مَحٌأّمَيِّهِ قِلَبِ أّلَنِقِيِّبِ

بِأّرتّ أّلََّسأّبِعٌ(صـ♥ـدٍفــهّ آمــ آنــهّ آلَقــدٍر...)

- يَجٍمِعٍنْآ گُلُّ شُيَء ۆلُآ يَفَصٍلُ بْيَنْنْآ إلُآ آلُحٍُبْ
                    ♤♤♤ليان♤♤♤
مفاجئه حلوه مو اعرف اعرف تجنن حبيتها😭😂♥
……
ليان:ايي جدو يطلع برائته مضمونه وعليه هم
الجده ام سلام:يفرح كلبج يمه مثل محتفرحين كلبي
ليان:بيبي كامت تبجي كمت حضنتها…لااا بيبي شنو هاي الدموع مسحيها يله عيونج حلوات مسحت دموعها وبستها من خدها
الشيخ سلام:بويه شكد مراح احجي مراح اوفيج حقج
ليان:لا عمو صدك كذب انتو اصدقاء جدو وجدو ومابينه هاي لسوالف وفهمني وبعدين اني بس حجالي على القضيه صار عندي فضول اعرف وهاي داكتشف شويه شويه
رعد:والله من لشيخ حرب بل عرس كال هاي المحاميه مالتكم كلت خسرنه
ليام:افهه ليش ولك
رعد:ولج شكد هوستي بل عرس
ليان:غير عرس اخويه حبيبي وبعدين احنه منركص هيج والله فهد وشهم ثكيلين الى درجه بحيث ميضحكون شكد نريد نعالج اني وعلي بس يبتسمون وخلص ولباقي هم بس علي لازم علينه مستمسك
يوسف:شنو هذا المستمسك
ليان:وقعنه على اوراق فارغه اجه وقشمر علينه بحجه اشوف توقيعكم وهنا وصدمنه انو خال علينه وعود بعرسه نركص ومنكعد 
اسد:والله فكره بعرسي اسويها ولكل يركص بس من هسه احمد ميركص ولا يتحرك
رعد:اي لين ملبوس بي چني 😂
احمد:نجب لك ساقط
ليان:احمد دفر رعد خربنه ضحك😂😂
رعد:اووووي شكد قاسي انت
اسد:اووووي عيني انت محلو شرير شرير 😂
ليان:يمه متت صوتهم مال بنات ويقلدون
احمد:اسدددددددددددد
اسد:هاهيه عمي هاهيه اسفين
يوسف:عدنه مصيبه
الشيخ سلطان:ياستار بويه شكو
يوسف:ليان من راح توكف كبال القاضي شلون تحجي وهيه ترتل بل راء 😂
رعد:شوفو مثلا تكول امغ اميغ لامغاء ان يحفغ حفغه في الصحغاء😂😂😂
ليان:لككككككك رعددددددددد
اسد:غعدددددددد لتصير قاسي الكل ضحك
ام احمد:يمه مالج دخل بهذوله يولون تخبلين انتي
رسل:غير كرديه عيني تجنن
ليان:لا يختي عربيه من الناصريه اصليه
الشيخ سلام:الله محي اصلج عمي
ليان:شكرا عمو عسل انت كيكه
امل:ها يمه متحجين تتغزل بأبويه
ليان:غير كيكه وجدو عسل
الجده ام سلام:ولج عوفي رجلي
ليان:اووي بيبي لصيرين قاسيه
الشيخ سلطان:بويه وانتي عسل فدوه العمرج
اسد:ها جدي خيرك
الجده ام سلام:ولج هذا احمد تغزلي بي وعوفي رجلي
ليان:بيبي شتغزل رحمه للنبي شوفي هذا الغزل احمد واحد عصبي مغرور خشمه واصل بكصته من الغرور مالته مليق مزعج ماحس اله احمد كام يركض ورايه
احمد:ولج هاي عليمنننننن
ليان:يمه جدووو جدو لزم حفيدك راح ياكلني
اسد:بسرعه بسرعه لكل كامت تركض امل ورسل ويوسف ورعد واحمد يركض ورانه
رعد:يابه سوو نداء رحمه الربكم منو مضيعله اسد ترا راح ياكلنه 😂
اسد:خاف الحديقه ضيعته ماحس اله نعال طيار اجه بضهري…اااااخ اللله راح مستقبلي وگعت
