وعد 🥀 ( روايات ليبية )

حلقة 7 🥀 " خطوات الانتقام "

رواية #وعد 🥀.................حلقة 7
للكاتب #أحمد_عبدالله
" خطوات الانتقام  "
.
( خش لداره )
الياس : وين كنت و خيرك ازرق
انس : كنت معاها
الياس : توا
انس : ايه
الياس : و طالع انت و ياها في الريح هذا
انس : كان تشوفها يا خالي
( للاسف امه 💔 )
.
وعد : وصلت للشقة و ركبت الدروج ، اني وصلت لقيت الشقة بابها مفتوح
وعد : 👁👁🔥
( قربت قربت بشوية )
وعد : 😱🥺 احمد
( لقيت احمد ، تطمنت هلبا لما شفته )
احمد : حابب نقولك شكرا
وعد : 🥺 انت يلي شكرا انك جيت
احمد : حنكون معاك يا وعد ما اتخافيش ، و حقك رح تاخديه
وعد : ( ضحكت و الدموع في عيني  ) حقي ، دكتور احمد ممكن اترجعني للمستشفي
احمد : 😳 خيرك وعد
وعد ؛ اني معش نبي شي ، لا نبي حقي و لا شي ، ياريت قعدت مرتاحة في المستشفي احسلي
احمد : 👁👁 وعد فيه شي
( طحت و قعدت نبكي بلعبرة )
( قعمز بحداي )
احمد : وعد خيرك خوفتيني فيه شي خيرك
وعد : انس 💔
احمد : خيره عرف
وعد : ياريت ياريت ياريت عرف و ارتحت لا
احمد : باهي شن فيه ، وعد قولي
وعد : ( شفتله و دموعي في عيني ) انس يحبني يا احمد ، يحبني
احمد : 👁👁🤭
وعد : ياريت قتله ياريت قتله
احمد : 👁👁 لالا اكيد مش زي ما انتي متوقعة ، لا لا انتي دماغك هرب بعيد
وعد : ( هزيت راسي يعني لا ) يا احمد افهم الولد معجب فيا
احمد : ايه عادي زي عمته او وحدة ساكنة جنبهم
وعد : 💔 ياريت ياريت
احمد : خلاص وعد ،ارتحاي انتي شكلك تعبانة و غدوا نجيك نهدرزوا
وعد : 🥺
..........
📍 الصبح
( القصر )
( كل العيلة تفطر )
( نزلت نهلة من الدور التاني )
نهلة : صباح الخير
الكل : صباح النور
نجوي : تعالي افطري
نهلة : لالا عندي مشوار
نجوي : ربي يعاونك
( طلعت نهلة )
ياسر : مشوار مهم نهلة
نجوي : تسال فيا اني ، اسالها هيا
ياسر : نهلة هادي اخرها السوبر ماركت
اميرة : 🤭😂
نجوي : 👁👁
اميرة : 😳
معتز : 👁👁
اميرة : صحة صحة
نجوي : 😒
انس : صباح الخير
الكل : صباح النور
انس : خال بعدين جايك في الشركة نبيك
ياسر : تنور
انس : سلام
نجوي : بتوفيق يارب
...........:::::::/
( وعد 🥀 )
( بعد يلي صار امس تعبت هلبا ، ارقدت نضت درت قهوة و قعمزت )
و بعد نص ساعة سمعت الباب يطق
( مشت فتحت )
احمد : صباح الخير
وعد : صباح النور
احمد : كيف حالك اليوم
وعد : الحمد الله
( خش )
وعد : نديرلك قهوة
احمد : وعد انتي مش طالعة باش تشربي قهوة انتي طالعة باش اديري يلي اتفقنا عليه
وعد : ( مشيت و قعمزت بحداه ) يلي هو شنو ، قتلي حبي الياس ، حبني لدرجة انه امس قالي نحبك و جابلي تليفون ،) ( قتلي صاحبي اميرة و للان للان ما عرفتش مكانها ) الباين ان خططتنا كانت فاشلة )
احمد : تفضلي
وعد : 👁👁 هذا شني
احمد : اوراق مشروع الياس ، و المكان يلي تقعد فيه اميرة
وعد : 👁👁 ممكن نسالك سوال احمد
احمد : تفضلي
وعد : ممكن تقولي معلومات منين تجيب فيهم
