اتكأت بظهرها علي الكرسي خلفها تفكر فيما حدث منذو قليل
نعمه : اللي واخد عقلك يا قمر فين هساعدك يا طنط
شهد : مفيش يا طنط قوليلي عايزه تعملي ايه
نعمه : اعملي السلطه كفايه عليكي يا حبيبتي
شهد : بصي هو الصراحه مبعرفش اعمل حاجه وكتر خيرك علي السلطه
ضحكت نعمه لتقول : معلشي يا حبيبتي خير بكره خير كتير ان شاء الله
القت نظره علي الباب خلفها لتقول
شهد : طنط هو علي يبقا ابن عم فاطمه فعلا
نعمه : علي بردو
شهد وهي تعلم مقصد كلامتها: اه هيكون مين يعني
نعمه : ايوه يا بنتي
اشمعنا حساكي مش مصدقه
شهد : انا اخر واحده يتاخد رأيها في حاجه يا طنط وخصوصا كلام القلب
نعمه بحزن : ليه يا بنتي بس مانتي ذيك زي اي بنت
شهد وهي تدمع : انا معرفش الحب ده وحتي لو اقبلته مش هعرفه بردو
انا واحده مسلوبه جوزوني غصب او مش غصب اوي يعني
اتهنت واتقلي تربيه الملجأ
اتهنت وبعدت عن اهلي حتي الست اللي ربتني خلاص فكت اديها مني وهي عامله مهتمه
منكرش انها حمتني كتير بس رمتني في الاخر
انتي عارفه يا طنط يمكن عاصم غني وحلو كمان بس محبتوش اصل كان بيبصلي بأمتلاك كأني حاجه واشتراها حاجه نفسه فيها وجابها مش اكتر كان قاسي ولسانه سليط
حتي ابوه كان عينه عليا بس كنت بعمل هبله ومش واخده بالي
انا عارفه انه هيدور عليا عارفه اني مراته واتربطت بيه خلاص
وهيجبني ان مكنش بالذوق يبقا بالعافيه او حتي بالقانون انا خلاص روحت
مسحت دموعها لتقول بأبتسامه : جرا ايه انتي عايزاني اعيط انا هعمل السلطه
نعمه محاوله خلق موضوع جديد : بس مش مصدقه ليه يا بنتي
شهد : اصل شيفاه بيحبها اوي مش بنت عمه ومتربين سوا كأنه لاقها بالصدفه مش قدام عينه من زمان
بصي انا كلامي ملخبط بس شكلهم بيحبو بعض اوي ربنا يباركلهم
استمعت هي لحديثهم حزنت علي تلك التي اعتبرتها اختها لتدخل تقول بمرح
فاطمه : ايه يا جماعه مش هتأكلونا ولا ايه
لتضحك نعمه لتقول : ايوه يا ستي مهو اللي لقا احبابه نسي اصحابه ربنا يهدي سركم يا بنتي
فاطمه لتقول بخجل كأنها عروس جديد او فتاه مراهقه اكتشفت امها سر حبها لشاب تواً وابن عمها :
ماما انا وعلي هنرجع بيتنا بكره وهو فهمني كل حاجه هبقا اقولك بليل
شهد : طب عن اذنكم
فاطمه : ايه يا شهد مش قصدي انتي اختي يا بنتي بس كنت طالعه ومش قادره اقف كتير بس انا قصدي علي جلسه المساء قالتها بخفتها المعهوده
أنت تقرأ
هروب ليلة الزفاف "وجع الحب ج 2 "
Randomمن رحم الحكايات ولدو ، هي خليفة الطيبه بهم ، وهو خليفة التغير ، تائهه هي في دنيا الحكايات تتبدل حياتها بالتدريج من مشرده الي ابنه وزوجه وام والاهم حبيبه ، ثم بطلين اخريين هما خليفين العناد ولكن حتما الحب يجمعهما علي ارضه
