القدر يجمعنا رغم كل شيء

part 8

بسم الله الرحمن الرحيم
يلا نكمل
Lets go
ساره بدموع :ارجوكم يلا ادخلوا ..علي فكره ماما جميله هتبقا زعلانه لما تبقوا كلكم متفرقين كدا هيه هتحب تعملو زي ما كانت بتعمل معاكو
عمر بتنهيده وهو يدخل ليترأس السفره :يلا ادخلوا
دخل كل منهم وهم لا يصدقون أنهم هنا بعد 5سنوات
بداو في تناول الطعام
ساره :بابا لو سمحت لو ينفع ناكل هنا كل يوم
عمر :مفيش مشكله
مروان :بس
ساره :بس ايه علي فكره لما تأكلوا سوا هيبقا في طرابط في العيله بدل ما كل واحد فيكوا في حته
اوما مروان باستسلام وقال ليتعمد أن يغيظ مازن:خلاص بدامه هشوفك
نظر إليه مازن ببرود عكس ما في داخله من براكين
ثم صمت قليلا وسأل :ساره ...
قطع صوته مازن وهو يقول :متقولش ساره قول مدام
ساره وهي تنظر لمروان :سيبك منو وقول ساره ايه مدام دي حاسه اني عندي عيلين ثلاثه
مازن ببرود:هو ايه اللي سيبك منو
ساره وهي تتجاهله : ها يمروان كنت بتقول ايه
مروان :كنت عايز اسالك انتي معاكي ايه
ساره :معايا في الجامعه يعني معايا ...اه انا رايحه رابعه هندسه
مروان بذهول :مشاء الله ...زي انا و مازن
ساره :مشاء الله انت الاثنين
مروان :بابا معاه هندسه وفتح الشركه فخلانها كلنا ندخل هندسه علي شان يشغلنا فيها
كل هذا ومازن يشعر بالغضب الشديد
مروان :امال انتي دخلتي هندسه ليه
ساره :هو الصراحه يعني انا مكنتش عايزه هندسه دي ابدا وكنت عايزه ادخل علم علوم واطلع تكتوره بس اخويا الكبير اخد هندسه وقعد يقنعني بيها وانا اصلا كنت شاطره في الرياضه فدخلت علم رياضه وأخذت هندسه
مروان :مممم طب عندك كام سنه
ساره :20سنه
مروان بصدمه :عششررررين بس ده انتي اصغر من مازن بكثير
ساره بصدمه :والله ليه ماازن عندوو أربعين
مروان بضحك :لا مش لدرجادي دي يدوب :خمسه وخمسين
ساره وهي تنظر لمازن بصدمه :يلهوووي كل ده يا ميله بختك يا ساره متجوزه واحد اكبر من ابوكي
وكل هذا كان مزاح يتماشون فيه لاغاظه مازن
عمر بضحك خفيف :هه انا نفسي لسه ما جبتش خمسه وخمسين
ساره بابتسامه :انت باين عليك شباب يبابا ده اللي يشوفك يقول اخوهم مش ابوهم
عمر بابتسامه :ماشي ثبتيني ثبتيني
ساره :طيب مازن عندو كام سنه كدا طيب
مازن :ليه لو طلعت كبير هتخلعيني وتتجوزي واحد اصغر
مروان وهو يتجاهله:عندو 28
ساره :واو كبير ...اكبررمني ب 8سنين...وانت يمروان
مروان :انا عندي 23
ساره :انت كدا اكبر مني ب 3سنين بس كويس
مازن وقد فاض به الكيل وهو يرمي ما في يده ويقف :هو ايه اللي كويس
ساره :بقول يعني كويس قريب من سني نفهم بعض
مازن :مروان علي فكره انت اتاخرت علي الشركه ولا ايه يا عمر باشا
ساره وهي تقف :مروان متاخرش علي الشركه الساعه لسه سبعه وربع ومتقولش عمر باشا قول بابا
مازن :ملكيش في انا حر
ثم صرخ في مروان :يلا يا مروان
مروان وهو يقف :طيب خلاص
