بسم الله الرحمن الرحيم
لا اله الا انت سبحانك اني كنت من الظالمين
الفصل السادس عشر
وصفولي الصبر.. الجزء الثالث.. نداء علي
🔸🔸🔸🔸🔸🔸
جلست نداء تبكي بخفوت ونديم جالساً امامها يحاول استرضائها قائلاً
وبعدين معاكي ياقلبي انتي بتعيطي ليه بس انتي عارفه اني لازم ارجع لمحمد وسيلا؛ وخصوصا سيلا
نداء : وانا؛ هتسبني وتقعد سنتين او تلاته لحد ما ترجع مرة تانية
سارة : والله هنحاول ننزل قريب علي الأقل محمد وسيلا يغيروا جو
نداء بسعادة : بجد يا سارة؟
سارة : ان شاء الله؛ انا قايلة لنديم من غير ما تطلبي يانونو وبعدين مش عاوزة تشوفي سيلا ومحمد؛ ده نديم دايما يقول ان سيلا شقية زيك زمان
سليم بحب : ولسه شقية يا سارة بس بتمثل قدامكم انها هادية
نداء : بذمتك يادكتور انا بتكلم اصلا والله انت وولادك جننتوني
نظر سليم اليها متعجباً من مزاجها المتقلب ليبتسم اليه نديم قائلاً : هرمونات الحمل يادكتور ربنا معاك؛ نظر الي سارة َاستكمل قائلاً
انا مش عاوز عيال تاني يا سارة بصراحة اخاف تعملي زي نودي وتقعدي تعيطي طول اليوم كده وانا مقدرش اتحمل
بعد عدة ساعات غادر نديم وسارة الي المطار وبقيت نداء تشعر بالحزن لغياب شقيقها
تفاجأت نداء واحست بالرعب عند دخول قاسم وعمار وخلفهما سليم وبادياً من ملامحه الغضب
نداء بلهفة : سليم في ايه؟ والولاد مالهم
سليم : البهوات كانوا بيلعبوا كورة في النادي وقاسم وقع ودراعه انكسر فأبنك المحترم اتخانق مع زمايله وضربهم وانضرب زي ما انتي شايفة
عمار : الولد وقع قاسم وكان قاصد يأذيه
سليم بحدة : وانت بقي بلطجي وانا معرفش! مكلمتنيش انا او اخوك الكبير ليه
قاسم متألماً : يا بابا عمار مش غلطان
نداء بحزن : حبيبي وعمري ايدك بتوجعك
سليم ببأس: نداء اسكتي انتي دلوقتي الله يكرمك
حبيبك ايه وزفت ايه انا زهقت من العيال دي وتعبوني
نداء : علي فكرة انت بتزعق كتير والمفروض تبقي خايف عليهم مش تشخط فيا
سليم : يا ربي يا ندا.. اطلعي فوق وانا هتصرف معاهم
اتكأ قاسم علي كتف شقيقه قائلاً بهمس طلعني يابني اوضتي ارتاح دول هيقعدوا يتخانقوا وبعد شوية امك هتعيط وابوك هيستسلم
🔸🔸🔸🔸🔸
منذ أن أخبره بموافقة والده علي الذهاب معه لطلب يدها وهو يهاتفه باليوم عدة مرات الي أن شعر سليم بأن صديقه قد أصابه جنون الحب
سولي : ارحم أمي يا أمير؛ ياحبيبي هنروح يوم الخميس وبعدين لازم تعمل حسابك انها صعب توافق من اول مرة
