لذلك احبك

part2

بسم الله الرحمن الرحيم

عُدي:ماشي. عملتي ايه مع محمود

عود:حتى انت

سنان:مهو حالك مش عاجبنا

عود:طب اعمل ايه!!

عُدي:فكرشي معاه وهو مش مستني سبب قولي بس انك هتفركشي وهو هيرقص من الفرحه..

عود:.. هشوف يا عُدي لسه مينفعش اخد قرار في الموضوع ده... قوم روحني يا عُدي

عُدي:... عود لو مش عارفه تقولي له هقوله انا.. بس متربطيش حياتك معاه لانه ميستاهلش

سنان: عُدي عنده حق..

عود:.. انتوا شايفين كده؟

عُدي: ايوه

سنان: ده الصح يا عود

عود بصت لعُدي: هعمل كام حاجه كده  وبعدين ابقي اخد القرار...

عُدي: تمام يلا بينا...

صباح يوم جديد يوم الاثنين

دخلت نيره المدرسه ومشيت لحد الفصل دخلت.. لقت الولاد قاعدين جنب البنات..

نيره :.. صباح الخير..

الطلاب:صباح النور

نيره:ايه ده!

ولد:ايه.؟؟

نيره:انتوا ليه قاعدين جنبهم

بنت:عادي يا ابله

نيره:فين العادي وضربت ب اديها على المكتب قوم يلا انت وهو من هنا قووووم

الولاد قاموا بسرعه

نيره:روحوا هناك وانتوا قومي انت وهي من هناك تعالي هنا يلاااا في خلال دقيقتين كل واحد راح مكانه...اياكم اجي مره تانيه الاقيكم قاعدين زي ما شوفتكم مفهموم..

ولد:اشمعنا؟! فيها ايه يعني ما كل المعلمين بيدخلوا محدش كلمنا حضرتك بس الي زعقتي واتعصبتي..

نيره:..حلو سؤالك... اسمك ايه؟

ولد:... كريم

نيره:حلو سؤالك يا كريم.. اجابته بقى هقولهالك دلوقتي.. 1 الاختلاط حرام وانتوا مش اخواتهم ولا محرم ليهم علشان تقعدوا جنبهم كده اظن كلامي واضح انتوا 2 اعدادي مش ابتدائي وفاهمين انا بقول ليه صح؟

كريم:يعني... ازاي

نيره: يعني مينفعش تمسك ايد بنت ولا تقعدوا تحبوا في بعض وكل الي بيحصل في المدرسه دي غلط... تمام في حديث عن الرسول صلى الله عليه وسلم.. (يطعن في رأس أحدكم بمخيط من حديد خير له من أن يمس امرأة لا تحل له)... فهمت؟

كريم هز راسه بمعنى اه

نيره:حلو.. اقعد.. وياريت محدش يقف في حصتي للجواب وانت قاعد عادي تمام🖤