قصة : ( الوجع ) ل سهيلة سعيد المنجي ( كاملة ، متعدلة )

الحلقة ١٥ و ١٦

قصة : { #الوجع } 🔥💔

الحلقة الخامسة عشر { ١٥ } ✍🏻

فهد : مشيت من شوية
عبود : متعرفش فين ؟
فهد : لأة
( يمشي عبود يدخل الأوتيل )
عبود : ماليكة طلعت ؟
السكرتيرة : لا يفندم
( ماليكة قاعدة ع صخور ع البحر عمالة تعيط وبتكلم نفسها )
ماليكة ب عياط : هي مافيش حاجة حلوة تكملي ابداً ، دايماً حظي كدة ، طب وبعدين ل امتى يعني ، يارب بقا ارحمني م الدنيا دي وخدني منها 😣
( يقرب عليها عبود يقعد جنبها )
عبود ب ندم وهو بيقعد جنبها : انا اسف ، هو بس كلامه عصبني 😐
( متردش )
عبود : ماليكة ، انا اسف والله
ماليكة : خلاص ي عبود
عبود : متزعليش مني طيب
ماليكة وهي بتبصله : مبزعلش منك 😟
( ياخدها ف حضنه ، تعيط )
عبود : خلاص بالله عليكي ، انا مبحبش اشوفك بتعيطي 😕
( ملك وعلي واقفين ع الشط )
علي : يعني انتي عايزة ايه دلوقتي ؟
ملك : عاوزة اعرف ليه متغير معايا اليومين دول ، انا عملتلك ايه ؟!
علي : ولا متغير ولا حاجة عادي 🤷🏻‍♂
ملك : لا مش عادي ، وايه الي حصل خلى عبود يضربك ، ومتقوليش كنا بنهزر ⁦☝⁩
علي ب عصبية : بقولك ايه انا مبحبش الزن ، انزلي من فوق نافوخييي 😠
ملك ب خضة : انت ازاي تكلمني كدة !!
علي : عوزاني اركع وانا بكلمك ولا اييييه 😡
ملك : لا متركعش ي علي !!
( تمشي ملك وعيونها مدمعة ، ييجي الليل ، الكل قاعدين ع الشط )
فهد : احنا فاشلين والله ، فاضلنا شهر ع الأمتحان وجايين نتفسح 🤷🏻‍♂
رون : اديك قلتها فاشلين 🕺
عبود : فشل ب فشل قوموا نتمشى
كارول : هنروح فين ؟
عبود : قوموا البسه وبعدين اقولكم
( يقوم كل واحد يدخل اوضته يلبس ، يخبط اوضة ماليكة ، تفتح ماليكة تلاقيه علي )
ماليكة : نعم ؟
علي : عاوز اتكلم معاكي
ماليكة : مافيش بينا كلام 😒
( تقفل الباب ، يزقه عليها ويدخل )
ماليكة ب خضة وانفعال : ايه دة انت اجننت ، اطلع برة !!
علي : بقولك عاوز اكلمك
ماليكة : كلمني تحت متكلمنيش هنا ⁦☝⁩
علي : مش هينفع عشان ملك
ماليكة : طب افتح الباب وإلا تمشي 👈
( يتنهد علي ويروح يفتح الباب ويقفه قصاده )
ماليكة : مالها ملك ؟
علي : هسيبها
ماليكة ب صدمة : ايه 😳
علي : هسيبها ، هفسخ الخطوبة يعني
ماليكة ب خضة : ليييه ؟!
علي : ماليكة انا اتأدبت ف الفترة الي سيبتك فيها وعرفت قيمتك ، وعرفت إني بحبك بجد ومقدرش استغنى عنك ، انا عاوز نرجع
ماليكة : نرجع ، نرجع ايه ، انت سامع نفسك وانت بتتكلم ، انت عايش معانا ، انت واعي للي بتقوله دة اصلاً !!
علي : ايوة وفيها ايه 😕
ماليكة : لا انت اكيد اتجنيت ، والله اتجنيت 🤷
علي : قولي الي انتي عايزة تقوليه ، انا قررت خلاص
ماليكة ب انفعال : حرام عليك ليه ، ليه كدة ميبقاش انا وهي 😧
علي : م انا عاوز اصلح الغلط الي عملته
ماليكة : ب غلط اكبر ، دي مصيبة ، انت عارف هي بتحبك اد ايه 🤷
علي : وانا اتشديت ليها ف الأول وحبيتها برضو ، لكن من ساعة م بقيتي مع عبدالله وانا مش عارف مالي 😕
ماليكة ب فهم : اااه ، قول كدة بقا ، قول إن انت كنت مفكرني هفضل مستنية لما ضميرك يصحى وتييجي تطبطب عليا ، قول إنك غيران منه ⁦☝⁩
علي : ايوة غيران ، عشان لسة بحبك ♥️
ماليكة : لا ي علي ، انت محبتش غير نفسك وبس ، ولا حبتني ولا حبيت اختي ، وانا قلتهالك قبل كدة ، لو اذيتها انا هأذيك 😐
علي : انتي لسة بتحبيني ومتقدريش تأذيني ي ماليكة
ماليكة ب كسرة : انا عمري م كرهت حد قد م كرهتك ، ي اخي دة انا كنت قربت اكره نفسي عشان ف يوم حبيتك ، وتقولي حب ، حب ايه ، حب بعد ايه اصلاً ؟!
