قصة : ( الوجع ) ل سهيلة سعيد المنجي ( كاملة ، متعدلة )

الحلقة ٣ و ٤

قصة : { #الوجع } 🔥💔

الحلقة الثالثة { ٣ } ✍🏻

( تروح ملك اوضتها تلبس ، تلبس ماليكة فستان سواريه لونه نبيتي طويل ومفتوح من فوق مربع وم الجنب لحد فوق ، تروح ل اوضة ملك تخبط ع الباب )
ماليكة : ملك خلصتي ؟
ملك : اه ادخلي
ماليكة وهي داخلة : ايه رأيك ؟
ملك ب اندهاش : واااااااااااو ، تحفة اوي 🥺
ماليكة : بجد ؟
ملك : يجنن ، متقوليش إنك مصمماه برضو !
ماليكة : انا برضو ، عجبك ؟
ملك ب اعجاب : بجد يجنن اوي عليكي ، انا بعشق اللون دة 😍
ماليكة : خلاص البسيه انتي انهاردة
ملك ب اندهاش : بجااااااد !!
ماليكة : اها بجد 😊
( تفتح ماليكة سوستة الفستان )
ملك : لا لأ متقلعيهوش ، انتي لبستيه خلاص ✋
ماليكة : مش مهم لسة قدامنا وقت ، طلاما عجبك البسيه انتي وانا هلبس اي حاجة تانية 🤷
ملك ب فرحة وهي بتحضنها : ميرسي ي كوكيييييي 😍
( تدخل ماليكة تقلع الفستان وتلبس فستان سواريه تاني لونه اسود قصير وتدي فستانها ل ملك ، تلبس ملك الفستان فرحانة بيه اوي ، علي مستنيهم تحت ، تنزل ملك ووراها ماليكة ، علي يشوف ملك طبعاً الفستان عليها يلفت نظره ليها جداً ، يبصلها ب اعجاب ، تنزل وراها ماليكة متلفتش نظره هو خلاص اتشد ✨ يركبه معاه وطول الطريق مش شايل عينه من ع ملك ف مراية العربية ، يوصله قدام الأتيليه وينزله م العربية ، تقص ماليكة الشريط وتفتتح الأتيليه ، ماليكة ملهية مع الناس وصحابها ، ملك واقفة بتتفرج ع الفساتين ، يقرب علي عليها )
علي ب اعجاب : زي القمر انهاردة 🙂
ملك : ثانكس ، دي ماليكة الي مصممة الفستان 😃
علي : مش مهم الفستان ، المهم الي لبساه 💁🏻‍♂️
ملك : ميرسي ي علي 🙂
( ماليكة تشوف علي واقف مع ملك طول السهرة تقريباً ومش مديها اي اهتمام وكمان عمها محضرش الأفتتاح وهي متضايقة وكانت محتاجة علي جنبها ، يقرب عليها عبود )
عبود : ايه الحلاوة دي ي عم 😉
ماليكة : حبيبي ⁦😄
عبود : الفساتين تحفة اوي ، تسلم ايدك بجد ♥️
ماليكة : تسلملي ي عبود ⁦♥️
( يخلص الأفتتاح والناس تمشي ، ماليكة واقفة مع ملك وصحابهم قدام الأتيليه )
علي : مش هتروحي ؟
ماليكة : لا هتمشى شوية
ملك : هاجي معاكي
ماليكة : معلش ي ملك عاوزة ابقا لوحدي ✋
عبود ب قلق : انتي كويسة ؟!
ماليكة : اه كويسة ، علي وصل ملك معلش
علي : اوك
( تركب ملك مع علي ويمشوا ، تمشي ماليكة ف الشارع وتطلع ع البحر تتمشى ع الشط ، وفجأة ، يقرب شاب يمسكها من وسطها ، تلف ماليكة مخضوضة )
عبود ب ضحك : هههههههه خضيتك 😆
ماليكة ب انفعال : يخربيت رخامتك ي اخي 😠
عبود وهو بيمشي جنبها : مش خايفة تتخطفي بالليل كدة !
ماليكة : انت ايه الي جابك ورايا ي بارد انت !
عبود : الساعة داخلة ع ١٢ مينفعش اسيبك لوحدك
ماليكة وهي بتبص ل البحر ب ضيق : عادي ، هتخطف يعني 😒
عبود ب استغراب : انتي في ايه ، مالك ؟!
ماليكة : مخنوقة بس شوية
عبود : طب من ايه ، دة حتى اليوم كان جميل والناس كانت مبهورة ب حاجتك اوي !!
ماليكة ب تنهيدة : معرفش ي عبدالله ، ممكن تروح وتسيبني 😑
عبود : م قلتلك مينفعش اسيبك لوحدك
ماليكة : طب متتكلمش معايا لإنى والله مش قادرة اتكلم 😔
عبود : خلاص مش هتكلم حاضر
( علي يوصل ملك قدام الڤيلا ، قاعدين ف العربية )
علي : ملك كنت عاوز رقم موبايلك ، ممكن ؟
ملك : هو ينفع ، بس حبيبتك مش هتضايق ؟!
علي ب استغراب : حبيبتي ، حبيبتي ايه !!
ملك : ماليكة قالت إنك مرتبط 💁🏻‍♀️
