قصة : { #دلع_بنات } 🥳💪🏻
الحلقة الأولى { ١ } 🤳🏻
*( سنة 2016 )*
( جوة ڤيلا ، تدق الساعة ستة الصبح ، يصحى شاب م النوم ع صوت جرس المنبه ، يطفيه ويقوم يدخل ياخد دش ويطلع وبعدين يدخل اوضة مليانة هدوم ، ياخد بدلة يلبسها ، يقف قدام المراية يسرح شعره ويحط البرفيوم بتاعه ، ياخد فونه ومفاتيح عربيته ويطلع م الأوضة ، ف الدور الي تحت ، راجل كبير ف السن قاعد ع كرسي متحرك وماسك جرنال ، يقرب الشاب عليه ويوطي يبوس ايده )
رامي : صباح الفل
*( ملحوظة .. رامي شاب وسيم ، بشرته خمرية ، عيونه لبني ، شعره بني ، طويل وجسمه رياضي ، دقنه خفيفة مظبوطة ، عنده ٢٦ سنة ، مبيهتمش ب حاجة قد مظهره وشغله دول اهم حاجتين ف حياته + التفاصيل ، والده ووالدته متوفيين وجده عايش معاه ويعتبر جده من اغنى الناس ف مصر ، رامي عنده شركة هندسة كبيرة ورثها عن ابوه ، عمه ليه فيها الربع لكن رامي هو ف الأساس ، شغلته الأساسية محامي لكن بيروح برضو الشركة ويتابع الشغل هناك مبيفتوش حاجة ، رامي معندوش اخوات ف بيعشق حاجة اسمها هدوء ونظام وبيكره الأزعاج والكل بيخاف منه ف الشغل لإنه واخده جد جداً )*
الجد : صباح النور
رامي : عامل ايه ؟
الجد : كويس طول م انت كويس
رامي : دايماً يارب
( تقرب الشغالة )
الشغالة : استاذ رامي ، قهوتك ☕
رامى وهو بياخدها منها : شكراً
( يقعد قصاد جده )
الجد : مش تفطر الأول ي بني !
رامى : انت عارف مبفطرش
الجد : بكرة تييجي الي تفطرك غصب عنك 🙄
رامي : اديك قلت غصب عنك يبقا انا كدة زي الفل 👌
الجد : بص بقا ، انا مش هقولك البوقين الي قلتهملك قبل كدة إني عاوز اشيل عيالك قبل م اموت والكلام دة
رامى : بعد الشر عليك
الجد : بس هقولك العمر بيجري
رامى : قولتلي كدة قبل كدة !
الجد : برضو !
رامي ب ضحك : ايوة 😄
الجد ب يأس : مافيش فايدة فيك !
( يقوم رامي )
رامى وهو بيغمزله : تربيتك 😉
الجد : تربية وس ..........
رامى : ايه ايه اهدى كدة وفكها ، احنا لسة ف اول اليوم !
الجد : فكتها ي ظريف ، مش رايح شغلك ؟
رامى : لا رايح طبعاً ، محتاج حاجة قبل م امشي ؟
الجد : سلامتك ، ربنا معاك
رامى : يارب ، سلام
( يبوس دماغه ويطلع يركب عربيته ويروح الشركة ، شاب واقف ع باب الشركة ، ينزل رامي م العربية وياخدها السواق يركنها )
رامى ب استغراب : ايه الي موقفك كدة ؟
خالد ب توتر : اصل اااا هوااااا ......... 😬
*( ملحوظة .. خالد عنده ٢٨ سنة ، من اعز صحاب رامي وشغال معاه ف الشركة )*
رامى ب قلق : في ايه ي بني ؟!
( يدخل رامي الشركة )
خالد : مهو انت جيت متأخر يعني 🤷🏻♂
رامى : الساعة كام معاك ؟
( يدخله الأسنسير )
خالد وهو بيبص ف ساعته : تمانية إلا ربع
رامى : وانا ميعادي كام اكون هنا ؟
خالد : عارف إنه تمانية بس الأجتماع بدأ بدري
رامى ب استغراب : لا والله !
خالد : اة 😬
رامى ب فهم : عمي الي بدأه طبعاً
خالد : انا قلتله إن انت ع وصول بس مرضاش يستنى ، قالي ييجي ع مهله
رامى : تمام ، ماشي 😒
( يخرجه م الأسنسير ، رامي يشوف عمه واقف عند اوضة الأجتماعات بيسلم ع الناس ويباركلهم ع الأتفاق ، يقرب عليهم )
رامى : طب ي جماعة ، اعتبره اي حاجة قالهالكم عمي كان بيهزر 💁🏻♂️
( يستغرب الكل ويبصوا لبعض ، يدخل رامي مكتبه ، يبدأوا الناس يتكلمه مع عم رامي ويحاول يهديهم ، يدخل خالد ورا رامي )
خالد : ايه ي بني الي قلته دة !!
رامى : هي حصة عمي ف الشركة اد ايه ي خالد ؟
خالد ب ارتباك وهو بيقعد : يعني هو حوالي ميقلش عن ، بس ميذدش يعني 😬
رامى ب تنهيدة : قوم ي خالد اطلع برة 😑
خالد : طب ليه كدة !