ليان:لقد تمت اصابه البطل المجاهد الشجاع اسد سلام سلطان بل سلامه يا بطل😂 طبعا نحجي ونركض بل حديقه ولكل تضحك علينه واحمد يخوف صار احمر ويركض ورانه
رعد:وخرو اني لدكتور الخاص بل بطل المجاهد وين نصابيت يا بطل
اسد:جدي راح النسل من وره احمد 😂
ليان:له له احمد نقيب شكبرك تركض ورانه عيب ولله ونلزمت…لااااااا احمد بربك لا
احمد:تعالي منو مليق ومزعج ومغرور
ليان:لزمني من ايدي واخذني ليجوه ولكل يضحك دخلني للغرفه وطبك الباب..يمه لاا احمد حباب مو عليك انت انسان خلوق ومأدب احجي ورجع وره لحد موكعت على الچربايه صار فوكايه ويحجي وعصبي
احمد:منووووو مليق
ليان:ااا مو انت بس وخر عندي
احمد:اهااا لعد مو حجيتيهااا بره عليها فصل هاي ترا
ليان:ششنو لفصل
احمد:هذا وطبكت شفايفي على شفايفها وضليت اتفنن بكل شفه من شفايفها وهيه ادفع جوايه وخرت منها واحنه ثنينه نلهث
ليان:دفعته مخبل انت شلون هيج اسوي
احمد:وخرت منها كتلها تعاقتبتي على الي سويتي
ليان:عفته وطلعت بس شنو جسمي كله يرجف غسلت وجهي وايدي وبعدني ارجف طلعت كعدت برا واجه احمد يبتسم…ااا جدو اريد اروح لبيتنه
الشيخ سلطان:بعد وكت بويه
ليان:مو مو اريد اراجع الملفات البقيه
احمد:اني اوصلج
ليان:اوك سلمت عليهم وصعدت بل سياره وصعد هوه ورحنه لبيتنه محد حجه لطريق كله وطلت نزلت…شكراً
احمد:عفواً
ليان:دخلت للبيت ورحت للمضيف مال جدو وحجيتله كلشي باسني من وراسي..يله اني صاعده انام كاعده من ساعه 9وهسه ساعه 6ونص طگوها بضحگه كلهم سبحت وبدلت ونمت
الشيخ حرب:شفتو بويه كتلكم ليونه عدها شغف راح تكسب
راكان:بويه القضيه بيها ناس كبار وليان كاعد تحفر وطلع ماضيهم لاسود خاف يسولها شي
عمو خضير:لا خويه لتخاف يمها احنه ولله لي يمد ايده عليها يحسب الله ما خلقه
الشيخ حرب:انشاءالله خير لتخافون احنه يمها
ليان:فزيت من سمعت صوت الكزاز مال الشرفه مالتي وهوا يطشر فتحت عيوني وشفت النار ماخذه البردات كلها واسمع برا عياط طفرت اريد افتح لباب مقفول اختنكت من الريحه يعني غرفتي كلها اخذت نار وهناك واشوف لاوراق مال قضيه رحت اخذتهن واخذت فوني واسمع فهد يدفر بل باب مال غرفتي
فهد:لياااااااان لججج لياااان
شهم:ليااان
ليان:دفرو لباب نفتح اجه فهد حضني
فهد:لياني بيج شي
ليان:لااا لا مابيه
شهم:يله فهد امشي
ليان:نزلنه واشوف لبيت كله محترك الفلاشه نسيتها خليت لاوراق بأيدي غزل ودخلت ركض وهما يصيحون ورايه لمحجر كله محترك گوه صعدت دخلت الغرفتي شفت لفلاشه بل زاويه رحت ركض احذتها دانزل جان توگع خشبه كلها نار من فوك الحمدالله نزلت سليمه بس لدخان موتني نطيت الفلاشه لعلي وسويت حركة بأيدي مال نصر كتله انتصرنه ماعرف ليش هيج حجيت😂 وبعد محسيت بشي
فهد:ليان ليان شبيج
علي:خليتها بل سياره…مابيه شي بس الدخان اثر عليها
الشيخ سلطان:يله حرب يمنه تفضلو