عمر وهو يقف :الحمد لله
وغادر الاثنين علي الشركه
بينما شعرت ساره بالغضب من مازن ودخلت الي غرفتها اتصلت بمريم
ساره :السلام عليكم
مريم : وعليكم السلام
ساره :بصي يا مريم ..........وحكت كل ما حصل معها مع مازن ومروان واكتشاف مازن لها وتقدم مروان ومازن وموقف السفره
مريم:انتي غلطانه
ساره :هو ايه اللي غلطانه ده انا كنت بتكلم عادي والله ومروان خلاص بقي اخويا وهو يستاهل علشان بيتعامل ببرود وكمان علشان ميعرفش شكل مراتو وهو اصلا مابيحبنيش
مريم :حتي ولو بس انتي عارفه ان مروان كان بيفكر فيكي ازي فغلط كدا وهو جوزك افرضي لو حتي مش بيحبك بس هو جوزك وانتي مراتو هيكون بيغار عليكي وبعدين هو اتقدملك لما كنتي عامله خدامه مش ده معناه انه بيحبك وبعدين انتي اللي ديما تقوليلي غضي بصرك تعملي كدا
ساره :ممممم ممكن يكون بيحبني بس هو مجاش اطمن عليا لما كنت تعبانه
مريم :مش قولتي انو هو اللي شالك كفايه عليكي انو مخلاش حد يشيلك الاهو صح
ساره :اه
مريم :يلا بقي روحي صالحيه
ساره بتنهيده:حاضر طب هصالحوا ازاي
مريم :ياستي اي حاجه قومي اعمليلي صنيه كيكه بالشكولاته من كيكاتك الجميله ..اااااه وحشاني اوي الكيكه بتاعتك
ساره بضحك :اول ما اجي مصر هعملك واحده ..هقفل بقي علشان اروح اعمل كيكه يلا سلام
مريم :طيب سلام ويبقي طمنيني
ساره :ماشي ان شاء الله
ونزلت ساره مسرعه وجدت خادمه شابه هي لا تعرف اسمها ولكن تبدو جميله ولكن ساره لم ترتح لها
سمعت مني تقول تسنيم يا تسنيم
فأجابها تلك الفتاه فعلمت ساره ان اسمها تسنيم
مني :تسنيم عليكي اوضه السفره
تسنيم :تمام يا مدام مني
وغادرت تسنيم
ساره :طنط مني
مني بهدوء :مدام مني مش طنط
ساره بسرعة :حاضر يمدام مني مش طنط فين مازن
مني بهدوء :مازن بيه في الجنينه اللي ورا
ساره :وانتي بتقوليلو بيه ليه انتي أكبر منو
مني بهدوء بدء يغختل :دي القواعد ساره هانم
ساره :لا لا متهمنيش القواعد بلاش ساره هانم دي بصي بقي انا عايزه ادخل اعمل كيكه في الفرن ينفع
مني بتنهيده :اه ينفع المطبخ فاضي دلوقتي
ساره :طب الحمد لله انا داخله ودخلت ساره مسرعه الي المطبخ وبدات في عمل الكيكه ووضعها في الفرن وبدأت تعمل الصوص حتي اتتها هدي تحمل هاتفها مسرعه وهاتفها يرن
هدي وهي تنهج:التلفون رن وانا بروق الاوضه
ساره وهي تأخذها منها :شكرا
رأت ساره اسم والدها فابتسمت
محمود : السلام عليكم
ساره :وعليكم السلام ورحمه الله وبركاته
محمود :ازيك يا ساره عامله ايه
ساره :الحمد لله يابابا بالف خير انتو عاملين ايه
محمود: الحمد لله
ساره :امال انت فين
محمود :انا في البيت وامك كانت عايزه تطمن عليكي
ساره :ايه ده انت مرحتش الشغل النهارده
محمود :لا مرحتش مريح النهارده
ساره :اه بقي يا عم حمزه في الدروس والامتحانات وانا مسافره عشلك شويه
