قصة : ( الوجع ) ل سهيلة سعيد المنجي ( كاملة ، متعدلة )

الحلقة ١ و ٢

قصة : { #الوجع } 💔✨

الحلقة الأولى { ١ } 🍂

( ف عيادة دكتور نفسي ، بنت ف العشرينات قاعدة ع الشازلونج ودكتور ف سن الأربعينات قاعد قصادها ع كرسي )
الدكتور : ايه الأخبار ، مرتاحة هنا ؟
( تبصله )
الدكتور : تقدري تحكي الي ف قلبك
( تضير وشها )
الدكتور : انا عارف إنك جاية هنا غصب عنك ، بس كلنا بنحتاج حد نحكيله الي ف قلبنا ، مش كدة ولا ايه ؟
( تشاورله ب اة )
الدكتور : طيب ممكن تبدأي ب إنك تعرفيني ع نفسك
ماليكة وهي بتبصله : انا مش مرتاحة هنا ، ممكن اقف ؟

*( ملحوظة .. ماليكة بنت جميلة ، بشرتها برونزية ، عيونها رمادي ، شعرها اسود طويل ، جسمها مظبوط ورياضي وطولها متوسط ، عندها ٢٤ سنة ، باباها ومامتها منفصلين من وهي عندها ١٦ سنة ، ليها اخت اصغر منها ، ماليكة عايشة لوحدها من وقت م اهلها انفصلوا عن بعض ، اختها عاشت مع مامتها ف امريكا ، ماليكة حالتها المادية كويسة جداً وهي صاحبة اتيليه فساتين وبتصمم ازياء )*

الدكتور : اكيد براحتك
( تقوم ماليكة تقف ، تفضل تتمشى ف العيادة )
الدكتور وهو بيبصلها : تحبي نبدأ ؟
( تاخد نفس طويل بتغميضة عين )
ماليكة وهي بتفتح عيونها : اسمي ماليكة ، عندي ٢٤ سنة ، اهلي منفصلين عن بعض ، والدي متوفي ووالدتي عايشة ف امريكا ، ليا اخت اسمها ملك ، انا وهي صحاب جداً ومافيش اخوات غيرنا ، احنا اخوات وصحاب وكل حاجة ، هي بالنسبالي بنتي مش اختي الصغيرة ، بقالها ست سنين عايشة مع ماما ف امريكا ورجعت من سنتين ، انا فرحت اوي برجوعها ، زي م تكون روحي رجعتلي ، كانت وحشاني اوي ومحتجالها جنبي !
الدكتور وهو بيبصلها ب استغراب : بس انا سمعت إن مشكلتك عاطفية ي ماليكة مش عائلية !
ماليكة وهي بتضير وشها : اة !
الدكتور : احكيلي بقا مالك ، ايه وجعك ؟
ماليكة وهي بتبصله : وجعي ، بمناسبة الكلام عن الوجع ، هو ايه اكتر حاجة ممكن توجع ؟
الدكتور بتلقائية : الخيانة مثلاً
ماليكة ب ابتسامة : لأ ، معتقدش دي اكتر حاجة توجع !

*( فلاش باااااااااااااااك )*

*( قبل سنتين )*

( ف كلية ، ف اول العام الدراسي ، بنات رايحة وشباب جاية ، ماليكة قاعدة ف الكافتيريا وقاعد معاها شاب )
ماليكة : يلا قول
علي ب
توتر : حاضر استني اجمع وترتيني !

*( ملحوظة .. علي شاب وسيم ، بشرته بيضة ، عيونه بني ، شعره بني ، طويل ورفيع جسمه رياضي ، عنده ٢٢ سنة ، يبقا حبيب ماليكة )*

ماليكة : هههههه حاضر
علي : احم ، انا حبك ، انا عشقك ، انا عمرك ، انا بدايتك وانا نهايتك ، انا اجمل ضحكة طالعة منك ، انا هدؤك ، انا ليكي ، وبموت فيكي ، انا فرحك وانا حزنك ، م انا انتي ، ايه رأيك ؟
ماليكة بحب : حلوة اوي ، حبيتها !
علي : قوليلي مالك بقا ؟
ماليكة : ماليش والله ، انا بس مرهقة شوية بسبب الأتيليه
علي : طب ليه ، في مشكلة ؟
ماليكة : انت عارف إن الأفتتاح بكرة بالليل ، ولحد دلوقتي لسة الفساتين موصلتش !
علي : طب هو المفروض توصلك امتى ؟
ماليكة : من يومين فاتوا
علي : ودة ايه الي اخرهم كل دة ؟!
ماليكة : مش عارفة ، كل اما أسأل ملك تقولي إنها هتصرف
علي ب استغراب : ملك مين ؟!
ماليكة : ملك اختي ي علي ركز !
علي بتذكير : اة اة افتكرتها ، هي صحيح مجاتش ليه ، مش قلتي اتنقلت هنا السنادي !
ماليكة : ايوة زمانها جاية ، هي صحيت متأخر ، انت عارف رجعت بقالها شهر تقريباً ومن ساعة م رجعت وانا عكاها معايا ف الأتيليه وحواراته !
علي : معلش م انتي مالكيش غيرها
ماليكة : ايوة 
علي وهو بيمسك ايدها : ومتقلقيش إن شاء الله الفساتين هتوصل قبل الأفتتاح وكل حاجة هتبقا تمام
ماليكة : يارب ي علي ، بقولك ايه صحيح
علي : قولي
ماليكة : انا مش جايبة سيرة قدام ملك إن بينا حاجة ، هي عارفة إن كلنا صحاب وبس ⁦
علي ب استغراب : طب وليه مش قيلالها الحقيقة ؟!
ماليكة : مبقاش اختها الكبيرة وبنصحها وف الأخر تعرف إن ليا حبيب ، مينفعش طبعاً ، ع الأقل لما يبقا في حاجة رسمي بينا
علي : إن شاء الله قريب ي قلبي
ماليكة : إن شاء الله 
علي وهو بيلمس دقنها : اضحكي بقا بلاش نكد
ماليكة ب ابتسامة : والله انت الي دايماً بتهون عليا اي حاجة وحشة تحصلي
( يبوس ايدها )
علي : مش هيحصل حاجة وحشة متقلقيش
( تشيل ايدها منه بسرعة ، يستغرب )
مالك وهي بتقرب عليهم : كوكي ، لفيت عليكي الجامعة كلها !