بفزع تحاول أن تمتص غضب عمر الذي يكون بارد طوال الوقت :ه اصل يابابا يا حبيبي انا كنت عطشانه وكدا ...
قاطعها عمر :وانتي متعرفيش أن ممنوع تطلعي بعد 12
ساره :يوووو يخربيت 12 ايوه كنت عارفه بس انا معرفش ليه واشمعنا 12 بقولكوا ايه انا مليش دعوه بالكلام ده انت وابنك حرين مع بعض يلا تصبحوا علي خير
مازن :هو ايه اللي انت وابنك حرين هو مش انا نازل علشانك اصلا يلا يابابا معلش استحملها انت اللي جابها انا طالع انام بقي تصبح علي خير
عمر :لا والله طالعين تنامو لا ده السهره معانا للصبح
ساره وهي تبتلع ريقها :يالهووي تعذيب للصبح
عمر :لا تعالو ورايا
ساره :حاضر
وذهب مازن وساره خلف عمر وهي في قمه خوفها بينما يبدو علي مازن البرود
همست ساره له:انت مش خايف
مازن ببرود:واخاف ليه
ساره :تخاف ليه ..يخربيت برودك يا شيخ
مازن :بتقول حاجه
ساره :ها لا ولا حاجه
وصلو الي غرفه المعيشه
ساره باستغراب :احنا بنعمل ايه هنا
عمر :هنقعد للصبح
مازن :هو ايه اللي للصبح
عمر :ادخلوا وانت ساكتين
دخلو الي الغرفه وجلسوا قليلا
ساره بتردد :بابا هو يعني احنا بنعمل ايه هنا انا افتكرت..في اوضه تعذيب ولا حاجه
عمر :انتو صحتوني بصتكو خلاص هتفضلو صاحين معايا
ساره بعدم فهم:مش فاهمه ولا كلمه
عمر بتنهيده :انا بعد موت جميله مبقتش بعرف انام الا ما ابقي قلقان فقولت محدش يطلع بره الاوضه بعد 12 لاني بصحي من اي صوت واستحالة انام تاني
ساره:ااااه بقي كدا ...امال الراجل الغلبان اللي كان صحي مره ومتشفش تاني
عمر بتذكر :ممم اصدك الراجل ده اه ده انا رقيتو لما عرفت ان اخذ محاسبه والظروف جابتو هنا فوديتو محاسب في شركه اللي في مصر علشان هو مابيعرفش يتكلم انجليزي والا كنت وديتو شركه انجلترا
ساره بابتسامه صافيه :انا كدا احترمتك أكثر
ابتسم عمر:وعلفكره حكايه 12دي انا مبتدققش عليها بس اللي يطلع يكون صوتو واطي والا هيقعد معايا للصبح
وكل هذا ومازن يراقب بصمت وينظر الي ساره نظرات غامضه يغلفها الحزن والندم والشوق لمحت ساره نظرته فشعرت بحرج شديد وقامت
عمر :رايحه فين
ساره :هروح المطبخ وراجعه حالا
عمر :تمام متتاخريش
بعد رحيل ساره نظر عمر الي مازن وقال:ايه مش قادر تبعد عينك عنها
نظر إليه مازن ولم يجب
عمر بتنهيده :سيبك بقي من القديم وخليك مع ساره هيا احسن كثير وكمان هتفهمك وتشيل معاك
مازن :لوسمحت متتدخلش في حياتي أكثر من كدا انت جبتلي ساره وانا وافقت علشان محرجكش لكن أكثر من كدا مش هقبل انك تتدخل
تنهد عمر وصمت
بينما في المطبخ قامت ساره بإعداد ثلاث اكواب من الحليب ورأت بعض الكوكيز فاحضرته وذهبت حيث يجلسون
ساره :اتفضل يابابا اللبن هيخليك تنام
عمر بابتسامه :شكرا
ساره بابتسامه :اتفضل يا مازن
أخذ منها مازن الكوب ونظر باتجاه الآخر
وفي النهايه بقي معا حوالي ساعه يتجادلون ويتحدثون حتي اذن الفجر فصلوا  واخيرا شعر عمر بنعاس فاستسلموا جميعا للنوم
