مَحٌأّمَيِّهِ قِلَبِ أّلَنِقِيِّبِ

بِأّرتّ أّلََّسأّبِعٌ وِأّلَعٌشٍروِنِ{بّـسًسً آنِيّ مِحً♥ـدُ غّـيّريّ...}

مَوِ مَأّلَتّيِّ أّتّرأّجِفِّ عٌلَيِّګ شٍمَأّلَنِيِّ؟…………🔥🖤
                        ♤♤ليان♤♤
……………
ليان..كعدت الصبح لغرفه شحالها عبالك مجزره صايره عفتها دخلت سبحت وبدلت وطلعت مشطتت شعري ونزلت شفتهم گلهم كاعدين بل صاله على الاكل بس محد ياكل انتبهو الي عفتهم حتى مصبحت عليهم رحت اخذت ادوات التنضيف وصعدت انضف غرفتي عبالك مفجوره بيها عبوه ههه رفعت ردن ايدي وردن بجامتي وبديت الم لگزيز وكل شويه چاي واحد وصافن عليه انجرحت بأيدي اجه فهد گعد كبالي جر ايدي
فهد..غير تنتبهين شبيج
ليان..جريت ايدي منه وگمت كملت تنضيف صفنت على غرفتي هاي شمسويه بيها والله شكد نقهرت عليها الجامه مال گنتوري مكسوره ومال ميز هم مكسوره حرامات خلصت نزلت المواد وصعدت دخلت غرفتي وقفلت الباب ماريد حتى اشوفهم بس يمكن احمد وفهد مضاربين البارحه لين فهد متعور بأيده وخشمه صار ازرك خفت عليهم ثنينهم هم فهد وهم احمد لزمت تلفوني طلعت رقم امل صفنت على الرقم اني شعليه هوا مو الي ولا مالتي ليش هيج ارجف وخايفه عليه شبي كلبي مديكدر ينسا سديت الفون وشمرته ضليت بغرفتي لحد مسمعت صوت طبل موكب چان فايت والله صار عندي فضول وخرت البرده مال لغرفه ومن وره لباب گمت اشوف حلو چان مجرد صرت اشوف تخيلت كلشي گمت ابچي نجمعت عليه كلها هم فهد وهم احمد وهم حضي سديت البرده ورجعت تمددت على الچربايه غمضت عيوني اذكرت سوالف احمد من يضحك ومن يعصب ومن يصيح ومن باسني اول مره والورد گلهن اذكرتهن واذكرت فهد من چان اذا احد يمد ايده عليه يموته اذكرت من اول يوم كليه شاف ولد يباوع عليه موته اذكرت من سئلته اذا يجي يوم تضربني وچان يكول اموت وماسويها ودموعي تنزل مسحتهن خسرت اعز اثنين عليه هم اخويه وهم حبيبي هه والله دينا اني الي جنت اضحك على البنات من يحبن ويبچن چنت اكول مستحيل يجي يوم وانزل دمعه مني علمود شخص وهاي هسه دموع مو دمعه وحده علمود شخص واحد چنت مسويته وضع لطيران من البارحه فتحته وصارت الاشعارات تجي رگع جدورة
امل ورسل واماني واحمد ورعد ولكل دازين وحتى علي وشهم اخواني ولد عمي كلها دازه قريت الرسائل مال بنات گلهن يسئلن عليه چاوبتهن عادي رحت لرسائل ولد عمي واخواني قريت بس مرديت ولباقي چاوبتهم رحت على رسائل احمد قريتهن جانت30رساله20مكالمه نص اشعار ونص غزل ونص يسئل عليه مچاوبته شمرت التلفون مابيه حتى اصفح بي ندك الباب مال غرفتي محجيت شي ضليت ساگته سمعت صوت ابويه وجدي
بابا..لياني حبيبتي اطلعي شتاقيتلج اريد اشوفج ابويه اليوم كله مشفتج ابد
الشيخ حرب..لخاطري بويه اني برچلي چيتچ متفتحين لباب لخاطري
ليان..فتحت الباب صارو جدي وابويه كدامي حضني ابويه حضنته وحجيت..بابا جدو انتو چيتكم عزيزه عليه بس خلوني بغرفتي ماريد انزل واشوف فهد
بابا..حبيبي هوا اخوج الچبير ويخاف عليج نسيتي مو يعتبرج بنته
ليان..وهسه اني اعتبره غريب مو اخويه بابا باوع على جدو ونزلوني غصب بل صاله گلهم كاعدين كعدت وبدو الكل يسولفون وكل عاده اكو شله اطلعنه من جو الكئابه المنقذون😂😂
