وعد 🥀 ( روايات ليبية )

حلقة 5🥀 " أول خطوة "

رواية #وعد 🥀................حلقة 5
للكاتب #أحمد_عبدالله
" أول خطوة "
.
( وصل دكتور أحمد لحوشه ، لقي ليلي مقعمزة في صالة الحوش و تستني فيه )
أحمد : السلام عليكم
😳 السلام عليكم خيرك ساكتة
ليلي : ( رفعت راسها و الدموع في عينها ) من وعد يا احمد
أحمد : شني
ليلي : مني وعد يلي ترفضت بسببها من شغلك ، من وعد يلي طلعت عاقلة ، من وعد يلي شعرها حرير و وجها زي اللبن ، مني وعد رد عليا يا احمد
أحمد : 👁👁🔥انتي شن تقولي
ليلي : 💔 نسالك و نبي إجابة
احمد : وعد هذه وحدة مريضة عندي
ليلي : و مريضة عندك تجاملها و تتبت انها بريئة و ترتفض علي خاطرها
احمد : لا ماهو
ليلي : ماهو شني
احمد : هيا طلعت عاقلة و اني كنت لازم نطلعها و المستشفي خايفة من اهلها
ليلي : 💔 و اني مفروض نصدق
احمد : لازم تصدقي
ليلي : وين تكون كل يوم
احمد : نكون في الشغل
ليلي : الشغل يلي ترفضت منه
احمد : 👁👁
ليلي : تكون معاها صح
احمد : انتي شن تقولي
ليلي : انت مش احمد يلي نعرفه ، 💔 ابعد عليا
( لوحت الورق و طلعت من الحوش )
احمد : ليلي ليلي يا ليلي
.
🔥 في القصر 🔥
📍 غرفة اميرة و معتز
اميرة و معتز راقدين
( كل حد ملتفت لجهة و ما فيش اي تفاهم بيناتهم ، و لا كانهم ازواج ، كل واحد يحلم بحياة غير يلي عايشها ، " برود العلاقة الزوجية " كانك تموت كل يوم ، الزوج يحلم بزوجة غير زوجته و الزوجة تطمح لزوج غير زوجها ، حكاية اميرة و معتز ، ازواج غير متقبلين بعض و يلي يمنع انهاء العلاقة الابن )
معتز : 🥺
اميرة : 💔
🥀 اشد انواع الفراق هو ان تكون قريب من شريك حياتك و تشعر انه بعيد " في أخر الدنيا 🥀........ نوال السعدواي
..........
📍 دار انس
( رجع انس لداره بعد ما كان عند امه و خش لخاله )
انس : السلام عليكم
الياس : ( تلفت الجهة التانية )
انس : عارفك زعلان من ياسر و معتز بس عادي ديما خليك متفائل عشان ربي يفرجها
الياس : تحسابني زعلان من ياسر و معتز
انس : امانا خيرك
الياس : زعلان علي نفسي
انس : خيرك خال
الياس : تعرف احساس لما تشوف الكل عايش الا انت ، احساس لما تشوف الزعلان يشكي لحبيبه و يلي عنده مشكلة يلجي لصديقه الا انت ، الاصدقاء و الحب اساس في الحياة ، و للاسف ما عمري حسيت بيهم ، عمري كله ندور و ما لقيتش ، لهذه الدرجة انا مش كويس
انس : ليش تقول هكي
الياس : تعبت ، بديت نركز في كل شي الا حياتي ، لدرجة اني ندير في المشاكل علي الفلوس ، مع انها لو جت مش رح تغير شي في حياتي
انس : اني معاك خال
الياس : 🥺❤️ انت خوي و صاحبي و ولدي و كل شي يا انس
🥀 الحرمان يجعل أوتار أعصابنا مشدودة نستطيع عليها العزفأما الإشباع فيجعلها ترتخي فلا نُخرجُ لحناً 🥀
.................