محمود :عيب يا بت...امال صحيح بقالك من ساعه مكلمتينا ما اتلصلتيش
ساره :معلش يابابا كنت مشغوله
محمود :اه بقي ياعم
ساره في نفسهاياعم ايه بس انا كنت تعبانه الراجل فهم غلط ثم قالت :ماما عامله ايه عايزه اكلمها
محمود بضحك :دي من ساعت مارنيت و هي عماله تحاول تنتشر مني التلفون شاكلك حاسه بيها خديها اهيه
مروه :ازيك يا ساره عامله ايه
ساره:الحمد لله
مروه :مازن عامل ايه كويس معاكي بيعاملك حلو
ساره:مازن كويس ياماما متخافيش وبيعاملني احسن معامله
محمود وهو ياخذ منها التلفون :متدهولنا نكلموا مكلمنهوش المره اللي فاتت هو مش جانبك
ساره بتردد فهي لا تريد أن يتحدث والدها مع مازن خوفا من أن لايحسن مازن الكلام معهم أو يرفض أن يكلمهم
محمود :يا ساره معايا
ساره :اه اه معاك يابابا اصل مازن قاعد في الجنينه اللي بره وانا جوه الفيله
محمود :ليه خير مش قاعده معاه ليه متخانقين
ساره :لا لا يبابا بعد الشر خناق ايه ده انا بس بعملو كيكه في المطبخ
محمود :اه...طب ماتحولي تروحيلو عايز اكلموا اطمن عليه
ساره باستسلام :حاضر يابابا خليك معايا ثواني
وخرجت ساره مسرعه الي الحديقه الخلفيه كان مازن يعمل علي الاب توب ولاحظ دخولها ولكن لم ينظر لها
ساره وهي تقف أمامه بتردد دون أن تنظر له وهي تمسك الهاتف:.مم ....مازن ب..بابا ...عايز يكلمك
نظر إليها مازن وسحب الهاتف منها بقوه فزعت لها ساره ووضعت يدها علي قلبها تتنفس بصعوبه شعرت بالخوف الشديد من حديثه مع والداها كيف سيكون بالطبع سيكون قاسي وربما يخبرهم بعلاقتها معه وعلاقته معها ظلت خائفه أن يحرج والداها ماذا تفعل اتاخذ الهاتف منه ام ماذا تفعل اغمضت عيناها في انتظار أن يصرخ في والدها أو اي شيء ثم فتحت عيناها بصدمه حين سمعت ما قاله مازن
مازن :السلام عليكم ازيك يا عمي عامل ايه
محمود بابتسامه :الحمد لله يابني انتو عاملين ايه
مازن :احنا تمام الحمد لله
اخذت مروه الهاتف من محمود
مروه :ازيك يا مازن عامل ايه
مازن بابتسامه :الحمد الله ياماما
شهقت ساره يا ايه
مروه :عامل ايه مع الهبله اللي عندك انا عرفاها مجنونه حبتين بس طيبه وانا متاكده أنها بتحبك كل كلامها خير عليك وبتتكلم بصوت انا عرفاه ده حب والله خليي بالك منها
مازن وهو ينظر لساره اهي حقا تحبه ما هذا :في عيني يا ماما متخافيش
ساره وهي تاخذ منه الهاتف سمعت مروه تقول ربنا يخليك ي حبيبي ويسعدك يا رب
ساره وهي تجلس بجوار مازن :هو ايه اللي يا حبيبي هو يقولك يا ماما وانتي يا حبيبي انا هغير كدا وبعدين فينك يا بابا اللحق
محمود وهو ياخذ الهاتف ويضحك :لا معلش كدا كثير امال سبتولي ايه لما تقولو يا حببتي يلا سلام انا اصلا غلطان ثم همس لساره :يلا يا عم روق وشوفلك يومين انا هقفل بقي
ساره بابتسامه :ماشي يابابا سلام
ثم أغلقت الهاتف ووقفت ونظرت الي مازن بدموع وقالت :م..مازن شكرا ليك...يعني أنك كلمتهم حلو وكدا
