وعد 🥀 ( روايات ليبية )

حلقة 4🥀 " كيف الانتقام "

رواية #وعد 🥀................حلقة 4
للكاتب #أحمد_عبدالله
" كيف الانتقام "
.
ملاحظة قبل بداية الحلقة : ( للناس يلي شبهت الرواية بمسلسل و بفيلم ، قصة الرواية قصة حقيقية و انا ضفت عليها شوية احدات و حاجات عشان يزيد التشويق ، و منها قصة حب الابن لامه ، هذه كانت في مسلسل قبل هكي ، لكن هذا لا يعني اقتباس ، فا هذه تصير حتي في الحقيقة ، ياريت ما حدش يضلم الرواية و يقراها للاخر .............أحمد عبدالله 
،
📍 الساعة 8 فليل 🌜
انس ( بعد ما كمل اليوم متع الخيل دار حمام و قعمز في داره و قعد يسمع اغاني و زي كل مرة لازم يطلع في البلكونة يشوف و يشم هوا )
( بدت وعد تنضم في الشقة و لبست توتة من يلي شرتهم مع دكتور احمد و قالت خلي نطلع نشم هواء في البلكونة )
( اول ما طلعت وعد كان انس يسمع في اغاني و يشرب في قهوة )
انس : 😍
وعد : 😍💔
انس : ( هذه شن ادير اهني هذه حقيقة او خيال ) ( حي علي الجمال و العيون و الشعر هذا شني الله )
وعد : ( الله يا انس قداش مستحشاتك و خاطري نشوفك و نسمع صوتك ، ربي يحفظك يا رب ) ( دموع وعد كانت مسيطرة علي الموقف )
( دار انس حركة باي 👋🏻 بايده ، ردت عليه بنفس الحركة ، بدي يدير في اشارات مختلفة و وعد تضحك و بعدها اختفي )
وعد : محلاه يا ناس الباين ان حس بيا 🥺❤️
( و فجاء سمعت صوت الباب )
( قلبها بدي يدق بدت تمشي بشوية بشوية و شافت من وراء الباب لقاته ،،،،،،،،،،،انس )
وعد : انس 😱🥺💔🔥
( نفتح او لا ، شن ندير يا ربي ، شن الحل )
( فتحت )
احمد : كيف حالك وعد
وعد : 👁👁 اهلين
احمد : خيرك فيه شي
وعد : لالا ما فيه شي
احمد : تفضلي جبتلك حاجات
وعد : ش شكرا ليك
احمد : خيرك وعد فيه شي
وعد : لالا ما فيه شي
احمد : خيرك متوترة ( تلفت شاف البلكونة مفتوحة ) 🔥 انتي فتحتي البلكونة يا وعد
وعد :🥺 لالا
احمد : افتحتيها و ابصر مني شافك
وعد : و اللهي ما حد
احمد : شوفي يا وعد ، اني خسرت كل شي علي خاطرك و انتي تجي توا تخربي كل يلي بنيته
وعد : قتلك ما حدش شافني
احمد : حتي ولو ، المفروض حاجة زي هادي ما اديريهاش
وعد : 💔 اني نبي ولدي نبي حوشي نبي حقي ، بنقعد مختبئة في المستشفي و برا المستشفي
احمد : وعد انتي هكي رح تخربي قل يلي درناه لان لو عرفوا انك اهني قبل ما تطلع ورقة اتبات صحة ممكن يرجعوك و اذا علي الانتقام حتنتقمي بس بذكاء
وعد : كيف
احمد : كيف رح نقولك كيف بس خلي نتعشوا
.
🔥 في دار انس 🔥
الياس : خيرك
انس : تعرف شفت خلقة وحدة يا الياس
الياس : وين شفتها
انس : شفتها و اني نلعب علي الخيل و توا
الياس : توا
انس : ايه علي ما اظن تسكن بحدانا
الياس : ترا وينها
( ناض الياس و ما لقهاش )
الياس : وينها
انس : كانت اهني بالك خشت
الياس : بالك تتخيل 😂
انس : زعما 😳
الياس : حلوة هلبا صح
انس : هلبا
الياس : معناها ملائكة مش وحدة
انس : ما تخوفنيش 😂
....