احمد : 👁👁 من اشخاص يساعدوا فيا
وعد : لدرجة انك تعرف مكان اميرة و مشروع الياس
احمد : وعد خليك في انتقامك
وعد : باهي مشروع الياس هذا شن بندير بيه
احمد : انتي حتحفظي المشروع صم و تقولي لالياس ان حلمك اديري مشروع يلي هو نفس المشروع هذا ، يلي هو خاطره يديره و خوته رافضين،
وعد : يعني بهذا نكون درت فتنة
احمد : ايه
وعد ؛ حسيتني تتكلم في رواية ، الواقع غير يا احمد ، يعني بشوية كلام حندير فتنة بينهم
احمد : حاجة وراء حاجة يجي كل شي
وعد : 👁👁 و اميرة
احمد : هذا هدفك اليوم
وعد : ايه و ليش
احمد : لازم تعرفي اميرة اكتر ، و تتعمقي فيها ،
وعد : شن قصدك انها ،،،،،،،،
احمد : للاسف ايه ، لازم تتعمقي فيها
وعد : 👁👁 باهي تمام
( و حطيت الاوراق بجنبي )
احمد : تي نوضي نوصلك للمقهي
وعد : ما فهمتش العيلة هادي مقعمزة الا في الاماكن العامة
احمد : هيا نوضي
......./
نهلة : ( طلعت من القصر و خدت السواق و وصلها للمستشفي )
( وصلت و خشت من الباب )
مريم : 🤭👁👁🔥
( صوت الكعب العالي و مشيتها في كل المستشفي و التوتر باين علي عيونها )
..
حسين : يا دكتورة يا دكتورة
نوال : شن فيه
حسين : نهلة بنت عم وعد
نوال : وينها
حسين : لوطة
نوال :ووووه علياااااا 🤭 جيب اوراق خروج وعد بسرعة بسرعة
( هو كيف بيطلع لقاها قدامه )
نهلة ؛ السلام
نوال : ال س س س الام
( طلع حسين يجري )
نوال : تفضلي يا هانم
نهلة : 😒 ( قعمزت و هيا معصبة ) اني جاية نطمن علي وعد
نوال : 👁👁 اه
نهلة : جاية نطمن علي وعد و نشوفها
نوال : ايه ايه تشوفي وعد ايه
نهلة : شن فيه
نوال :  لا لا لا بس وعد راقدة
نهلة : نبي نشوفها
نوال : ماهو امس في الليل كان عندها جلسة كهرباء و طلعت منها تعبانة
نهلة : اها تمام ، اذا هكي باهي ، تفضلي هذام 15 الف جني لوعد ، نبي اكل و شرب و اي حاجة تطلبها موجودة
نوال : ان ان ان شاء اللله
حسين : ( خش يجري ) تفضلي هادي ورقة الخروج
نهلة : 👁👁
نوال : ( تشبحله و بصوت عالي ) ايه ايه خودها و اطلع و معش تجي اهني يا بني ادم اطلع
نهلة : خروج شني
نوال : امه تعبانة و طالب اجازة ،
نهلة : خليه يمشي يشوف انظمه
نوال : يا هانم ديما امه تعبانة ما بخدمش بكل
نهلة : لالا اعطيه ، و علي حسابي و هاذم 5 الاف تفضلي
نوال : 🤭😍😱 شكرا شكرا يا هانم
نهلة : المهم ردو بالكم من وعد
نوال : ايه ايه طبعا
نهلة : مع السلامة
نوال : مع السلامة
( هيا طالعة لقت حسين )
نهلة : خلي بالك من الوالدة
حسين : 😐 ان شاء الله
( هيا مشت خش يجري لنوال )
نوال : الله محلا الفلوس
حسين : شن صار
نوال : باين ان وعد ماتتت ، هيا موجودة في فلوس و هيا مهناش في فلوس
حسين : 😍 و شن موضوع الوالدة
نوال : انت كنت بتفضحني قلتلها عنده ورقة خروج عشان امه تعبانة و عطتني فلوس لامك
حسين : الله يرحمك يا امي و انتي موجودة و انتي مش موجودة فيه فلوس ، اعطيني شن اعطاطك
نوال : امشي اطلع برا
حسين : 👁👁🤭
...........