📍 دار ياسر
ياسر : لامتي الوحدة حتكون رفيقي في هلدنيا ، لامتي حنرقد و نبكي و ناكل و نشرب بروحي ، العمر ضاع وراء الفلوس ، لا مراة تونس الحياة و لا اطفال يفتحوا نفسي علي الدنيا ، و لما نشكي يقولوا هذا بأيدك و تقدر تصنعه ، اني مقدرتش 💔 اني مقدرتش لا نبني حياة و لا نبني قاعدة نمشي بيها ، انسان عايش علي الفلوس ، و المشكلة في الاخر حتقعد و انا يلي بنمشي ، الوحدة قتلتني ، موتتني ، هل ممكن تتغير حياتي ، او خلاص حكايتي محسومة 💔
( الوحدة ، تكسر كل انسان و بدات لو فات الاوان ، ياسر عمره كله طامع في المال ، هل المال بناله اسراء هل المال جابله اطفال يحملوا اسمه بعده ، هل المال اعطاه السعادة )
🥀 لا يموت الانسان في السجن من الجوع او البرد او الامراض بل يموت من الفراق و الانتظار ، الانتظار يحول الزمن الي ازمنة ، فلا تجعل حياتك سجن و تنتظر 🥀 .......نوال السعدواي
.
📍 في دار نهلة
نهلة : من الصعب انك تكون مكان مش مكانك ، من الصعب انك تعيش في شخصية مش شخصيتك ، من الصعب انك تحط نفسك مكان حد ، الغيرة و الحسد خلتني ناخد شخصية " وعد " و تكون شخصيتي ، نرقد علي سريرها ، ناكل اكلها ، نلبس لبسها ، حتي من فلدة كبدها اخدته منها و ربيته و قلت ولدي و الكارتة اني كذبت الكذبة و صدقتها اكتر من الكل ، ضيعت نفسي ، و حطيت نفس تانية ، عذاب و الم و حزن اني ما عشتش حياتي لا عشت حياة وعد ، حزينة اني بنموت و لا حبيت و لا حسيت بطعم الحب و لا حسيت بأحساس الامومة الحقيقي و لا شعرت يوم اني نهلة 💔
( الغلطة الكبيرة انك تعيش مكان غيرك ، او تتقمس شخصية غيرك ، لا عيش انت و حقق انجاز يحسبلك انت ، الحياة حياتك فا ما اضيعهاش في حياة غيرك و تخليه يعيش مرتين و انت تموت )
🥀 المرأة التي تسمى بالمرأة الطبيعية، هي المرأة التي نجحت في قتل وجودها الحقيقي الأنثى هي الأصل حافظي علي اصلك 🥀.......نوال السعدواي
.
( قصر بيت المال ، رغم كل المال و الرفاهية ، الا كل واحد فيهم عنده عقدة و خوف يلاحقه ، رغم قوتهم الا انهم من داخل اضعف الاشخاص ، قلوبهم مهزومة )
🥀 إن شرف الإنسان رجلًا أو امرأة هو الصدق؛ صدق التفكير وصدق الإحساس وصدق الأفعال. إن الإنسان الشريف هو الذي لا يعيش حياة مزدوجة؛ واحدة في العلانية وأخرى في الخفاء 🥀 ،،،،،،،،،نوال السعدواي
.
📍9 الصبح
وعد : ( فطرت و قعدت نتصل بأحمد و للاسف كان ما يردش )
و فجاء طق الباب
وعد : 👁👁
( مشيت بشوي لقيته احمد )
وعد : هو انت نكلم فيك و للاسف ما تردش
احمد : اسف كنت مشغول شوي
وعد : لا بس انشغلت عليك
احمد : لا ما فيا شي
وعد : 👁👁 فيه شي احمد
احمد : لا ما فيه شي
( حسيت ان احمد فيه شي مش طبيعي )
احمد : تفضلي وعد هذه كل الاوراق يلي تحتجيها و معاهم اوراقك الرسمية زي الجواز و البطاقة الشخصية طلعتهم من ملفك متع المستشفي
وعد : شكرا
احمد : و قتلك علي كل شي بديريه
وعد : 👁👁
احمد : و هاذم فلوس تقدري ادبري بيهم حالك و كل ما احتجتي حاجة كلميني ، مع السلامة
وعد : 🥺 احمد
( تلفتت )
وعد : فيه شي احمد
احمد : 💔 لا ما فيه شي
وعد : متاكد
احمد : متاكد
( و هو كيف بيمشي )
وعد : بس نبيك تعرف حاجة وحدة اني انا اسفة علي كل شي درته فيك ، عارفة اني خربت حياتك من لما خشيت فيها ، انا اسفة دكتور
احمد : لالا لاداعي للاسف ، بتوفيق وعد
وعد : 💔🥺
( حسيت اني السبب في خراب حياة احمد ، حسيت اني مذنبة ، 💔🔥 )
( رجعت للطاولة و فتحت الاوراق و لقيت كل شي نحتاجه )
( معلومات علي كل افراد الاسرة ، و امكان وجودهم ، هذه الاوراق كان يحصل فيها من لما كنت في المستشفي ، و جابلي اوراق زي البطاقة الشخصية و الجواز )
( لبست و طلعت )
( و لاول مرة بروحي طلعت من الشقة و خديت تاكسي و مشيت خديت كل شي نحتاجه من ملابس و من حاجات هلبا )
.