( يدخل عم رامي )
عزت ب زعيق : ايه الي انت زفته دة 😡
خالد وهو بيقوم : طب استأذن انا 😬
( يمشي خالد )
رامى ب هدوء : ايه ي عمي ، معصب نفسك ليه ؟
عزت : يعني مش عارف ليه ، خليت الناس لغوا الأتفاق !!
رامى : طبيعي هيلغوه لإنك اكيد كنت مفهمهم إني موافق عليه
عزت ب عصبية : مش من حقك تعمل كدة ، انا ليا في الشركة دي زيي زيك 😠
رامى ب فهم : ااااه ، طب بص ي عمي ، انا إذا كنت باخد رأيك ف الشغل قدام حد ف هو عشان انت عمي وبكبرك قدامهم مش اكتر ، وطبعاً انت ع راسي من فوق ، اما لو بقا هنتكلم ع الي ليك والي ليا ف انت ليك فيها ١٥٪ يعني اقل م الربع ويمكن اقل من ١٥ كمان ، يعني اخرك تقعد ع مكتبك ويجيبولك القهوة لحد عندك ، ف ياريت متدخلش ف الي ملكش فيه ☝
عزت ب غيظ : ماشي ي رامي 😡
( يمشي عزت ع اخره ، يدخل خالد )
خالد : جدع والله ايه الحلاوة دي 😃
رامي : ع شغلك
خالد : اوك 😬
( يمشي خالد ، يرن فون رامي ، يمسكه )
رامى وهو بيرد : الو ، ايه ! انهوا مستشفى ، طب انا جاي حالاً !
( يقوم رامي يمشي ، بعد شوية ، يوصل قدام مستشفى ويطلع يقابله الدكتور )
رامي ب قلق : حصل ايه ي دكتور ؟
الدكتور : قلبه برضو
رامى : طيب ممكن نسفره برة ، انا ممكن اعمل اي حاجة 😕
الدكتور : لا ميستحملش السفر ، ولا ف سنه ولا ف حالته دي
رامى : والعمل طيب ؟
الدكتور : هندخله عمليات دلوقتي ، بس انت لام تمضي ع اقرار إننا مش مسؤولين لو حصله حاجة
رامى ب قلق : للدرجة دي حالته صعبة 😟
الدكتور : للأسف اة ، هو كان طالب يشوفك ف ادخله عشان هنجهزله اوضة العمليات
( يمشي الدكتور ، يقف رامي متضايق ، يدخل ل جده )
رامى وهو بيقعد قصاده : ايه ي عم قالقنا عليك ليه 😅
الجد : رامي
رامى وهو بيمسك ايده : ايوة انا جنبك اهو
الجد ب تعب : شكلي كدة هفلسع بدري 😓
رامى : متقولش كدة ، دلوقتي هتعمل العملية وتطلع زي الفل واحسن م الأول كمان ونجوزك بقا 😉
الجد : لا مش هدخل عمليات ، كفياني عمليات !
رامى : بس انت لازم تدخل ، المرة دي بس عشان خاطري
الجد : اسمعني بس 😞
رامى : متتكلمش عشان متتعبش
الجد ب اصرار : اسمعني ي رامي
رامى : حاضر ، سامعك 😕
الجد : انا عارف انت ليه مش عاوز تتجوز
رامى : ي جدي مافيش داعي للكلام دة ، وبعدين انا عندي ٢٦ سنة مش ٤٦ ، انا لسة صغير !!
الجد : متقاطعنيش ، الي قدك متجوزين ومعاهم عيال
( يسكت رامي ويتنهد )
الجد : مش معنى إن ابوك وامك انفصله إن تبقا الحياه الزوجية مشاكل وهم ، بالعكس ، انت عارف إنهم كانوا بيحبه بعض جداً ، لدرجة إن لما ابوك مات امك مستحملتش الخبر وماتت هي كمان ، طبيعي يحصل خلافات مابينهم ، بس كانوا بيعرفه يحلوها ، لما لقوا نفسيهم هيخسره بعض لو كمله قرروا ينفصله وكل واحد محترم التاني ومحترم قراره ، انا نفسي اشوفلك حد مشاركك حياتك ، مشاركك حزنك وفرحك ، وشكلي كدة مش هلحق بسسب تفكيرك دة 🤦
رامى : متقولش كدة ، وعد مني اول م نطلع من هنا من بكرة اكون متجوز والله
الجد ب تعب : ي بني انا مش بأمرك ، انا عايزك تحب ، وتمتع نفسك زي اي شاب ، بس اااااااه 😖💔
رامى ب خضة : جدي ! ي دكتوووور 😮
( يدخله الدكاترة ، يطلع رامي يستنى برة ، بعد شوية ، يطلع دكتور )
رامى ب قلق : ايه ي دكتور في ايه ؟!
الدكتور : البقاء لله ، اسف 😐
( يتصدم رامي م الخبر ، تطلع الجنازة ويدفن جده ويتعمل العزا ، بعد اسبوعين ، رامي ف شغله ، تخبط السكرتيرة )
السكرتيرة : استاذ رامي ، محامي جدك برة وعاوز يقابلك
