وعد 🥀 ( روايات ليبية )

حلقة 11🥀 " حقي " النهاية

رواية #وعد 🥀.....................حلقة 11
للكاتب #أحمد_عبدالله
" حقي " ........................." النهاية "
" رايكم بعد قراءة الحلقة "

( الياس وصل للشقة )
( شافاته وعد انه وصل ، حدفت اوراق المشروع )
( خش لقاها طايحة و الاوراق متشرتعة )
الياس : 👁👁🤭
وعد : خوك خدي كل شي يا الياس
الياس : شني 🔥
وعد : خدي كل شي خدي كل شي يا الياس
الياس : 👁👁🔥
( طلع يجري من الشقة و انا وراه )
وعد : يا الياس استنا يا الياس
( ركب السيارة و طلع )
( نزلت فجاء لقيت قدامي انس )
انس : يا خالي يا خالي
( قعد يجري وراء السيارة و بعدين تلفت )
وعد : أنس
أنس : انتي شن تبي مننا
وعد : 👁👁
أنس : خربتي حياتي و حياة العيلة كلها
وعد : انت شن تقول
انس : ضحكتي عليا و علي خالي
( شد ايدي و يركب فيا )
وعد : يا انس استنا يا انس
( وصلت حدفني في الصالة )
انس : ضحكتي علي خالي و عليا صح يا ولاء و لا يا وعد
( بدي يقرب واني نوخر )
انس : انتي مني انتي ً
وعد : استنا يا انس
( النفس هرب عليا فجاء و هو يحدف فيا )
انس : خليته يحبك و يكره خوته
وعد : استنا
انس : و حببتيني فيك عشان يكرهني
وعد : استنا بس
( النفس هارب )
انس : : شدني من شعري
وعد : اااااه ااااه استنا
( فتح باب الدار و حدفني )
( طحت علي مزهرية )
( شدني من شعري و حدفني علي السرير )
وعد : استتتتتنننناااااااا
انس : حنوريك يا فتانة انتي لازم تموتي
( مش عارفة شن يلي قواني و نضت و ضربته كف )
انس : 👁👁
( زدته كف تاني و تالت )
.
وعد : انا امك يا حمار 🔥💔😭
انس : 😨
( كف تاني )
وعد : اني امك يا انس امك امك
انس : انتي كذابة
وعد : 💔 و اللهي و اللهي امك
انس : كذابة كذابة
وعد : 💔 اني وعد بيت المال
اني وعد بيت المال بنت عمهم يلي خدو حقها و قتلوا  راجلها و خدو منها ولدها قطعة من قلبها يلي هو انت
انس : 😨
وعد : ( دمعتي في وجهي و نشوفله ) تعرف الخيل يلي اسمها وعد ، هادي تسمت بأسمي ، استنا نجيبلك صورتك
( قعدت نجري و نفتح في الصور. )
وعد : هذا منو
انس : 😨
وعد : هذه مني يلي معاك ، هادي اني ، هذا بوك يا انس ، الصورة هادي 15 سنة شادتها و نبكي نستني اليوم يلي نشوفك فيه ، نهلة بنت عمي خذاتك مني ، علي عمي يلي حطني هو و ولده مع المجانين علي خاطر الفلوس ، و المشكلة ان ولاده رح ياكلوا روحهم علي خاطرهم ،
انس : 😨 انتي انتي مهبولة
وعد : ( شدت ايده و نشوفله ) انس اني امك اني امك يلي نحرمت منها 15 سنة ، و ذنبها انها كانت عندها فلوس ، الله يعلنها الفلوس يلي خلتنا نقتلوا بعض ،
لازم تصدق يا انس
انس : ( قعد يشوفلي و يتذكر )
✨ يتذكر ✨
قبل 13 سنة
الياس : انت امك اسمها وعد ره
انس : ماما ماما
نهلة : خيرك
انس : الياس يقولي امك اسمها وعد
نهلة : شني وينه الحيوان ،
( هرب )
نهلة : متعدلش عليه الحيوان المسخ
......