🔥 في شقة وعد 🔥
( بعد ما كلينا و قعدنا )
وعد : 🥺
احمد : خيرك
وعد : مش عارفة نحس اني مش رح نقدر ندير شي
احمد : ليش تقولي هكي
وعد : شن بندير ترا قولي ، نقولك حاجة احمد تعرف معش تعنيلي الفلوس و كل يلي عندي ، قصدي حتي لو بناخدهم ، شن رح ندير ، و هل انس ممكن يصدقني و يحبني او رح يكون متعلق مع امه يلي هيا نفسها بنت عم امه و قتلت بوه و حطت امه في المستشفي
احمد : 🥺
وعد : مرات نحس ان حكايتي محسومة خلاص ، ليش نتعب روحي و نجاهد علي ولا شي
احمد : رد بالك تقولي هكي
وعد : 🥺
احمد : حترجعي حقك و حق بوك و راجلك و ترجعي ولدك لحظنك
وعد : خايفة نقولك كيف تقولي توا نقولك كيف و تسكت
احمد : لا المرة هادي حنقولك
وعد : نسمع فيك
احمد : انتي مش رح تنتقمي
وعد : ( ضحكت و الدمعة في عيني ) تتخيل كنت متوقعة انك تقول هكي ، يعني بعد يلي شفته هذا تجي تقولي انتي مش رح تنتقمي
احمد : خليني نكمل يا وعد ، انتقامك مش رح يكون زي ما انتي متوقعة انتي مش رح تخشي تقتليهم او تعذيبهم لا طبعا ، انتي رح تخشي من الباب يا وعد و تتكلمي معاهم
وعد ؛ 👁👁
احمد : ايه ، تخشي و تكتشفي كل واحد فيهم ، و من غير ما يعرفوا انك وعد ، و يبدا الانتقام ،
وعد : 👁👁 ما فهمتش
احمد : حتفهمي يا وعد و حنقولك كل شي بتفصيل ، بس لازم تعرفي ان " الفتنة اشد من القتل " و لو فتنتي بينهم ، حتقتليهم
وعد : 👁👁🔥
........
📍 الصبح
( وصل دكتور احمد للمستشفي و خش بكل تقة )
احمد : صباح الخير
مريم : صباح الورد كيف حالك دكتور
احمد : الحمد الله
مريم : تفضل تستني فيك دكتورة نوال
( خش بكل تقة )
نوال : 👁👁
احمد : السلام عليكم
( ما تبيش ترد )
( قعمز في الكرسي و هيا تشبحله و معصبة )
نوال ؛ ( بصوت عالي ) يا حسين
( خش حسين )
حسين : تفضلي دكتورة
نوال : جيبلي اوراق وعد
احمد : 😌
نوال : و معاهم ورقة رفض دكتور احمد
احمد : 👁👁 😒
( مشي حسين )
نوال : و اللهي يا دكتور احمد كنت نتمني انك اطول معانا اكتر و كنت نتمني انك تستقيل مش تترفض بس هذا يلي يدخل في حاجة مش شغله
( جي حسين )
نوال : هذه ورقة اتبات صحة وعد تفضل وقع اهني
( وقع دكتور احمد )
نوال : و هذه ورقة رفضك
احمد : شكرا
نوال : العفوا و نتمني نشوفك بعد الرفض وين رح تكون ،
احمد : ان شاء الله مع السلامة
نوال : 👁👁🔥
احمد ؛ 😌
.
( طلع من المستشفي )
( لحقاته مريم )
مريم : دكتور احمد
( تلفت )
احمد : تفضلي مريم
مريم : ياريت تسلملي علي وعد و تشرفت اني عرفتك
احمد : حتي اني يا مريم و لولاك ما كناش درنا شي
مريم : 😍 مع السلامة
احمد : مع السلامة ❤️
............................