( لبست و وتيت روحي و طلعت )
احمد : هيا اركبي
وعد : يارب معانا
( طلعت من الحوش و وصلت للمقهي )
احمد : زي ما قتلك و خليها تروح بيك
وعد : تمام
احمد : سلام
وعد : سلام
( نزلت و خشيت و نحيت نضارتي شفتها مقعمزة في وحدة من الكراسي  ) ( هيا و صاحباتها )
وعد : السلام عليكم
الكل : وعليكم
وعد : ممكن نقعمز
وحدة : تفضلي حبيبة
وعد : شكرا ، عجبتني اللمة متعكم ، قلت خلي نقعمز نتعرف عليكم
وحدة : شن ساكنة جديد
وعد : ايه كنت مسافرة
وحدة : اها تشرفت بيك
وعد : سلمها ، انتي اميرة صح
اميرة : 😳 ايه
وحدة : شن تعرفيها
وعد : ايه
وحدة : معناها مش جديدة علينا
وعد : لا جديدة بس اميرة جارتي
وحدة :طلعت جارتك يا اميرة
اميرة : 👁👁 اهلين
وعد : ☺️🔥
............
( في الشركة )
معتز : اجتماع اليوم كان مش كويس بكل
ياسر : الارباح بدت نازلة
معتز : ما فيش حل الا اننا نبيع شوية من المنتجات او خيل من يلي عندنا
ياسر : اي خيل ، وكل ناشئ
معتز : بيع وعد
ياسر : وعد كبرت علي البيع و بعدين مش متع نهلة
معتز : تي متع وعد و الكل عارف ان نهلة ما تعرفش تركب عليها ، تخيل كانت بتسميها نهلة
ياسر : توا نكلمها
( الكلام كان علي الخيل يلي اسمها وعد ، و هيا المهرة الخاصة لوعد )
.
انس : صباح الخير
السكرتيرة : صباح النور
انس : وين ياسر
السكرتيرة : ما فيش كيف حالك
انس : لا فيه كيف حالك
السكرتيرة : الحمد الله وينك ليك وحشة معش تبان لا انت ولا الياس
انس : مشغولين شوي
السكرتيرة : بالك شايفين نحلة جديدة
انس : تي خشي شوفي ياسر وين
السكرتيرة : حاضر
( خشت )
السكرتيرة : استاذ ياسر استاذ انس البرا ندخله
ياسر : دخليه
( خش )
انس : السلام
ياسر : السلام
معتز : السلام ، انا نستأذن عندي مشوار مهم
ياسر : تمام
( طلع معتز )
ياسر : تفضل يا سي البي
انس : خيرك خال
ياسر : قول شن تبي
انس : نبي منك هات ودنك
ياسر : هاك
👂🏻
ياسر : لالا هلبا
انس :مش هلبا عليا
ياسر : باهي حاضر
..............................
وعد : ( قعدت نهدرز و تعرفت عليهم كلهم و قلت ان اسمي ولاء ، و بديت نهدرز و نضحك مع اميرة و خدت تليفوني و كتبت رقمها )
( بعد ما تمت التقعميزة )
( طلعنا من المطعم )
وعد : كلامك يجنن يا اميرة
اميرة : حتي انتي ما شاء الله عليك ولاء
وعد : ( بدت نوقف في تاكسي )
اميرة : تعالي نوصلك
وعد : انتي مروحة
اميرة : لا بس نوصلك و نطلع
وعد : ( تلفتلها ) ليش مش مروحة للحوش
اميرة : اني يومي كله من مكان لمكان
وعد : ليش
اميرة : توا عندي كتبتلك رقمي ، نكلمك و نجيك في الحوش و نهدرزوا بما انك جارتي
وعد : تمام توا نشري شفرة و نشرين عليك ، سلام
( درست تاكسي و طلعت )
وعد : الفروسية بالله عليك
....................................
📍 عند معتز
( بعد ما طلع من الشركة ، طلع بسيارة لحوش زوجته )
معتز : السلام كيف حالك
رهف : مش باهية وين نشبح فيك اني
معتز : ماهو شغل
رهف : شغل و لا قاعد مع اميرة
معتز : هيا وين اميرة عشان نكون معاها 🔥
..............
📍 القصر
نهلة : ( بعد ما روحت من المستشفي خشيت )
نجوي : نهلة حبيبتي وين كنتي
نهلة : كنت في المستشفي
نجوي : 😱 خيرك فيه شي
نهلة : لا في مستشفي الرازي
نجوي : ايه
نهلة : لقيت وعد موجودة
نجوي : باهي تمام افرحي هي
نهلة : كيف نفرح و اني شفتها ، معناها فيا خلل ، بديت نلهوس يا امي ، نقوللكم شفتها بعيني بعيني و شعرها طويل ، شكلها الجديد مش القديم ، كيف شفتها و هيا في المستشفي
نجوي : تعودي من الشيطان
نهلة : اعوذ بالله من الشيطان و خلاص ، بس لازم نبدا نداوم مع دكتور
نجوي : تعالي حبيبتي ارتحاي
نهلة : 🥺 هبلت يا امي هبلت
نجوي : 🤭
.........................................