ياسر : فيه من وعد هلبا
نهلة : ياسر بتسكت و لا لا
الياس : 🥺 ماما من وعد
نهلة : خيل الله يرحمها كانت حلوة هلبا زيك
الياس : نعرفها
نهلة : لالا ماتت لكن بنتها قاعدة عندنا ، جيجي تعالي وري انس المهرة وعد
.
" وعد "
...........................
وعد : 💔 يا انس و اللهي و اللهي و اللهي امك و اللهي صدقني
انس : اني مصدقك
وعد : 👁👁❤️ ( شفتله ) ( و ضربته كف )
( و شديته اضبتطه )
وعد : 💔 15 سنة ندور علي انس 15 سنة
انس : 💔😨 سامحيني
وعد : 💔💔💔 مسامحاتك ، سامحني انت
انس : اني كنت عارف و حاسس و الاسم سامعه . سامحيني
وعد : 💔🔥
.....................
نهلة تجري وراء أحمد
نهلة :يا كلب طلعتها باش تقتلنا يا كلب
أحمد : ابعدي عليا وعد كملت مهمتها ، لازم نلحق
نهلة : يا وخي كلمها قوللها ما ادير شي
( ركب أحمد السيارة )
نهلة : نمشي معاك
أحمد : لا
( طلع احمد )
نهلة : اتفوههه عليكم يا كلاب يا كللااااااب
( تجري 🏃🏻‍♀️ درست تاكسي )
..........
( خش معتز للقصر و ركب يسمع في صوت أميرة تبكي )
( فتح الباب )
معتز : 👁👁💔
أميرة : و اللهي ما قتلتها و اللهي ما قتلتها 💔😭
معتز : أمي أمي
( نجوي طايحة علي راسها علي جهة السرير )
أميرة : طاحت بروحها بروحها و اللهي
معتز : 💔 اسعاف بسرعة اسعاف
( تلفت يشوف امه شادة التليفون و فيه صوت أميرة مع شخص )
( وقف و هو مصدوم )
( و شاف لاميرة )
أميرة : خيرك يا معتز ، و اللهي ما درتلها حاجة
معتز : ( جري و شدها من شعرها )
قتلتي أمي يا أميرة
أميرة : ااااه ااااااه و اللهي ما قتلتها
معتز : هادي مني يلي في الصورة
أميرة :و اللهي ما قتلتها
معتز : قتلك هادي مني يلي في الصورة
أميرة : انا اني يلي في الصورة
معتز : يا خائنة يا خائنة
( بدي يضرب فيها برجله )
معتز : قتلتي أمي يا خائنة
أميرة : ااااه ااااااه
( معتز يبكي و وجهه كله أحمر )
( و يضرب في أميرة في كل مكان )
أميرة : ااااااااه اااااااه اااااااه ولدك يا معتز
( نزيف حاد منها و راسها مفتوح )
معتز : نبيه يموت ليش عايش مع ام زيك
أميرة : اااااااااااااااااااااااااه 💔
معتز : موتي موتي موتي
أميرة : اااااااااااااااه 💔🔥
........
( خش ياسر للشركة )
ياسر : سمعتي حاجة علي الياس
السكرتيرة : لا ، فيه مكالمة ليك
ياسر : هاتيها
احمد : الو
ياسر : الو من معاي
احمد : انا دكتور أحمد
ياسر :من دكتور أحمد
احمد : دكتور وعد
ياسر : تي فوتني توا
احمد : نحب نقولك يا استاذ ياسر ان كل يلي صار و كل يلي رح يصير داراته وعد
ياسر : من وعد
احمد : وعد بيت المال
ياسر : هيا طلعت
احمد : طالعة ليها فترة و هيا يلي دارت كل شي و الكبيرة ان الياس جاي بيقتلك
ياسر : 👁👁🔥وعد
وعد هيا يلي دارت هكي
✨ يتذكر ✨
وعد : رح يجيك يوم يا ياسر ، و حتنقتل زي ما قتلت راجلي بزبط
ياسر : اطلعي برا حوشي ، اطلعي
....