( بعد ما طلع من المستشفي ، مشي لحوشه عشان يحط اوراقه )
ليلي : خيرك روحت بكري حبيبي
احمد : لا شي حبيبي غير عندي اوراق جاي بنحطهم
ليلي : تمام
احمد ؛ مشو الاولاد للمدرسة
ليلي . ايه كيف طلعوه ، اني ماشية لحوشنا شوي و جاية
احمد : تمام حبيبي ديري رايك ، باي
ليلي : باي
( مشت ليلي لدار النوم لقت الاوراق يلي حطهم احمد فوق الطاولة ، قالت خلي نحطهم في الرف افضل )
( هي قامتهم طاحوا الاوراق من الزرف )
ليلي : يييه عليا
( و هي بتقيمهم )
( بدت تقرا ) ورقة رفض الدكتور احمد الخويلدي
ليلي : 🤭 شني
( بدت تفتح الاوراق ) ( و تقرا )
( اتبات صحة المريضة وعد بيت المال )
( حالة وعد )
( ادوية وعد )
( تحاليل وعد )
ليلي : من وعد 👁👁🔥
( مشت تجري 🏃🏻‍♀️ للمذكرة متعه و هذه معروفة ان احمد يكتب فيها كل شي مهم )
( بدت تقلب الاوراق ) ( و تقرا ) ( وعد و ما ادراك ما وعد )
🥀 أحمد : قبل سنة و اول يوم لي في هذه المستشفي و وسط كل الحالات المريضة نفسيآ لفتت نضري بنت اسمها ✨ وعد ✨ بنت ذات عيون لونها متل لون السماء ، ذات شعر حريري ، بيضة كالبن ، تأملت في عيونها لاكتشف حزن عميق و جرح كبير داخلها ، حاولت ان أبتسم لها 
و لكن نضراتها كان كلها صدمة و حزن ،، يوم و راء يوم و انا احاول التقرب منها و اتمني ان تفتح قلبها لي ، و لكن كانت تبتعد عني ،، أتمني ان تتحدث ولو بكلمة واحدة لي "
" وعد ستكون مشروع كبير و مغامرة في مهنتي "احمد الخويلدي 🥀
.
ليلي : من وعد ، هذه مني ، 💔🔥 معقولة يا احمد 💔
.........................................................................
( وصل لشقة وعد و فتح الباب )
وعد : 👁👁 شن صار
احمد : ( بدي يهز في الورقة يلي عنده ) 😍
وعد : 🥺🥺❤️🤭( مشت تجري عليه )
احمد : ( احمد كان متوقع ان وعد حتحضنه)
وعد : ( شدت ايده )
شكرا شكرا شكرا
احمد : العفوا يا وعد
وعد : 😍
احمد : تقدري اديري يلي خاطرك فيه
وعد : 😍💔
( طلعت وعد تجري من الشقة و هو وراها )
.
( وصلت لاسطبل الخيل ، و الهواة يضرب في شعرها تلفتت شافت مهرتها " وعد " ، خلتها مهرة صغيرة و الان فرسة )💔
✨ تذكر ✨
جلال : ما خيرني شي ، شوفي يا بنتي رد بالك تنسي وعد
وعد : وعد المهرة صح
جلال : ايه صح ، هدي مهرتك ، بأسمك و تعرفي غلاتها في قلبي
وعد : هذه في عيوني يا عيوني
جلال : ربي يحفظك يا بنتي و يبعد عليك كل شر يارب ،
( باسني في راسي )
.
( اول ما شفتها دموعي نزلوا و ناديتها )
وعد : وعد وعد 💔
( و سبحان الله جت تجري و طبست راسها )
وعد : مذكرتيني يا وعد 💔
احمد : 😢 تقدري تركبيها يا وعد
وعد : حتشوف
( و فجاء ركبت وعد و رفعت ربط ربقة الفرسة ، وقفت الفرسة علي رجلين )
احمد : 😱😍
( بدت تجري وعد في اسطبل الخيل و شعرها يطير  )
وعد : ( الله علي نسمة البيت يلي عشت فيه  💔 )
......
