قضية شرف🔥🔥

الحلقة الحادية عشر🔥

قضية شرف ⛅💔
.
.
.
🥇 روايات ولد الكاتب 🥇
..
..
..
( الحلقة الحادية عشر ) 💜
..
..
ثريا: ليلى ليلى ياكلبة
ليلى: ناضت شن تبي صببببح
ثريا: بوك يبيك نووضي 
ليلى: شن يبي بابا
ثريا: بري توا تعرفي
سلمى: نحت الغطاء ع وجهها،،، تعرفي لو تطلعي قلتيله ح نشرب من دمك
ثريا: ههههههه
ليلى: ناضت طلعت لبوها
.
.
.
.
.
.
ليلى: صباح الخير بابا نعم
بوها: قعمزي قعمزي
ليلى: نصدمت لما لقت بوها جوه حلو بس رتاحت نفسيتها
بوها: زي ماتعرفي يابنتي انتي كبرتي وضروري ماتتهني صح ولا
ليلى: بعلت ريقها بخوف،،، اي اي صح
بوها: في شخص متقدم يبي يطلب ايدك
ليلى: شكت بأنه صابر ،،،، مني ؟
بوها: ناس نعرفوهم
ليلى: رتبكت،،، يصير خير بابا
بوها: تمام نقوللهم يجو
ليلى: معاش عرفت شن ترد
ثريا: اي اي قوللهم امالا شني
ليلى: ناضت خشت لدارها
بوها: هههه متحشمه
ثريا: في خاطرها ،،، غر كان نقولك علاش خافت
.
.
.
.
.
.
.
سمر: الو نعم
سوسن: اهلا اهلا ليك وحشه
سمر: انتي اكثر كيفك
سوسن: تمام الحمد الله
سمر: منين لقيتي رقمي هذا ؟
سوسن: ههههه تعرفي مافيش شي يندس عليا
سمر: اها نعم
سوسن: وينك ووين ايامك
سمر: الصراحه تغيرت هلبا اني معاش نبي جو المراهقة والحمد الله تغيرت للاحسن
سوسن: اها كويس الحمد الله بس غريبة
سمر: ماغريب الا الشيطان حبيبتي
سوسن: اها سمتتي بمعتصم؟
سمر: اعوذ بالله من شيطان الرجيم خيييره!
سوسن: توفى
سمر: يححح الله يرحمه من شني؟؟
سوسن: والله مانعرف سمعت جرعة كبيرة من الهروين
سمر: لاحول ولاقوة الا بالله
سوسن: يلا امالا نهدرزو بعدين
سمر: تمام اوك وصكرت
سمر: قداش الدنيا صغيرة قبل ايام اعتدا عليا وبعدها فضحني واليوم مات ربي يتقبله برحمته ناضت توضت وصلت الصبح
.
.
.
.
.
.
.
.
صابر: ناض لوح الشيش اللي كانو في كل مكان كان راسه مصددددع ومحمد صاحبة راقد جنبه .
محمد: صكررر الضي بنرقدوووو
صابر: نوض نوض الساعه قريب 11
محمد: اوووف
صابر: قام لكناسة ( حاشاكم) وطلع ولع سيارته وروح للحوش
.
.
.
.
.
كريمه: البي مروحش لتوا
عثمان: خليه توا تضربه الدنيا ويفيق لعقله
كريمة: به والبنت ماذنبها شي؟
عثمان: البنت موضوعها عندي
كريمه: كيف !
عثمان: توا بنمشي للشركه توا نروح نفهمك
كريمه: في امان الله
منذر: صباح الخير يمه
كريمه: اهلين
منذر: في فطور
كريمه: اي شوية ونجيبلك قعمز
منذر: يمه نبيك في موضوع
كريمه: نعم
منذر: توا لما يجي وقته نقولك
كريمه: مفهمتش العيلة هاذي خيرها
منذر: هههههه وين صابر
كريمه: اااه ياوليدي صابر عملته كبيرة
منذر: الله غالب
كريمه: نشاء الله خير وخلاص
.
.
.
.
.
.
.
.
.
