قصة : { #دلع_بنات } 🥳💪🏻
الحلقة الثالثة { ٣ } 🤳🏻
( يتنهد رامي ويسكت ، يعدي الوقت ، يروح رامي البيت ، يدخل اوضته ويقعد يفكر ف كل الي حصل ، يطلع الصبح ، يقوم رامي م النوم وينزل تحت ، يلاقي الفطار متجهز وعمته مستنياه )
رامى ب استغراب : دة ايه الكرم دة !!
العمة : هو انا ليا غيرك ☺
( يقعد رامي )
رامى ب فهم : خير ي عمتو ؟
العمة : خير ي حبيبي ، بص انا .........
رامي : بصي ي عمتو عشان انا مبحبش اتناقش مع حد وانا لسة صاحي م النوم ، ف انا عارف انتي عاوزة تقولي ايه بخصوص الجواز والميراث ، ف انا موافق إني اتجوز كنزي
العمة ب فرحة : بجد 😀
رامى : ف ياريت بقا محدش يفتح الموضوع دة تاني لحد م يتم ، اوك ؟
العمة : ع العموم ي حبيبي دي سنة نقضيها بالطول ولا بالعرض ، وكنزي هتبقا امانة عندك ، ووالله دي بنت مؤدبة وهادية مش هتضايقك خالص ف الفترة دي ، ولا هتحس ب وجودها وهتحب قعدتها ، انتوا اة عمركوا م شوفته بعض بس والله هترتحلها دي نسمة 😊
( ف مكان تاني ، ف مدرسة بنات ، جوة فصل ، بنات عمالين يطبله ويسقفه ويغنوا وبنت واقفة بترقص وتغني ، يدخل المدرس ، الكل يقعد ماعدا هي مش شيفاه )
كنزى : حتى ازيك مستخسرهااااا مستخسرها مبيقولهاااش ااااااااه الي ف حبه ضيع قلبي ضيع قلبي وروحت بلااااش حتى ازييييك ازيك اااااااه .......... 💃👏
( البنات فطسانين ع نفسهم م الضحك وعمالين يشاورولها )
المدرس : ايه ي كنزي 🤷🏻♂
( تتخض كنزي وتلف تبصله )
المدرس ب زعيق : عملالي فيها صافيناز 😠
( تجري ع مكانها )
كنزي : اسفة ي برنس ي مستر سوري 😬
المدرس : برنس ! اجيبلك شيشة تفاحة بالمرة ؟
كنزى : لا لسة ضاربة كشري 😄
*( ملحوظة .. كنزي بنت جميلة ورقيقة ، ولما اقول رقيقة اقصد ف ملامحها ، شعرها كيرلي اسود ، بشرتها بيضة ، عيونها دهبي ، جريئة متدهاش سنها وشقية جداً ومتدلعة ومرحة وبتكره الهدوء والعزلة ، عندها ١٧ سنة ، ف تانية ثانوي ، معندهاش اخوات ، عايشة مع مامتها ووالدها منفصل عن مامتها ، كنزي طبعاً تبقا عروسة رامي المستقبلية )*
( ف بيت رامي ، قاعد مع عمته )
العمة : ماشي ي حبيبي ، انا هقوم عشان هرجع دلوقتي القاهرة ، وإن شاء الله المرة الجاية هتكون معايا كنزي
رامى ب ضيق : إن شاء الله 😒
( تقوم العمة تمشي ويقوم رامي يروح الشغل ، يعدي الوقت ، تطلع كنزي تقف قدام المدرسة مع البنات ، ف وشهم مدرسة ثانوي ولاد )
سمر وهي بتقرب ع كنزي : انتي فين ي بنتي بدور عليكي 🤷🏻♀️
كنزى : بقالي ساعة مستنياكي يلا
( يرحوا عند العربية ، يقرب عليهم شاب )
هيثم : كنزي
( تبصله )
كنزى ب زهق : امممم 😑
هيثم : انا اسف ع الي حصل ، والله مافيش غيرك ف قلبي 😕
كنزى : اة إن شاء الله !
( تفتح كنزي باب العربية هيثم يحط ايده عليه )
هيثم : اسمعيني طيب ممكن ؟
كنزى : لا م انا سمعت من صاحبك لما اتصل بيا وبعدين قالي اسف اصل فكرتك البنت التانية 🤷
هيثم : والله دة حمار 😕
كنزى وهي بتغمزله : انت ادرى ب فصيلتك 😉
( تركب كنزي عربيتها وتمشي مع صاحبتها ، بعد شوية ، يرن فونها )
عليا : ايه ي كنزي ، انتي فين ؟
كنزى : انا رايحة الدرس ، في حاجة ؟!
عليا : تخلصي الدرس وتطلعي ع البيت اوك
كنزى : م انتي مش موجودة عوزاني اروح ليه ؟!
عليا : انا ف السكة اهو جاية
كنزى ب استغراب : ايه السرعة دي ، مش قلتي هتطولي ف اسكندرية ؟!
عليا : لما ارجع هبقا احكيلك ، متتأخريش وسوقي ع مهلك ، سلام
كنزى : سلااام 🙄
( ييجي الليل ، كنزي قاعدة مع مامتها )
كنزى ب اندهاش : هتجوز ، لا بجد بتهزري 😃
عليا : مالك مسروعة كدة ليه ؟!