في الصباح استيقظت ساره وهي ناسيه تماما أنها ليست في غرفتها
ساره وهي تمديدها للامام :يااه كان نوم ثم سمعت صوت بابا يفتح ماكان الا باب الحمام الذي خرج منه مازن وهو ينشف شعره ولا يلبس الا بنطال لونه اسود
ساره بشهقه وهي ترمي عليه وساده :انت بتعمل ايه يا قليل الادب اطلع بره الاوضه بتاعتي ووضعت يدها علي عينها
مازن ببرود:دي اوضتنا احنا الاثنين علي فكره
وهنا تذكرت ساره ما حدث بالأمس
ساره :اه صحيح ...طب خلص اللبس حاجه بسرعه
مازن وهو يخرج من الغرفه :انا لبست علي فكره ونازل
تنهدت ساره بارتياح بعد أن أغلق الباب وقامت واتجهت الدولاب ووجدت جميع ملابسها موجوده هناك فأخذت بعضها واتجهت الي الحمام اغتسلت وارتدت ملابسها ونزلت الي الاسفل رأت الجميع يعملون
اتجهت ساره الي الحديقه الاماميه رأت أن مروان وعمر لم يذهب الي الشركه ورأت بجانبهم مازن ثم رأت طارق يدخل ومعه فتاه في غايه الجمال وملابسها واسعه كانت ترتدي فستان واسع وحجاب طويل نسبيا
دخلت تلك الفتاه مسرعه
سمر وهي تحتضن مروان :وحشني اوي اوي يا مارو
مروان وهو يبادلها الاحتضان :وانتي اكثر
ثم ابتعدت عنه فجاه وضربته بقوه علي كتفه
مروان وهو يضع يده علي كتفه  :اه طب ليه كدا
سمر :ده علشان انت رجعت من السفر ومجتش تسلم عليا
مروان :المفروض الي راجع هو اللي يجي ولا القاعد
سمر:وانا اعمل ايه يعني بابا مكنش راضي انت بقي المفروض كنت تيجي وبعدين موحشتكش
مروان بابتسامه :وحشتنيني والله
ابتسمت له سمر ثم ابتعدت عنه واحتضنت مازن
سمر :عامل ايه يا عريس وحشني
مازن وهو يبادلها الاحتضان :عريس ايه بس معدي اسبوعين ..وانتي وحشاني أكثر
وكل هذا وساره تنظر لهم باستغراب شديد ماذا يفعل هؤلاء كيف يحتضنوها هكذا
التفتت لها سمر ولاحظتها وقفزت عليها تحتضنها
سمر :ازيك يا عروسه عامله ايه
ساره باستغراب لكنها بادلتها الاحتضان :الحمد لله
عمر :يلا احنا يطارق ...ساره خلي بالك من سمر احنا رايحين شويه بسرعه وجابين
ساره :في عنيا يابابا متقلقش
عمر :يلا يامروان
مروان :يلا ايه انا قاعد مع سموره حبيبتي
عمر بصوت عالي :مروان
مروان : وراك ياباشا ...ثم اخفض صوته قليلا هو ايه كل بيعاملني كدا بأوامر ولا كاني خدامهم
نظرت إليه ساره وسمر وابتسما
مازن :مروان متنساش تجيب رامي معاك
تغير وجه سمر عند ذكر رامي لكن سرعان ما عادت لطبيعتها
مروان :حاضر هجيبو
رحل كل من مروان عمر طارق الي الشركه بينما مازن ذهب بسيارته ولا يعرف احد اين ذهب
نظرت ساره لسمر :انا عرفت ان حضرتك اسمك سمر
سمر وهي تعقد حجباها :حضرتك ايه ده انا يدوب 27سنه يعني تقوليلي سمر سيمو سموره اي حاجه يعني
ساره بابتسامه :حاضر ياسيمو
ثم أضافت ساره بتوتر وهي تفرق يدها :هو..انتي...كنتي بتحضنيهم ازاي مش حرام
سمر بضحك :الله الله بداتي تغيري
خفضت ساره بصرها بحرج ثم قالت بصوت يكاد يسمع :لا مش كدا اص ...