حسين..بويه ماحچيلگم شصار بينه من لزمونه فهد وشلته 😂
حسن..اني شخصياً سويته على نفسي😂
حسين..بس ليان ليان نقذتنه منهم خو خالد صار رأيس العصابه كاعد كبالي ويلعب بشورابه وعلي جدي لو شايفه تكول ايبااااخ هذا الرائد خالد هيج سوه بي لبخت😂😂
زيد..خو حسن يروحي هوه منا سبع وصارت سلاح وخذوكم اشك شكل بي سكر😂
حسن..افه عبالك اني اثول اليوم رحت حللت مابيه شي الحمدالله.😂😂😂
حسين..بس جدي ليان هاي خوش بنيه والله مؤدبه
ليان..ابن الحلو اشايف عليه قابل اكيد اني مؤدبه
حسن..اي والله احنه مدينين الج بروحنه بس منطيها الج 😂
ليان..سود الله وجهك المصخم
زيد..راح يسوده اكثر من هيج دي تبئا مصيبه مصيبه
حسن..والله لبنات يركض ورايه اني وحسين واسد لو نسيت من جنه نتمشى بل شارع رايحين للنادي فاتن شلون بنات بويههه داحجي چان يجيني علابي على راسي
خالد..اسكتت اسكتت
ليان..الله لكل طگها ضحكه جدو وبابا يشربون چاي طلع من خشمهم من الضحك فهد ويسر واسر خالين ايدهم على وجههم ويضحكون خالد يشرب چاي ويبتسم شهم ايده على عيونه ويضحك وعلي ورائد وحسين وزيد نامو بل گاع من الضحك..هذا كله كوم ومن دانهزم منهم صار اسر كدامي حتى ماروح
اسر..ههههه بويه صار وجهه اصفر واحمر ارزك متعرف شتحجي
يسر..ليش وهذوله لساقطين من لزمناهم بل سياره نزل حسن يرجف ويصيح والله داشمس وهيه جانت ساعه 5ونص الفجر
الشيخ حرب..سود الله وجهكم وين تشمسون هههههه
ليان..ابتسمت گلهم يضحكون..ااا اسر حباب اريد اطلع للمواكب راح يخلصن
اسر..باجر يوم التاسع على العاشر العصريه اطلعج للشارع وشوفي انتي يوميه اشوفيهن من غرفتج باجر بعيني اطلعج وتفرجي براحتج
الجده..بس يمه رجعي من وكت لين وراجن ثرم بصل
ليان..عااا مو تدلل بيبي فديتج وفديت هل عيونه لحلوت صدك جدو وين لگيت بيبي وشلون ازوحتها
الشيخ حرب..بويه سالفتي اني وبيبيتج عبالك فلم هندي شوفو شفتها يم بيتنه لابسه عبايتها وهيه بيضه ثلج وحاطه الكحله ولعيون زرك تموت ولحجل الصوت مالته يوصل الذاك الصوب جانت هيه وامها تمشي شفتها دخت بل سالفه معقوله هاي بنيه لا حوريه والله يوميه چانت تفوت من يم بيتنه واني اطلع بعز لحر انتضرها تفوت مره تأخرت واني طالع فاتت گمت عليها وكتلها وين جنتي هلگد تأخرتي متگولين اكو انسان ينتضرني افوت هيه صافنه عليه من صيحت عليها عيونها دمعت وراحت يومين هيه ماكو واني مزهور مثل السمجه والوم بروحي ليش هيج حجيت وياها ليش وراها ندليت بيت اهلها خطبتها منه مره وثنين منطاني عباله ازوج عليها بعتبار اني الشيخ عمي والله احبها اريدها ماكو وعلى هل رنه12سنه وكل سنه اخطبها ست مرات وصرنه واحد يحب الثاني ومراسلات بل ورقه نكتب وادزلهيا بيد اختها وهيه هم لحد مخطبتها مره ونطاني تدرون من فرحتي شسويت
خالد..شسويت جدي
الشيخ حرب..وكمت شلته الابوها وافتر بي واهوس وابويه يكلي اثكل يشيخ اثكل بس وين فرحتي چانت چبيره حصلت على حب عمري وجابتلي هل اسود هذوله واسودي جابولي لبؤات وشبل وهسه گاعد يمها وكبال احفادنه
ليان..الللللللللله يجي يوم واحجي الحفادي هيج قصت حبنه اني وابوهم
حسين..دعوفي هسه احفادج والله جدي چان خوش يرقم
