لذلك احبك

part11

بسم الله الرحمن الرحيم

سيف: ها يا دكتور

-متخافوش هو كويس هو بس كسر في ذراع وكام جرح خيطناهم ووضعه تمام جدا يعني ممكن يبات بس الليلة دي في المستشفى وبكرا يروح عادي بس انتبهوا على ذراعه.

سيف :شكرا يا دكتور عادي ندخل له

-اه عادي جدا هو في اوضة 300

راما طلعت جري هي ونيرة ونور وسيف وفيروز وراهم

فتح عينه لقى نفسه في مكان غريب حاسس بوجع رهيببص حواليه استغرب هو ليه في المستشفى ايه الي حصل فجأه الباب اتفتح ودخلت راماواترمت في حضنه

راما: كده تخضني عليك ينفع كده يا شهاب

شهاب حط ايده على راسها: هو بمزاجي يعني ...لقى نيرة قعدت جنبه

نيرة:انت كويس فيك حاجه فيه حاجه بتوجعك ردعليا

شهاب: في ايه انا كويس والله اهدوا

فيروز: ابني يا حبيب امك وحضنته

شهاب: يا جماعه في ايه انا كويس الله اهدوا بقىبطلوا عياط

سيف: خضتنا عليك يا عم

نور: مش تاخد بالك وانت بتعدي

شهاب:مخلاص بقى قضاء وقدر مقدرش اعمل حاجه

راما: ط.. طب انت كويس؟

شهاب:وربنا اه بطلي عياط بقى

سيف: خلاص اهدوا يا جماعه

شهاب:هات ياسين شويه

نيرة: وربنا انت رايق... انا رايحه اجيب قهوه حد عايز

نور: لا خليكي هروح انا وسيف وانت خليكي يلا ياسيف

نيرة: طيب وقعدت تاني فتحت شنطتها طلعت الموبايل

لقت ٢٥ مكالمة فائتة (حبيبي) ٥ مكالمة فائته(المديرة)

نيرة: احيه!!!

شهاب: في ايه؟

نيرة: مفيش مفيش وقامت طلعت برا واتصلت علىعُدي

عُدي رد بسرعه وراح مزعق: انت فين لحد دلوقتي!!!

نيرة: اهدى بس

عُدي: لا اهدى ولا بتاع انت فين اخلصي في البيت؟

نيرة: ل.. لا.. انت في المستشفى

عُدي: نعم! لييه انت كويسه حصلك حاجه؟

نيرة: انا كويسه بس شهاب خبطته عربيه وجينا على المستشفى وانا عرفت الخبر وانا في المدرسه وطلعت من الحصه من غير ما اكلم المديرة حتى ونسييت اكلمك بزعل.. بس هو كويس محصلوش حاجات قويه الحمد لله بس كسر وشويه جروح... وانا دلوقتي طلعت الموبايل من الشنطة ومخدتش بالي من المكالمات. معلش علشان قلقتك...