وعد 🥀 ( روايات ليبية )

حلقة 9🥀 " الخطة كاملة "

رواية #وعد 🥀..................،حلقة 9
للكاتب #أحمد_عبدالله
" الخطة كاملة "
.

ليلي : الله يا وعد يا محلا تهدريزك
وعد : 😂 حبيبتي
احمد : مش قتلك اني يا ليلي
وعد : اسمعي ليلي وين مكان الحمام
ليلي : الدور الارضي بعد المطبخ بي دارين
وعد : تمام
ليلي : نجي نوصلك
وعد : لالا الحوش حوشي عرفته
( مشت وعد ناحية الدروج و نزلت )
( بعد ما نزلت نست الشنطة فوق يلي فيها المعطر و المكياج )
( رجعت ركبت )
.
ليلي : انت قتلي ان فيها مصلحة بس مش لدرجة بيت المال
احمد : مش قتلك اني
ليلي : مش هما نفسهم يلي عمك يحارب في الشركة متعهم
احمد : ايه
ليلي : و اكيد هو موصيك عشان الشركة تخسر
احمد : طبعا
ليلي : يا ولد الذكية ، انت تعلب علي ملايين
....
وعد : 👁👁🤭🥺🔥💔 ( ضحكت و الدمعة في عيني و مكسورة ، حتي انت يلي احمد حتي انت 💔 )
( ضربت الدروج برجلي )
( و ركبت )
وعد : هيا انا تأخرت هلبا
ليلي : وعد خيرك مزال وقت
وعد : لا و الله عندي اشغال و مواعيد ، اكيد عارف احمد
ليلي : اها كانت هكي تمام
وعد : علي كل حال ، شكرا شكرا علي العزومة الحلوة
ليلي : هذا اقل حاجة حبيبتي ، ان شاء الله لما تاخدي القصر ، تعزمينا فيه
وعد : ان شاء الله تصبحي علي خير
( طلعت انا و احمد عشان يوصلني )
...........
نهلة : ( اول ما شافت السلسلة يلي عند انس و هيا متوترة و مش علي بعضها بكل )
نهلة : ( الدموع في عيونها زي النهر )
💔 من جت السلسلة ليك يا انس 💔
........
( اما نجوي فا بعد ما سمعت خيانة اميرة لولدها ، انصدمت و مشت لدارها ، و هيا ماشية لقت معتز راكب )
معتز : تصبحي علي خير يا امي
نجوي : و انت بخير 🥺
معتز : في حاجة فيك شي
نجوي : لالا حبيبي ما فيه الا كل خير
معتز : تمام
نجوي : 🥺
........
( وعد )
( ركبت السيارة و انا ساكتة و الدمعة محبوسة في عيني ، من بعد يلي سمعته )
( وصلت للعمارة ، تلفتتله )
احمد : ان شاء الله عجباتك العزومة
وعد : كتر خيركم يا رب ، احمد نبي نقولك شي
احمد : نسمع فيك وعد
وعد : تعرف انت غلاك علي قلبي
احمد : طبعا
وعد : انت الوحيد يلي فاضلي في الدنيا صح
احمد : خيرك شن فيه
وعد : احمد ، اني نبيك معاي للنهاية. نبيك في جنبي ، انا ما معاي حد يا احمد ، خليني ناخد ولدي و حقي و خود يلي تبي
احمد : ما نبي منك شي يا وعد
وعد : حتي لو ، انا مسامحاتك في كل الفلوس
احمد : لالا ما تقوليش هكي
وعد: ( شديت ايده و دموعي في عيني ) اوعدي انك مش رح تخليني
احمد : وعد
وعد : ( مسحت دموعي ،) انا اسفة ، تصبح علي خير ،
( نزلت و ركبت الدروج )
( مشت السيارة )
( بدت دموعي تطلع ، موجوعة ، خسارة يلي وتقت فيه ، ياريت قعدت مع المجانين ، و اللهي اعقل و اللهي اعقل ، دموعي كان نهر و نبكي بلعبرة علي سمعته من احمد )
( و انا راكبة لشقتي )
( وقفت علي الباب ، نسمع في حد يبكي )
( تلفتت )
وعد : الياس 👁👁
الياس : نبي نحكي معاك شوي
وعد : توا
الياس : تمام نجيك غدوا
وعد : ( شديت ايده ) لالا مش قصدي تفضل
( دخلته )
( قعمز علي الصالون )
( و قعمزت بحداه )
وعد : شن فيه الياس
الياس : خوتي
وعد : خيرهم
الياس : ما يبوش يعطوني الفلوس يا وعد
وعد : حنديرلك حل و اللهي حندير حل و حتشوف
الياس : اوقفي معاي يا وعد
وعد : طبعا واقفة معاك
الياس : يلي نقوله يطلعني انا يلي فاشل و هما الاذكياء
وعدد: انا معاك يا الياس
الياس : ( بدي يشوفلي )
وعد : احم 😳 ، تمام غدوا تعالي نهدرزوا في الموضوع و الحل عندي
الياس : ( فجاء طاح علي المخدة و رقد )
وعد : الياس الياس نوض ، ما ينفعش ترقد اهني يا الياس الياس 🤭
( نضت نجري نحيت البدلة و لبست التوتة )
وعد : الياس الياس
( في سابع نومة )
( افففففف )
( خشيت لداري و سكرت الباب 3 طقات للمفتاح و رقدت )
.............