حسن..چا شمالك يجدي هسه ويانه من تشوفنه نباوع لبنيه تكفخ بينه شو انت ماخذ جده ودك رسايل
جهاد..اسكت ابني اسكت ترا يجيك علابي
ليان..شفت علي يباوع على غزل ويبتسم وفهد يباوع على ناهد وهم يبتسم ابتسامه خفيفه ابتسمت ندار فهد عليه درت وجهي منه مستحيل اسامحه هاني كدام الكل نهض من مكانه اجه يمشي بأتجاهي عرفت شراح يسوي سبقته وگمت..يله اني اترخص منكم
الشيخ حرب..وين بويه كاعدين نسولف
ليان..لا جدو راسي كام يوجعني واريد ارتاح ناهد غزل تگدرن تجن يمي فوك
ناهد..ادللي
ليان..داروح چان يجرني من ايدي صار راسي على صدره وحضني قوي ابد مسويت اي رد فعل جماد واكف حتى محضنته
فهد..لياني اني اسف تعرفين مااعتذر الاي احد بس انتي تختلفين يبت ابوي اسف
ليان..ممكن تتركني
فهد..ليان مو اعتذرت منج اسف والله چنت اعصاب وحتى منتبهت من گمت وضربتج
ليان..واني هسه اعصاب مثل ما انت عندك اعصاب احنه كلنه عدنه وخر عني عفته وصعدت لغرفتي نص ساعه واچني غزل وناهد
ناهد..تعالي يختي اسولفلج اشصار البارحه
غزل..دي في مصيبه دي كارسه حصلت
ليان..عوفي المصري عيني نيلي كريم احجي عراقي دنفهم
ناهد..شوف مو فهيدان ضربج احمد گام كله ليش مديت ايدك عليها فهد چان عصبي كله انت شعليك احمد كله متمد ايدك عليها هيج وتخبلو صارت مجادله حاده بينهم فهد ضرب احمد واحمد رجع ضربه فهد نام على صدر احمد وضربه وبعدين احمد صار على صدر فهد وهم ضربه احمد خشمه صار يصب دم وفهد نفس الحاله اجه اسر ويسر ولشباب فاگكوهم وناس اخذت فهد وناس اخذت احمد واحمد يصيح والله اخذها اخذها وفهد يصيح من اموت يله تاخذها مانطيها الك مانطيها  المهم فهد خشمه يمكن مكسور وراسلت امل اسئل على احمد هم خشمه مكسور وانتي فوك لبارحه بيتنه نخبص ناس يم لباب مال غرفتج وناس يم فهد وناس يم احمد
ليان..تحجي ناهد واني فاتحه حلكي
غزل..خيه فضحتينه سدي حلكج راح اطب بي ذبانه
ليان..طگيناها ضحكه اكول ليش فهد خشمه ازرك وايده ملفوفه
ناهد..لا مو فهد ضرب المرايه مال غرفته بوكس😁
ليان..وشبيج تكوليها عبالك مسوي امجاز
غزل..ليان صح انتي متعاركه ويا بس كلبج هسه صاير طبل من الخوف عليه
ليان..وداعتج هلكد مخايفه عليه لاهوا ولا احمد عسا منارهم تاكل حطبهم
ناهد..ليان لسوين هيج ترا فهد يحبج والله لبارحه ليل كله يفتر بل بيت ويصيح شلون شلون مديت ايدي على بنيتي
ليان..سدو لموضوع ضلينه نسولف لحد ساعه11ونص بليل منزلت اكلت صعدتلي ناهد لفه اكلت وشبعت كروشي هنه نزلن واني دخلت غسلت ايدي وطلعت ندك الباب مال الشرفه مالتي نداريت شفت شخص واكف يمكن صار بيه سكر من الخوف رحت فتحت الباب وايدي ترجف بلحضه دخل ونسد باب لشرفه وطبكني على الحايط حجيت بصوت يرجف..احمدد شعندك هنا
احمد..چيت اشوف تالي صبري
ليان..يعني شنو بعدني ممكمله لجمله اخذ شفايفي بين شفايفه وصار يبوس قوي اريد ادفعه مااكدر لين لازم ايدي اثنينهن بأيد وحده والثانيه لازم بيها راسي صار يعض بشفتي وخر مني وثنينه نلهث فتحت عيوني شفته يباوعلي بنضرات خدران
احمد بخدر..مااكدر انسه طعم شفايفج
ليان..وخر عني انت متستحي شلون هيج اسوي
احمد..اي اني ماستحي