📍 في القصر
نهلة : نازلة من الدروج
( نزلت ) صباح الخير
الكل : صباح النور
نهلة : امانا وين انس
نجوي : طلع من بكري
نهلة : اها
نجوي : تعرفيه انتي ما يحبش يفطر
ياسر : الياس طلع
نجوي : ايه طلع
معتز : ( شاف لياسر )
نجوي : ما تخافوش مشي للفروسية مش للشركة
نهلة : 👁👁
ياسر : صحة
معتز : استنا جاي وراك
( ناضوا )
نهلة : خيرهم مع الياس
نجوي : امس مشالهم للشركة و دار مشكلة يبي فلوس و يبي يدير مشروع
نهلة : و شن قالوله
نجوي : وين نندري لكن روحوا معصبين الكل
نهلة : و اني كنت وين خيرني ما سمعتش
نجوي : انتي لاهية في موضوع وعد و انك شفتيها راكبة الخير
اميرة : 😂😂😂
نهلة : 👁👁 ماما
نجوي : 🤭
نهلة : لدرجة هادي الضحك 😒
اميرة : اسفة ، صحة انا شبعت ، باي اني طالعة
( طلعت )
نهلة ؛ هكي تقوليها بحداها
نجوي : نسيت
نهلة : زهايمر ، حالة ادره الكبد
نجوي : شفتيها كيف طلعت و كاني موضوع يلي تكلمت عليه امس بح
نهلة : كلمتيها انتي
نجوي : ايه و قلتلها حافظي علي ولادك و راجلك بس يخش من جهة و يطلع من جهة
نهلة : تافهه
( بصوت عالي ) يا جيجي جيبي الزيتون
نجوي : مازال بتفطري
نهلة : اني كيف جيت بسم الله ، و بعدين ما شاء الله اميرة الجعانة كملت الزيتون كله
نجوي : 😳
.
📍 في حوش احمد
( رجع احمد بعد ما جاب كل اوراق وعد و حطهم عندها و بدي يحاول ان يكلم مرته و للاسف ما تردش )
ولده : بابا خيرها ماما
احمد : ما خيرها شي حبيبي زعلانة شوي
ولده : انت زعلتها
احمد : لالا حبيبي هيا زعلانة بروحها
ولدها : مني وعد يلي تتكلم عليها ماما
احمد : 😳💔 ا ا ا صحابتها زعلانة منها ، اسمع شن رايك نمشو لماما
...............
وعد : ( بعد ما جبت كل شي من المحلات ، رجعت للحوش و دماغي وقف معش قدرت نفكر ، ليش احمد سيبني في نص الطريق و مشي ، ليش ، هل خايف منهم ، اني توا شن ندير ، نبدا في خطتي او لا ، 🥺 حاسة روحي بروحي في حرب كبيرة 💔 )
( شديت الاوراق و بديت نقرا )
( بعد ما فهمت شن بندير )
.