ياسر : يا فرح
السكرتيرة : نعم
ياسر : اوراق الشركة بسرعة
السكرتيرة : حاضر حاضر
.....
( بدي ياسر يكلم في معتز )
معتز : 👁👁💔
( واقف و الصدمة في وجهه و ايديه كلهم دم )
( ما باش يرد )
ياسر : رد رد
( بعتله رسالة )
معتز : 👁👁💔
الرسالة : يا معتز وعد هيا يلي دارت هكي يا معتز تعالا بسرعة
معتز : 👁👁وعد
✨ يتذكر ✨
وعد : حتي انت يا معتز حتي انت ، انت يلي تربيت معاه درت فيا هكي يا معتز
معتز : يلي يقوله خوي يمشي عليا
وعد : رح تشوف يا معتز رح تشوف انت ضالم و حتموت ضالم
.
معتز : وعد 👁👁💔
..........
( الياس طلع يجري من الشقة للشركة )
( وصل للشركة يجري و معصب )
السكرتيرة : 🤭
الياس : ( بعصبية ) هو وين
السكرتيرة : م م م مني
الياس : ياسر وين
السكرتيرة : الداخل الداخل
( فتح الباب ياسر )
( طول و من غير مقدمات رفع الياس السلاح في راس خوه )
السكرتيرة : اااااااه 🤭
الياس : انت لازم تموت ، خليني نعيش يا اخي ، حاسدني علي 30 مليون حرام عليك
ياسر : 👁👁
الياس : انت عمرك ما كنت اخ ، تبي كل شي لنفسك ، حاقد و حاسد علي الناس كلها ، شن تبي مني خليني نشوف حياتي
ياسر : 👁👁
الياس : الحل الوحيد انك تموت
( سحب المسدس )
( و ياسر يشوف لالياس )
السكرتيرة : لا لا لا يا استاذ الياس لا
ياسر : 👁👁
الياس : مش رح نعيش الا لما انت تموت
ياسر : بتقتلني يا الياس
الياس : ايه ليش لا ماهو قتلت قبل هكي عمك و ما حدش دارلك شي
نقتلك و نسافر و نعيش حياتي
السكرتيرة : لا لا لاااااااا لاااااااااااااااااااااااااااا
الياس : 🔥
السكرتيرة : للللللللللللااااااااا استنا
استنا
استنا
الياس : 👁👁🔥
( ضرب الياس الرصاصة علي خوه )
( طاح ياسر )
السكرتيرة : لا لا لا لااااااااااا
لا لا لااااااااااااااااا
ياسر كتبلك كل شي باسمك يا الياس
الياس : 👁👁
السكرتيرة : قتلك استنا ، قتلك استنا حرام عليك خوك مات خوك مات يا الياس
الياس : ( طاح المسدس من ايده )
السكرتيرة تجري 🏃🏻‍♀️ علي ياسر و تقيم فيه
الياس : 🥺💔
لا اله الا الله الا اله الا الله ، لحظة شيطان يا خوي لحظة شيطان
السكرتيرة : 🔥 استاذ ياسر نوض استاد ياسر
( خش أحمد للشركة يجري )
( ركب فوق وصل لقي الياس واقف و خوه قدامه بدمه )
( بدي يصفق 👏🏻 )
( تلفت الياس )
أحمد : مبروك عليها
الياس : 🥺💔
و اللهي لحظة شيطان
( طاح و يبكي )
الياس : اني لازم نهرب مع ولاء
.