سمر بابتسامه :خلاص خلاص ايه الطماطم دي انا هقولك نبدا التعريف من الاول انا سمر طارق بابا صاحب عمو عمر من زمان من اول مشتغل في الشركه ماما صاحبه طنط جميله الله يرحمها ماما رضعت مازن وطنط جميله رضعتني وبكدا بقيت اختو في الرضاعه فهمتي
ساره بابتسامه :ايوه
سمر :خلاص بقي يلا نقعد انا رجلي وقفت خالص
ساره :يلا
وذهبو وجلسوا في الحديقه الخلفيه
              ________________________
أما عند يوسف لم يستطع النوم طوال الليل وبقي يبكي ويندب حظه
استيقظ امير :اعوذ بالله انت مين
يوسف :بطل هزار هو ايه اللي انت مين
امير وهو يفرق عينه :ايه ده مش معقول هو ده استاذ يوسف هو ايه اللي حصل انت من ساعت ماجيت امبارح ما اتكلمتش
يوسف بصوت مخنوق:س..ساره
امير باستغراب:مالها
يوسف :اتجوزت
امير بضحك :الف مبروك لحقت تتجوزها ماكنت تعزمني حتي وهو ده اللي مخليك زعالان متروح لحببتك وتعيش حياتك
يوسف بصراخ :متجوزتنيش انا اتجوزت اكثر واحد بكرهه
امير وهو يعقد حاجبيه:مين
يوسف بوهم :مازن
نظر إليه امير بأعين متسعه :ازاي وامتي هو مش انت علطول مراقبها
يوسف :لما جت انجلترا كانت علشان تتجوزو
ابتسم امير ابتسامه بارده :كدا تمام
يوسف بغضب وهو يقوم ويمسك امير من ياقت قميصه :هو ايه اللي كدا تمام وايه البرود ده
امير وهو. يبعده عنه :اهدي ياعم شويه أنا قصدي انك كدا كرهتو عايزها بقي خلينا نخلص من مازن
نظر إليه يوسف مطولا :طيب تمام ..هنخلص منو
          ________________________
أما مازن الذي ذهب ولم يعرف احد اين ذهب توقف بسيارته أمام بيت ضخم ونزل من السياره وكان هناك فتاه في انتظاره رحبت به وامسكت يده ودخلا المنزل
كارمن :ايه ما زوومه في حاجه
مازن :لا ابدا بس انتي كنتي وحشاني ...مش عوزاني اجي ولا ايه
كارمن بفرح :لا طبعا ده انا مبسوطه اوي
كريمه والده كارمن
كريمه :ايه ياكارمه الدوشه دي معاكي حد
كارمن :اه ياماما معايا مازن
مازن :هاي يا طنط
كريمه بحزن :طنط بردو ..هو انت ليك عين
مازن :سوري يا طنط والله مااتزعليش  بس خلاص هانت وتطلع اللي انا مخصوب عليها دي واتجوز كارمه حبيبه قلبي
نظرت إليه كارمن بفرح بينما كريمه قالت:اوك مازن
ذهبت كارمن ومازن للجلوس في الصالون دخلت فتاه بسرع وتقول :كوكو انتي فين  نظر لها مازن فنظرت له الفتاه وركضت بسرعه للخارج
مازن لنفسه :البت دي شبه تسنيم ولا انا بيتهيالي
كارمن :في ايه يا مازن
مازن:لا ابدا مافيش
تسنيم وهي بالخارج كانت تنهج بشده :يارب ما يكون عرفني يارب
  جلس مازن مع كارمن قليلا ثم رحل
             _________________________
أما عند ساره وسمر
جلسوا قليلا في الحديقه يتعارفون
سمر :وانتي بقي يساره خريجه ايه
ساره :انا رايحه سنه رابعه هندسه
سمر :بجد طب عندك كام سنه
ساره :20
سمر :ايه انتي صغيره اوي انتي داخل بدري
ساره :مش بدري اوي لما الدراسه تدخل هكون 21سنه يعني كدا داخله بدري سنه بس
سمر :ليه هو عيد ميلادك امتي
ساره: 11/5
سمر :ممم حداشر مازن عيد ميلاده 9/1
ساره :ايه ده بجد واحد تسعه ما كنتش  اعرف ده كمان شهر ونص
سمر وهي تضع يدها علي خدها :وهو مقلكيش
هزت ساره رأسها نافيه
سمر بشك :مممم ساره هو انتي بتحبي مازن
ساره بتوتر :وليه بس السوال ده
سمر بتصميم :جاوبي
ساره بتوتر وهي تفرك يدها :مازن ده طيب وجدع وحلو اوي و..