مازن دون أن ينظر لها :هما ملهومش ذنب وناس طيبه وانا بعتبرهم اهلي
ساره بصوت مخنوق بسبب الدموع :م..مازن ...ا..انا...اسفه
مازن بسخريه دون ان ينظر لها :اسفه علي ايه
ساره :اسفه ...علي ..الصبح
مازن وهو ينظر الي عينيها ويجدها ملئه بالدموع:وهو ده كان ينفع
ساره وهي تحاول أن تبدو قويه :انا بس كنت بحاول..اغيظك ...وكدا ...ولقيت الكلام ماشي بيجر بعضوا...ووالله انا اصلا بعتبر مروان اخويا
مازن :ماكنش ينفع تعملي كدا وانتي عارفه انو بيفكر فيكي ازاي
ساره ببكاء :انا اسفه انا عارفه اني غلط
مازن بتنهيده وهو يبعد نظره عنها :وبالنسبه لموضوع السن
حسنا مازن شعر باضيق للحديث عن السن لم يرد منها أن تكرهه لانه اكبر منها واخوه اقرب لها باسن خشي أن تميل له ولكن هذا هذا ليس ذنبه وأيضا تفاجأ بأنها صغيره حسنا يبدو عليها هذا ولكنه ظن أن والده سيختار فتاه في نفس العمر أو أصغر بقليل
ساره بنفي وتحرك يدها ودموعها تتساقط :والله ابدا مايفرق معايا وانا ديما كنت بتمني اتجوز واحد اكبر مني بعشر سنين بس انت اصغر من كدا وكمان الحب مفهوش سن
نظر إليها مازن وهو عاقد حاجبيه
ساره  :قصدي ...قصدي يعني السن ميفرقش
ابعد مازن نظره عنها كان يظن أنها ستعترف ليه اووف حسنا
ساره بدموع وترقب :يعني انت سامحتني
نظر إليها مازن ولم يجب
بدات دموع ساره تنهمربقوه
مازن بتنهيده :خلاص خلاص متعيطيش هسامحك بشرط
ساره بابتسامه وهي توما براسها بشده :اتفضل اتشرط براحتك يا زوجي العزيز
رفع مازن أحد حاجبيه :اديكي قولتي زوجي والمفروض الواحده تسمع كلام زوجها وانا بقي شرطي انك متطلعيش من اوضتك ابدا الا لما اكون موجود
ساره :ايييه ده ليه ان شاء الله
مازن :هو ده شرطي
كانت ساره ستجيب ولكن تفاجاو بدخان كثيف يخرح من الفيله ففزعو كثير وجرو نحو الفيله
دلفو الي المطبخ وجدو وجه مني اسود بسبب الدخان
وتصرخ :ساااااره هااانم
ساره :هههههه ايه ده عفريت هههه ايه يا طنط مني  ده وبعدين قلت ساره بس
مني بصراخ :وانا قلت مدام مني مش طنط مني
استغرب جميع الخدم الذين تجمعوا علي الدخان واستغرب مازن كثير فهذه أول مره يري فيها مني غاضبه هكذا
ساره بإستغراب :هو ايه اللي اتحرق
مني بصراخ :الكيكه اللي ياريتني ما خليتك تعمليها
ساره بصراخ وهي تجري علي الفرن: يالهووووي الكيكه
ثم اخرجتها ونظرت لها بحسره وقالت :طب الحمد لله كدا مش محتاجه صوص
انفجر الجميع ضاحكين حتي أن مازن لم يستطع كتم ضحكه خفيفه علي وجهه
مني بصراخ وهي تنظر الخدم المنهارين من الضحك :يلا كلو الي شغلو
فزع الخدم من مني الغاضبه وغادرو مسرعين
نظر مازن الي ساره التي تنظر إلي الكيكه بحزن :هو انتي كنتي بتعملي كيكه ليه اصلا
ساره وهي تنظر اليه بخجل :كنت عايزه...أصلحك بيها يعني وكدا
مازن :دي كيكه بالايه
