قصة : ( الوجع ) ل سهيلة سعيد المنجي ( كاملة ، متعدلة )

الحلقة ١٩ والأخيرة

قصة : { #الوجع } 🔥💔

الحلقة التاسعة عشر والأخيرة { ١٩ } ✍🏻

( يخبطها تاني ، ماليكة بتفتح عينها بالعافية وشها كله مليان دم ، يرن جرس الباب )
علي : اهي شرفت
( تعيط ماليكة خلاص مش قادرة ، تقرب ايدها ع سكينة تمسكها وتلف بيها مرة واحدة تقطع رقبة علي ودمه يغرق وشها وهدومها ، يمسك علي رقبه عماله تنزف وبؤه كمان ، يقع ف الأرض ، ماليكة واقفة مصدومة ، ترمي السكينة وتقعد ف الأرض ، يكسره صحابها الباب ويدخله ، يتصدمه م المنظر ، تقرب عليها دانة وتاخدها ف حضنها ، تدخل ملك تشوف علي سايح ف دمه ميت تتصدم )
رون : انتي كويسة ؟!
( ماليكة مش قادرة تتكلم )
ماليكة ب ضعف : اسر 😑
( تجري رون ع فوق تجيب اسر ، يوصل البوليس والأسعاف وطبعاً ماليكة متتحاسبش لإنه دفاع عن النفس ، بعد شهر ، صحاب ماليكة قاعدين عندها ، يرن جرس الباب ، تفتح الشغالة ، تدخل واحدة ست )
ماليكة ب صدمة : ماما !!
( تقوم ماليكة تقرب عليها )
الام : فين ملك ؟
ماليكة ب زعل : فين ملك ، مش هاين عليكي حتى تسلمي عليا ؟!
الام : عاملة ايه ؟
ماليكة : كويسة !
الام : حمدلله ع سلامتك 😒
ماليكة : شكراً ، اتفضلي
( تدخل امها مقروفة ومش طايقة نفسها ، تقعد )
جاسر ب استغراب : هي دي ام ماليكة ولا ماليكة الي امها !!
رون : دي اصغر مننا !
تالة : امريكية بقا !
فهد : هي مرتبطة ؟
دانة : يخويا اهمد 🙄
( تنزل ملك ب شنطة هدوم )
الام : يلا
ماليكة وهي بتبص ل ملك : يلا فين ، انتي هتمشي معاها ؟!
ملك ب حزن : اه ي ماليكة ، معادش ينفع اقعد 😔
ماليكة : ي ملك والنبي خليكي ، مينفعش تسيبيني دلوقتي 😕
( متردش ملك وعيونها تدمع )
ماليكة : خليكي قاعدة 😧
ملك : انا همشي ، معلش
ماليكة : ي ملك انا .........
الام ب حدة : ماليكة ، خلاص ، كفاية اوي الوجع الي انتي سببتيهولها ⁦☝⁩
ماليكة ب استغراب : وجع ، وجعععع ، تعرفي ايه انتي عن الوجع هااا ، تعرفي اييييه ؟
جاسر ب قلق : ماليكة اهدي !
ماليكة وهي بتبص ل جاسر : تعرف ايه هي عن الوجع ي جاسر ؟
( ترجع تبصلها )
ماليكة : م تردي ، انتي بالذات متتكلميش عن الوجع ، الي زيك ميعرفوش اصلاً 🤷🏻‍♀️
رون : ماليكاااا 😬
ماليكة ب انفعال : دلوقتي حاسة ب وجعهاااا ، دلوقتي بقا عندك قلب ام بيحس ، كان فين احساسك دة لما انفصلتي عن ابونا وسببتلنا احنا الأتنين وجع 💔
( تنزل دموع ماليكة )
ماليكة ب عياط : كان فين احساسك لما سبتيني بنت عندي ١٦ سنة أقعد ف بيت طويل عريض لوحدي ، وبعدتيها عني واخديها معاكي ، وكأني مش بنتك انا كمان لمجرد إني قلت خايفة اركب طيارة ومرضتش اسافر ، سيبتيني اولع عند عمي مستحملنيش شهرين عشان ولاده ورجعني تانى ، عشت سبع سنين لوحدي وانا بعلم نفسي ازاي اعتمد عليها وازاي محتاجش لحد ، كان فين احساسك بيا وب وجعي وانا محتاجة امي ف الوقت دة ، كان فين احساسك لما انكسر قلبي والأنسان الي حبيته يسيبني عشان حب اختي 💔
( تبصلها ملك ب صدمة )
ماليكة ب عياط : فين احساسك ب وجعي ساعتها ، فين احساسك لما تييجي اختي كل دقتين تقولي انا بعشقه ، فين احساسك وانا بفصلها فستان فرحها ب ايدي ، فين احساسك وانا شيفاها معاه ف الكوشة ، فين احساسك وهي بتلبس دبلته ، فين احساسك وانا كان يغمى عليا ف اليوم بالمرة والأتنين واقوم لوحدي ، فين احساسك وانا كنت كل يوم انام ودمعتي ع خدي وانتوا اول اتنين كان المفروض اشكيلهم ، فين احساسك وانا بنهي حياة بني ادم كان كل همه ف الدنيا إنه يجرحني ، وكان كل غلطي إني ف يوم حبيته ، سيبك من كل دة ، فين احساسك لما مات حبيبي بين ايدياااا 😫
( يذيد عياطها والكل تنزل دموعه )
ماليكة : فين الحضن الي كان المفروض اترمي فيه ، اعيط اصرخ واطلع فيه كل الي جوايا ، فين احساسك بلي اتيتم من اول يوم ليه ف الدنيا وهيعيش من غير اب باقي حياته ، فين احساسك فين ، مظنش في اكبر من كدة وجع 💔
( يتصدمه من كلام ماليكة ومش عارفين يرده )
ماليكة : فجأه بقيتي بتحسي ب الوجع ، فجأة بقا الكل موجوع وانا السبب ، فجأة بقا الكل بيحس وانا الي معنديش دم وبفرق الحبايب ، فجأه بقيت انا الشيطان وسط الملايكااااا 😡
( يذيد عياطها )
ماليكة : محدش شال همي غير صحابي ، ومحدش خفف وجعي غيره 👈🏻
( تشاور ع صورة عبود )
ماليكة : ي ست ملك ، انا فرقتك عن علي عشانك مش عشاني ، جبتها من ناحيتي عشان ميحسسكيش ب الوجع الي انا حسيته ، شيلته عنك 💔
( يذيد عياط ملك )
ماليكة : ساكتين ليه ، مافيش رد مش كدة ، يبقا متتكلموش عن الوجع ، لإني ادرى واحدة بيه ، وعايزة تمشي معاها امشي ، مشيانك مش هيذود وجعي ، لإني تقريباً مبقتش بحس !
( تاخد ماليكة ابنها وتطلع اوضتها )
الام : اظن كفاية تهزيق لحد كدة ، جاية معايا ولا لا ؟؟
( تبصلها ملك ، يعدي الوقت ، ماليكة عند عبود بتزوره )
ماليكة : اخدتلك حقك ، وحقي وحق ملك ، كان نفسي تكون معايا دلوقتي ونعيش بقا من غير وجع ، كان نفسي قلبي يرتاح ي عبود ، وانا مكنتش برتاح إلا معاك انت ، كنت راحتي من اي وجع ، بس هنتقابل قريب ، اكيد هنتقابل 🙂⁦