علي : براحتك ، بس انا عارف هتلفي تلفي وترجعيلي 🙂
ماليكة : انت بتحلم !
علي : لو مش عيزاني اسيبها سيبي انتي عبدالله
ماليكة : مش بقولك انت بتحلم ، الكون دة مش ملكك ولا تحت امرك ، كفياك حب الأمتلاك دة ، وبعدين هو تهديد ، رجوع ومش هنرجع انسى ، ولا هسيب عبود لإني بحبه ومقدرش اسيبه ⁦☝⁩
علي : لا هتسيبيه وهنرجع ، مش ب مزاجك ع فكرة
ماليكة : لا ب مزاجي ي علي ، ومش تهديد هو !
علي : طيب لو ع التهديد بقا انا لسة مهدتش ، بس لما أسيبها هتسأل ليه وهقولها ليه ، الحقيقة هاااا ، وكلها ، هقولها اختك خدعتك وخانتك وإننا كنا حبايب وإننا عاوزين نرجع لبعض دلوقتي ، ومتفتكريش ب كدة هخسرك اختك بس ، لا وهخسرك ناس تانية ، وهيبقا منظرك وحش اوي قدام الكل 💁🏻‍♂️
ماليكة : ي بني انت شيطان ، جاي تأذينا وخلاص ، هتستفاد ايه طيب ؟
علي : انا مش عايز حاجة غيرك بس 😕
ماليكة : ي اخي وانا مش عيزاك ، وجاي بعد اكتر من عشر شهور تقولي مش عاوز غيري ؤ كان فين دة قبل كدة ، مش انا الي كنت صاحبتك مش حبيبتك ، مش انا الأنانية ، دلوقتي بقيت كل حاجة فجأة !!
علي : عرفت قيمتك ي ماليكة
ماليكة : وانا كمان عرفت قيمتك ، انت ولا حاجة بالنسبالي ي علي
علي : ع فكرة انا بالنسبالك كل حاجة
ماليكة : ايه الغرور والبرود داااا 🤷
علي : دي ثقة ف حبك مش اكتر
ماليكة : حبي ! اطلع برة ي علي ، اطلع برة واياك تجيب سيرة ل ملك عن حاجة ، وبطل تستفز عبود عشان هو ع اخره منك ⁦☝⁩
علي : اشمعنا معاه سلمتيله ومعايا لأ ؟!
ماليكة ب انفعال : ملكش دعوة انت مالك ، اطلع برة قلتلك 😠
( يقرب عليها ، تتخض وتبعد )
علي : مش هطلع ي ماليكة
ماليكة ب توتر : بقولك اطلع !
( يقرب اكتر )
ماليكة ب خوف : انت بتعمل ايه ، انت .........
( وفجأة يبوسها غصب عنها ، تحاول تزقه ماسكها جامد مش عارفة تبعد عنه ماسك دماغها ، يقرب عبود ع اوضتها يشوفهم ، واقف مصدوم ، يشوفه علي ويعمل زى مهو عمل ، يتمادى ، ماليكة تزق علي جامد ومتلحقش تقول حاجة تشوف عبود باصصلها ، يبتسم علي ويطلع م الأوضة كأنه معملش حاجة ، ماليكة واقفة مش عارفة تقول حاجة م الصدمة والخوف والأحراج ، يمشي عبود ، تجري ماليكة ع برة متلاقيهوش ، تروح تخبط ع اوضة ، تتفتح )
جاسر : ايه مالك !!
ماليكة : الحق عبود والنبي 😰
جاسر ب خضة : ماله عبود ؟!
ماليكة : شوفه الأول وبعدين ابقا اقولك ، هو لسة ماشي
جاسر : اوك
( يجري جاسر يدور ع عبود ، تدخل ماليكة عند دانة )
دانة : مالك يا موكا ؟؟
( تحكيلها ، يقرب عبود ع عربيته ، يقرب عليه جاسر )
جاسر : عبود .. عبد الله
( يركب عبود العربية )
جاسر : استنى ي بنى رايح فين 😮
( يمشي عبود ، يركب جاسر عربيته ويروح وراه )
جاسر وهو ماشي جنبه : ي بني اقف عايزك
( يفرمل جاسر قدامه يخليه يقف ، ينزل عبود م العربية وينزل جاسر ، يفضل عبود رايح جاي ع اخره )
جاسر ب استغراب : في ايه ي بني ، حصل ايه ؟!
عبود ب زعيق : ممكن متتكلمش معايا ولا تسألني ، عشان احتمال ساعتها نخسر بعض ، ماشي 😡
جاسر : طب ماشي مش هسألك دلوقتي اهدى خلاص ✋
( ماليكة قاعدة مع دانة )
دانة ب صدمة : يلهوى شافكم 😳
ماليكة ب عياط : انا تعبت ، تعبت خلاص ، والله م قادرة استحمل اكتر من كدة ، حاسة إني ف وقت هنفجر ، وربي هنفجر 😣
دانة : إن شاء الله كل حاجة تتحل ، اهدي انتي بس
( يخبط باب دانة ، تفتح ، يدخله البنات )
رون : مش هنمشي ولا ايه ؟
دانة : لا مش هينفع
كارمة : ليه ؟
تالة ب استغراب : مالك ي ماليكة ؟
( متردش )
هدى : هو في ايه ؟!