( لبست و طلعت للفروسية ، وصلت )
شخص : اهلا يا هانم كيف نساعدك
وعد : نبي مكان ركوب الخيل وينه
شخص : تفضلي معاي
( مشيت مع الراجل و وصلني لاسطبل الخيل و هذا المكان يكون فيه الياس يتمرن بعيد علي الحوش مع انه فيه اسطبل )
( قعمزت في الكرسي و نسمع في حد ينادي يا الياس و لاول مرة نشوف الياس )
وعد : 👁👁 ( هذا الياس ، الله ، خليتك عمرك 7 سنين ، و الان راجل ، فيه شبه من عمي علي لما كان صغير هلبا )
( قعدت مقعمزة و نشوفله كيف يتمرن و بعد ما كمل من التمرين مشي قعمز في الكافي )
( لحقته و خشيت للكافي مع ان كان فيه 3 كراسي فاضية الا اني جيته عشان نقعمز بحداه )
وعد : السلام عليكم
الياس : و عليكم 👁👁
وعد : ممكن نقعمز
الياس : ايه ايه تفضلي ، اصلا كنت بنوض
وعد : لالا ارجوك خليك
الياس : 👁👁
وعد : ( ابتسمت في وجهه ) شن طلبت
الياس : ستار بوكس
وعد : وشن طعمك المفضل
الياس : قهوة كراميل
وعد : ( بديت نأشر بأيدي علي صاحب المنيو )
الياس : تبي نطلبلك
وعد : اذا ممكن
الياس : ( نادة عليه و جابلي واحد )
وعد : شكرا
الياس : لالا ادللي
وعد : باين عليك محترف في الخيل
الياس : ايه اني تربيت مع الخيل
وعد ؛ كيف يعني
الياس : بوي الله يرحمه كان تاجر خيل
وعد : 👁👁💔🔥 اها الله يرحمه ( كلمة كسرت قلبي )
الياس : انا اول مرة نشوفك اهني
وعد : ايه اول مرة نجي
الياس : تشرفت بيك
وعد : شكرا ، اسمك الياس صح
الياس : 👁👁 كيف عرفتي
وعد : ( ابتسمت )
الياس : باين عليك مركزة هلبا
وعد : لالا ما تفهمش غلط بس سألت عليك
الياس : ( ضحكلي ) ممكن نعرف اسمك
وعد : و و و وولاء
الياس : اسمك ولاء
وعد : ايه
الياس : ❤️👁👁
وعد : انا تأخرت ، لازم نمشي
الياس : استني رح نشوفك تاني
وعد : طبعا
الياس : نعطيك رقمي
وعد : ايه اعطيني انت لاني ما عنديش تليفون الا ارضي
الياس : ما عندكش تليفون
وعد : بنشري يا اليوم يا غدوا
الياس : تمام هذا رقمي ، نتمني نشوفك مرة تانية ولاء
وعد : اكيد
( مشيت وطلعت من الفروسية )
الياس : الباين ان ابواب السماء مفتوحة امس ❤️
...................
📍 في حوش زوجة احمد
بو ليلي ( عادل ) : اني قلت يلي عندي ، ما تبيش تقابلك
احمد : باهي هديها يا عمي ، قوللها انها فهمت غلطت ، هذه و اللهي حالة عندي
عادل : قلتلها يا ولدي ، بس هيا توا معصبة شوي ، و اكيد حتفهم بشوية بشوية انت بس صبر بالك
احمد : حاضر عمي ، المهم قوللها تخلي ايهم و نور معاها
( حط الصغار و طلع و للاسف للان ليلي مش مقتنعة ، و للان متاكدة ان احمد يحب هذه يلي اسمها وعد ، و بدات بعد ما قرت الكلام يلي كاتبه احمد )
.
( بعد ما طلعت من الفروسية خديت تاكسي و وصلت الحوش و خشيت و كلمت دكتور احمد ، و للاسف ما يردش و معش عندي حل الا اني نمشيله لحوشه ، بس العنوان ما نعرفاش )
( فجاء تذكرت رقم مريم اكيد تعرف عنوانه )
( مشيت نجري علي الرقم و اتصلت )
مريم : مني معاي
وعد : انا وعد
مريم : وعد حبيبتي كيف حالك
حسين : 👁👁 وعد
.
وعد : الحمد الله و اللهي حتي انا ، نبيك تجيني لشقتي تشوفيها
مريم : ان شاء الله حبيبتي
وعد : مريم كنت نبي منك حاجة
مريم : تفضلي
وعد : نبي مكان بيت دكتور احمد
مريم : حوش دكتور احمد
حسين : 👁👁
.
وعد : ايه
مريم : تمام حنبعتهولك
وعد : ياريت توا
مريم : حاضر
.
🔥
انس : باين عليك فرحان اليوم
الياس : 😂 كيف حسيت
انس : انحس بيك
الياس : لا اليوم فرحان
انس : شن صار معاك احكيلي
الياس : تعرف كلام امس يلي قلتهولك
انس : ايه
الياس : اليوم تحقق
انس : كيف
الياس : لقيت وحدة اليوم تتفرج عليا و جت قعمزت بحداي و خديت عصير زي عصيري و لا مش هكي و بس لما تكلمت قالت اسمي طول
انس : 😍 هذه مقنصة عليك
الياس : 😂 ( ناض )
انس : وين ماشي
الياس : طالع نجيبوا حاجة نشربوها و نجيك
انس : غدوا عندي مدرسة بس يلا
.
