مَحٌأّمَيِّهِ قِلَبِ أّلَنِقِيِّبِ

بِأّرتّ أّلَتّأَّّسعٌ(أّوِلَ مَرأّفِّعٌهِ فِّيِّ أّلَمَحٌګمَهِ)

فِّيِّ وَِّسطّ لَقِطّيِّعٌ هِيِّ لَبِؤتّيِّ......🔥
                   ♤♤♤احمد♤♤♤
...............
ليان:هههههههههاي
مجهول:محاميه ليان
ليان:منو ويايه
مجهول:افه معرفتيني
ليان:اهاااا عرفتك يا فاسد
مجهول:ههههه اموات بيج من اصيرين عصبيه
ليان:احترم نفسك ويله بلا لغوه زايده شرايد
مجهول:سلامت كلبج لحنون ماريد شي بس تنسحبين من القضيه هاي نهايتج قريبه
ليان:مو چنك لحيت بنهايتي وتالي نهايتك اصير على ايدي
مجهول:منصبي عالي اكدر كلشي اسوي بيج
ليان:واني منتضرتك شسوي سوي وها صدك قبل متچي تحجي على نهايتي روح فرشي سنانك واشرب حليب ونام بل اضافه تغطة زين يكولون لي ميتغطة تچي احلام مو زينه وسديته منه ولكل صافن..يله باي
فهد:چا مطايه احنه هنا متفهمينه شديصير ومنو هذا وشنو نهايه
ليان:واحد مطفي بتالي ليل جاي يحجي بگيفه
سناء:هاي حوبة اخويه طلعت بيج ونشاءالله بعد اكثر
ليان:لكل باعو عليها وفهد وشهم وعلي ولكل ضاج كلش كام فهد من مكانه
فهد:ليان جيبي اوراق لقضيه ولحكيني للسياره يله شهم يله يمه انتي هم كومي
رعد:وين خويه
فهد:خويه داخذهم ونروح للفندق احسن
يوسف:افه والله واحنه وين رحنه
فهد:انتو على عيني وراسي بس اني مادري شلون لزمت اعصابي من هاي لاخت لي هنا
شهم:اي احسن شي اضاهر ليان مضوجتها حتى تدعي عليها يله ليان
ليان:اخذت اوراق لقضيه وجيت يله فهدي امشينه
الشيخ سلطان:والله مطلعون منا اله على چثتي
فهد:شيخنه اني ماعندي بس اختي وبت ابنك دعت عليها عبالك هيه خلت اخوها يروح الناس ساقطه وبايعه ومخلصه مااكدر خلي اخذهم للفندق بين ما باجر نفتح بيتنه ونرجع بي
لشيخ سلام:نزلتو راسنه انتو واخوج بويه فهد ابقو زحمه والله
شهم:نشكرك شيخ وكفتكم هاي مننساها الله شاهد بس احسن شي نروح يله لزمت ليان من ايدها وفهد كدامنه
ليان:باوعت جدو حرب كام
الشيخ حرب:فهدي انتضرونه كلنه نجي وياكم
الشيخ سلطان:على بختك حرب شسالفه
الشيخ حرب:بيتك عامر سلطان اعرفك خويه ماتقصر بس احفادي كلهم راح يرحون شعندي اروح وياهم وجدو سناء بت ابني ما ودت على اخوج حتى هيج يسوي الله يسامحج
ليان:طلعنه كلنه ولشيخ سلطان ولشيخ سلام واحمد ميقبلون شفت احمد اجه بصفي وحجه
احمد:هاج لفي نفسج بهاي احتركو صدرج نصه طالع
ليان:عزةةةة باوعت لبدي مالتي نص ردن وصدك صدري مبين اخذت منه لشماغ مالته ولفيته على صدري نزع عباته ولفني بيها
احمد:لفي نفسج بيها ولذبيها ابد
ليان:هزيت راسي بس شنو عطره لي بل الشماغ والعبايه سطرني جريت الشماغ وشميت عطره وغمضت عيوني افيش شكد طيب فتحت عيوني واشوف احمد صافن عليه ويبتسم عزةةةة فشله رحت ركض صعدت بسياره فهد عاد كلهم صعدو سيارتهم ورحنه للفندق حجزنه كل واحد غرفته ونمنه

