قصة : ( الوجع ) ل سهيلة سعيد المنجي ( كاملة ، متعدلة )

الحلقة ٥ و ٦

قصة : { #الوجع } 🔥💔

الحلقة الخامسة { ٥ } ✍🏻

( يبصلها عبود ب استغراب )
ملك : اركبي معانا م علي هيوصلنا !
ماليكة : سبيني مع عبود ي ملك
عبود وهو بيقرب ع ماليكة : معلش ي ملك سيبيها براحتها !
ملك ب قلق : اوك 😕
( عبود يسند ماليكة ويركبها معاه ويمشوا ، طول الطريق ماليكة عمالة تعيط بس من غير صوت ، يلاحظ عليها عبود )
عبود ب استغراب : في ايه ي ماليكة ، مالك ؟!
( تذيد ف العياط ، يركن عبود ع جنب )
عبود : انتي كويسة طيب ، حاسة بوجع ؟
ماليكة ب عياط : وجع جامد اوي 💔
عبود : طب اجيبلك مسكن من اي صيدلية 😕
ماليكة : ياريته هينفع ، مش عايزة مسكنات 💔
عبود وهو بيمسك ايدها : هروحك دلوقتي وهتبقي كويسة لما ترتاحي ، معلش
( تشاورله ب اة ، بعد شوية ، ملك واقفة مع علي قدام البيت )
ملك : هنأجل موضوع بالليل دة لحد كوكي م تبقى كويسة
علي : اوك الي انتي شيفاه
ملك : معلش ي علي 😕
علي : ع ايه ي ملك ، ماليكة صاحبتي برضو
ملك : مش عارفة مالها اليومين دول !
علي : تلاقيها بس ملهية ف الأتيليه
ملك : مكانتش كدة برضو ، انا حاسة إن من ساعة م قلتلها ع موضوعنا وهي متغيرة !
علي ب قلق : متغيرة ازاي يعني ؟
ملك : دايماً حساها مهمومة وحزينة !
علي : يمكن عشان لو اتجوزنا هتبعدي عنها تاني 😐
ملك : يمكن ، مش عارفة بقا 🤦🏻‍♀️
علي : انتي حاولي تطمنيها طيب
ملك : هحاول 
( عند ماليكة )
ماليكة : مش عاوزة اروح البيت
عبود : طب اومال عايزة ايه ؟ قوليلي الي انتي عايزاه وانا هعملهولك
ماليكة ودموعها بتنزل : معرفش ، بس مش عايزة اروح دلوقتي وبس 😥
عبود : طب خلاص مش هروحك ، بس بطلي عياط وقوليلي ايه مضايقك ، انتي متخانقة مع علي طيب ، انا ملاحظ إني مش بشوفكم مع بعض اليومين دول !!
ماليكة ب حزن  : علي 😟
عبود : عملك ايه وانا اطلعلك روح اهله وربنا ⁦☝️⁩
( تحكيله ع كل حاجة )
عبود ب صدمة : ينهارد اسود ، ازاي يعمل كدة ، طب واختك عارفة الي بينكم ؟!
ماليكة : لأ طبعاً ، هي تعرف إننا صحاب وبس ✋
عبود : اهو دة اكبر غلط ، مكانش المفروض تكدبي عليها ي ماليكة !
ماليكة ب قلة حيلة : انا مش عارفة اعمل ايه ، لو قلتلها هتكرهني لإنها بتحبه وهو علقها بيه ، وانا مصدقت إنها رجعت وبقينا جنب بعض 😔
عبود : انتي هبلة لازم تقوليلها طبعاً 🤷🏻‍♂️
ماليكة : مستحيل اقولها ، وانت اوعا تقولها ي عبود وفهم صحابنا ب كدة ، اوعا يجيبه سيرة قدامها والنبي ، مش عاوزة انزل من نظرها او تسيبني تاني 😥
عبود : تعرفي والله علي دة اصلاً ميستاهلكيش ، احنا كنا مستغربين انتي كنتي مستحملاه ازاي !!
ماليكة : لما تحب بجد هتتحمل الي بتحبه ب كل عيوبه 💔
عبود : عندك حق ، انا كنت حاسس م الأول إن انتي نصيبي ، هتجوزك انا خلاص 👍
ماليكة ب ضحك ودموع : ههههههه ، مش قادرة اضحك 😄
عبود : بس تستنيني اكون نفسي الأول ، يعني فوق الأربعين كدة ، هتستني ؟
ماليكة : استنى ايه ، انت لو جوزي هحطلك سم ف العصير كل يوم عشان اتأكد من موتك 🙄
عبود : وانتي لو مراتي هشربه من ايدك حتى لو عارف إن فيه سم 🙂❤
ماليكة : هههههه ، ي جامد ي بودي 😅
عبود ب ضحك : قلب بودي 😄♥
ماليكة وهي بتبص ف ساعتها : الساعة كام ، ساعتي واقفة !
عبود : سبعة وربع
ماليكة : طب روحني معلش
عبود ب استغراب : مش قلتي مش عايزة تروحي !
ماليكة : الحيوان دة جاي الساعة تمانية يقابل عمي ، لازم اكون جنب ملك ، مش هكسر فرحتها ف يوم زي دة
عبود ب استغراب : والله انا مشوفتش اخت زيك ، بعد كل دة وعايزة تبقي جنبها برضو !