📍 الصبح
وعد : ( نضت و فتحت الباب لقيته قاعد راقد ، درت نسكافي و بديت ندير في صوت بالك ينوض )
الياس : صباح الخير
وعد : صباح النور
الياس : اني وين
وعد : في شقتي
الياس : انا اسف
وعد : نومك تقيل هلبا ، معش تبي تنوض
الياس : اسف
وعد : لالا عادي ، الحمد الله ما حدش شافك ، برا اغسل وجهك و تعال
الياس : تمام
( ناض مشي و انا ندير في النسكافي )
.............
📍 القصر
( كل نايض و الكل معصب )
( نهلة شاكة و خايفة من موضوع السلسلة ، نجوي مصدومة من اميرة و معتز و ياسر معصبين من الياس ، و انس رجله مفكوكة )
.
نهلة : صباح الخير
الكل : صباح النور
نهلة : خيرها سفرة الفطور فاضية
الكل : ما حدش عنده نية
نهلة : ايه و الله صدقتوا
ياسر : وين ماشية
نهلة : عندي مشوار مهم
نجوي : ربي يعاونك
( طلعت نهلة )
ياسر :وين الياس
نجوي : مهناش ، شن صار بينكم
ياسر : يبي 20 مليون
نجوي : باهي اعطوه
ياسر : منين و بضعة الخيل متع كندا
نجوي : فكنا منه يا وخي
ياسر : يصير خير يا امي
نجوي : انت الكبير يا ياسر ، فكني من المشاكل
ياسر : يصير خير خلاص
( ناض ياسر و طلع )
( نزلت اميرة )
اميرة : صباح الخير
نجوي :😒 صباح النور
اميرة : خيركم ما تفطروش
نجوي : السفرة قدامك و قعمزي فيها
اميرة : 😒 لا شكرا
نجوي : تعالي اميرة نبيك شوي
اميرة : تفضلي عمتي
نجوي: اني مش هدرزت عليك المرة يلي فاتت و قتلك علي راجلك و ولدك يلي جاي في الطريق هذا
اميرة : ايه
( شدتها و قربتها عليها )
نجوي : اميرة لو حابة تطلقي من معتز اني نطلقك
اميرة : ليش تقولي هكي عمتي 👁👁🔥
............
وعد : درت نسكافي
( جي قعمز علي الكرسي )
وعد : تفضل
الياس  : شكرا  ، اسف علي صار امس
وعد : لالا عادي
الياس : تعرفي يا وعد معش عرفت شن ندير
وعد : اسمع حلك مع خوتك شي واحد
الياس  : يلي هو
وعد : تاخد حقك بايدك
الياس : شن قصدك
وعد : يعني انك خوهم و تقدر تحول فلوس زي ما تبي ، من حسابكم ، خلاص خود الكود و حول بروحك و دير حساب في مصرف خاص و بهذا تكون ضمنت حقك و مش يقدروا يتكلموا بعد ما تحول المبلغ يلي تبيه
الياس : انتي هكي تشوفي
وعد : بزبط ، زي ما قتلك الا لو مش واتق في كلامي 👁👁
الياس : باهي انتي المشروع فاهماته
وعد : عيب عليك ، كل شي عندي ، هذا حلمي و اني حنساعدك في المبلغ الباقي
الياس :الخطة عندك
وعد : طبعا و الانشاء كله واتي ، الشركات تبي فلوسها بس
الياس : و بعده
وعد : كيف
( قرب و شد ايدي )
وعد : 👁👁
الياس : و بعد ما يندار المشروع
وعد : نبدوا نشتغلوا
الياس : اني نحبك وعد
وعد : 👁👁
الياس : و انتي
وعد ؛ حتي اني يا الياس ، بس خلينا في المشروع و بعده يصير خير
الياس : 😍 تمام ، حنشوف يلي قلتيلي عليه و نديره ، شكرا علي النسكافي ، سلام
وعد : سلام
( طلع الياس )
...............:.:
نهلة : ( رجعت للمستشفي يلي فيها وعد و خشيت )
( و بكل سرعة و خايفة يطلع يلي شفته صح )
.
