مَحٌأّمَيِّهِ قِلَبِ أّلَنِقِيِّبِ

بِأّرتّ أّلَعٌشٍروِنِ(هِآيّمِ بّـيّهِآ وِبّـحً❤ـبّـهِآ...)

- رٍبْمِآ گآنْ حٍبْهِآ غرٍيَبْ لُگنْهِ مِمِيَزَ ..❤🔥
                       ♤♤احمد♤♤
………………
احمد..گاعدين گلنه بل صاله وكل واحد حاير بضيمه جده بتچي وامي ولبنات يبچن على ليان وجدي يگول بسببنه نخطفت وبكر حاير كل شويه مخابر واحد واني اعصابي تلفانه رعد واسد ويوسف گاعدين يم جدي  وهاي مرت اربع ايام وهيه ماكو
رسل..بسببككك انت احمد بسببك انت اذا صار بيها شي ماسامحك للموت
اسد..سگتي رسل لو تحجين منا لباچر لصبح ميحس جبل
امل..احمد اني چنت وياك والوحيده واگفه ضدهم واگلهم احمد يحبها ليان لا مستحيل بس هسه لا اذا صار بيها شي لا راح اسامحك ولا اسامح نفسي اني اني مگدرت اسوي شي گدامي اخذوها وانت انت هنتها وهنت حبها الك
احمد..كافي كافيييي اني لبيه مگفيني وانتو ازيدوها عليه شتريدون ها شتريدونن شگلگم ايييي ايييي احبها وموبس احبها اني عاشكها ها ارتاحيتووووو هسه داطلع شفت علبه بل باب اخذتها فتحتها قرص دخلت بل صاله شغلته على لتلفزيون اول مشتغل لكل وگف
امل..ليان
احمد..صافن عليها شلون الكلب ابن الكلب ضربها على رسها ولدم لي صار ينزل منها گمت طفيته واخذته وطلعت للمركز ويايه بكر دخلنه لغرفه لاجتماعات ليگناهم هناك العميد راكان وفهد وشهم شغل لقرص شافو
فهد..ولزهره اله ارجعه ابطن امه گلمن مد ايده عليها
شهم..خويه گلنه نريد نسوي هيج بس هيه وينها
بكر..مخلينه مگان مدورنه بي
فهد..وين ماخذيها ولد لكلب
بابا..تدرون لبارحه امكم شنو سئلتني
شهم..شنو
بابا..تكلي بتي ليان احسها ماتت
فهد..يابه والله اني هم احس راح يگتلوها هذوله ميخافون من الله
شهم..سلامات خوية شتگلون ليان سباعيه ومستحيل تعوفنه اني ماحس بيها شي
…………
ليان..مرت اربع ايام لا اكل ولا شرب طاقتي خلصت واني امثل القوه بس اني بداخلي خايفه اذكرت من گالو محرم بعدله اسبوعين زين احمد شديسوي فهد لكل اريدهم اريد اطلع منا بس شلون ضليت افكر مالكيت اي حل غير بس ادعي الله اطلع منا ضليت هناك اسبوع اكل ماكو ابد واذا يجيبون ماكل اخاف خالين بي شي كلشي يطلع منهم لحد يوم اجه ابن امجد ويا بنيه
ابن امجد..علا لبسيها هذني حتى ناخذها
ليان..وين تاخذني ابن الكلب
ابن امجد..راح اخذج حتى تفجيرين لمقر لي يداوم بي حبيب لروح
ليان..هههه امشي اطلع برا واخذ هاي الساقطه مالتك وياك
ابن امجد..يله علا ستعجلي
علا..صار
ليان..اجتي كعدت يمي بحجه تلبسني نطتني تلفون
علا..رحمالله والديج اني ساقطه اني هم حالي حالج خطفوني من اهلي بس هاج هاي تلفون خابري اي احد تعرفي او حافضه رقمه خلصي نفسج منهم ترا ناوين عليج تروحين تفجرين نفسج بل مقر لي يداوم ابوج ورجلج بي
ليان..صافنه عليها شتحجي..اني اسفه بس اعصابي تلفانه وعبالي وياهم ماعندج اي طريقه انهزم منا
علا..چان اني نهزمت لو عندي طريقه بس هاج هسه خابري بسرعه