ماليكة : وهي مالها ، هي ملهاش زنب 😒
عبود وهو بيشغل العربية : عندك حق
( يعدي الوقت ، توصل ماليكة البيت )
ماليكة : تعبتك معايا ي عبود معلش
عبود : ع ايه ي هبلة انتي ، ابقي طمنينى عليكي ، ولو حصل اي حاجة كلميني
ماليكة وهي بتفتح باب العربية : حاضر
( ميفتحش الباب )
ماليكة : شكله علق تاني !!
علي وهو بيقرب عليها : استني
( يمسكه ويزقه جامد يتفتح )
ماليكة وهي بتنزل : باي
عبود : باي
( تدخل ماليكة البيت ، تشوفها ملك ، تجري عليها )
ملك ب قلق : كوكي انتي كويسة !
ماليكة : اه انا تمام ، انتي لسة ملبستيش ليه ؟ !
ملك : لا م انا قلت ل علي هنأجل الموضوع لحد م تخفي الأول 😕
ماليكة : اخف من ايه هو انا عاملة عملية ، قوليله ييجي ، فرصة وعمي زمانه جاي
ملك : متأكدة طيب ؟
ماليكة : ايوة
( تحضنها ملك )
ملك ب فرحة : ربنا يخليكي ليا يارب 🥰
( تنزل دمعة من ماليكة وتمسحها بسرعة قبل م تشوفها ملك ، تجري ملك تتصل ب علي تقوله ، يعدي الوقت ، ملك واقفة قدام مرايتها بتلبس وماليكة قاعدة ع السرير )
ملك : ايه رأيك كدة ؟
ماليكة ب حب : جميلة ⁦♥️
ملك : مش قادرة اقولك فرحانة قد ايه ي كوكي 😍
ماليكة ب ابتسامة وجع : ربنا يفرحك دايماً 🙂
( يرن جرس الباب )
ملك : دة اكيد عمي
ماليكة : اه
( تدخل الشغالة )
الشغالة : استاذ علي مستني تحت هو ووالده
ملك : ي ربي دة عمي لسة مجاش ، انزلي والنبي ي كوكي اقعدي معاهم لحد م اظبط الميكب بتاعي
ماليكة ب خضة : انا !
ملك : ايوة بسرعة والنبي
ماليكة ب توتر : طيب 😐
( تنزل ماليكة متوترة وخايفة تشوف علي ، يقوم علي وابوه يقفه لما يشوفوها نازلة ، تقرب ماليكة متبصش ناحية علي وتسلم ع ابوه )
الاب : اهلاً اهلاً ب عروستنا ، بسم الله ما شاء الله زي القمر 😃
( تتخض ماليكة وتبص ل علي )
ماليكة ب ضيق : لا مش انا العروسة 💔
علي : بابا دي ماليكة اخت ملك 😐
الاب ب احراج : اه لامؤخذة ي بنتي اهلاً وسهلاً 😅
ماليكة : اهلاً ب حضرتك ، ملك نازلة دلوقتي
( تقعد ماليكة ، يبصلها علي وهي باصة للأرض )
علي ل ماليكة : فينها ملك ؟
( يتعمد علي يكلمها عشان تبصله )
ماليكة وهي باصة للأرض : جاية 😒
( تنزل ملك تسلم ع علي وابوه )
ملك : عمي زمانه جاي
الاب : ييجي بالسلامة إن شاء الله
( يرن الجرس ، تفتح الشغالة ، يدخل عم ماليكة )
عم ماليكة : اهلاً وسهلاً ، اعذروني ي جماعة ع التأخير الطريق زحمة اوي 🤷🏻‍♂️
ابو علي : ولا يهمك ، اهلاً بيك
( يقعده يتكلمه )
عم ماليكة : انا معنديش مانع بما إن الولاد زمايل ف الكلية ويعرفه بعض ، بس الي سمعته إن علي ف اخر سنة ليه ف الدراسة ، بس ملك لسة ف اول سنة
علي : انا هخليها تكمل دة اكيد
ابو علي : ايوة إن شاء الله لو في نصيب هنعمل الخطوبة وبعد اما ملك تتخرج هيتجوزه
عم ماليكة : خلاص بما إنكم متفقين 🤷🏻‍♂
ابو علي : يبقا ع بركة الله ، نقرا الفاتحة 🤲
( يقروا الفاتحة وتقراها معاهم ماليكة ودموعها خلاص هتنزل وايدها بتترعش ، بعد قري الفاتحة تقوم ماليكة تطلع اوضتها بسرعة ، تقعد ع السرير بتضحك وتعيط ف نفس الوقت )
ماليكة ب قهرة : امتى ييجي اليوم الي اقراها فيه ع روحك ي علي 💔
( تاني يوم ، ماليكة ف الكلية قاعدة مع صحابها )
رون ب عصبية : طلع واطي اوي وحيواااان بجد 😡
جاسر : حذرناكي منه قبل كدة كتير ي ماليكة ومكنتيش بتصدقي عليه حاجة !
فهد : أيوة انتي الي مكنتيش بتصدقينا ، دة لسة كنت انا و ........
عبود وهو بيقاطعه : خلاص ي جدعان قفله ع الموضوع ، الي حصل حصل متندموهاش !
( يقرب عليهم علي )
علي : صباح الخير
( محدش يرد عليه )