( وصلني التاكسي للفروسية خشيت )
الامن : انسة " ولاء " صح
وعد : لا غالطين
الامن : اها تفضلي
( خشيت )
( وصلت للاسطبل )
الياس : 😍
وعد : ☺️
( قعد يشوفلي و بدي السباق و بدت الخيل تجري )
( و اني نتفرج )
( تم السباق نزلت )
الياس : كيف حالك ولاء
وعد : الحمد الله وانت
الياس : من لما نشوفك نبدا تمام ، تعالي معاي
( شد ايدي و ركبني للمكان يلي يقعمز فيه )
وعد : الله محلاه المكان ، البحر باين كله
الياس : انتي كيف خشيتي
وعد : خشيت عادي
الياس : يا عاطف نادي الامن بسرعة
وعد : خيرك الياس فيه شي
الياس : استني شوي
وعد : 👁👁
( وصل الامن )
الياس : انت يا حيوان قتلك لما توصل ولاء تدخلها اهني طول
وعد : 🤭
الامن : و اللهي قلتلها انتي انسة ولاء قتلي لا
الياس : بلحقا
وعد : كنت بنديرلك مفاجاء 😊😐
الياس : اها قولي هكي ، تمام برا
.
الياس : ممكن تنحي النضارات عشان نشوف عيونك
وعد : حاضر
( نحيت النضارات )
وعد : 👁👁
الياس : 🤤
وعد : خيرك اول مرة نشوف عيون عسلية
الياس : لالا بس انتي غير ، عندي ولد اختي اسمه انس عيونه عسليات ،
وعد : 👁👁🔥 اها ربي يحفظه
الياس : و ابيض هكي زيك
وعد : 😊 ( خفت الحق ) اها ربي يحفظه ، بيبي
الياس : بيبي شني راجل ما شاء الله ، اصغر مني 4 سنين تقريبا
وعد : ما شاء الله ربي يحفظه
( درت روحي معصبة )
الياس : خيرك ولاء فيه شي
وعاد: لا شي ، تعرف الياس من لما رجعت من السفر ، واني خاطري ندير ميناء سفن كبير
الياس :😱 ( حس انه نفس المشروع يلي حلم حياته بديره ) شن قلتي
وعد : قتلك خاطري ندير ميناء كبير للسفن
الياس : 😍 ( شد ايدي ) انتي تحسي بيا و لا شني
وعد : وليش تقول هكي
الياس : تعرفي عمري كله نحلم بيه
وعد : و ليش ما درتاش
الياس : ( نزل راسه )
وعد : شن منعك
الياس : خوتي
وعد : ليش
الياس : هما تخصصهم خيل و اني نبي ندير سفن ما يمشيش الحال
وعد : من قال يمشي الحال ، اني عندي شركة ممكن تبيع ميناء كامل ب 16 مليون بس
الياس : ماهو
وعد : ما تكملش ، فكر في الموضوع ، و لازم تخلي خوتك توتق في فكرتك لازم ، اذا هذا حلم عمرك ، عمرك تكافح عليه ، حتي لو رح تخسر كل الناس و اني معاك
الياس : 🥺❤️ المهم انتي معاي
( رن تليفونه )
الياس : الو انس
وعد : 👁👁
انس : انت وين
الياس : انا في الفروسية مع ولاء تعالا
وعد : 🤭👁👁
انس : تمام هاني جاي
الياس : تمام
( سكر التليفون )
الياس : انس جاي و تشوفيه كيف شكله
وعد : 👁👁 اني عندي موعد ضروري حالا
الياس : استني شوفي انس
وعد : مرة تانية سامحني الياس
الياس : تمام كلميني
وعد : ان شاء الله
( طلعت وعد )
( تلفت الياس للبحر و يشوف للميناء 🥺 )
.
