هروب ليلة الزفاف "وجع الحب ج 2 "

الفصل الخامس عشر والاخير

الفصل الخامس عشر والاخير

"الي جفونك اللائي اوقعوني حتماً ، عودو"

---------------------
ابراهيم :يلا يا يوسف

يوسف : طب روح انت يا بابا انا ، هعمل حاجه وابقا اروح

ابراهيم : الساعه 2 بعد نص الليل يا بني حاجة ايه اللي متستناش للصبح ، احنا تعبنا النهارده ، يلا يا بني ارتاحلك شويه

يوسف : انا مش هبقا مرتاح يا بابا لو روحت ، انا..... انا مينفعش اروح دلوقتي

ابراهيم : انا مش فاهم حاجه ، ايه اللي بيحصلك يا يوسف ، متغير بقالك فتره يا بني

يوسف : هحكيلك يا بابا بس مش دلوقتي ، انا ، انا هبقا بضيع اللي احتمال تبقا اخر فرصه ليا لو مشيت

ابراهيم : هسيبك يا بني ، بس هتحكيلي ، واللي عايزه اقوله مضيعهاش من ايدك ، مضيعهاش
ربط علي ذراعيه ثم رحل

سيبقي هو الليله ، ويعي جيدا ما يفعل
--------------------

تجلس بجواره بالطائره يديه تحتضن يديها ، اسندت هي رأسها لكتفه ، وعدها هو بأيام سعيده ، سعيده حتي الممات ، تخشي هي الوعود ولكنه سيفعلها حتي وان تخاصما لأيام سيبقو حبيبان ، فالايام وثقت ذالك وبشده

------------------
في الصباح

حوالي ساعه اخري فأفاق

ملس علي وجنتها وهو يقول : شهود ، شوشو

غمغمت بنعاس : مممم

عاصم : قومي يا بنتي بقا هنبتديها كسل كده

شهد : بسم الله الرحمن الرحيم

عاصم : ايه شفتي عفريت

شهد : لا شايفاك قدامي ، و... وعاصم تاني ، عاصم تاني شكله بيحبني

قهقه عليها ثم اختطف قبلها منها سريعه وهو يقول : بحبك ، بحبك يا شهد

احمرت وجنتيها فردت عليه وهي تقول :
وانا كمان

عاصم : طب قومي يالا نفطر ولا نعمل اي حاجه ، خليكي معايا وخلاص

شهد : لا انا عايزه انام شويه يا عاصم ، مش هطفش خلاص

عاصم وقد حملها : خلاص هتصرف انا بمعرفتي

شهد : انزلني يا بني نزلني عايزه انام

عاصم : لا ويالا عشان ننزل بعدها ، هخدك هفسحك في كل حته انا حفظت البلد عشانك ، هناخد صوره في سم انا بحبك ، بحبك ، وعايز اتأكد انك اخيراً هنا

شهد بدلع : عاصم هو للدرجادي بعادي جننك

عاصم وغمز لها : هنشوف هنشوف

--------------------

دق الباب احدي الممرضات
فتحت وهي تخشي ولكن هو لم يعلم بوجودها ولا يوجد سبب لحضوره ايضاً ، اذن لا داعي للقلق