نوال : اه اه اه اهلا
نهلة : اهلا بيك
نوال : ت ت ت تفضلي
نهلة : خيرك دكتورة نوال تتكلمي هكي
نوال ؛ لالا لا شي
نهلة : تمام اني جاية نشوف وعد
حسين : 😳
نوال : و وعد ايه وعد خيرها
نهلة : جاية بنشوفها
نوال : وعد راقدة
نهلة : لا اسفة المرة هادي لازم نشوفها ياريت تنوضيها
نوال : ما هو ماهو
نهلة : لو سمحتي دكتورة نوال نبي نشوف وعد
نوال : و اللهي راقدة
نهلة : لو سمحتي نبي نشوف
نوال : استاذة نهلة عيب هذي مريضة عندنا
نهلة : و في مريضة تطلع السلسلة متعها
نوال : 👁👁🤭
حسين : 😳
نهلة : ( تلفتت و وجها كله احمر ) وعد مش موجودة صح
نوال ؛ لا لا ماهو ماهو
نهلة : اه يا نصابة يا كلبة
( هجمت علي نوال ) ( شعر نوال في ايد نهلة )
نوال : اااااااااه اااااااه
نهلة : يا خنابة يا كلبة طلعتيها باش تقتلني طلعتوها يا كلاب
( الممرضات يجروا و مريم تجري 🏃🏻‍♀️)
( و صوت عياط نوال لاخر الشارع )
.........
أميرة : اني مش فاهمة شن تقولي
نجوي : اني نقولك ان لو حابة تطلقي عادي ما فيه شي
اميرة : لا بس ليش السوال
نجوي : يعني لو تحبي حد تاني ، لو في حياتك حد تاني
اميرة : لا طبعا ما فيش في حياتي حد ، و نتمني الكلام هذا معش نسمعه تاني
.
( خش الياس للقصر و هو معصب )
نجوي : يا الياس يا الياس
( ناضت وراء الياس )
( قعدت اميرة متوترة و معصبة )
( ناضت طلعت )
.
( نجوي تمشي وراء الياس )
( خش لداره )
نجوي : وين كنت امس
الياس : ما نعرفش
نجوي : شن ادور
الياس : كود الحساب
نجوي : حساب مني
الياس : حساب مني يعني عمي طبعا
نجوي : 🤭😱 قلت لخوتكً
( لقاه شده و طلع )
نجوي : يا الياس ، انتم خوت ، يا الياس رد بالك تخنب يا الياس يا الياس
.............
( وعد )
( بعد ما طلع الياس قعدت مقعمزة ، فجاء طق الباب )
( مشيت نفتح )
وعد : اميرة
اميرة : 🥺💔 حست بيا يا وعد حست بيا
وعد : خشي خشي نهدرزوا الداخل
( دخلتها )
وعد ؛ شن فيه
اميرة : حست بيا يا وعد ، حست بيا
وعد : من منهم
اميرة :نجوي امه
وعد : و كيف حست
اميرة : اكيد سمعتني و انا نتصل بخالد
وعد : باهي شن الحل
اميرة : مش عارفة
وعد  : الحل انك تنحي الفكرة من راسها
اميرة : كيف
وعد : تخليها معش تشك و تواجهيها و تقوليلها اني مستحيل ندير هكي ، بلمواجهة تحس انك مستحيل اديري هكي
اميرة : ايه صح
( رن تليفونها )
وعد : مني
اميرة : خالد
وعد : حبيبك
اميرة : ايه
وعد : تعالي نمشوله
اميرة :لالا فكيني
وعد : لا نمشوله و قوليله علي كل شي ، افضل ليك ، و خففي المكالمات عشان معش تشك
اميرة : هكي رايك
وعد : طبعا
اميرة : خلي نمشي نلبس و نجي
وعد : تمام
( طلعت مشت تجري للقصر )
.
الياس : ( خش المصرف و دخل للادارة )
( الادارة )
الياس : نبي نشوف كم فيه الحساب هذا
الادارة : 217 مليون دينار ليبي
الياس : ( 👁👁 شوف الكذابين ) ممكن تحولي 30 مليون درلار للحساب هذا
الادارة : تمام استنا حضرتك اهني
...............