ساره :بالشكولاته بس حاليا بالفحم
مازن بابتسامه :انا بحب كيكه الشوكولاته
ساره بفرح :بجد طيب هعملكواحده تانيه حالا
مني :ابدا ولا يحصل ولا تدخلي المطبخ تاني اصلا
نظرت إليها ساره وضمت يدها علي صدرها بحزن:ممممم
مازن لمني :مني خليها تعمل
مني :بس يا مازن بيه لو سبتهاهتولع في الفيله كلها المره دي
مازن :لا متقلقيش انا قاعد قصدها اهو
مني باستسلام:ماشي مازن بيه
وغادرت مني
بقت ساره تعمل الكيكه وتطربها في المطرب وتضيف عليها الدقيق ومازن ينظر لها ولا ينزل نظره من عليها وهي تشعر بالحرج الشديد
ساره بإحراج :انت هتفضل قاعد كدا
مازن :اها
ساره :لا روح انت وانا هيبقي اجيبهالك
مازن :وعايزه البيت يولع
ساره بتنهيده :خلاص خليك
ثم وضعتها في الفرن
ساره :مازن يلا نلعب بلاي ستيشن
مازن بصدمه :اييييه
ساره :ايه معندكش بلاي ستيشن
مازن :لا عندي بس انتي بتعرفي تلعبي اصلا
ساره :هههه اه طبعا يلا بقي الكيكه قدامه شويه نقدر نلعب جيم
مازن وهو يشاور لاحد الخدم وجلب له البلاي ستيشن
مازن وهو يركبه علي الشاشه التي في الاسفل:يلا
ساره :يلا
بداو في اللعب وتعادلو في البدايه
ساره :يلا يلا ااااااه هيه هيه جوووون
مازن بهدوء :غبيه الحته دي فاضيه جون
ساره بإحباط: اوووف
وكان مازن سيسجل الهدف التاني حتي سمعت ساره صوت منبه الفرن
ساره وهي تقف :الكيكه ..انا لازم اروح
مازن :ها علشان كنتي هتخسري..حظك
ساره وهي تسير للمطبخ :مكنتش هخسر
ثم اخرجتها ساره ووضعت عليها صوص الشيكولاته وتركتها تبرد قليلا ثم أخذت منها لمازن :اتفضل
مازن ببرود وهو يتناولها :مش بطال ولكن في الحقيقه أعجبته
ساره :طيب الحمد لله مش وحشه انا هطلع اشوف هدي فين واخليها تجبلي عصير وهجبلك معايا
مازن :ممم
ساره :خلاص نفهم ممم دي اه
وذهبت للخارج وجدت هدي تسير أمام تسنيم وخادمتان اخريان فتقوم تسنيم بمد قدمها أمام هدي فتقع هدي علي الارض
هدي وهي تتالم :اااااه طب ليه
تسنيم :علشان تتعلمي تمشي بجزمتك المعفنه دي علي الارض اللي انا لسه مسحاها
بدأت الدموع تتجمع في أعين هدي ثم وقفت
كانت تسنيم تمد يدها لتضربها علي وجهها ولكن منعتها يد فنظرت وجدتها ساره
ساره :ايه اللي بتعملي ده اعتذريلها حالا
تسنيم وهي تسحب يدها بقوه :وانتي مين اصلا علشان اسمع كلامك
ساره بفخر :انا مرات الباشمهندس مازن
تسنيم :اه اه قصدك مراتو اللي هو هاجرها ومش طيقها ولا حتي عارف شكلها
ساره ببرود :ده كلو مش شغلك واعتذري لهدي حالا
تسنيم وهي ترفع يدها لتضرب ساره بحركه مفاجاه لم تنتبه ساره وكادت تضربها لولا تلك اليد التي حالت بينها وبين ساره
تسنيم بشهقه :مازن بيه ..انا..انا
مازن :انتي ايه انتي مطروده من بكره تكوني في مصر علشان تتعلمي بعد كدا تقلي ادبك علي مراتي واعتذري لهدي حالا