سلمى: مستتتتحيل تقبلي ولو كان هو
ليلى: ياريته بابا قالي مني بس
سلمى: مش عارفه عندي احساس مش هما
ليلى: به كيف ندير اللي في بطني
سلمى: منيش عارفه يا ليلى منيش عارفه بنقولك متقبليش ح تظلمي ولدك بنقولك اقبلي ح تظلمي نفسك
ليلى: ياررررررررب
ثريا: دفت الباب وخشت
سلمى: احترررمي نفسك وين تسحابي روحك خاشه
ثريا: حووويته اضررربي هي جاك عريس وانتي حامل ههههه
سلمى: ضربتها ككككف
ثريا: ياحيووووانه تضربيني اني؟
ليلى: عيب سلمى مش حني نضربو اللي اكبر منا
ثريا: كانت تبي تقول لبوهم ع كل شي بس ح تخسره لان ساهمت في هاذي العملية 🙂 وكل شي ضدها يعني ح تنضر
.سلمى: تحترمي نفسك وتعرفي شن تقولي فاهمه
ثريا: توا تشوفي ياقزمه والله لما نوريك
سلمى: امممشي مرض
ليلى: خاااطري في مشماش
سلمى: اللطف بديتي تتوحمي
ليلى: لالا شن نتوحم
سلمى: 😂😂
.
.
.
.
.
.
.
صابر: خش دوش ونزل
كريمه: اسمع هما كلمتين اسمعهم وديرهم خراص في ودنك
صابر: نعم يمه
كريمه: مننننيشش امك صكر فمك مش ولدي اللي يمس بنات الناس ومش راجل اصلا اللي يقرب بنات الناس
صابر: قعد واقف ويسمع
كريمه: تحرم عليك جنازتي لو ممشيتش ورقعت الفالطه اللي مدايرها مش راجل ياولدي اللي يستقوى ع البنت راه الراجل لما يطلبها بالحلال 😑😐
صابر: تحششم لما سمع كلام امه تمنى الارض تنشق وتبلعه ،،، طلع طول
كريمه: مش من خاطري لكلام بس هكي تفيق لعمرك
.
.
.
.
.
.
.
طق طق طق
سلمى: هي هي اني جايا
منذر: كان واقف ع الباب
سلمى: فتحت الباب،،، اها تفضل
منذر: كيف حالك؟
سلمى: الحمد الله،،، نست انها مش لابسة حجابها
منذر: حلو شعرك
سلمى: حححي خشت طول لبست حجابها وطلعتله
اسفة منقدرش نقولك تفضل لان اني واختي ومرت بابا بس
منذر: مش بابا مريض ووووووو
سلمى: خدودها بدو حمر ،،،، لالا هاذيكا ضمن الخطة
منذر: ههههههه
سلمى: نشاء الله خير تفضل
منذر: امي ستاحشتكم بجديات اليوم جوها مش حلو والحوش ستاحشكم
سلمى: بس بس
منذر: واني
سلمى: اها به اسمعني
منذر: نعم
سلمى: اللي داره خوك عيب والحق انتم ماشفنا منكم الا كل خير
منذر: وحني نبو نرقعو غلط خوي
سلمى: معاش نقدر نهدرز مرت بابا بتطلع خود رقمي وكلمني
متذر: تمام
.
.
.
.
.
.

ليلى: وكيف عطيتيه رقمك هكي
سلمى: ياوخيتي خليني نشوف نصيبي وحني كنا محبوسين في هذاكا الجبل لا نعرفو نلبسو لا نمكيجو لا نطلعو لا شي
ليلى: ومالقيتي الا خو الكلب هذا
سلمى: لو الكلب مهناش راهو معشناش المغامرات هاذي كلها
ليلى: مية مية اهم شي تعرفي كيف تتصرفي
سلمى: متوصيش ياحببتشي
ليلى: تمشي معاي؟
سلمى: وين؟
ليلى: عندي مراجعه،،،، وبنتلاقو مع سمر
سلمى: منحبهاااش
ليلى: والله طيبة والله
سلمى: اوووف به
ليلى: نوضي بدلي
سلمى: تمام
.
.
.
.
.
.
.
.