نهلة :شن فيه هذا مني
( فتحت البلكونة )
( بدت تدقق بعيونها )
نهلة : مني هادي
و و و و و وعد 😱🔥
ووووووووووه علياااااااااا جاية بتقتلني المهبولة هادي ، سكروا عليا الباب
( نجوي تجري 🏃🏻‍♀️ في الدروج لدار بنتها )
نجوي : شن فيه شن فيه
نهلة : سكروا عليا البيبان جاية بتقتلني
نجوي : مني هيا
نهلة ؛ وعد
نجوي : وينها
نهلة : كلمي ياسر و معتز ، بسرعة بتقتلنا جاية بتاخدد انس وووووه عليا وووووه
نجوي : وينها وينها
نهلة : راكبة الفرس وعد و تجري
( مشت تجري 🏃🏻‍♀️ للبلكونة )
نجوي : وينها وينها
نهلة : ركزي اونا تلعب في الخيل
نجوي : تي وينها
نهلة : 👁👁 تره وريني
نجوي : 🥺 خيرك يابنتي
نهلة : شن خيرني ، توا شفتها
نجوي : وينها به
نهلة : كيف صار ، امانا شن يلي جاب الخيل للمكان هذا
نجوي : هذه خيل طبيعي رح يتحرك
نهلة : 👁👁 كيف ،لا انا متاكدة شفتها
نجوي : قتلك معش تفكري في الموضوع هذا
نهلة : 👁👁 قصدك اني مهبولة
نجوي : لا ما قلتش هكي
نهلة : اطلعي برا اطلعي برا
( بصوت عالي ) اطلعوااااا براااا
( طلعت نجوي هيا و الشغلات )
نهلة : كيف كيف صار ، شفتها بعيوني متاكدة شفتها
.............
( رجعت وعد و احمد للشقة )
احمد : انتي مهبولة و كان شافوك
وعد : طز
احمد : لا لا نسيتي الخطة يا وعد
وعد : تعرف نستني بفارغ الصبر نبدا فيها
............
اميرة ( مرت معتز ) : هاي عمتي
نجوي : اهلين ، حقا كنت نبيك شوية اميرة
اميرة : ( قعمزت ) تفضلي نسمع فيك
نجوي : حبيبتي ، اني بنقولك عشان ننصحك فقط لا غير
اميرة ؛ نسمع فيك عمتي
نجوي ؛ قصدي نبيك تنتبهي شوي علي راجلك ، معتز يبي حد يهتم بيه
اميرة : شن قصدك
نجوي : قصدي انك تنتبهي عليه اكتر
اميرة : شن شكالك هوا
نجوي : لا بس اني امه و نحس بيه
اميرة : تمام لما يشكيلي رح نغير ، بس هو راضي و ياريت ما حدش يحس بينا
نجوي : 👁👁
( و ناضت )
.
نجوي : اتفوه حيوانة
( نزل الياس من داره )
( قعمز بحدا امه )
الياس : اني محتاج فلوس
نجوي : باهي شن بنديرلك
الياس : كيف شن بديري قولي لولادك يديروا حل ليا و لا اني مش ولدكم ، فالحين هما عندهم و انا لا ، يبوني لين نتنازل ليهم باش يرضوا عليا و يعطوني ، اني مش ولد اختهم انا خوهم يعني عندي في كل هلرزق
نجوي : اسمع فكني منك ، و بعدين خوتك قداش مرة يبوك تخدم معاهم احسن ما تقعميزتك زي النسون في الحوش و بلخذمة تاخذ فلوس . ازرع تحصد
الياس : اسمعي اني قاعد شاد اعصابي ، نبي فلوس يعني نبي فلوس ، تحسابيني فاضي نزرع و نحصد ، كلام كتاب العربي ما يمشيش معاي . هاني ماشي لياسر اني
( و ناض )
نجوي : شوفي الولد ، اما يلي ما يتحشمش يدير شن يعجبه
.....
نهلة : كيف اني متاكدة اني شفتها متاكدة
( حطت ايدها علي راسها و تفكر و مش عارفة هل صح يلي شافاته او غلط )
نهلة: اني نكلم مديرة المستشفي و نشوفها ، خلي تقول عليا مهبولة ، المهم نطمن
( شدت التليفون و تتصل )'
.