تسنيم :بس انا مخلطش لا في ساره هانم ولا في هدي وبدات في بكاء مزيف ده هدي جات من غير سبب تضربني وساره هانم فضلت تتنمر عليا وتقولي أنها مراتك وأنها تقدر اطرني وعايزاني اعتذر وانا اصلا مش غلطانه
مازن ببرد :انتي مراتو اللي هو هاجرها ومش طايقها ولا حتي عارف شكلها ده كلو ساره قالتو ولا انتي
تسنيم وقد عرفت انها انكشفت نظرت إلي الأرض ولم تجب
مازن :اعتذري لهدي حالا ولساره كمان يلا
تسنيم :اسفه يا ساره هانم اسفه يا هدي
مازن :بكره هتكوني في مصر...يلا واقفين ليه كل يروح يشوف شغلو
رحل جميع الخدم المتجمعين ودخل مازن اللي الغرفه التي كان فيها ودخلت خلفةساره
ساره وهي تقف أمامه بابتسامه :شكرا
مازن ببرود :علي ايه
ساره بحرج :يعني علشان وقفت معايا وكدا وقلت أنها هانت مراتك
مازن ببرود :ها أنا اصلا مش معتبرك مراتي ده كلام قلتوا كان لازم اقولو علشان تسنيم عدت حدودها والبيت ده بحدود اما بالنسبه ليكي انا بعتبرك خدامه هنا زيك زي اي حد واظن انك اللي بداتي لعبه الخدامين دي وبالنسبه للكيكه فكانت جميله اوي يا خدامتي
ساره بدموع وصوت مخنوق :ماشي علشان كدا
وهمت بالرحيل سمعت صوت مازن
مازن :اعملي حسابك بعد كدا ما فيش نزول الا بحساب مش كل شويا الايكي نازله علي الفاضي والمليان
ساره بغضب ودموع :ملكش دعوه بيا انا خدامه هنا وانت ملكش تقول للخدم انزلوا واطلعوا ماشي وعايزاك تعرف انت كمان أن انت بالنسبالي ولا حاجه تمام انت بنسبالي واحد انا مغصوبه عليه وملوش كلمه عليا وجوازي منك علي الورق بس ومتفضلش تقول طالعه ونازله ملكش دعوه
هم مازن بالرد ولكن رحلت ساره من أمامه ودموعها لا تتوقف شعر مازن بالسوء من نفسه
                   ___________________
بقيت ساره بقيه اليوم في غرفتها تبكي وتشتكي لمريم حتي اتي معاد الغذاء لم تستطع الاتذهب لأنها خائفه من أن لا تستطيع أن تجمعهم مره اخري فنزلت لتناول الغذاء انتهي من تناوله في جو من التوتر
بعد الغذاء أتت التحليه وكانت الكيكه التي صنعتها ساره
مروان :الله الكيكه دي جميله اوي مين عملها
ساره :انا
مروان بإعجاب :واو دي تحفه اوي تسلم ايدك
ابتسمت له ساره
بينما حمحم مازن بغضب
نظرت ساره لعمر :ايه رايك يا بابا
عمر بابتسامه :جميله تسلم ايدك وانتهي اليوم عليهم
             _________________________

أما تسنيم فرحات من القصر ولكن لم ترحل من انجلترا
دخلت تسنيم غرفه كبيره وبها فتاه جميله نسبيا لكن ملابسها مكشوفه
جلست تسنيم علي السرير
تسنيم :انا اسفه يا كارمه بس مقدرتش امسك نفسي انتي عارفه ما بطقش إللى اسمها هدي ولا حتي ساره
كارمه بتنهيده وهي تبرد أظافرها :انا اللي اسفه يا نيمو اني حطيتك هناك لو مكنتيش صحبتي واختي مكنتش قولتلك كدا....انتي متعرفيش انا كنت هموت لو لمسها
تسنيم :متقلقيش هو ولا طايقها
كارمن :ولا طايقها ازاي وهو طردك بسببها
