🌹ثالثاً :مبروك للجزء الثالث من وصفولي الصبر وأخيراً لقد هرمنا من أجل هذه اللحظة. 🌹 نيجي لأحداث الحلقه الأولى من وصفولي الصبر
🌹 دكتور سليم وعشقه نداؤه :علاقتهم ببعض واقعية جداً حبهم وعشقهم لبعض كان دايماً ومازال هو الدافع ليهم انهم يواجهوا ويتخطوا أي أزمات مروا بيها وبرغم كل الظروف الصعبة إللي واجهوها إلا إن دايماً حبهم بيقويهم وهو ده الحب الحقيقي إللي بيبان في الأزمات في حب يقويك ويبنيك ويسندك زي حب سليم لحبيبته ورفيقة دربه نداء. سليم مثال للرجل العاشق بمعنى الكلمة حبه لنداء حاجه كده مالهاش وصف حب زي أفلام الأبيض والأسود حاجه كده من أيام الزمن الجميل ما بتتكررش كتير. حلو أوي إن سليم يساعد حبيبته في نجاحها وإثبات ذاتها وتحقيق حلمها وطموحها هو ده سليم العاشق المتفهم. بس يا ترى هل سليم هيفضل على وضعه وثباته كده ولا الأحداث القادمه هتخلينا نشوف سليم العاشق الغيوووووور خصوصاً بظهور ضياء.
🌹 نديم وسارة من الكالبز إللي تعبوا هما كمان في حبهم على ما وصلوا لبر الأمان واستقروا وكونوا أسرة بس طبعاً حياتنا ما بتخلاش من المشاكل وواضح إن نديم وسارة هيعانوا مع بنتهم سلسبيل كتير. الجميل في الموضوع إن نديم كان واضح وصارم مع بنته وما طاوعهاش في انجرافها للحياة المنفلته وكويس إنه عرفها إن إحنا كمسلمين وكعرب ما ينفعش نعيش حياة الانفتاح بالشكل ده بس أعتقد إنهم هيواجهوا موجه عالية في الأحداث القادمة. 🌹 مهاب وزينة :من الكالبز الجميل أوي مع بعض هما الاتنين بيكملوا بعض وأحلى حاجه في علاقهتم إنهم فاهمين بعض كويس زينة قامت بدور الزوجة والصديقة والأخت والأم على أكمل وجه عرفت نقط ضعف مهاب وبتكملها وتجملها وبتساعد مهاب في الحِمل إللي عليه والأجمل من كده إن مهاب فاهم ومقدر كل إللي زينة بتعمله معاه وعشانه. 🌹 دمتي مبدعه ومتألقه حبيبتي دايماً يارب 🌹 وحشتيني جداً جداً جداً. 🌹 دعواتكوا ليا بالشفاء يارب.