وعد : طلعت نجري من الفروسية و ركبت التاكسي
وعد : خوي ممكن ندير مكالمة من التليفون
السواق : ما فيش رصيد
وعد : ما تخافش حنعطيك حق الكرت 😒
السواق : تفضلي
اتصلت باحمد
وعد : الو احمد
احمد : شن صار معاك
وعد : صار كل شي تمام
احمد : مع اميرة
وعد : مع اميرة و الياس ، اسمع نبيك ضروري و جيب شفرة معاك و اوراق المشروع ناقصة الانشاء نبي كيفية الانشاء ، باش يقتنع
( نشبح التاكسي يشبحلي بأستغراب )
وعد : تمام احمد
احمد : تمام
( سكرت )
وعد : تفضل تليفونك و هذا حق التوصيل و المكالمة
التاكسي : بارك الله فيك
( تلفت و بدي يهدرز )
التاكسي : الله علي النصاب عقابه في الدنيا ، تعرفي يا اختي النصاب هذا اوسخ عباد الله
وعد : 😳
( يحسابني نصابة ، و الله انا بروحي معش عرفت هل يلي اندير فيه حق او لا ، هل حلال نخلي ولد يحبني و هو ما ليشي علاقة و الهدف اني ننتقم من خوه و اخته ، معش عارفة 🥺 )
( وصلت للشقة نزلت من التاكسي و ركبت )
.
📍 الفروسية
انس : السلام
الياس : السلام
انس : وين ولاء
الياس : روحت
انس : ليش
الياس : عندها مشوار مهم
انس : خسارة كنت حابب نشوفها
الياس : عادي مرة تانية
انس : كيف حالك انت
الياس : مية مية و انت
انس : تمام
الياس : وين كنت
انس : عند ياسر
الياس : اكيد عطاك فلوس
انس : ايه
الياس : تعرف يا انس قاعد نفكر في الميناء
انس : قصة الميناء يلي ما تبيش اتم
الياس : حلمي يا انس
انس : باهي انت طلبت منهم
الياس : ايه
انس : و الرد
الياس : لا ، كانه فلوس بوهم و مش بوي
انس : بكم المشروع
الياس : كله كله 30 مليون
انس : 😳
الياس : تخيل يا انس حتي ولاء حلمها ادير ميناء
انس : ايه
الياس : فا بعد ما سمعت الكلمة هادي منها ، رح نكافح اني نديره
انس : كافح المهم بعيد علي المشاكل 🔥
.....
📍 وعد
( بعد ما رجعت من الفروسية قعمزت و قعدت نستني في احمد )
( طق الباب )
احمد : السلام
وعد : خش
احمد : شن صار معاك
وعد ؛ يلي قتلي عليه مع اميرة و مع الياس
احمد : في نفس اليوم
وعد : بما انه فيه وقت ليش لا
احمد : و شن صار
وعد : اميرة باين ان وراها سر كبير ، تعرف يا احمد ما تروحش للحوش الا للنوم
احمد : شن قصدك
وعد : مرات علاقتها مع معتز مش كويسة
احمد : باهي و الياس
وعد : لا هذا خليه بروحه ، المشروع هذا يحلم بيه من زمان ، سالني حتي علي سعره ، و الاخ حطه في دماغه خلاص
احمد : بهذا انتي حطيتي ياسر و معتز في ايد الياس ، و ناهد و نجوي في ايد اميرة ،
وعد : و انس
احمد : هذا في ايدك
وعد : 💔
احمد : تمام هذا شفرة و غدوا نزيد نشوف اوراق تانية مرات تفيدك
وعد : تمام
احمد : نستاذن
وعد : تمام ، سلملي علي ليلي
احمد : حتي هيا تسلم عليك مع السلامة
وعد : مع السلامة
.......
( سكرت الباب و قعمزت )
.
📍القصر
( في دار انس )
الياس : خش الياس لانس لقاه يلبس
الياس : وين وين وين
انس : طالع
الياس : مع مني
انس : اسمع فكنا من الاسئلة الزايدة سلام
الياس : سلام
مقعمزين الكل في الصاله
انس : نزل انس و بيطلع
نهلة : وين
انس : طالع و جاي
نهلة : الساعة 10
انس : غدوا جمعة
نهلة : و كان جمعة تبات في الشارع
نجوي : خلي الولد
نهلة : ترا سكروا افامكم عليا ، خش ارقد خيرلك
ياسر : نهلة
نهلة : شن قلت اني اركب ( بصوت عالي ) اركبببببببببببببببب
انس : 😳
( ركب )
اميرة : ودني انطرشت
نهلة : سلامة عليك ، مرة تانية توا نتكلم بشوية ، توا يكبر ولدك و يبدا صوتك جايب اخر الشارع ، حالة و خلاص
اميرة : اف اف اف ، تصبحوا علي خير
معتز : 👁👁 تصبحوا علي خير
( ناض معتز واميرة )
ياسر : سبحان الله اللمة لازم تخربيها
نهلة : امشي عليا انت التاني
نجوي : 👁👁 سوسة
نهلة : 😒
........