سمر :خلاص خلاص انتي بتعديل صفاته يلا بقي فضفضي
ساره باستغراب:افضفض ايه
سمر بمرح :يلا يابت انا قد امك وعايشه في الدنيا اكثر منك وخبرتي واسعه ثم أضافت بجديه :وعارفه انك مخبيه  حاجه وانك زعلانه من مازن كمان وفي مشاكل
ساره بتوتر :ياسلام وعرفتي ده كلو ازاي
سمر :ازاي ده كل حاجه باينه بابا رفض يجبني وكل لما اقولو يتهرب مني استنتجت أن الجو  كان مولع ده غير أن مازن كان بيحب كارمن وكمان سمعت بابا في التلفون بيقول ربنا يهديهم عرفت ان في حاجه ..يلا يا ساره انا زي اختك الكبيره
قامت ساره باخبارها أنها كانت في غرفه وهو في اخري وأنها كانت تلبس لباس الخدم وهو لا يعرفها وإن مروان ومازن تقدموا لها وأنها ظنت أنه يحبها ولكن سرعان ما أهانها وجلب حبيبته الي البيت ومقابله يوسف لها ولمازن اخبرت سمر بكل شىء لانها ارتحت لها وايضا هي كانت تريد أن ترمي ببعض ماتحمله
ظلت سمر صامته حتي انهت ورأت الدموع في أعين ساره تنهدت سمر :مكنتش اعرف ان الموضوع اوي كدا انا افتكرت كمان نسي ست كارمن دي بس شكلو لا
ساره بدموع :طيب اعمل ايه
سمر :امسكي في بايدك واسنانك
ساره :ايه ده بدل ما تقوليلي تطلقي
سمر :بعد الشر بعد الشر طلاق ايه بس استهدي بالله بصي ياساره الحياه في الاول لازم هيكون فيها مشاكل محدش بيبداها سامنه علي عسل الاول لازم هيكون في مشاكل والشاطره هي اللي تستحمل الفتره الاولي في الجواز لأنها اصعب فتره وهي سبب طلاق أكثر البنات
ساره :يستحملو في كل الحالات اللي حالتي
سمر :ومالها حالتك بس ساره هسالك نفس السؤال تاني بتحبي مازن
ساره :يعني انا مش بكرهه بس بكره تصرفاتو وبحس بقلبي بيوجعني لما يقول كلمه وحشه عني أو لما يقعد مع البت اللي كانت هنا وبحس بفرحه رهيبه لو حسيت انو بيغار عليا أو خايف عليا
سمر بابتسامه :يبقي بتحبي ياهبله
ساره :هو انا ليه حاسه اني سمعت الكلام ده قبل كدا التلاقي بردو مريم قالتهولي
سمر :مين مريم
ساره :دي صحبتي هيبقي اعرفك عليها
سمر :تمام ....بصي بقي من اللي انتي حكيتيه انا بقول أن مازن بيحبك
فتحت ساره عينيها وقالت:طب ازاي
سمر :هو كدا كل التصرفات اللي عملها تقول كدا وانتي بقي متبقيش هبله وتخربي علي نفسك انتي بقي تسبقي الحربايه دي بخطوه
ساره :ازاي
سمر بتفكير :ممم  عيد ميلاد مازن كمان شهر ونص زي  مقلنا جبيلو هديه
ساره :زي ايه