نوال : 😱 هما هما
حسين : مني
نوال : اهل وعد
حسين : سكري سكري ما عندهم ما يديروا احني اهني مستشفي
نوال : ايه صح ( سكرت )
كله منك يا احمد ، الله ياخدك
.
نهلة : ( بعد ما سكرت نوال ) اني معش نقدر نصبر ، لازم نتاكد
( فتحت الباب و نزلت )
نجوي :وين ماشية يا نهلة
نهلة : و نبي اسكتي عليا
نجوي : ربي يشفيك و خلاص
.
( طلعت نهلة تجري 🏃🏻‍♀️ للاسطبل متع الخيل و بديت تتلفت يمين يسار و تشوف لوطة )
نهلة : اني متاكدة اني شفتها متاكدة
( و هيا ماشية شافت لوطة شافت بصمات رجلين )
نهلة : 👁👁 " احساسي ان وعد راجعة "
.
📍 في الشركة
( خش الياس للشركة و طلب من المديرة ان اطلع خوه ياسر من الاجتماع )
( طلع ياسر من الاجتماع )
ياسر : وينه الحمار
السكرتيرة : في المكتب
( خش و بكل قوة )
ياسر : خيرك خيرك ، مطلعني من الاجتماع
الياس : نبي فلوس
ياسر : قصدك انت مطلعني من الاجتماع علي خاطر كلمة نبي فلوس ، خود 3 الاف جني من السكرتيرة
الياس : ها ها لا كان زمان ، اني مش انس باش تقوله هكي ، اني خوك ، و عندي حق زي حقك بزبط
ياسر : انت شن تقول ، اسمع مش فاضيلك توا ،
الياس : اني نكلم فيك باسلوب و ما نبيش نطلع الوجه التاني
ياسر : هذا خيره انت شارب شي و لا شني
معتز : خيركم خيركم ، و انت لازم توا تحكي مع خوك استنيت ان يتم الاجتماع
ياسر : روحوا
معتز : ايه روحوا ، خيره سي البي
ياسر : اسمعه شن يقول
معتز : خيرك
ياسر : قوله شن كنت تقول ، قالي ان يبي فلوس و معش يبي شوية يبي ملايين و هو خونة مش زي انس و حقه زي حقنا خير ما يورينا الوجه التاني
معتز : بلحقا
الياس : ايه بلحقا
معتز : شن هو تبي فلوس
الياس : ايه نبي فلوسي
معتز : تعالي اخدم
الياس : لا مانيش خادم و نبي فلوس و توا تشوفوا شن ندير
( طلع من المكتب )
معتز : هذا خيره
ياسر : طالعه لبوه فالح الا ياخد في الفلوس ، كان مش من عمي راهو ملوحين في الشارع
معتز : فوته خلاص توا نكلمه
..........
وعد : اني معش نبي نستني احمد ، نبي ناخد حقي منهم
احمد : تمام ، خطتنا بتبدا ، بس قبل ما تبدا نبي نعرف شي انتي فيه حد ما يعرفش شكلك
وعد : كيف
احمد : من العيلة
وعد : الياس ، اصغر واحد فيهم ، كان عمره 7 سنين تقريبا او اكبر و اكيد نسي شكلي
احمد : نبيك تحكيلي كل شي علي افراد العيلة بتفصيل
وعد :ممكن نعرف شن الهدف
احمد : مش قتلك الفتنة اشد من القتل
وعد : 👁👁
...
📍 الساعة 9 فليل
( رجع الياس بعد عركة خواته و رجع انس من المدرسة و رجع معتز و ياسر من الشركة )
( نهلة الموضوع للان تفكر فيه و قاعدة متاكدة مليون فلمية انها شافت وعد ، بس حتي لو حتقول لخوتها ما عندهاش دليل و مرات يضحكوا عليها زي ما دارت امها )
.