أحمد : مبروك علي وعد يلي فتنت بيناتكم
( قام راسه بدموعه )
الياس : من وعد
أحمد : وعد بيت المال بنت عمكم
الياس : 👁👁
أحمد : يلي هيا نفسها ولاء
الياس : 🔥💔
( ناض يجري شد احمد )
الياس : انت شن تقول
تكلم
احمد : وعد بنت عمك هيا يلي خلاتك تقتل خوك
الياس : وينها وعد
أحمد : وعد هيا نفسها ولاء ،،،،،،ولاء
الياس : 🔥💔
( تلفت و هو مصدوم يشوف في خوه و السكرتيرة تبكي )
الياس : ياااااااااسسسسسسسسرررررررر
يا خوي نوض خلاص معش نبي شي
السكرتيرة : 💔
الياس : ياسر نوض اني حمار يا ياسر نوض سامحني
سامحني يا خوي ، اول مرة نحب شن بدير ، نعميت
نوض يا ياسر نوض ، نوض يا خوي ،
سامحني سامحني
( بدي يضرب في روحه و يبكي )
( صوت الشرطة  )
السكرتيرة : 👁👁
الياس : قتلت خوي قتلت خوي
( سحبوا المسدس )
الشرطة : ارفع ايدك
الياس : قتلت خوي 💔
🔥
السكرتيرة : لاااااااااااااااا 💔
................
( وصلت نهلة للقصر تجري فتحت الباب و تنادي )
نهلة : يا انس يا ماما بسرعة وتو دبشكم ، المهبولة بتقتلنا
يا انس يا ماما
( تنادي و ركبت )
( تلفتت شافت دم )
نهلة : يا انس يا ماما في حد اهني
( تقرب بشوية بشوية )
( شافت امها غرقانة بدمها و أميرة طايحة و الدم في كل اتجاه و معتز واقف )
نهلة : معتز. 👁👁 ( تشبحله و الدمعة في عينها )
قتلت امي يا معتز
قتلت امي
تكلم
نهلة : 💔 تكلم تكلم قتلك امك قتلت امك
( لفت و طاحت بحدا امها )
نهلة : يا ماما نوضي نوضي نوضضضضضضييييي
يا انس يا انس تعالا خالك قتل امه يا انس
( تلفت و الدموع في عينها )
نهلة : اكيد قتلك وعد اقتلنا صح
قول تكلم
( تلفتت شافت تليفون فيه صورة أميرة مع راجل )
نهلة : 👁👁
( تلفتتله )
نهلة : ( تضحك و الدمعة في عينها ) قصدك مرتك قتلت امي ( بصوت فيه وجع ) مرتك قتلت امي
( قعدت تضرب فيه )
نهلة : قتلك مرتك مش باهية قتلك مرتك مش ليك انت حمار ما تفهمش
معتز : 👁👁💔
نهلة : ( الدموع نهر ) أمي ماتت امي ماتت يا ناس ماتت
( طلع معتز يجري للصالة )
( تجري وراه و تعيط )
نهلة : يا انس يا انس
( فتح معتز دولاب الصاله و طلع مسدس )
نهلة : 👁👁 انت شن بدير
معتز : 💔
نهلة : لا يا معتز رد بالك رد بالك اديرها ،
معتز : 💔
نهلة : لا معتز معتزززز لااااااااا معتز ما ليا الا انتم يا معتز ، يا انسسسسس تعالا يا انسسسسس
معتز : ( سحب السلاح )
نهلة : ( تقرب عليه ) لا يا معتز لا معتز لاااااااااااا
معتز : 🔥
نهلة : مممممععععععتتتتتتتتززززززززززز
( طاحت نهلة و في حجرها معتز و بدمه )
نهلة : غبي غبي يا معتز غبي
حرام عليك يا معتز
يا انسسس يا الليااسسسس يا ياااااسسسسررررر
( فجاء فتح باب القصر و خشو جماعة الشركة يجروا  )
نهلة : الحقوني يا ناس تلحقوني امي و خويا ماتوا
( الاشخاص يشوفولي )
نهلة : معتز و امي يلي ماتوا كلمولي ياسر و الياس بسرعة بسسسرررعة
الاشخاص " عظم الله اجرك يا هانم في ياسر " و الياس حبسوه
نهلة : 😂 لا لا
الاشخاص : 💔👁👁
نهلة : ( تضحك و الدموع في عينها )
الاشخاص : الله يرحمهم يا رب
نهلة : مني قتله
الاشخاص : 😔
نهلة : نكلم فيكم مني قتله و قتلهم
انتم كذابين باعتتكم هيا
اطلعوا برا و كلمولي الياس و ياسر بسرعة
و منبيش حد يعزيني ما حدش مات
ما حدش مات
اتصلوا للاسعاف جو رفعوا أميرة و نجوي و معتز
نهلة : ياربي ليش ياربي
نوضي يا امي نوضي
نوض يا معتز خوتك ماتوا يا معتز نوض.