كنزى ب احراج : ااا انا ، لا ابداً ، كملي كملي 😌
( تحكي ام كنزي ع الي حصل كله )
كنزى ب فهم : اااه ، جواز مؤقت يعني 😒
عليا : ايوة
كنزى : لا مش عجباني الحكاية دي ، وبعدين انا معرفش رامي دة اصلاً !
عليا : ابن خالك ي بت
كنزى : م انا عارفة إنه ابن خالي ، بس عمري م شوفته قبل كدة ، سوري بس انا متجوزش غير عن حب معلش
عليا : ي زفتة بقولك جواز ع ورق ، هي سنة استحمليها وناخد الورث وخلصنا كدة ، وبعدين احنا م صدقنا إنه وافق
كنزى ب انفعال : كماااان ! ليه يعني هو كان يطول ب سلامته 🤷🏻♀️
عليا : هو كان يعرفك عشان يطول ولا ميطولش ي نيلة انتي !
كنزى : ولو برضو ، وياترى بقا الجوازة دي هتم ازاي إن شاء الله ؟
عليا : هنسافر اسكندرية نكتب الكتاب هناك ، وهتقعدي عنده لحد السنة دي م تخلص ، بعد كدة هيطلقك وترجعي هنا بالفلوس وخلص الحوار 🤷
كنزى : اممممم ، الفلوس هي الأغراء يعني ؟
عليا : مش قصدي ي ستي ، اعتبريه تعويض عن السنة دي 🙄
كنزى : طيب بصي ي حجة ، انا لو هوافق ع الهري دة هوافق عليه بشروطي ☝
عليا : انتي لسة هتتشرطي !!
كنزى : طبعاً
عليا ب تنهيدة : وايه هي الشروط بقا ؟
كنزى : اولاً اكمل تعليمي هناك
عليا : دة اكيد طبعاً
كنزى : ثانياً مش هتجوزه سوكيتي كدة ، هيتعملي فرح
عليا : فرح ايه وجدك لسة ميت ي بت !!
كنزى وهي بتسقف : ال يعني انتوا حزانا ع جدي اوي ، حوشي الحزن الي بينقط بقااااا 👏
عليا : خلصنااا ، وايه لازمة الفرح بس !
كنزى : اومال انتي عوزاني يتكتب كتابي وياخدني من غير م حد يعرف ازاي ، صحابي يقوله عليا ايه ، متجوزني تخليص حق ، مش كفاية هعيش مع الكائن دة سنة بحالها وانا معرفهوش ، وهبقا مطلقة بعد كدة 🤷
عليا : الكائن الي مش عاجبك دة البنات هتموت عليه !
كنزى : ع ايه يعني ، طلاما مش متجوز او مرتبط يبقا اكيد شكله مقشف م الي هما بيحوشوا فلوس وبس دول !
عليا : والله م في حد مقشف هنا غيرك !
كنزى ب فرحة : احلى حاجة إن ليا صحاب ف اسكندرية هموت واشوفهم 😍
عليا : يعني اتصل ب خيلانك اقولهم إنك موافقة ؟
كنزى : تقوليلهم شروطي الي هوافق بيها الأول وشوفي هيقولولك ايه
عليا ب غيظ : ماشي ي كنزي ، افضلي زلي ف اهلي كدة 😐
( تقوم عليا تتكلم مع عزت ف الفون )
عزت : وماله يعملها فرح 🤷🏻♂
عليا : ازاي وابوك لسة ميت ؟!
عزت : الحي ابقا م الميت بقا ، احنا مصدقنا الأتنين وافقوا عدوا اموركم
( تتنهد عليا ، يعدي الوقت ، رامي قاعد مع عمامه )
رامى ب استغراب : فرح ايه الي اعمله وجدي لسة ميت ؟!
عزت ب زهق : ي بني الحي ابقا م الميت 🙄
رامى : ايه التهريج دة ي جماعة !
كامل : انت اعمل الفرح ف اي قاعة برة عادي هو انت هتعمله ف البيت ، وبعدين جدك بقاله اكتر من ٣ اسابيع ميت ، يعني عقبال م الفرح يتعمل هيكون عدي الأربعين
رامى وهو بيقوم : بصوا اعمله الي انتوا عاوزينه ، مهي خلاص زاطت !
( بعد اسبوع ، يوم الفرح الصبح ، توصل كنزي وامها بيت رامي ، ينزله م العربية ويدخله الڤيلا وتدخل كنزي حاجتها )
كنزى ب اندهاش : عايش ف الڤيلا دي كلها لوحده 😳
عليا : كان جدك الله يرحمه عايش معاه
كنزى ب اعجاب : بس تحفة 🤩
عليا : قلتلك هتنبسطي هنا
( تدخل صاحبة كنزي )
درة : مغلطش ف العنوااااان 😃
كنزى وهي بتجري عليها : دوديييي ، وحشاني اويييي 🥺
درة وهي بتحضنها : وانتي كمان ، مصدقت قلتيلي إنك جاية ، بجد هتتجوزي ؟!
كنزى : ايوة انهاردة فرحي 😊
درة ب ضحك : زمان هيثم هينفجر 🤭
كنزى : فكك منه 🙄
درة ب استغراب : بس ازاي هتكتبه الكتاب وانتي عندك ١٧ سنة ، دة مش قبل ١٨ !!
كنزى : لا م هما سننوني 🤷