🔥 في دار انس
انس : خيرك خال
الياس : ما خيرني شي فوتني اني
انس : تي قول خيرك
الياس : قتلك فوتني الن،،،
انس : تمام 😳
( طلع انس من الدار و مشي لامه )
انس : السلام عليكم
نهلة : ( اول ما شافت انس قلبها وقف ) و و و عليكم السلام
خيرك حبيبي في شي صار معاك شي شفت شي حسيت بشي
انس : خيرك يام جاي نشوف فيك بس
نهلة : اها تمام 🥺
انس : خيرك ماما فيك شي
نهلة : تعالي نبيك بحداي
انس : ( جي قعمز في السرير )
نهلة : تعرف اني قداش نحبك صح
انس : ييي علينا صح
نهلة : تعرف اني قداش نخاف عليك صح
انس : صح
نهلة : ممكن تقولي ماما تاني 😊 قداش ليك ما قلتهاش
انس : نقول فيها لما نكون معاك بس ، تعرفي انتي خوالي يبدو يتسهوكوا
نهلة : 😂
انس : 😂
.
🔥 في حوش وعد 🔥
احمد : فهمتي عليا وعد شن بديري
وعد : 👁👁🔥 فهمت
احمد : و مزال غدوا نزيد نعرف حاجات اكتر و نقولك
وعد : تمام
احمد : اني لازم نمشي تأخرت
وعد : اني اسفة احمد هلبا خديتلك شغلك و خديتك من مراتك و صغارك و لهيتك معاي
احمد : لا شكر علي واجب يا وعد ❤️
وعد : ❤️
( طلع احمد من شقة وعد )
وعد : ( قعدت في الحوش بروحي و نفكر )
( اخيرا حنرجع كل شي كيف ما كان ، بس حتي لو رجعت لا بوي حيرجع و لا راجلي ، بس الاهم ان 🥀 حقي و حق بوي و حق راجلي لازم يرجع و ولدي لازم يرجعلي حتي لو حنموت لازم يرجع 🥀
" يارب معاي "
.
🔥 في دار معتز 🔥
اميرة : خيرك وجهك متغير
معتز : لا شي غير اليوم الياس جي قال كلام لينا في الشركة حسسنا اننا واكلين حقه
اميرة : هوا خوك الياس ديما هكي متع مشاكل ،
معتز : مش من عواديك تسالي هل اني معصب او لا
اميرة : لا غير نحسابك انت يلي شاكي لامك
معتز : ليش خيرها امي
اميرة : لا غير امبكري دارتلي محاضرة علي اني هاملاتك و نطلع هلبا
معتز : وشن قلتيلها
اميرة : ما قلت شي . و قلت خلي نسالك مرات انت مقايل
معتز : لا مش مقايل لكن هيا حست و حتي نهلة حست الكل حسو يا اميرة
اميرة : باهي قصدي شن بندير قصدي نطلع ندهور و نمشي شن يبوني نقعمز طول اليوم وجهي في وجهم و طايحين قرمة
معتز : لا مش هكي لكن لما نبيك نلقاك جنبي
اميرة : وراس بوك اخطاني انت التاني
...
( وصل دكتور أحمد لحوشه ، لقي ليلي مقعمزة في صالة الحوش و تستني فيه )
أحمد : السلام عليكم
😳 السلام عليكم خيرك ساكتة
ليلي : ( رفعت راسها و الدموع في عينها ) من وعد يا احمد
أحمد : شني
ليلي : مني وعد يلي ترفضت بسببها من شغلك ، من وعد يلي طلعت عاقلة ، من وعد يلي شعرها حرير و وجها زي اللبن ، مني وعد رد عليا يا احمد
أحمد : 👁👁🔥 ...................يتبع
.
طبعا كلكم محتارين كيف حيبدا الانتقام ، و كيف حتتغير مجري الاحدات ، الرواية كنت بنغير فيها بس البطلة الحقيقة طلبت ان ينكتب زي يلي صار في الحقيقة تقريبا ، الرواية مزال فيها احدات و اشياء هلبا و الاهم ، كيف حتكون النهاية ، بعد كل هلتعقدات ،،،،،،،،،،،رايكم في الرواية و الاحدات ، و ياريت يكونوا تعليقات طويلة ،، التفاعل و التعليقات هما سبب حماسي و كتابة الحلقة بسرعة ، فاحمسوني بتعليقاتكم ❤️
تصبحوا علي الف الف الف خير ،،،، أحمد عبدالله