نجوي : ياربي الحوش فضي كله ، نهلة عطلت و الياس ابصر شن دار و ياسر مشغول و معتز مقفل
( ركبت لانس )
نجوي : كيف حالك اليوم يا انس
انس : الحمد الله بخير
نجوي : كيف حالك رجلك
انس : افضل من امس
نجوي : الحمد الله
( تسمع في صوت وحدة تجري )
( طلعت من الدار)
( لقتها اميرة لابسة و طالعة )
نجوي : هذي خيرها تجري يارب سترك
...
( وعد )
اميرة : اني واتية
وعد : و اني واتية
( طلعت مع اميرة و اني طالعة كلمت الياس نبي نسال شن صار معاه )
.
انس : مقعمز علي التليفون و يلعب و رجله ممدودة
فجاء تليفون عمه رن
قراه لقاه ولاء .
انس : هادي ولاء 😍
( فتح الخط )
وعد : الو الياس حبيبي شن صار معاك
انس : 👁👁🔥
وعد: الو الياس
انس : ( سكر )
( 💔 وعد وعد )
✨ كنت حاسس ان التليفون يلي عندك ، هو نفس التليفون يلي شريته انا و خالي ✨
✨ ليش يا وعد ليش وعد ✨
.
وعد : هذا خيره سكر علي وجهي ، ان شاء الله خير
قتلك اميرة مزال المكان بعيد
اميرة : لالا قريب
وعد : تمام
..
ياسر : وين ماشي
معتز : عندي مشوار
ياسر : وين يعني
معتز : مشوار و جاي
ياسر : و اللهي الشركة هادي ،واقفة عليا و اللهي
معتز : فوتني بالله
( طلع معتز )
معتز : خمسة دقايق و نكون عندك حبيبتي
.....
نهلة : ( جت الشرطة تجري للمستشفي و قضية تعدي علي مدير المستشفي )
نهلة : بتقتلني شدوها ، بتقتلني و اللهي بتقتلني و اللهي
الشرطة : مني
نهلة : وعد وعد بتقتلني وعد
لااااااااااااااااا
( شدوها الشرطة )
مريم : 🤭
....
( وصلنا لمكان المطعم خشت )
اميرة : نعرفك وعد صديقتي
وعد :اهلين
خالد : اهلين
وعد : اوكي اني بنقعمز في الطاولة هادي خودوا راحتكم تمام
اميرة : تمام
( هما بدو يهدرزوا و يشد في ايدها )
وعد : قمت التليفون علي الجنب و. 📸 ( صورتها )
( بعد الصورة طول فتحت المكالمات )
و كلمت احمد
وعد : الو احمد
احمد : نعم وعد
وعد : تقدر تجيبلي رقم نجوي
احمد : تمام حنحاول
وعد : نستني فيك
....
( الادارة )
الادارة :تم تحويل المبلغ استاذ الياس
الياس : شكرا بارك الله فيك
......
( كملت التهدريز هيا و خالد و جتني )
اميرة : هيا وعد
وعد : هيا حبيبتي ، معرفة طيبة استاذ خالد
خالد : تشرفت بيك
وعد : انا اكتر
( و احني طالعين من المطعم تلفتت يمين نشوف معتز و وحدة تانية )
( طبعا طول خبيت وجهي )
( شديت اميرة من يدها تلفتت )
اميرة : 🤭🔥 معتز
معتز : اميرة
( اني هربت طول )
اميرة : مني هادي يا معتز
معتز : اميرة احني في الشارع
اميرة : تخون فيا يا معتز
معتز : اميرة اميرة
............
🔥 الادارة 🔥
السكرتيرة تجري 🏃🏻‍♀️ للمكتب
( فتحت الباب بلقوة )
ياسر : شن فيه شن فيه
السكرتيرة : تم سحب 30 مليون من حساب الشركة يا استاذ ياسر
ياسر : شني 👁👁🔥 ................يتبع
( هذي حلقتنا اليوم ، الحلقة وضحت اللعبة كلها ، وضحت شن رح يصير في الحلقة الاخيرة ، غدا الحلقة ما قبل الاخيرة بأذن الله ،،،،، شن تتوقعوا النهاية ، نستني في تعليقاتكم و نبيها طويلة ، و نقراها ، متحمس نكتب حلقة غدوا و الحلقة الاخيرة ،،،،، لازم تتفاعلوا و تعليقاتكم ،،، تصبحوا علي الف خير ،،،،،#أحمد_عبدالله