( بعد ما وصلت رسالة مكان حوش دكتور احمد ، لبست كاب و طلعت ، و اني بندرس تاكسي ، تلفتت شفت الياس راكب السيارة )
الياس : 👁👁 هذه شن ادير اهني
وعد : 👁👁
الياس : ( نزل من السيارة ) ولاء شن اديري اهني
وعد : نسكن اهني
الياس : اهني
وعد : ايه
الياس : هذا علاش تعرفي اسمي
وعد : 😂
الياس : المفروض قلتيلي
وعد : اهو عرفت ،
الياس : وين ماشية ، تبي نوصلك
وعد : لالا شكرا
الياس : تمام سلام
وعد : سلام
( ركبت التاكسي و اعطيته العنوان و طلعت )
( وصلت لحوشه نزلت من التاكسي و قتله استناني ، خشيت لجردينة الحوش ، طقيت الباب )
احمد : ( فتح الباب ) وعد
وعد : ( شفت وجهه لقيته كئيب ) اسفة علي الازعاج
احمد : لالا تفضلي
وعد : ( خشيت ) اني نشغلت عليك
احمد : لالا ما فيا شي
وعد : ( شفت الحوش فاضي ) هو وين مرتك
احمد : ا ا ا في حوشهم
وعد : اها للاسف كنت خاطري نشوفها
احمد : مرة تانية
وعد : ممكن تقعمز شوي نبيك
احمد : ( قعمز )
وعد : اني اليوم بديت
احمد : تمام ، ان شاء الله ربي معاك
وعد : ربي معاك بس مش رح تسالني شن كان رده
احمد : ايه قولي
وعد : صار كل شي زي ما خططنا و رسمنة
احمد : تمام كويس
وعد : 🥺 خيرك احمد ،قولي عندك مشكلة
احمد : قتلك ما فيش مشكلة
وعد : اني اسفة اني دخلتك معاي في حياتي و خليتك تخرب شغلك و حياتك و مستقبلي
احمد : اني و اللهي ما علي شغلي و لا علي مستقبلي ، الشغل في كل مكان ،
وعد : امانا خيرك
احمد : ما خيرني شي
وعد : ( شفت لوطة لقيت اوراق اتبات الصحة متعي و اوراقي الصحية كلها ملوحة في الحوش و مزهرية مكسرة ، عرفت ان فيه مشكلة مع مرته و السبب انا )
وعد : شن مش مشربني حاجة
احمد : شن تبي
وعد : امية لو سمحت
احمد : حاضر
وعد : 👁👁
( هو ناض و انا شديت التليفون و خديت رقم مرته )
وعد : كتبت الرقم
احمد : تفضلي هذه امية
وعد : شكرا ، قتلك احمد اني لازم نمشي التاكسي البرا ينتظر و لو سمحت نبيك معاي ، حاول انك تجي و تساعدني في كل شي خططناه ،
احمد : ان شاء الله
وعد : مع السلامة
احمد : مع السلامة
( طلعت من الحوش و لازم نتاكد هل الرقم صح او غلط )
( وصلت للتاكسي ركبت )
وعد : سامحني خوي عطلت عليك
التاكسي : لالا عادي
وعد : قتلك خوي ممكن تليفونك شوي اذا ممكن
التاكسي : تفضلي
وعد : شكرا
( شديت التليفون و كتبت الرقم و اتصلت )
ليلي : الو
وعد : الو ليلي معاي
ليلي : تفضلي مني
وعد : اني وعد
ليلي : 👁👁🔥،،،،،،.............يتبع
هذه احدات حلقة اليوم نتمني عجبتكم يارب ، رايكم يهمني و تعليقاتكم اهم حاجة عندي ، هي سبب حماسي ، ياريت تتفاعلوا بلايك و كومنت ، و رايكم في القصة و السرد ، حبيت نضيف شوية اقوال نحبها لقدوتي في هذا المجال العبقرية 🥀 نوال السعدواي 🥀 ان شاء الله عجبتكم ، تعليقاتكم ، و نبي حاجة تنقراء مش تم ، و تصبحوا علي الف الف خير ❤️❤️ احمد عبدالله