*( باااااااااااااك 👉 )*

( نرجع للدكتور النفسي الي كانت عنده ماليكة )
الدكتور : احكي بقا مالك ، ايه وجعك ؟
ماليكة : وجعي ! بالكلام عن الوجع ، هو ايه اكتر حاجة توجع ؟
الدكتور : الخيانة مثلاً 💁🏻‍♂️
ماليكة : لأ ، معتقدش دي اكتر حاجة توجع !
الدكتور : من وجهة نظر ناس كتير الخيانة بتبقا اكبر وجع ممكن تحسي بيه
ماليكة : يمكن ، بس مش من وجهة نظري ، لإني جربت الي بيوجع اكتر 💔
الدكتور : وايه الي وجعك اكتر ؟
ماليكة ب ابتسامة : دي قصة طويلة اوي 😊
( تقوم ماليكة تقف )
ماليكة : تعرف ، انا مش محتاجة دكتور نفساني ، محدش فينا محتاجه ، احنا بس محتاجين نبطل نوجع ف بعض ، ودة عمره م هيحصل ، ف هنفضل دايماً محتجينلك ، بس انا لأ ، عن اذنك 🙂
( تطلع ماليكة م الأوضة ، ملك قاعدة شايلة اسر وعمالة تلعب معاه )
ملك : مامي اهي طلعت 😃
( تقرب عليهم ماليكة تشيل اسر وتمشي هي وملك يطلعه م العيادة يلاقوا صحابهم واقفين ب عربياتهم برة )
جاسر ب صوت عالي : ماليكة اتجنت ي بني ادمين وبتزور دكتور نفساني 😱
فهد : بس عندك متقربيش ، إذا كنتي انتي مجنونة ف انا معايا شهادة معاملة اطفال 😂⁦☝⁩
ماليكة : ههههههه 😄

*( مش مهم نطلع من كل قصة حب ب حبيب ، لو طلعت ب نفسك وب حد قادر يرجعلك ضحكتك تاني احمد ربك .. 🤎✨ )*

*( النهاية )*

( متنسوش اللايك ورأيكم .. 🤎✨ )

#قصة_الوجع_ل_سهيلة_سعيد

#sohila_sa3ed