الدكتورة: مشاء الله حالة البيبي كويسة ونبضات القلب كويسة
ليلى: تسمع في نبضات القلب وتبكي
سلمى: يااااعمري حبيب خالته
الدكتورة: قصدك حبيبة خالتها
سلمى: بنت
الدكتورة: مش واضح بالزبط بس يتهيألي بنوته حلوة زي امها وخالتها
سمر: خشت للحجرة،،،، وخيرها عمتها؟؟؟؟
ليلى: كيف عرفتي جاية للعيادة؟
سمر: انتي قلتيلي
ليلى: ههههه يعطيهالك
سمر: يلا جاهزين نمشو
ليلى: وين
سمر: اكيد ام البنوتة جاعت عازمتكم ع غدي
سلمى: كانت مستغربة في لبسة سمر عباية ووشاح
ليلى: هههه اي جعت الحق هي
سلمى: اوك يلا
الدكتورة: دير بالك ع نفسك ليلى 😌
ليلى: شكرا دكتورة
.
.
.
.
.
.
صابر: كان واقف ع الشط لين حس بيد مساته
منذر: هههههه قاعد تعكس في نفس لمكان
صابر: لو السبسي ،،، اي قاعد
منذر: تذكر مرة هربنا من حوشنا ونجرحت هني
صابر: ههههه لاكن نضربت اني فيها  انت مصارلك شي
منذر: هههه اي بوي ضربك
صابر: الايام تجري ورا بعضها
منذر: اي صح العمر يجري
صابر: قعد ساكت ويوشوف للبحر
منذر: كنت ديمه تهرب انت
صابر: من الغباء نهرب ونجي نعكس هني ويجي بوك يلقاني ووننضرب ونروح
منذر: نفس الدسكه
صابر: هههههههههههههه
منذر: ليه هلبا مشافش ضحكة خوه ،،، شوف شن جبتلك
صابر: ايوه ايوه ايوه مقدمها الشكلاطه
منذر: اي ههههههه لقيتها بالسيف
صابر: اقسم هاك
منذر: قسم وكلاها كلها
صابر: قاعد نفس طبعك تاكل حصتك وتقعد تشوفلي 😂😂
منذر: ههههههههه
.
.
.
.
.
.
.
.
.
.
.
سمر: صح خوي عصبي بس والله طيب صابر شاف ايام صعبه
سلمى: اي ايام صعبه حسب مانعلم بوك عنده فلوس وحالتكم كويسة😑
سمر: مش كل شئ فلوس ياسلمى صابر ماعاشش الحنان متع الام والاب كان من صغره كبير ويعاملو فيه كبير طبعآ انشغال ماما في جمعيتها وبابا في شركاته عاش طفولته بروحه بعدها جي منذر وماما بدت تهتم فيه وبعدها اني صابر يحس بدي يحس بالغيرة كان يهرب من الحوش بالساعات وبابا يدور بس لحد توا قلبه قلب طفل وكأن يبي يعيش الطفولة في عمره هذا
ليلى: كانت تسمع في سمر ومصدومة،،،، به  كيف بوك وامك رضو بالشي هذا
.
سمر: في وقت هذاكا كانت في بيبي سيتر وكانت تعامل في بقسوة حسب ماعرفنا كانت تديرله في شمالات وهو عمره 8 سنوات كان يتعقد منها ويهرب من الحوش بعد سنوات بابا اكتشف انها تضرب فيه وتهين فيه 😔
سلمى: خوك يتعاطى في المخدرات راه؟
سمر: الفلوس تخليك تاخدي كل شي اني لولا كلام ليلى ونصائحها مكنتش هكي كنت صعبة لقيت الحياة حلوة واني نأدي في نفسي كنت معمية ومنشوفش في شي بس لما ربي يضئ طريقك تقدري تحافظي ع نفسك سواء كنتي ولد او بنت 🙁
.
ليلى: كانت مستغربة في كلام سمر الحلو في طريقة تعاملها وكيف تغيرت للأحسن كانت فرحانه وكأن اختها ،،، يلا نكملو غذنا
سمر: اسفة يابنات يلا تفضلو
ليلى: تاكل وتفكر هل الفلوس تغير النفوس حق زي مايقولو
..
#يتبع 😍😍
..
تفاعلووو💜💜💜💜