            ♤♤♤بيت الشيخ سلطان♤♤♤
الشيخ سلطان:اني هيج ربيتكم يا حيف تربيتي بيكم والله فشلتوني كدام صديقي واخويه متستحون
الشيخ سلام:اخخخ يافشله يافشله طلعو منه تالي ليل والله فشلتونه انتي واخوج
احمد:قابلللل هيه ودت على اخوج العاررر يروح وياهممم حتى تدعين عليها جان ستحيتي
سناء:هاا يا سيادة النقيب كمت تحبها الهاي المفرعه
احمد:استغفرالللله اذا حبيتها او لا شعليججج جنت عصبي ومتنرفز لين دعت عليها وهيه مالها ذنب
الشيخ سلطان:بسبب اخوج ابني بل سجن وبسببنه احترك بيتهم خلفله على لبنيه راح اطلعه ابني وتخفف الحكم على اخوج حمدو الله لبنيه خوش محاميه جان ليهسه اندور ع محامي
الشيخ سلام:بويه بهيدي عليك باجر نعتذر منهم
...
ليان:نمنه كلنه ثاني يوم الصبح رجعنه للبيت طلعنه هدومنه لي زينه وجهزنه كلنه ملابس جديده لين نصهن احتركن وبابا وفهد لتحقو وراهم لعصر شهم لتحق مرت لايام واني اجمع معلومات مفصله عن لمستشار ولي ويا يشتغلون الى ان جمعت كلش طبعا بيت لشيخ سلطان اجوي واعتذرو منه وعادي قبلنه عتذارهم ونطيت العبا لاحمد بقه يمي بس الشماغ غلست عليه بصراحه الريحه مال احمد ادمان كلش طيبه وبسبب لقضيه كثرت طلعاتنه وطباتنه صرنه اصدقاء بس بعده على نفس سالفته عصبي ويصيح ومن يصيح اني اجاوبه ونصير مكافش😂المهم اليوم ثنين باجر الجلسه يمةةةةة كلبي حيوكف من الخوف بحيث جمعتهم كلهم وبوكتها جان بيت الشيخ سلطام يمنه كلهم كعدتهم بل صاله عود همة شهود وهاي وضليت احجي واجفص بكيفي...هفففف يمة مكاعد ترهم شلون وتخوصرت
الشيخ حرب:لبوتي انتي سباعيه كلشي اسوين
احمد:افههه لعد طلعتي تخافين
ليان:ماخافف بس متوتره ومرتبكه
اسر:لا لولو انتي گدها وگدود
ليان:هفف اسر كلبي حيوكف يعني تخيل اذا جفصت كدام القاضي تصير كارثه
يوسف:انتي بس الرتله مال راء مالتج اكبر جفصه😂
رعد:لا مو هيج ليان حلوه الله يحفضها اذا لقاضي حلو وشاب بس تكله عفيه لمتهم بريئ ولبستان مالهم يكلها من انعل ابو القاضي لابو لجابه برائه 😂
اسد:بس اذا طلع لقاضي قاسييي تعال يا عمي شيلني
حسين:لا يول مو هيج شايف اذا يجي فهد وشاف القاضي يباوع عليها بنضرات مدري شلونها يركعه بحذاء العسكري المجاهد 😂
حسين:الفاتحه على روح القاضي ابن المضلومه لقد استشهد على يد البطل المجاهد المقاتل ولمناضل فهد راكان حرب مع الصلوات رجاءاً😂😂
جهاد:باع هذا عشيرتين تهد وراها وبل نعل اصير😂
عماد:دباوعها احنه نحجي وتعبانين وهيه دسوي بروڤه
ليان:هفففف حسبيالله ندك الباب راح اسر فتحها ورا شويه دخل وبيده كارتونه
اسر:لولو هاي الج
ليان:شنو هاي
خالد:اوكفو خاف حاطين بيها شي
