بسم الله الرحمن الرحيم
صباح الخير.. ايه مالكم في ايه اه متتصدموش انا بحب اكلم نفسي وانا رايحه المدرسه... لا انا مش طالبه انا مدرسه. لا مش ابتدائي.. اعدادي.. وللأسف يا جدع مختلطه مش قادره اخد راحتي المهم مطولش عليكم انا انسان نشيطه ومجنونه واحب الجناااان حد نفسه يتجنن معايا!؟ تمام اووي يلا بينا على الغم بسم الله
دخلت نيره الفصل: سلام عليكم..
طبعا الطلاب جري في اماكنهم وعليكم السلام ورحمه الله وبركاته...
نيره: تمام... بصو بقى يا حلوين وراحت حطت شنطتها على الكرسي... انا ابله نيره.. تمام معلمه دين..عارفه انكم بتكرهوا المدرسه ونفسكم تولعوا فيها... بس نتفق على حاجه انا مش عصبيه تمام واختباراتي مش صعبه.. شرحي سهل وبسيط بس.. مش هتساهل من اي هبل واستعباط بتعملوه وعلت صوتها تمام..
الطلاب:تمام
نيره: حلو اوي.. انا خلصت كلامي اعملوا الي انتوا عايزينه.. 🖤وراحت قعدت فتحت شنطتها وطلعت روايه وقعدت تقرا فيها طبعا البنات ماسكينها تريقه سواء هدومها مع ان لبسها جميل 🖤 او طريقه كلامها وأنها بتقرا روايه..
اما الاولاد مركزوش اصلا في حاجه...
خلص اليوم الدراسي الملل خرجت نيره من المدرسه.. :اروح دلوقتي على المكتبه ولا اروح بليل؟.. هروح دلوقتي.. اصل انا مجنونه روايات ومعنى ان الروايه الي كنت بقراها خلصت دي كارثه.. هجيب غيرها طبعا تعالوا معايا... دخلت المكتبه وفضلت تدور على روايه معينه بتمشي بهدوء وتبص على الرف.. استمرت كده لحد ما خبطت في حاجه رفعت عينه لقته راجل رجعت على ورا
نيره: سوري والله مخدتش بالي
عُدي:اعمل ايه ب اسفك انتي كبيتي عليا قهوه...
نيره: قولت سوري مكنتش اقصد اكيد
عُدي: وانا اعمل ايه ب اسفك
نيره: خلاص قولنا اسفين الله متعملش من الحبه قبه
عُدي:حبه وقبه ايه يعني تخبطي فيا وتكبي عليا قهوه وتقولي سوري اعمل بيها ابه ان شاء الله هترجع لي القميص ابيض تاني؟؟
نيره: اللهم طولك يا روح بس يا بابا انت شكلك عيل صغير ومخك اد النمله انا مدرسه وافهم في العيال التافهه دي يلا منها امشي
عُدي:عيل!!!! انتي اتجننتي انتي تعرفي انا مين
نيره: لا معرفش ومش عايزه اعرف ولست مهتمه اني اعرف تمام...وسع كده بقى ومشيت متعصبه
عُدي كان واقف وفاتح بوقه
فاكر نفسه مين الاخ ده قولنا سوري خلاص عيل تنح كده عصبني وحرق دمي وفوق كل ده ملقتش الروايه... اوف
~~~
مين دي اصلا علشان تقولي كده انا عيل!! ومخي اد النمله!... وهي مين ان شاء الله والله لو شوفتها بس مش هسيبها..
أنت تقرأ
لذلك احبك
Romanceهل يمكن لحادثه بسيطه ان تقلب حياتهم؟... كتاب سر حبهم مشفى جمعهم ليتغيروا صدفه جمعتهم بل قدر ! لذلك احبك♥️
