الحلقة الثانية { ٢ } 🤳🏻
رامى : واخد ميعاد ؟
السكرتيرة : ايوة
رامى : خليه يدخل
السكرتيرة : اوك
( يدخل المحامي )
المحامى وهو بيسلم ع رامي : مساء الخير 👋
رامى وهو بيقوم : مساء النور ، اتفضل
( يقعد المحامي يتكلم مع رامي شوية )
المحامى : ف حضرتك لازم تكون موجود يوم فتح الوصية ، ولازم عمامك الأتنين وعمتك
رامى : بس عمتي مش عايشة هنا ، دي ف القاهرة !
المحامى : لازم تكون موجودة ، دة الكارت بتاعي ، وقت م تتجمعه والكل يكون حاضر بلغني
رامى : اوك !
المحامي وهو بيقوم : عن اذنك
رامى : اتفضل
( يمشي المحامي ، تعدي الأيام ويتجمع عمام رامي ف بيته وييجي المحامي ، الكل قاعد ، يبدأ المحامي يقرأ الوصية )
المحامى : ب أختصار عشان اقدر افهمكم ، دلوقتي ثروة ابوكم بالمصانع والشركات عبارة عن ٣٥٠ مليون جنيه ، كل واحد من ولاده هياخد ٥٠ مليون ، يعني ١٥٠ مليون جنيه
عزت ب استغراب : طب و ال ٢٠٠ مليون الباقي ؟!
المحامي : الباقي هيبقى بتاع رامي وكنزي
عليا ب استغراب : كنزي بنتي 😕
المحامى : ايوة
كامل : لا والله !!
المحامي : بس بشرط
عزت : شرط ايه ؟!
المحامي : رامي يتجوزها
عليا ب خضة : نعم !!
رامى ب صدمة : اتجوز مين !
المحامي : كنزي بنت عمتك 💁🏻♂️
( يتخض رامي والكل وينفعله )
كامل : ايه الي انت بتقوله دة !!
المحامي : مش انا الي بقول ، دة ابوكوا الي بيقول !
عزت : بيقول ايه بقا وفهمنا بالراحة كدة !
المحامى : المكتوب إن محدش هياخد جنيه م الورث غير لما رامي يتجوز بنت عمته ، كنزي احمد عبدالرحمن
عليا ب انفعال : ايه التخاريف دي ، انا بنتي عندها ١٧ سنة ازاي تتجوز !!
عزت : خليه يكمل ي عليا اصبري
المحامي : وشرط تاني
كامل : ايه تاني ؟!
المحامى : فترة جوازهم متقلش عن سنة ، يعني مينفعش يتجوز ويطلق قبل سنة ، ولو الجوازة متمتش كل الثروة هتروح للملاجئ والمستشفيات ، بما فيها فلوسكم كمان 💁🏻♂️
عزت وهو بيقوم ب انفعال : دة اكيد اتجنن 😡
كامل : عزت ايه الي بتقوله دة !!
عليا : مهو دة مش تصرف حد عاقل ابداً !
عزت ب عصبية : مش مقسمها بالعدل وكمان حاطط شرووووط 😡
( الكل يبدأ يتناقش ويتعصب ويتكلمه ف الفون مع ناس ورامي قاعد سرحان )
رامي ف سره : برضو عملت الي ف دماغك ي جدي !
المحامى : ي جماعة هدوء لو سمحتم ، انا ماليش دعوة دي وصية وانا بقرأها وهي دي شروطها ، اي اختلاف تاني دي مشاكل عائلية انا ماليش اي دخل فيها ، ياريت تتكلمه مع بعض وتبلغوني موافقين ع شروط الوصية ولا اتصرف ف الميراث ، عن اذنكم
( يقوم المحامي يمشي )
عزت ل رامي : وانت ايه رأيك ف الي بيحصل دة ؟
رامى : وانا مالي ؟!
كامل : مش انت الي هتتجوز !
رامى : والله انا مش محتاج فلوس جدي
عليا : يعني ايه ؟!
رامى وهو بيقوم : اظن ردي واضح 😒
( يمشي رامي )
عليا وهي بتقوم : وانا كمان مش موافقة ع الكلام دة ، انا بنتي لسة عيلة ، دة ايه التهريج دة !
( تطلع عليا برة ، يفضل قاعد عزت وكامل )
كامل : انت موافق ع الي بيحصل دة ، كل واحد فيهم معاه الي يكفيه ومستغني عن الميراث ، وانا ميراث ابويا مش هسيبه ☝
عزت : اسيب مين ع جثتي !
( تدخل عليا )
عليا : انا ماشية
عزت : رايحة فين ؟
عليا : هروح اقضي الليلة ف اي اوتيل عشان ارجع بكرة القاهرة
عزت : ودي تيجي وبيت اخوكي مفتوح 💁🏻♂
عليا ب استغراب : وانت من امتى بتعزم حد ف بيتك !!