ليان:فتحتها شويه واشوف منضر مقزز كلش راس مال بشر ماعرف مال منو بس شفته نفسي لعبت ورحت ركض للحمام اتقيئ ولعياط برا وصل لاربيل طلعت واشرلهم يذبون الكارتونه ماريد اشوف
خالد:هه هاج اقري ست المحاميه
ليان:اخذت الورقه وقريتها(هديه المحاميه ليان راكان هل مره هيج مره الثانيه شي اكبر) اتسعت عيوني هاي شنو بيومها محد نام ضليت يم بيبي تقره على راسي ايات صارت ساعه 7كمت سبحت وبدلت لبست بنطرون ابيض وقميص ابيض وستره سوده وحذاء كعب ناصي ابيض وشعري نزلت لغزل سوته ضفيره فرنسيه واخذت فوني دكيت على بابا وفهد محد يجاوب وكلهم كاعدين راح يجون ويايه للمحكمه ومن لبنات بس بيبي وماما ولباقي كلهن بل بيت...اسر اسر
اسر:ها لولو
ليان:خابر فهد شوفه يجي
اسر:ديله بل طريق امشي هسه تأخرنه
ليان:تمام شنو يمه شعور يخوف اول مره افوت محكمه وارافع بيها يبووو كلبي حيوكف طلعنه ورحنه للمحكمه 6سيارات وكل سياره بيها كومه ولد وعلي ويانه وصلنه لكينه بيت شيخ شلطان وعشيرته گلهم جايين هنا حجه ويايه لشيخ
الشيخ سلطان:بويه ليان حتى لو خسرنه لقضيه فدوه الج
ليان:افهه شيخ وشارب ابويه اله اكسبها وهسه اشوف جنت لابسه الجاكيت مال مرافعه وانتضر دورنه
الشيخ سلام:معدله والله معدله
ليان:جان اول جلسه مال بكر ابن لشيخ سلطان الصغير ولجلسه الثانيه مال بستان دخلنه واني مودعه العافيه شي يخوف لكل موجود والمستشار الفاسد كاعد ويا العالم دخلنه وبيت جدي وبيت لشيخ سلطان كاعدين ولشباب هم وفهد وبابا وشهم ماكو هفف استمد قوتي منهم شويه ودخلو بل لبس لعسكري هيبتي اجه فهد باسني من راسي
فهد:رفعي راسي ليان
ليان:ادلل فهدي بدت الجلسه ولناس لي مقدمه لشكوه كام المحامي مالهم يحجي بكيفه واجه دوري بس شنو احجي وارجف من لارتباك...سيدي القاضي الاخ هنا كال انو بكر جان موجود من مات ابنهم وهوه كتله بس اني عندي دليل انو هوه جان يم اهله وبنصهم
القاضي:شنو لدليل بنتي تكدرين تشوفي للمحكمه
ليان:اكيد بس لدليل مالتي تصوير كامره القاضي اشر لواحد اخذ مني الفلاشه وشغله كدام الكل بشاشه چبيره ولكل يشوف انو همة كلهم جانو بل حديقه مال بيتهم واچوي هما لي اخذو لبستان هدو عليهم وابنهم انكتل ولي كتله واحد منهم خلص التصوير وندار عليه لقاضي...سيدي التاريخ مكتوب جوه التصوير نفس التاريخ لي نقتل بي ابنهم ولي قتله واحد منهم وبيهم
محامي المستشار:سيدي عندي عتراض
القاضي:لاعتراض مرفوض عندك وقت تعترض بي
ليان:الله فشله ردت اضحك بعلي بس سكتت عيب
القاضي:كملي بنتي
ليان:سيدي وعندي شهود من الچيران انو كل هذا صار واذا تسمح يدخلون
القاضي:وين الشهود
ليان:شويه ودخلو وحلفوهم يحجون لحقيقه ولكل ايدت الحجي لي حجيته اني ولتصوير...سيدي اني اطلب من عدالتكم الافراج عن موكلي
القاضي:القرار بعد لاستراحه.........
للحكايا بقايا…………