الشيخ حرب:لا خويه منريد نزاحمكم
الشيخ سلام:افه عليك شيخ غربه احنه قابل تفضلو بسببنه صار بيكم هيج
الشيخ حرب:بس والله والي اسمه الله مراح يفلتون مني وضرب العصا با كاع
فهد:روحو جدي احنه حنضل هنا علمود الكامرات بس جدي ليان
الشيخ حرب:بعيوني بويه لتوصي
رسل:كاعدين كلنه ودخل جدي واحمد وابويه وبنات لشيخ حرب كلهن يمنه وعلي شايل ليان وجانت كلها صخام فزينه
الجده ام سلام:شكو يمه شصاير شبيها لبنيه
احمد:ولد الكلب حركو لبيت مال شيخ حرب وليان جانت جوه دخلت علمود الفلاشه
علي:احمد بس اريد افحصها اريد غرفه
احمد:اي تفضل اخذته لغرفتي
علي:فحصتها لا لشغله مو مال ابقيها هنا شلتها ونزلت غزل امشي ويايه
الجده:وين يمه
علي:بيبي مداكدر اسوي الها اي شي هوايه ساحبه دخان لازم اوكسجين يلههههه غزلللل
غزل:جيب علي دالبس شالي
علي:اخذتها ورحت للمستشفى ورعد واحمد ويايه وكبل للطوارئ اوكسجين وابر يله فتحت عيونها
ليان:فتحت عيوني شفت علي واحمد ورعد فوك راسي واكسجين ومغذي خالين وخرت الاوكسجين…هاي شكو وين اني الفلاشه وين الفلاشه
علي:اششش حبيبي لفلاشه ولغراض مضمومات رجعي الاوكسجين
ليان:رجعت نمت والاوكسجين مرت ساعه اختنكت منه وخرته وكمت
رعد:ولج كعدي وين رايحه
ليان:مابيه شي اريد اطلع
المحامي:الحمدالله على السلامه محاميتنه لحلوه
ليان:هله عمو الله يسلمك
المحامي:اااوف اووووف مو كتلج يا عمو راح يأذوج بس انتي عنيده
ليان:ههه عمو مابيه شي بعدين سوو هيج حتى يخوفوكم وبس
احمد:وانتي هسه مخايفه ولج جنتي راح تموتين
ليان:لا مخايفه لين اعرف سوالفهم تعبانه مثلهم
المحامي:ولج بابا اكعدي راحه اهمتي بس بل قضيه لتبوحوشين بشغلات ثانيه
ليان:عمو ماطول بديت بشي اكمله كله حتى لو جان يعرض حياتي للخطر مو كتلك اني فضوليه الى درجه فا لازم اعرف
المحامي:اول مره اشوف بنيه هلكد عنوديه ياريت بنتي تتطلع مثلج
ليان:شكرااا محامينه الحلو بس شنو راح اطلع والله وراح اكشفهم كلهم وهنا بل مستشفى يمك نسوي اكبر حفله
علي:هههه والله امي مرضعتج حيلب عناد انتي
ليان:دتعال كومني حبيبي اريد اروح للبيت سلمت على المحامي وطلعنه للبيت الطريق كله يسولفون واني افكر معقوله اني جنت راح اموت وليش هيج ومنو سوه هيج كلها راح الكه الها اجوبه بل محكمه…علي وديني لبيتنه
علي:يابيت عيني
ليان:عليك الله لبيتنه بس اخذ شغله واجي ولنبي
علي:هففف يله
ليان:رحنه لبيتنه جانو فهد وشهم ولكل واكفين من نزلت رأسا عاطو
شهم:شسوين هنا
ليان:بسم الله شبيك يول جيت احجي وياكم
فهد:لياني حبيبي انتي مريضه
ليان:فهدي جيت اخذ التصوير مال كامرات عادي
فهد:تعالي
ليان:فتت للبيت جان كلها ريحه دخان تخنك وكفت بل حديقه ودخل فهد جاب التصوير واجه
فهد:لياني هذا لتصوير بل فلاش اخذي وروحي لين راح يصير شي بعدين…………
……للحكايا بقايا