تسنيم :لا ماهو عمل كدا علشان بقيه الخدم ما يتكلموش بس انا سمعتوا بعدها بيشتمها وبقولها انتي خدامه ولا تسوالوو حاجه
كارمه بتذكر :اه صح لورا قالتلي
تسنيم  وهي تنام علي السرير:انتي هتسيبي لورا هناك أكثر من كدا
كارمن :اه هسيبها شويه كدا علي ما اطمن أن مازن ما بيحبهاش
تسنيم :تمام
كارمن :بابي وبباكي هيجو امتي من امريكا
تسنيم :قالو لسه قدام هم شويه.....طيب مامي وطنط فين
كارمن :مامي مع مامتك تحت
تسنيم وهي تنهض :طيب هروح اسلم عليهم مشوفتهمش من كام شهر بسببك
كارمن :مخلاص بقي اسفه يا نيمو
تسنيم :خلاص خلاص
            ________________________
مر يومين دون أي جديد
بعد معاد الشركه
مروان كان يجلس يفكر في الحديقه الاماميه فدلف عليه رامي
رامي :ايه يا مارو فتفكر في ايه
مروان بتفكير:مممم مش عارف
رامي وهو يجلس :هو ايه اللي مش عارف
مروان :قصدي يعني أن انا الاول كنت حاسس ناحيه ساره بمشاعر مختلفه حاسس اني بدات محسش بالي كنت حاسه
رامي بابتسامه :يا مارو اللي انت كنت في ده كان مجرد اعجاب لأن ساره ساعدتك تقرب من اخوك وابوك وانت اصلا بنحبهم اوي فاعتبرتها حاجه جديده فمشاعرك هتهدي مع الوقت
مروان :تفتكر
رامي :اوي اوي كمان...وربنا يوعدنا
مروان بضحك :امين ...انا اصلا هموت واشوفك في الكوشه وظلوا يضحكون حتي اختفت ابتسامتهم بظهور اخر شخص أرادوا رويته
كارمن بدلع :ازيك يا مروان ازيك يا رامي
مروان ورامي بضيق :خير
كارمه بدلع :اصلي يعني مزونه وحشني وكنت عايزه اشوفه اوي
مروان بضحكه مكتومه :مزونه ..مزونه حبيب امو هيموت نفسوا بعد مزونه
كارمن :مش فاهمه يعني هو فين
رامي بضحك مكتوم :بيقولك في الجنينه اللي ورا
كارمن :اوك يلا باي
رحلت ثم انفجر رامي ومروان ضاحكين
رامي :قال مزونه قال .
مروان :يا عم سيبك منهم يلا بيني ندخل ناكل حاجه
رامي :طول عمرك فاهمني يلا بينا

............
دخلت كارمن اللي مازن وجدتته يعمل علي الحاسوب فابعدت يده بدلا وقالت :وحشتني اوي

               _____________________
أما عند ساره ارتدت ملابسها ولفت حجابها وقررت أن تذهب لسوال مازن عما قاله فهي ظلت تفكر وتفكر هي ومريم ولا يجدون اجابه
نزلت ساره للاسفل وأخذت كوبين عصير ودخلت للحديقه الخلفيه وسمعت
مازن :وحشتيني اوي يا كوكو
كارمن بحزن :وحشتك اه مانا لو كنت وحشتك وكنت بتحبني بجد مكنتش رحت اتجوزت  واحده تانيه
مازن بحب :انا اسف يا كرمتي انتي عارفه انو غصب عني  وبابا هو اللي غصبني عليها سامحيني وانا اوعدك أنها مسألة وقت وهطلقها واتجوزك وهي اصلا ماتجيش جنبك حاجه

ساره بصدمه :...........
            ________________________
ها يحلوين 😄
البارت خلص
ايه رايكو في
البارت الجاي هيبقي حلو اوي يبقي تابعو
اسفه إن البارت صغير
هحاول اطولو المره الجايه ان شاء الله
اشفكوا البارت الجاي
السلام عليكم 😘💖