سمر بتفكير :الهدايه الي بتشتريها مش بيكون ليها ذكري كدا بقولك انتي بتعرفي تعملي تركو أو كروشي
ساره : يعني ماشيه في الكروشيه شويه
سمر بابتسامه :تمام اوي اعمليلو بلوفر صوف كدا كدا الشتا داخل والجو بيبقي برد اوي
ساره بتفكير:مش عارفه انا هعرف اعملها اصلا ولا لا
سمر :انا بعرف اشتغل كويس وهساعدك لو عزتي حاجه
ابتسمت ساره :إذا كان كدا ماشي
وبعد ذالك اتي مازن وذهب إليهم
مازن لسمر وساره :هو بابا ومروان وباباكي لسه مجوش
سمر بصدمه :انت قولت ايه
مازن وهو يرفع أحد حاجبيه:قولت بابا ومروان وبباكي لسه مجوش
سمر :انا عمري ما اسمعتك بتقول بابا علطول ارفني عمر باشا عمر باشا في ايه والله والجواز غيرك يا عريس
نظر إليها مازن بتهديد حتي لا تناديه عريس مره اخري ونظرت إليها ساره مانبه  لأنها تعرف كل ما بينهم ومع ذالك تتعمد اظهار الجهل
ثم بعد ذالك اتي عمر وطارق ومروان جلب معه رامي بقي عمر وطارق في الحديقه الخلفيه بينما ذهب مروان ورامي اللي الحديقه الخلفيه
رامي :السلام عليكم
الجميع :وعليكم السلام
رامي :ازيك يا انسه سمر
سمر بابتسامه :تمام الحمد لله وانت عامله ايه
رامي وهو يبادلها الابتسام :الحمد لله ثم وجه نظره الي ساره :ازيك يا انسه ساره
نظر إليه مازن بحده
رامي :اقصد يامدام ساره
ولكن حده أعين مازن لم تتغير فظن رامي أنه أخطأ
رامي :خلاص خلاص ازيك يا حجه قصد يا طنط اقصد ااااه معرفش
ضحك الجميع عليه
ساره :خلاص خلاص ولا يهمك اي حاجه
ثم دخلو الي الداخل وجلسوا علي السفره ترأسها عمر وعلي يمينه مازن وتجلس بجواره ساره وبجوارها سمر
وعلي اليساره طارق ومروان ورامي بداو تناول طعام ولاحظت ساره نظرات سمر بين الحين والآخر الي رامي فهمست لها ساره :ايه ده هو القمر واقع فين غض البصر
سمر :والله غصب عني انا خلاص زهقت ...استغفر الله خلاص
وانتهي اليوم علي خير صعدت ساره الي الغرفه قبل مازن فجاءها اتصال فأجابت
ساره :ازيك يا حبيبي عامل ايه
........
ساره :وحشنني اوي
..........
ساره :خلاص بقي اسفه يا قلبي ياروحي خلاص سماح المره دي
استمع مازن الذي كان يقف امام الباب الي كل كلامها ولكنه لا يعرف من يحدثها ظن أنه يوسف وأنها تعتذر له عما  فعله به كان وصل إلي أقصي حدوده دخل الغرفه مسرعا و .....
_______________________________
ها يا حلوين 😘
البارت خلص
ايه رايكوا
اسفه علي التاخير
استنونا البارت الجاي
السلام عليكم ⁦♥️⁩