ماسة في يد القاسي

البارت الرابع والعشرون

بعد مرور شهران
في صباح يوم جديد دلفت اية لغرفة ماسة لإيقاظها فوجدتها مستيقظة وتبكي بصوت منخفض
اقتربت اية منها بسرعة لتردف : ماسة مالك في ايه ليه بتعيطي
ماسة ببكاء : وحشني رغم كل الي عملوا بيا وحشني
اية بحزن : بقالك شهرين من اول ما هربتي منه وانا بسمع صوت عياطك وبفضل ساكتة ومبتدخلش بيكي انا ملاحظة انو انتي بتعاقبي نفسك مش بتعاقبيه طالما بتحبيه للدرجادي ليه هربتي منه مش كنتي فضلتي معاه وكملتي حياتك معاه بعد ما اعرفتي انو ندمان وانو بيحبك ليه بتعملي بنفسك كده
ماسة بشهقة : نفسي اسامحه وارجعلوا ونعيش مع بعض بس مش قادرة بحبوا ومع هيك مش قادرة انسى تعذيبوا ليا
اية : خلاص يا ماسة ارجوكي ما تعيطيش
بصي مفيش ليكي خيارات غير دول عشان ترتاحي يا اما تسامحيه وترجعيلوا يا اما تنسي حبك ليه وتكملي حياتك من غيرو
ماسة بحزن : هحاول انسى حبي ليه متوقعش اني اقدر اسامحه
اية بإبتسامة حزينة : طب يلا قومي علشان نفطر تلاقي جو دلوقتي كل الأكل كلو
ارتسمت شبه ابتسامة على وجه ماسة لتردف : خلاص انا هاخد شاور واغير هدومي واخرج على طول
اية : ماشي يا حبيبتي هنستناكي
اومأت ماسة لها لتخرج اية للخارج وتذهب ماسة للإستحمام لتخرج بعد قليل وترتدي ملابسها انتهت بعد فترة لتخرج لهم وتجدهم ينتظروها على طاولة الطعام
جو بإبتسامة : صباح الخير
ماسة : صباح النور
كانت اية تضع يداها اسفل ذقنها وتنظر للطعام بجوع : مش يلا يا ماسة هموت وآكل
جو بضحك : كلي يا اختي كلي اساساً انتي بتعملي ايه غير الأكل
ذمت اية شفتيها بحزن : خلاص انا مش عاوزة آكل ومتتكلمش معايا يا جو
جو بصدمة : حبيبتي انتي ازعلتي واللهي العظيم انا كنت بهزر معاكي مهو انتي بتفضلي تقولي جعانة واما تيجي تاكلي مش بتاكلي حاجة وانتي كدة بتتعبي نفسك
نظرت اية له بطفولة والحزن ما زال يرتسم على ملامح وجهها : خلاص قولت مش عاوزة
اقترب جو وقبلها من وجنتيها : خلاص يا روح جو علشان خاطري متزعليش
ماسة بخجل : ايه يا عم انت وهيا هوا مفيش عندكم غرفة تلمكوا
جو بضحك : لاء مفيش
اية بخجل : خلاص يا جو مش زعلانة
جو : طب يلا يا جماعة سمو بالله
جلس الجميع على الطاولة يتناولون طعام الافطار وسط مزاح جو ومشاكسة اية وسرحان ماسة المستمر بكنان

.......***.......