( ركب انس و هو معصب )
الياس : شن صار معاك
انس : فكني و راس امك
الياس : هذا لما تطلع من غيري
انس : قتلك فكني منك
الياس : امك هادي لسانها يبي القص
انس : 👁👁
( قعد انس يجري للروشن )
الياس : شن بدير يا انس 😱🔥
( نقز من الروشن و طاح علي العشب )
الياس : حي علما
انس : احدف الدجاكة
الياس : انت مش طبيعي
انس : تي احدف
( حدفله الدجاكة ساوة الدجاكة متعه و كندرته و طلع )
.
📍 وعد
( بعد ما طلع احمد قعمزت و خدتني نومة )
( فجاء نسمع في صوت الباب )
وعد : 👁👁
( مشيت بشوي للباب و شفت من وراه )
وعد : انس
( قررت من توا حنبدا نتعامل معاه بصرامة شوي )
( فتحت الباب )
انس : هلا وعد كيف حالك
وعدد: الحمدالله كيف حالك انس
انس : كويس
وعد : تفضل خش
( دخلته )
،.........
📍 نهلة
( بعد ما الكل ركب لدراه ، ركبت و خشيت لداري و الحق وجعتني كيف هزبت انس و الاهم انه احترمني و ركب لدراه )
( طلعت من داري و مشيت لدراه )
( فتحت الباب )
( لقيت الياس مقعمز )
نهلة : وين انس
الياس : اه اه
نهلة : نكلم فيك وين انس
الياس : في داري راقد
( طلعت تجري لدار الياس فتحت الباب و ما لقتاش)
( رجعت و هيا معصبة )
نهلة : نكلم فيك يا حمار وين انس
الياس : ما نندريش عليه
( تلفتت نشوف في الروشن مفتوح و فيه اتار حد منقز)
نهلة : قصدك طلع من اهني
الياس : 🤭
نهلة : اااااااااااااننننننننننننسسسسسسسسسسسسسسس
( الحوش كله انهز بصوت )
نجوي : ديما و هيا بصوتها
ياسر : يا ربي حتي النوم محروم منه
اميرة : اختك هادي تبي تقتلنا بصوتها
.
طلعت تجري
الياس : وين ماشية
نهلة : ماشية ندور علي امه الحيوان
................................................/
📍 وعد
وعد : تفضل انس تبي شي
انس : الحق اني جاي نبي نطلع انا و انتي نتعشوا البرا
وعد : و اللهي ما خاطري شكرا
انس : لا ارجوك بلاش كلمة لا ، اقسم بالله تعبت باش وصلت لهني
وعد : 🥺 خلاص خلاص حاضر ، استنا شوي و جاية ، تبي تشرب شي
انس : لالا بري البسي بسرعة
وعد : 🥺💔 حاضر
( مشت وعد )
( تلفت انس للطاولة و شاف تليفون )
انس :👁👁 ايفون و لونه اخضر
✨ يتذكر ✨
انس : شن فيه ان شاء الله خير
الياس : لالا خير
انس : شني
الياس : اختارلي تليفون من التليفونات هادي
انس : لمني ليك
الياس : لا
انس : ليا
الياس : لا
انس : 😳
الياس : خود و انت ساكت
انس : خود هذا احدت ايفون نازل
الياس : تمام
( خدي التليفون و طلع من المحل )
انس : لمني هذا التليفون
الياس : لمتعة الفروسية
انس : 😍 اها قول هكي ، ليش ما عندهاش تليفون
الياس : ما عندهاش قتلي رح تشري بس قلت خلي ناخده اني
.
انس : 🤭💔.............................يتبع
هذه كانت حلقة اليوم ، ان شاء الله عجبتكم ، اسف علي التاخير بس كنت لازم نطول فيها ، رايكم في احدات الرواية و السرد ، لان ادمن الصفحة يشوف في رائي الناس علي الكاتب عشان يستمر فا اكتبوا تعليقات حلوة و مشجعة ، يلي جاي اقوي
.
النهاية صادمة الحق و توجع ، الانتقام حيكون صعب جدا جدا جدا ،،،،،،،رايكم و تعليقات طويلة ، تصبحوا علي الف الف الف خير ،،،#أحمد_عبدالله