هروب ليلة الزفاف "وجع الحب ج 2 "

الفصل العاشر

الفصل العاشر

اماني : هو الحقيقه انا نفسي جدا ، ثم اكملت بمرح هحكيلك بس توعدني انك هتحكيلي عن نفسك كمان

يوسف : وعد

اماني : طبعا عارف اسمي اماني النويري متخرجه من سنه عايشه لوحدي بعد ما بابا وماما انفصلو بينا مشاكل كتير جدا وخصوصا ماما ، بابا رجل اعمال بيضغط عليا عشان اجي اقعد معاه بس انا مش موافقه ، نقدر نقول وسيله يغيظ بيها ماما ، بحاول اخرج نفسي من شغل العيال بتعهم ده بس للأسف هما اهلي

يوسف : معندكيش اخوات

اماني : عندي اخت ومتجوزه ومسافره برا مع جوزها ، بس وعايشه في مشاكل بقا عندي اصحاب بس تقدر تقول الجامعه قطمت وسطهم واتجوزو علطول

ضحك علي كلامها فأكمل

يوسف : وانتٌ متجوزتيش ليه

اماني : يعني عايزه اشتغل الاول واكون نفسي ، تقدر تقول عايزه اشم نفسي هو انا اول ما اتخرج هتجوز علطول

يوسف : مفيش حد في حياتك يعني!!

اماني : ها ، ححد ، حد ازاي

يوسف : بتلقلقي ليه ، يعني عمرك ما حد لفت نظرك مدخلتيش في علاقه يعني

اماني : بصراحه ؟

يوسف : بصراحه

اماني : كان عندنا معيد في الجامعه كان بيحبني ،بس انا رفضته

يوسف : يخربيت عقلك رفضتي معيد !!!

اماني : اه عادي هو مش بشر يعني!

يوسف : ورفضتيه ليه

اماني : مكنش بينزلي من زور كان طري كده وانا عايزه حد انشف مني

يوسف : دا انتِ نكته بس ليكي حق

اماني : عمال تسئل ، تسئل ومقولتليش انت مين يعني

يوسف هحكيلك
قص لها حياته وطلاقه من زوجته دون اسباب تُهينها فهي ام ابنه مهما حدث ، حكى لها عن حياته وبعد وقت من الحديث

اماني : يلا نرجع بقا ، ثم اكملت بمرح :
هقول لمستر محمد ان احنا اتصفينا علي فكره ، شكرا كنت محتاجه كده جدا ، مكنتش محتاجه stress في الشغل كمان

يوسف : وانا جدا مبسوط ، مكنتش هحب يبقا بينا خلافات بس يلا علي شغلك يا انسه انا مبعرفش ابويا في الشغل

اماني : تمام يا فندم

ضحك وذهبا سويا

-----------------

لم يصدق هو ما رات عيناه ، عندما خرج للشرفه يستنشق الهواء قليلا رأها ، رأها تدخل منزل كبير مع رجل في عمر الخمسين

قرر ان يهدأ قليلا ليستطيع ان يقنعها ويثبت لها انهُ تغير ويحبها هو حقاً يحبها ، فقط سيتَرَوى قليلا ، قليلا يا شهد ، يا حبة القلب