نوضوا راني بروحي
بتقتلني بتقتلني
نوضوا بسرعة بسرعة 💔
( فضي الحوش علي نهلة )
نهلة : يا ااااااااانسسسسسسسسسس
وينك يا انسسسسسسسسسسسسسسس
.
انس : نعم
( ناضت تجري فتحت الباب )
( و الدم علي دبشها كله )
( اول ما فتحت لقت عيون وعد قدامها )
وعد : السلام عليكم
نهلة : 👁👁 اه اااااه
المهبولة جتني المهبولة جتني
( تعيط و تجري )
نهلة : ابعد يا انس ابعد من بحداها بتقتلك يا انس بسرعة
هادي مهبولة مهبولة
قتلت معتز و ياسر
و قتلت أمي
و حبست الياس
ماتوا يا انس ماتوا 🔥💔
.
كله منك انتي كله منك انتي
اني بنقتلك
بنقتلك
تعالا يا انس بحداي تعالا ، و خلينا نقتلوها تعالا يا انس
( شد انس ايد وعد )
نهلة : 👁👁🥺 انس 💔 نحي ايدك من عليها هادي مهبولة مهبولة تعالا لامك
انس : وعد امي
نهلة : 👁👁💔
انت شن تقول يا انس
مش قتلك مهبولة ما تصدقهاش
ابعد من بحداها بسرعة
انس يا انس
( قاعد واقف مع وعد )
نهلة : 👁👁💔 ( الدمعة في عينها ) معناها انس مات
انت مش انس
هذي مش امك مش امك هادي كذابة
كذابة
وعد : ( نشوفلها )
نهلة : شوف كيف تشوفلي بتقتلني يا انس
لكن غسلتلك دماغك عليا
معش تبيني يا انس
اني بروحي يا انس 💔
بارك الله فيك بارك الله فيك
.
اطلعوا برا حوشي اطلعوا برااااااااااااا
( خشت وعد للحوش )
نهلة : ما تسمعيش فيا اطلعي برا
وعد : نفس كل شي ✨ كل شي قاعد
( نهلة تبكي و مصدومة )
نهلة : اطلعي برا ، هذا حوش بوي
اطلللعييييي اطلللعععي
اطللللعييييي
وعد : هذا حوش جلال بيت المال
نهلة : 👁👁🔥
💔 هذا حوش بوي ، هذا حوشي ، حوشي انا نهلة بيت المال
هذا حوش بوي
ااااططططللللععييي
( قعدت تجري نهلة و الصدمة واخدة فيها  فتحت الباب و طلعت الشارع و تعيط )
نهلة : يا ناس وعد قتلتنا يا ناس
يا ناس وعد قتلتنا يا ناس
( تطق علي الحياش )
نهلة : وعد قتلتنا يا ناس
الناس : لا اله الا الله هذا نهلة
نهلة : شدوها يا ناس بتقتلني يا ناس شدوها
( تجري في الشارع و الناس تشوف )
نهلة : شدوها يا ناس شدوها
....
وعد : الله علي المكان يلي ليا 15 سنة محرومة منه
هذا مكاني هذا المكان يلي وصاني عليه بوي
❤️ كل شي في مكانه ......❤️
ريحت بوي في كل جزء في المكان
( ركبت لداري )
( فتحت الباب )
وعد : 🥺💔
( الدموع في عيوني ) الله الله الله
نفس كل شي
( طلعت منها خشيت لدار بوي )
وعد : 💔 الله يرحمك يا رب
( سكرتها و نزلت في وسط الحوش نسمع في صوت بوي في الحوش )
✨ مكانك و حقك ، المكان هذا بنيته طوبة طوبة ، نبيك ما تطلعيش منه الا و انتي ميتة يا وعد ✨
وعد : 🥺💔
.........