عند كنان كان في مكتبه بقصر الحديدي يجلس على المقعد مسنداً رأسه للخلف بتعب فمنذ اختفاء ماسة وهو يبحث عنها ولم يستطع النوم الا لساعات قليلة بحث في كل مكان من الممكن ان تكون موجودة به ذهب الى قصر والدها الذي تم عرضه بالمزاد واشتراه كنان ولم يجدها به اتصل برعد وليل واخبرهم بإختفاءها وبدأت رجالهم تنتشر في كل مكان يبحثون عن خيط يوصلهم لها اعطى معلومات عنها في المطار فأتاه الرد بعكس ما تمنى لم يخرج الى الطائرة احد بهذه المواصفات اعلن بالجرائد عن مواصفاتها ووضع صورة لها واعلن عن مكافأة كبيرة لمن يجدها ويخبره بمكانها ووضع رقمه ليتصلوا به ولكن لم يتلقى اي اتصال من اي شخص
كنان بدموع : وحشتيني كان نفسي تكوني معايا ونعيش حياة جميلة فراقك صعب اوي يمكن صحيت من غفلتي متأخر اوي واكتشفت اني بحبك متأخر بس ده ميدكيش حق انك تعذبيني بالطريقة دي انا من غيرك جسد من غير روح لجين بقت كل ما تشوفني تبص ليا نظرات عتاب عرفت يا ماسة عرفت بكل الي حصل وانا الي قلتلها عن حقارتي معاكي وبقت بتستحقرني دايماً نظراتها بتعذبني ضعف عذابي
رعد وليل بقوا بيخففوا عليا وبيبقوا جنبي على طول علشان ما فكرش بيكي ميعرفوش انو مفيش لحظة ومجتيش بيها على بالي
ماسة حسي بيا حسي قد ايه انا موجوع تصدقي انا غلطان ليكي حق تعاقبيني مهو مشفتيش مني غير الكسرة لقلبك وحشتيني اوي واللهي وحشتيني
سامحيني يا ماسة وارجعيلي ارجوكي
قطع حديثه مع نفسه طرقات الباب ليدلف رعد وليل لداخل فيجدوه على حاله
اقتربوا منه بحزن وجلسوا امامه
رعد بحزن : علشان خاطري كفاية الي بتعملوا بنفسك كنان انت اتغيرت اوي بقيت واحد منعرفوش بقيت بخاف اسيبك لوحدك خوف من انك تعمل بنفسك حاجة
كنان ببحة وجع : وحشتني اعمل ايه عشان الاقيها قلبت الدنيا عليها اختفت فجأة المشكلة مفيش ليها مكان تروح ليه خايف يكون حصلها حاجة ومحدش داري عنها مبقاش النوم يقرب مني الا مدة ساعة او اتنين وبتكون ملانة كوابيس
ليل بحزن : هترجع يا كنان اكيد مش هيكون حصل ليها حاجة عايزينك ترجع زي ما كنت تروح الشركة وتحضر اجتماعات متبقاش لوحدك كدة ويومك كلو هنا يا بالشقة الي كنتوا بيها انت بتعذب نفسك بزيادة يا كنان ارحم نفسك شوية
كنان ببكاء : طب ليه متحن هيا ليا وترجعلي انا اعترف اذيتها بس عاقبتني شهرين بفراقها ما اكتفتش انتقام مني للدرجادي بقت قاسية يا ليل لدرجادي
استقام ليل وذهب اليه وجعله يقف على اقدامه واحتضنه بقوة : ارجوك يا صاحبي ارحم نفسك شوية انت كدة مش بس بتعذب نفسك انت بتعذب عشق اختك الي بستقوي بيك بتعذبني بتعذب رعد بتعذب ناس كتير بضعفك ده خلاص يا كنان ارجع لحياتك احذفها من حياتك علشان تقدر تعيش انت كدة بتموت نفسك بالبطيء
اومئ كنان له ثم ابتعد عنه وبدأ بالسير بعيد عنه ليقف رعد امامه : رايح فين
كنان بكذب : مش رايح لمكان
رعد : كنان رايح فين
كنان بدموع : هروح الشقة
اغمض رعد عيناه بقوة : تاني يا كنان تاني
كنان بتعب : مقدرش يا رعد الشقة وصورها هما الي مخليني اصبر شوية لو بعدت عنهم بتجنن ارجوكم سبوني اروح المرادي
رعد بصراخ : يا كنان ليه كدة ليه الشقة انساها وصورها الي حاططها بكل مكان في الشقة انساهم علشان الي بيحبوك وعلشان نفسك
نظر كنان له بجمود : يا ريت اقدر يا صاحبي انا رايح ومحدش ييجي ورايا علشان عارف انكم بتراقبوني
نظر ليل لرعد واشار له بأن يتركه ليبتعد رعد من امامه بحزن ليذهب كنان من امامهم متوجهاً للشقة الخاصة به
ليل : انا هروح وراه
رعد : هآجي معاك
اومئ ليل له ليذهب كلاهم للسيارة
ويتوجهوا خلف كنان