ليان..نطتني لتلفون عصرت دماغي كوه يله اذكرت رقم احمد دكيت مرتين ميجاوب عفته دخل ابن امجد
ابن امجد..شسالفه علا گتلج لبسها راح نتأخر واكيد هيه مشتاقه تشوف اهلها
علا..اي بس هيه مكاعد ترضه تلبس
ابن امجد..باعي راح احسب للعشره اذا ملبستها انتي وياها طلقتين واخلص منجن
ليان..زمال انت زمال عينن ابوك مطي
ابن امجد..ههههه الي الشرف يحلوه انتي باعي ست المحاميه جهاز لتحكم بأيدج راح يصير اذا مفجرتي ترا اهلج كلهم لي بل بيت عليهم قناصين امر مني كلهم بح يموتون
ليان..ضليت صافنه يارب روح اهلي كلهم بأيدي هم ابويه واخواني وناس ابرياء وهم اهلي لي بل بيت شلون..خلص اسوي كلشي تريده بس اهلي لي بل بيت لتتقربلهم
ابن امجد..اوك عود نشوف اذا منفذتي لي اطلبه بم يموتون
ليان..طلع واني لبست چان بنطرون صحراوي وبدي اسود لبس مال دواعش عبالك لبستني علا لحزام وهيه تبچي بس شنو يخوف كله اسلاك احمر وازرك التلفون نطيته الها واخذت رقمها اذا طلعت اني حيه ومابيه شي اجي انقذج
علا..يارب ميصير بيج شي يارب
ليان..لبستني بشت وبوشي طلعتني لزمني من ايدي وسد حلكي بوصله سوده ونزل لبوشي ومشيت ويا واني ادعي ربي ميصير بيه شي حتى مالي قدره امشي صعدوني بسياره وايدي مربطه بحبل ضلت لسياره تمشي واني بس دموعي تنزل وراسي يوجعني من الضربه لي ضربنياها على الحايط وكفت السياره ونزلوني اجه ابن امجد وخر لبوشي مني وحجه
ابن امجد..صيري حبابه وامشي عدل زين ترا اموت اهلج
ليان..هزيت راسي ودموعي تجري مااكدر احجي بس مشيت وابچي يارب يارب مالكه احد ماريد ناس تموت وصلت الباب لمركز ضليت صافنه ادخل لو لا دخلت صرت بنص لمركز سمعت صوت فهد والله هذا صوته
فهد..منو انتي خير
ليان..اريد اجاوبه اريد احجي مااكدر اريد اكله خويه اطلع مااكدر ضلت دموعي تنزل جهاز لتحكم بأيدي وره حسيت احد وخر لبوشي مني نفتح شعري وكعت لبوشيه
خالد..لياننن
ليان..يتقربون مني واني ارجع ورا واهز براسي بمعنى لتتقربون شفت احمد وبابا واسر ويسر ابن عمي وخالد وشهم وفهد وبكر  وياهم ولد اعرفه صديق فهد اخويه اسمه طارق اجه فهد لزمني ايدي ديحضني واني دفع بي وخر من حلكي لوصله لي چانت ساده حلكي وحيجت بصوت عالي..فهددد اطلع منا بسرعه اطلععع
شهم..شبيج ليان حبيبي
ليان..نداريت شوفتهم جهاز لتحكم..بس اطلعو منا ترا ملبسيني شي يفجر
اسر بصياح..شتحجيننن
ليان..اجه يسر فتح لدكم مال بشت لي لابسته
يسر..ليان بس دقيقه اهدي اهدي لتتحركين
ليان..حبابين بس اطلعو وعوفني بحدي اموت اني انتو اطلعو
احمد بصياح..شلوننننن اعوفج تموتيييين شلووون بكر طلع لكل لي هنا
ليان..بابا لبيت لبيت مالتنه داير مدايره اكو ناس تكتل كل لي بداخله اذا مسويت لي يريدون
ابو فهد..طارق اخذ قوه واطلعو من لباب لثاني مال مركز وروحو للبيت يسر انت اخذ قوه وافتر بهل منطقه اكيد هسه موجودين الي خطفو ليان
ليان..يسر بل فرع لثاني واكفين سيارتين سود مضلله
يسر..ماشي بس انقذو ليان