" المحكمة "
القاضي : انت تعترف انك قتلت خوك
الياس : ايه اني قتلته اني قتلته 💔
القاضي : حكمت المحكمة تحويل المتهم الي فضيلة المفتي رفعت الجلسة
الياس : 💔😭🔥
انس : يا خالي يا خالي
الياس : قتلت خوي يا انس
انس : 💔 لازم فيه حل تطلع من اهني يا خال
الياس : 🥺 لو طلعت حنقتل روحي يا انس ، خليهم يقتلوني هما افضل
انس : 💔🔥 يا خااااللللللل
يا خالللللللللللللللل
.......
( في وسط الشوارع )
الصغار : مهبولة مهبولة مهبولة
نهلة : امشي انت وياه ، يا ناس وعد قتلتنا قتلتنا
" الزمن و ما ادراك ما الزمن "
نساوين الشارع : 👁👁🤭
نهلة : خيركم تشبحولي انتم عارفين اني مني اني سيدتكم اني نهلة بيت المال يا كلاب
كلكم مع وعد
كلكم مع القاتله هادي
لكن حنقتلكم كلكم يا كلاب و حق بوي حنجيبه
يا كلاااااالاب
.
( حالة نهلة اصبحت حرجة و للاسف شدوها و رفعوها لمستشفي الامراض العقلية )
( انس كان لازم انه يقابل نهلة ، معزتها عنده كبيرة و قبلت اني نقابلها )
نهلة : 🥺
وعد : ما تخافيش يا نهلة انا معاك ، عمري ما رح ننسي انك ربيتي ولدي ، حنكون معاك لين تخفي و تطلعي ، هذا مستشفي خاص افضل من يلي كنت فيه ، نتمني من ربي انك ترجعي افضل من قبل
نهلة : 🥺
وعد : ❤️ ( اضبتها )
و وخرت جي انس
نهلة : 🥺🤭❤️
( اضبتها )
نهلة : 😭 انس حبيبي
انس : اني معاك يا امي و حنكون كل يوم موجود معاك لين تخفي
نهلة : انت تعرف قداش نحبك صح
انس : صح
نهلة : انت تعرف قداش نخاف عليك صح
انس : صح
نهلة : ( بدموعها ) ما تنسانيش يا انس
انس : 🥺
نهلة : رد بالك تخليني 15 سنة اهني لا تعالالي ،
انس : مستحيل يا امي
( اضبتناها و و هيا تبكي و طلعنا )
انس : 🤚 سلام يا امي
نهلة : ما تنسونيش ، سلام 💔🔥
..........
احمد : هيا بسرعة يا ليلي الطيارة قريب
ليلي : هيا هيا
( يجري هو و ليلي و ولاده بعد ما خدي الشيكات من نهلة و من وعد )
وعد : أحمد أحمد
( تلفت و هو مصدوم )
أحمد : وعد 👁👁
ليلي : وعد 🤭
وعد : 😍 ( اشرتله بأيدي بمعني تعالا )
( جي )
احمد : انا اسف يا وعد اسف
وعد : ليش تتأسف
أحمد : 😔
وعد : اذا علي الفلوس يلي خديتهم فا اعتبرهم حقك
احمد : 😖
وعد : يا دكتور أحمد في الدنيا هادي ما فيش حد يدير حاجة لوجه الله ، انت كان هدفك انك تغير مستقبلك علي حسابي ، و من حقك . ربي يوفقك و يعطيك الوقت الطيب انت و عيلتك
و مش رح ننسي شن درت معاي ابدا ، انا لو لاك ما كنتش وصلت اهني ابدا ،و اذا علي شركة عمك فا اطمن شركتي حتوقف ، و متاكدة يا احمد اني حنقابلك في المستقبل ، ربي معاك ،
احمد : 🥺
وعد : من الرغم اني حبيتك ، الا ان ربي يوفقك في حياتك يا دكتور
احمد : بارك الله فيك يا وعد
وعد : ممكن نسالك سوال
احمد : تفضلي
وعد :حابة نعرف هل كملت الخطة زي ما قتلي او لا
احمد : كملتها زي ما قتلك قلت لياسر و الياس و ياسر قال لمعتز و انا يلي بلغت الشرطة
وعد : هكي تطمنت انهم عرفوا و ندموا حتي لو للحظة
احمد : ربي معاك 😍
وعد : 🤚 سلام
احمد : سلام
" أحمد رغم الطمع و الجشع يلي فيه و رغم انه خدي تقريبا نص الثروة ، بس مسامحاته ، لان بوي علمني ما فيش حد يخدمك من غير مصلحة ، و بعد ما شفت احمد عرفت الكلمة هادي كويس ، من حق كل شخص ان يأمن مستقبله ، رغم في اوقات مرت عليا في حاجة في قلبي تشعل لما نشوفه ، رغم انه كان مصدر امان ليا ، الا ان ربي يعطيه علي نيته "
.........