عزت : لا مش قصدي ع بيتي قصدي بيت اخوكي مصطفى دة
عليا ب فهم : اااه ، م انا برضو استغربت ، ع العموم انا مش هقعد ف بيت صاحبه معزمنيش 😒
كامل : لا دة بيت اخوكي تقعدي فيه غصب عن عين الطخين ☝
عليا : وانا ي سيدي مش عاوزة اقعد ، لإني عارفة إنكم هتفضلوا لازقين هنا ، وانا مش ناقصة وجع دماغ 🤦🏻♀
عزت : ومين قالك إن هيبقا في وجع دماغ بس
كامل : اقعدي بس هنفهمك 😃
( تقعد عليا ويفضل عزت وكامل يقنعوا فيها إنها توافق ع الجوازة )
عليا : قدر إني وافقت ، بنتي مش هتوافق 🤷
عزت : انتي فهميها إن دي جوازة مؤقته ، وبعد السنة م تخلص ناخد القرشين وتعمل الي هي عيزاه
عليا : انا نفسي بس افهم حاجة ، انتوا مش مكفيكم الي معاكوا ؟!
كامل : وهو عشان معانا نسيب ورث ابونا للغريب !
عزت : وبعدين احنا عاملين عليكي ، انتي اكتر واحدة محتاجة الفلوس دي ، ولا عاجبك مرمتك ف المحاكم كل شوية بسبب النفقة الي مش عاوز يدفعها جوزك ؟
عليا : انا بلف وراه ف المحاكم عشان دة حق بنتي الي صارفه ع مراته الجديدة ، لكن لو ع الفلوس ف انا الحمدلله بشتغل وبصرف ع بنتي ومش محتاجة من حد حاجة 🤷♀
كامل : انا مش فاهم بس انتي ايه الي قالقك ، دة ابن اخوكي مش حد غريب ، وانتي عارفة اخلاق رامي وإنه هيلتزم ب اي حاجة تطلبيها !!
عليا : رامي مش قالقني ، الي قالقني بنتي 😐
عزت : يعني انتي موافقة ؟
عليا : اكيد يعني مش عاوزة فلوس ابويا الي شقى فيها سنين نتبرع بيها ف الأخر ، وبعدين رامي عريس ميتفوتش 🤷
كامل : ايوة هو دة الكلام ، يبقا محتاجين منك تقنعي بنتك بس
عليا : طب ورامي ؟
عزت : سيبي رامي عليا ، انا عارف مين بيقدر عليه 🙂
عليا : ماشي
كامل : انتي تقعديله هنا لحد م الموضوع دة يتم ، اوعي تمشي ☝️
عليا : طيب 🙄
( ييجي الليل ، رامي قاعد مع خالد ف كافيه )
خالد : ي عم حد طايل يتجوز !
رامي : ي بني الفكرة ف الطريقة مش اكتر 🤷🏻♂
خالد : والله انتوا عيلة تافهة 🙄
رامى : م تتلم يلا !!
خالد : عاملين مشكلة من غير مشكلة ، انا لو حد قالي اتجوز بنت عمتك سنة ونديك عشر تلاف جنيه هوافق ، وانت هتاخد ملايين ولسة هتعترض !
رامى : ي بني دي كمان عندها ١٧ سنة يعني عيلة ، انا اكبر منها ب تسع سنين !!
خالد : وانت مالك ب سنها ، هو مش جواز ع ورق ؟
رامى : ايوة
خالد : يبقا فكك م السن بقا ، وبعدين هي مش حلوة ؟
رامى : معرفش انا عمري م شوفتها قبل كدة ، ولا هي شافتني برضو !
خالد : امممم ، يعني انت وحظك !
رامي : مين قالك إني هوافق اصلاً 🤷🏻♂
خالد : لا م انت لازم توافق
رامى ب استغراب : ودة ليه إن شاء الله ؟!
خالد : أقصد يعني حرام شقى جدك يروح ف الهوا كدة ، وبعدين الي انت ناسيه ي برنس إن دي وصية ووصية الميت واجبة عليكم كلكم ، يعني المفروض ب رضاك او غصب عنك توافق ، تموا الوصية الأول وبعدين اتصرفوا مع بعض انتوا بقا
رامى ب حيرة : الله يخربيتك ، انا ايه الي قعدني معاك شقلبت دماغي اكتر 🤦
خالد : قولي اسمها ايه وانا اجيبها من ع الفيس ، يمكن تفتح نفسك 🤷🏻♂
( يفتح خالد اللاب توب )
رامي : كنزي احمد
( خالد يعمل سيرچ ع الأسم )
خالد : في كذة واحدة كنزي احمد
رامى : اكيد
خالد : متعرفهوش ثلاثي ؟
رامي ب تفكير : لا مش فاكر
خالد : كنزي احمد عيد ، تقيم ف القاهرة ، شوف كدة 💻
رامي وهو بيبص ع الصورة : لا لأ ، مظنش دي صغيرة اوي !!
خالد : انا برضو بقول كدة .، هشوف غيرها ، كنزي احمد عبدالرحمن
رامي ب تذكير : تقريباً دة الأسم
خالد ب اندهاش : اوبااااا 😳
رامى ب استغراب : في ايه ؟!
خالد : مستحيل تكون هي دي !!
رامي : وحشة للدرجة ، اصدمني !
خالد : هصدمك فعلاً ، اتفرج ي معلم 😃
( يتفرج رامي ع صور كنزي )
خالد ب استغراب : مش معقول دي عندها ١٧ سنة دي ف العشرينات ، بس مزة 😍
رامي ب شك : معتقدش هي !
خالد : شبهك ي عم
رامي : لا مظنش !!
خالد ب ضحك : لو طلعت هي هحاول اشيل من بالي فكرة إني اخونك معاها 😂
( متنسوش اللايك ورأيكم .. 💚✨ )
#قصة_دلع_بنات_ل_سهيلة_سعيد
#sohila_sa3ed