ليان..وخر هيج فتح ايدي دفعته حصرني بجسمه على الحايط مااكدر انتحرك وايده صارت على الحايط وركبتي نكسرت رافعه راسي لين هوه طويل
احمد..مو حرام هيج كل ماجي ابوسج لو احجي ويا لازم ركبتي تنكسر
ليان..حيلل تستاهل اصلا وخر عني
احمد..انتي تحبيني بس تخافين اضعيف يمي
ليان..لا مااحبك متوهم چنت احبك هسه لا
احمد..كذابه هاي نضرات عيونج وصوت ضربات كلبج اني هنا وداسمعهن
ليان..مااحبك احمد مااحبك اصلا اني ابن خالتي خاطبني واني راح اوافق عليه
احمد..بأحلامج اخليج اصيرين الغيري انتي ملكي ملك خاص بأحمد وبس اني محد غيري ياخذج
ليان..لا مو ملكك مرتك ملكك مو اني ولتنسه انت هسه ابيتنه وعايف بيتكم اذا دخل هسه احد علينه راح يفهمون غلط روح
احمد..بويه خلي يدخلون الله ويدهم حتى ينطوج الي
ليان..احمد من لاخير شرايد مني
احمد..اريدج
ليان..لعد ليش ليش ازوجت ها ليشش نطيني مبرر واحد بس واحد ليش ازوجت ليش خليتني اكرهه نفسي ليش خليتني بموقف محلو من جدو سلطان كال عرسكم باجر ليش احمد ثق بالله اني كرهتك بكد ماجنت احبك
احمد..مستحيل تكرهيني ليان انتيي الي وبس زين الي وبس وهذا لحجي لحجيتي راح ادفعين ثمنه اذا مخليتج تركضين ورايه حتى بس اعطف عليج اني مو احمد
ليان..احلامك بعيده كلش انت تركض ورايه ولدليل انت هسه بغرفتي وابنص بيتنه وتروح لاصيح شهم وفهد
احمد..تخوفيني بيهم
ليان..فهدددددد شهممم خله ايده على حلكي
احمد..احتركو سلطان وحرب بت الاوادم فضحيتنه
ليان..نضراته اسلطت على صدري انتفس سريع شويه وندك لباب صارت عيني بعينه يمة وكف كلبي من الخوف همس يم اذني
احمد..فتحي لباب
ليان..تخبلت احمد شلون
فهد..ليان
ليان..سمعت صوت فهد متت خوف شدعي عليك احمد وهوا واكف بكل ثقه اصلا..انت مخبل هسه شلون نحجي بهمس مثل الحراميه
احمد..اني شعليه چيت اشوف صبري وياج وين راح يوصلنه
شهم..ليان بيج شي فتحي
ليان..هاهيه شهم هم متت رحت للشرفه شفت ماكو احد..احمد احمد انزل هسه ماكو احد تقرب مني باسني من شفتي وراح نزل من الشرفه مثل القرد يكمز والله ذوله لضباط داهيه التمرين يفيدهم يكمزون منا ومنا😂سميت بأسم الله ورحت فتحت باب الغرفه شفت شهم وعلي وخالد واسر ويسر بويه يمة كلبي
خالد..شبيج ليان وجهج احمر
ليان..اااا هذا شسمه حاره كلش
علي..خاف مصخنه
ليان..مادري بس حاره دخلو لغرفتي ريحة احمد بل غرفه يبوو حسبيالله بيك احمد فضحتنه كعدت على الچربايه واهفي بأيدي حاره
علي..يمعوده لولو لجو زين حلو
ليان..مابيه شي هسه اغسل وانام طلعو من غرفتي بعد متأكدو ماكو احد غسلت وجهي رحت للمرايه عزةةة خرب يومك احمد شفتي مجروحه من فوك رركبتي صايره حمره من وره لزمته وصلتني رساله فتحتها
احمد..بويه احله بوسه حصلتها بهل ليل باجر عندي سالفه ويا الشيخ حرب…………  
للحكايا بقايا……

هلاوووو فستقاتي حلاوياتي وكيكاتي باركولي الحمدالله وبعون الله تم تعزيل لبيت وصار بكامل اناقته اريد اشوف لعيد لي امي تحجي بي وينه يناس عدكم شعور عيد انتو اني الحمدالله صارلي 4اعياد اعيد بل بجامه😂😂وشعري مكفش تكول وحده مخبله🤦‍♀️😂المهم صوتو حتى بليل انزل بارت اليوم فرحانه ماكو تعزيله تهد لضهر بعد 😂+احبكم🖤🥺