" المستشفي يلي كنت فيها و يلي عشت فيها اسوء ايام حياتي لازم تاخد حصة في الانتقام "
الشرطة تجري في المستشفي
نوال : شن فيه شن فيه
الشرطي : نوال رئيسة المستشفي
نوال : تفضل
الشرطي : وعد بيت المال رافعة عليك قضية و بمستندات علي انك تاخدي في رشوة و ادوية مضروبة بأسم بنت عمها و فيه عمليات تحرش تصير مع المريضات
نوال : 🤭 كذابة
مريم : لا حق
نوال : 👁👁🔥
مريم : و هذا الدليل و تعلا معاي لو حابب تشوف بعينك
نوال : انتي شن تقولي
كل ممرضات المستشفي : هذا الحق يا سيدي
نوال : 👁👁🔥🤭
الشرطي : تعالي معاي دكتورة نوال
نوال : 👁👁🤭 كلكم حتتحاسبوا
( ركبت السيارة )
نوال : الو الو حسين
حسين : الو نونو
نوال : نونو مصح وجهك انت وين
حسين : اني في المطار
نوال : اني بننحبس وعد الكلبة دارتها ، جيب محامي و تعالا
حسين : وين الفلوس
نوال : مش عطيتك
حسين : لا حبيبتي خديت بيهم تذكرة لفرنسا و الباقي نعيش بيه غادي
نوال : حسين انت شن تقول
حسين : باي باي نوال
نوال : حسين حسين
حسين حسسسسيييييننن 🔥👁👁
...................
وعد : اول يوم في القصر ، فتحت روشن الدار ،
الهواء يطير في شعري
نزلت لجردينة الحوش
نشوف في انس يبكي
( قربت عليه )
وعد : ( نشوفله )
انس : خيرك
وعد : نشوف فيك
انس : يا أمي انتي راضية في يلي درتيه في الحوش
وعد : 👁👁 انت شن رايك
انس : الحوش فضي علينا
وعد : اني مش راضية بس هذا قدرهم
انس : كيف
وعد : انا يا انس ما انتقمتش منهم ، هما انتقموا من نفسهم
حقدهم و كرهم لبعض خلا الانتقام سهل عليا
انا ما قلتش لالياس يقتل خوه ، بس كنت عارفة انه حيقتله لان يكرهه
انا ما قلتش لاميرة تقتل نجوي بس كنت عارفة انه حتقتلها لانها تكرهها
انا ما قلتش لمعتز يقتل أميرة و يقتل نفسه بس كنت عارفة لان كان يكره أميرة و يكره نفسه
انا ما قلتش لنهلة تفقد عقلها ، نهلة في الاصل فاقدة عقلها ، لانها عايشة في حياة مش حياتها
" الانتقام الحقيقي في قصتي هو انتقام الروح ، انا انتقمت منهم فقط اني هدرزت معاهم ، فقط اني خليتهم يطلعوا يلي في قلبهم ، و للاسف يلي في قلبهم كان شر "
" ما كنتش نتمني ان يجي يوم في حياتي و نشوف ولاد عمي بشكل هذا ، بس حتي لو ما طلعتش و ما انتقمتش هذه نهايتهم ، لان كل الحقد يلي كان عند عمي لقاه في ولاده ، كل يلي زرعه طلع في ولاده و بدات شي اسمه " الكره "
" اعرف يا انس ان الحياة قواعد لو مشيت عليها حترتاح ، كل شي حديره حتلقاه ، و هادي اهم قاعدة "
و لازم تعرف ان انا ما درتلهم شي
