قصة : ( الوجع ) ل سهيلة سعيد المنجي ( كاملة ، متعدلة )

الحلقة ١ و ٢

قصة : { #الوجع } 🔥💔

الحلقة الأولى { ١ } ✍🏻

( ف عيادة دكتور نفسي ، بنت جميلة ف العشرينات قاعدة ع الشازلونج ودكتور ف سن الأربعينات قاعد قصادها ع كرسي )
الدكتور : ايه الأخبار ، مرتاحة هنا ؟
( تبصله )
الدكتور : تقدري تحكي الي ف قلبك 💁🏻‍♂️
( تضير وشها )
الدكتور : انا عارف إنك جاية هنا غصب عنك ، بس كلنا بنحتاج حد نحكيله الي ف قلبنا ، مش كدة ولا ايه ؟
( تشاورله ب اه )
الدكتور : طيب ممكن تبدأي ب إنك تعرفيني ع نفسك
ماليكة وهي بتبصله : انا مش مرتاحة هنا ، ممكن اقف ؟

*( ملحوظة .. ماليكة بنت جميلة ، بشرتها برونزية ، عيونها رمادي ، شعرها اسود طويل ، جسمها مظبوط ورياضي وطولها متوسط ، عندها ٢٤ سنة ، بباها ومامتها منفصلين من وهي عندها ١٦ سنة ، ليها اخت اصغر منها ، ماليكة عايشة لوحدها من وقت م اهلها انفصله ، واختها عاشت مع مامتها ف امريكا ، ماليكة حالتها المادية كويسة جداً وهي صاحبة اتيليه فساتين وبتصمم ازياء )*

الدكتور : اكيد براحتك
( تقوم ماليكة تقف ، تفضل تتمشى ف العيادة )
الدكتور وهو بيبصلها : تحبي نبدأ ؟
( تاخد نفس طويل وهي بتغمض عيونها )
ماليكة وهي بتفتح عيونها : اسمي ماليكة ، عندي 24 سنة ، اهلي منفصلين عن بعض ، والدى متوفي ووالدتي عايشة ف امريكا ، ليا اخت اسمها ملك ، انا وهي صحاب جداً ومافيش اخوات غيرنا ، احنا اخوات وصحاب وكل حاجة ، هي بالنسبالي بحس إنها بنتي مش اختى الصغيرة ، بقالها ست سنين عايشة مع ماما ف امريكا ورجعت من سنتين ، وانا فرحت اوي ب رجوعها ، زي م تكون روحي رجعتلي ، كنت مشتاقلها اوي ومحتجالها 😟
الدكتور وهو بيبصلها ب استغراب : بس انا سمعت إن مشكلتك عاطفية ي ماليكة مش عائلية !!
ماليكة وهي بتضير وشها : اه 😒
الدكتور : احكي بقا مالك ، ايه وجعك ؟
ماليكة وهي بتبصله : وجعي ، بمناسبة الكلام عن الوجع ، هو ايه اكتر حاجة توجع ؟
الدكتور ب تلقائية : الخيانة مثلا
ماليكة ب ابتسامة وجع : لأ ، معتقدش دي اكتر حاجة توجع 🙂💔

*( فلاش بااااااااك 👉 )*

*( قبل سنتين )*

( ف كلية ، ف اول العام الدراسي ، بنات رايحة وشباب جاية ، ماليكة قاعدة ف الكفتيريا وقاعد معاها شاب )
ماليكة : يلا قول
علي ب توتر : حاضر استني اجمع وترتيني 😅

*( ملحوظة .. علي شاب وسيم ، بشرته بيضة ، عيونه بني ، شعره بني ، طويل ورفيع جسمه رياضي ، عنده ٢٢ سنة ، يبقا حبيب ماليكة )*

ماليكة : هههههه حاضر 🤭
علي : احم ، انا حبك ، انا عشقك ، انا عمرك ، انا بدايتك وانا نهايتك ، انا اجمل ضحكة طالعة منك ، انا هدؤك ، انا ليكي ، وبموت فيكي ، انا فرحك وانا حزنك ، م انا انتي ، ها ، ايه رأيك ؟
ماليكة ب حب : حلوة اوي ، حبييييت 😍
علي : قوليلي مالك بقا ؟
ماليكة : ماليش والله ، انا بس تعبانة شوية بسبب الأتيليه
علي : طب ليه ، في مشكلة ؟
ماليكة : انت عارف الأفتتاح بكرة بالليل ، ولحد دلوقتي لسة الفساتين موصلتش 
علي : طب هو المفروض توصلك امتى ؟
ماليكة : من يومين فاتوا 🤷
علي : ودة ايه الي اخرهم لحد دلوقتي ؟!
ماليكة : معرفش  كل اما أسأل ملك تقولي هتصرف
علي ب استغراب : ملك مين ؟!
ماليكة : ملك اختى ي علي ركز !
علي ب تذكير : اه اه افتكرتها ، هي صحيح مجاتش ليه ، مش قلتي اتنقلت هنا السنادي !
ماليكة : زمانها جاية ، هي صحيت متأخر ، انت عارف رجعت بقالها شهر تقريباً ومن ساعة م رجعت وانا عكاها معايا ف الأتيليه 🤷🏻‍♀️
علي : معلش م انتي مالكيش غيرها
ماليكة : ايوة 
علي وهو بيمسك ايدها : ومتقلقيش إن شاء الله الفساتين هتوصل قبل الأفتتاح وكل حاجة هتبقا تمام 🙂
ماليكة : يارب ي علي ، بقولك ايه صحيح
علي : قولي
ماليكة : انا مش جايبة سيرة قدام ملك ابداً إننا حبايب ، هي عارفة إن كلنا صحاب وبس ⁦
علي ب استغراب : طب وليه مش قيلالها الحقيقة ؟!
ماليكة : مبقاش اختها الكبيرة وبنصحها وف الأخر تعرف إن ليا حبيب ، مينفعش طبعاً ، ع الأقل لما يبقا في حاجة رسمي بينا
علي : إن شاء الله قريب ي قلبي ♥️
ماليكة : إن شاء الله 
علي وهو بيلمس دقنها : اضحكي بقا بلاش نكد 😉
ماليكة ب ابتسامة : والله انت دايماً بتهون عليا اي حاجة وحشة تحصلي ♥️
( يبوس ايدها )
علي : مش هيحصل حاجة وحشة متقلقيش
( تشيل ايدها منه بسرعة ، يستغرب )
مالك وهي بتقرب عليهم : كوكيييي ، لفيت عليكي الجامعة كلها 🤷🏻‍♀️