ليان..طلع كل لي بل مركز بس شهم وفهد وبابا واحمد وخالد واسر وبكر  مطلعو اتوسل بيهم يطلعون ماكو
احمد..شوفي انتي اهدي اهدي هسه راح احاول انزع هذا لمصيبه لي ملبسي الج تمام
ليان..لا لا لتجي خاف تموت
احمد..لا ماموت بس اهدي واثبتي
ليان..اجه احمد وبيده مثل لگتر وكعد كبالي رجعت وره
احمد..ليان ثبتي
ليان..بابا اخذهم واطلع بداعي
ابو فهد..ليان بابا شتحجين
ليان..حباب بابا بداعتي اخذهم خلو بس احمد هنا
ابو فهد..احمد ليان امانه يمك اريدها منك
احمد..اي بس اطلعو انتو هسه
ليان..سحلهم ابوي كلهم وطلعو بقه احمد يمي اجه لزمني من ايدي وكعد صافن على لحزام
احمد..باعي راح افتحه شويه شويه اي حركه منج ترا بح
ليان..هزيت راسي رفع لبدي لي لابسته وماعرف شنو يسوي بل حزام واني ارجف ودخت مالي قدره اوكف بس تحملت يمكن ضل ساعه يله كدر يعطل لحزام ونزعه مني اني وكعت بحضنه وبعد مادري شصار
احمد..ليان ليان شلتها وهيه ماكو راسها ينزل منه دم وجهه اصفر خليتها بل سياره واجه فهد وشهم ولعميد راد يجي بس علمود لتقرير وهاي بقه اخذتها للمستشفى اخذوها ورأسا للعمليات اجه يسر وطارق لازميهم وبل مركز وره ساعه ونص طلع لدكتور طفرته كلنه عليه
فهد..دكتور شلونها
شهم..متحجي شلونها
الدكتور..بس نطوني مجال احجي هسه هيه حاليا وضعها مو كلش تمام فقر دم حاد عدها وهسه احنه خلينه الها دم لين هوايه فاقده دم ونقص فيتامينات وحديد وتغذيه بل اضافه الى خطينه راسها وهسه راح نطلعها الحمدالله على السلامتها طلعو ليان بغرفة خاصه ساعه وفتحت عيونها
ليان..فتحت عيوني شفتهم فوك راسي حجيت بتعب..حتى بجهنم ويايه وين اروح بعد يول
اسر..ههههههه ياجهنم ولج انتي بل مستشفى
ليان..فتحت عيوني على وسعهن اي والله مو بجهنم ماكو نار
فهد..الحمدالله على السلامة لياني
ليان..فهدي الله يسلمك
احمد..الحمدالله على السلامه
ليان..الله يسلم احمد شكرا ضليت يومين بل مستشفى يومين واهلي وبيت شيخ سلطان هم اجوي وطارق جاب امه واخته يتحمدولي بل سلامه بليل يبقون فهد وشهم وناهد مرات اشوف احمد برا ثالث يوم طلعت رحت لبيتنه صعدت فوم لغرفتي لين نعسانه كعدت على الچربايه واجتي امل ورسل واماني بوسني
امل..النقيب العاشق نقذج مو
ليان..امل نجبي يا عاشق مزوج
رسل..وانتي مضايجه لين ازوج
ليان..لااا ابد زعلي وقهري خافيته بداخلي
غزل..لججججج لياااااااان
ليان..بسم الله شكو
غزل..وين لتراك مالتج الاسود
ليان..ناوشوني نعال انتي مخبله ولج شبيج
غزل..عوفي لحب هسه وين تراكج
ناهد..فهدددددد😲……………
للحكايا بقايا…………
عمي هاي بارت ثاني واسفه لين لبارتات قصيرات بس اذا صار عندي مجال اكتب اليوم هم انشر ورا هذا البارت هاي شغله شغله الثانيه والله لعضيم بل نبي عندي ضروف صعبه وداكتبلكم وتتدلون حقكم عليه بعد وهاي بوسه الرسكم عمي بس بعد كله لبارتات طول اكتبلكم بس احداث القصه هوايه وادللو عليه مره ثانيه اكول اسفه حبيباتي وفستقاتي انتو♥