انس : 🥺❤️ تعرفي تركبي خيل
وعد : 😍طبعا
انس : تعالي معاي
( نجري انا وياه ركبنا علي الخيل )
انس : مستعدة
وعد : تمام
( شد ايدي )
انس : متاكدة
وعد : عيب عليك محترفة
انس : ابدااااااااااا
( طلق ايدي )
( جرت الخيل )
( لحظة حلمت بيها ان انس يشاركني ركوب الخيل في وسط الحوش )
انس : 😂❤️
وعد : 😂❤️
(تلفتت عيوني علي دار بوي )
وعد : 🥺
( شفت بوي يشوفلي )
وعد : 🥺❤️
✨ الخاتمة ✨
جلال : لازم تعرفي يا وعد ان حقك في الدنيا ما اضيعيشي ، اني نقولك و كلامي هذا خليه حلق في ودنك ، رد بالك تأمني لحد حتي لو كان من عيلتك ، لان الكل يا وعد يبي يهد يلي بنيته ، انتي رح تتصدي ليهم حتي لو بنت انتي ارجل منهم و قوتك بالله
عيشي حياتك يا وعد و تذكري كلامي ...... و نتمني ان لما نقابلك يا بنتي تطمنيني ان كل يلي قتلك عليه درتيه
رعاك الله يا بنتي
.............................................................النهاية
📍 مستشفي طرابلس للامراض العقلية ........
( نهلة مقعمزة في جردينة المستشفي جيت مريضة قعمزت في جنبها )
نهلة : انتي جديدة اهني
المريضة : ( هزت براسها )
نهلة : ان شاء الله ربي يشفيك 🥺 تعرفي انا مني ، انا وعد بيت المال ، اني مش نهلة هيا نهلة اما اني وعد ، تعرفي عمي و ولاده خدو مني فلوسي و لوحوني و خدو مني ولدي ، ولدي اسمه انس ليا توا 15 سنة ما شفتاش ، لكن توا بيجي دكتور بساعدني اسمه احمد و بيطلعني و بيخليني نقتلهم كلهم و نخلي نهلة مهبولة و ناخد حقي 🥺💔 اني وعد اني مش نهلة
اني وعد بيت المال مش نهلة 💔
.
" إياك تم إياك و ضلم البشر "
" لا نشين على الظلم لأننا نخشى ارتكابه بل لأننا نخشى أن نعاني منه "
................................................بقلم أحمد عبدالله
بهذا تكون رواية وعد كملت ، تحمست اني نكتبها و تحمست انكم تقروها ، حتي و انا مريض و تعبان ، الرواية السادسة في تاريخي الكتابي ، #حب_بين_دفاتو_المرض ، #بنات_نور ، #ضمير_شرف ، #عدالة_أم ، ‎#هكذا_تغيرت_أقدارنا و الان انضافت عليهم #وعد و زي ما عودتكم بروايات تحمل عبر و رسايل قوية ، اتمني انها كانت في نفس مستوي الروايات السابقة .شكرا علي كل شخص حب الرواية ، بادر بدعاء في المحنة يلي مريت بيها ،
نسبة حقيقة الرواية 50‎%‎ ، اتمني انها وصلت ليكم الفكرة و الحكمة من الرواية ، حابب نشوف رايكم و نقدكم علي الحلقة
.
نتلاقوا في رواية اخري بأذن الله ✨ رايكم بعد 11 حلقة من الرواية و النهاية ❤️
ليلتكم طيبة ❤️ #أحمد_عبدالله