علي ب فهم : اااه ماليكة ، لا انا كنت مرتبط بس انا مقلتش ل ماليكة إنى فركشت عشان متضايقش ، خصوصاً إنها كانت صاحبتها ، ف اتفقنا إننا مش هنقولها عشان كمان مش حابين نرجع
ملك ب فهم : امممم فهمت ، عشان متصلحش بينكم يعني ؟
علي : بالظبط كدة ، ف اوعي تقولي قدامها عشان هتزعل إننا خبينا عليها  🤷🏻‍♂️
ملك : لا لأ مش هقولها متقلقش
علي وهو بيديها الفون : هتديني الرقم ؟
ملك وهي بتاخد الفون : اه اوك 🤳🏻
( تكتبله رقمها )
ملك : تصبح ع خير 🙂
علي وهو بيبوس ايدها : وانتي من اهله 🙂
( تبتسم ملك ب كسوف وتنزل تدخل البيت فرحانة ، ماليكة وعبود قاعدين ع الشط ، عبود يكتب ب صوبعه ع الرمل )
عبود : اقولك نكتة ؟
( تكتبله هي كمان )
ماليكة : لأ
( يكتبلها )
عبود : احكيلك حدوتة ؟
( تكتبله )
ماليكة : اهمد
عبود : ليه طيب 🙄
ماليكة : ي بني انت متعرفش تقعد ساكت أبداً 🤦🏻‍♀
عبود : لا معرفش
ماليكة وهي بتزقه : طب قوم روح بقا 👋
عبود : وانتي كمان يلا ، الساعة بقت واحدة ونص
ماليكة : لا بجد !!
عبود وهو بيقوم وبيمدلها ايده : والله ، يلا قومي 👋
( تقوم ماليكة تمشي مع عبود يوصلها البيت ، تطلع فوق ، تقرب ع اوضة ملك تخبط بالراحة محدش يرد ، تفتح تلاقي ملك نايمة ، تقفل الأوضة وتروح اوضتها ، تقعد ع السرير تقلع صندلها ، يرن فونها ، تمسكه تفكره علي تلاقيه عبود ، تبتسم ب يأس وترد )
ماليكة : ايوة ي عبود ؟
عبود : طلعتي ؟
ماليكة : اه انا ف اوضتي
عبود : طب غيري هدومك بقا وارتاحي
ماليكة : حاضر
عبود : تصبحي ع خير
ماليكة : وانت بخير
( تقفل ماليكة ، يرن فونها تاني تلاقيه علي )
ماليكة : الو
علي : قلبي انتي فين ؟
ماليكة ب زعل : لما افتكرتني ي علي !
علي : يعني ايه لما افتكرتك !!
ماليكة ب تنهيدة : ولا حاجة ، انا ف البيت هغير هدومي وانام عشان تعبانة 😒
علي : طيب ماشي ارتاحي ، هكلمك بكرة
ماليكة : سلام
( تقفل ماليكة وتغير هدومها وتنام وهي متضايقة جداً من عدم اهتمام علي ، تعدي الأيام واهتمام علي ب ماليكة قل جداً او مبقاش موجود واهتمامه ب ملك ذاد ومتلاحظ ، ماليكة قاعدة مع ملك )
ملك : بقولك ي كوكي
ماليكة : ايه ي قلبي ؟
ملك : انتي ايه رأيك ف علي ؟
ماليكة ب استغراب : علي صاحبنا ؟!
ملك : ايوة
ماليكة : بتسألي عنه ليه ؟!
ملك : قوليلي بس ايه رأيك فيه ، انا بسألك لإنك عرفاه كويس
ماليكة : هو انسان كويس ومحترم ، واحنا صحاب بقالنا كتير ، عمري م شوفت منه حاجة وحشة !
ملك : طب ماشي
ماليكة ب فضول : بتسألي ليه ؟
ملك : اسراااار 😌
ماليكة : بتخبي عليا ؟
ملك : لا طبعاً مقدرش اخبي عليكي ، الموضوع يخصك اصلاً ، انتي اختي وحبيببتي
ماليكة : خلاص قوليلي في ايه بقا ؟
ملك ب كسوف : اصله كلمني انه عاوز يرتبط وكدة 🤭
( تفرح ماليكة وتتشوق اكتر )
ماليكة : بجد ، ب مين بقا ؟
ملك : واحدة تعرفيها اوي 😉
ماليكة : م تخلصي ي رخمة 😃
ملك : اناااااااا 😁
( تتصدم ماليكة )
ملك : ايه رأيك ؟
( ماليكة مش عارفة تنطق )
ملك : ي كوكي !!
ماليكة ب ضعف : ايوة 😦
ملك : روحتى فين بكلمك !!
ماليكة : انا معاكي
ملك : ها ايه رأيك ؟
ماليكة ب توتر : رأيي ف ايه ، ف ايه بالظبط !
ملك : هقولك ، بصي هو كلمني ، قال إنه بيحبني وكدة وطلع مش مرتبط زي م انتي قلتي ، وانا بصراحة شيفاه بيعاملني كويس ومهتم بيا جداً 😍
( كلام ملك بيدخل ودن ماليكة كأنه سكاكين ، ماسكة دموعها واعصابها بالعافية )
ملك : ي كوكي بكلمك ، خليكي معايا 🙄
ماليكة ب انتباه : معاكي والله !