قضية شرف🔥🔥

الحلقة الرابعة🔥

قضية شرف 💔⛅
.
.
.
🥇روايات ولد الكاتب🥇
.
.
.
.
( الحلقة الرابعة ) 💜
.
.
.
صابر: تي فكني ياراجل
محمد: هذا هو الحل
صابر: تبيني نمشي ونتزوجها
محمد: اي
صابر: قعد يفكر ،،،ناض م ع الكرسي وحذف السبسي   ،،، اكيددد لا
محمد: علاش لا انت اللي غلطط
صابر: خيرك انت تبيني نتزوج وحده اغتصبتها واني متخدر ولا كيف
محمد: لو ولا قوة الا بالله
صابر: صكر ع الموضوع احسن
.
.
.
.
.
.
.
عثمان: خيرها سمر تبكي؟!
كريمة: ضربها المنجوووه صابر
عثمان: علاش ضربها قولي
كريمة: مشت للجامعة مش لابسة عباية سروال عادي مش حتى مشحوط سروال واسع متع اللي يلبسو فيه لبنات توا
عثمان: لاحول ولا قوة الا بالله الفرخ هذا بيجنني
كريمة: تعوذ من الشيطان وتريح
عثمان: لما بجي قولوله نبيه
كريمه: تمام
.
.
.

ليلى: كانت تتوجع من جسمها هلبا كانت مرهقة تتحرك بالسيف طبعآ الكدامات والجروح قاعدات 💔
سلمى: خلاص هادم هما حوايجك !؟
ليلى: اي
سلمى: خيرك ليلى!؟😔
ليلى: شي غر نبي نرقد
سلمى: حست بليلى مش تمام حالها
ليلى: كانت حرارتها مرتفعة هلبا ومرهقة وتاااعبة تبي ترقد بس
سلمى: حست بليلى فيها حاجة بس محبتش توضحلها
سلمى: طفت ضي الغرفة وطلعت
وليلى: رقدددة وكأن اول مرة ترقد وكأن تودع في النشاط والحيوية 💔
.
.
.
.
.
.
حناها: وين اختك
سلمى: رقدة
حناها: من توا؟ الساعة قاعدة ال 9
سلمى: قالت مش راقدة هي اهو بدي المسلسل علي فالصوت
حناها: اي سلم بنيتي نوضي اعطي لجدك يبرة الانسولين تربحي
سلمى: انشاء الله حاضر
.
.
.
.
.
ع طاولة الأكل 🍽
.
عثمان: علاش ضارب اختك ؟
صابر: ماتشوفش فيها يابوي شن لابسة
عثمان: متضربهاش الضرب هذا
صابر: نزل راسة
عثمان: كمل عشاك
كريمة: وين منذر؟
عثمان: في الشركة شوية وبيروح؟
.
.
صابر عاش طفولة صعبة في حياته بسبب اهمال بوه وامه ليه اهمالهم ديمه بوه في الشركة وامه في المكتب والجمعيات متعها كانو ميشوفوش بعضهم الا في الليل بس كان وحيد ومدلل بعد صابر في متذر اللي هو حبيب بوه بوه يحبه هو وسمر بدرجة كبيرة كانو المدللين اكثر من صابر ، الاهمال يسبب كواثر 🔥💔
.
.
.
.
.
.
ليلى كانت في غيبوبة بين احلام وكوابيس ودوامات وهي هايمه بينهم، سلمى غطت اختها ورقدة بين تفكير لاختها وشن بيديرو وشن بيواجههم وبين اختها اللي تعبت بعد ابشع شي يصيرلها💔🔥
.
.
.
.
. ⛅ ثاني يوم⛅
.
.
سلمى: هي ليلي نوضي
ليلى: مقدمك نايضة من بكري وجاهزة انتي نوضي باش تفطري ونمشو
سلمى: غريبة من امتى هذا؟
ليلى: هههه هي نوضي
سلمى: كانت مصدومة في حركات اختها
ليلى: ضحكت بالم حبت متوجعش حد ولا اضايقة كانت من برا تضحك وداخلها الم ووجع كبير الشرف مش ساااهل
.
.
.
.
.
.
حناها: ياميمتي ع بنياتي امتى بترجعو
سلمى: انشاء الله مش ح نعطلو
حناها: ردو بالكم من اللفعة هاذيكا
ليلى: متوصيش خههه هي بسلامه
حناها: بسلامتكم
جدنا: هي وقت هي
.
ركبو لبنات ماشيين لطرابلس ليلى كانت بين فرحة وحزن فرحة ع ان بتمشي لطرابلس وحزن لشن صارلها وانها بتمشي لمرة بوها وبوها
.
ليلى: اي كلمة حاضر فكينا من المشامل سلمى😐
سلمى: اوووف به لاكن بتقرب جيهتي بنقتلها
ليل : فوتيها منبوش مشاكل
سلمى: بعتت رسالة لمجهول،،، ( عطيني عنوانهم وشن يخدمو واساميهم)
مجهول: ( تمام)
ليلى: كانت سارحه ع الروشن وتفكر كيف بيصير فيها 💔
سلمى: جدي اقعد معانا غادي
جدها: لالا وحناك والشياه والزرع من بيهم
سلمى: اي حق
.
.
.
.
.
صابر: نازل من دروج،،، اهو طالع ماشي للشركة
منذر: تمام توا نلحقك
كريمة: تعالي افطر ياصابر
صابر: لالا يمه بنفطر برا صحتين
كريمه: يلا اني ماشية للجمعية صحتين وعافية
منذر: سلمك واني ماشي للشركة نطلعو مع بعض
سمر: واني وجهي ووجه الخدم انتم اطلعو واني هني
طلعو ومعدلوش عليها💔
سمر: ركبت تكلم في صاحبها
صابر: تي نسيت الباور بنك ،، رجع بياخده
سمر: اهلين حبي كيفك
صابر: مان راقي من الدروج ويسمع فيها
سمر: ههههه لالا غدوة بعد مانروح نتلاقو تعرف ستاحشتهم نبي نشري
صابر: كان واقف ومصدوم شن تقول هاذي؟
سمر:  سلام باي
صابر: خش عليها في مني تكلمي؟
سمر: صاحبتي خيرك انت هكي خاش
صابر: شن هما الي ستاحشتيهم
سمر: شي شي حاجات بنات
صابر: طلع وخلاها حس بروحه غلطان يخش ويفهم غلط
سمر: قعدة ترعش،،،، الحمد الله ياربي الحمد الله😖
.
.
.
.
.
.
.
ليلى: الحمد الله ع سلامتنا
جدها: هي نزلو الشناطي معاي
سلمى: نزلت الشناطي وجت خاشا
لبلى: شكلها زحمه عندهم؟
سلمى: شريني ترا
ليلى: شرينت شرينت
مرت بوهم: والنبي افتحي الباب يا سعاد
سعاد: فتحت الباب ونصدمت😳😳،،، ااااهلين ببنيات خوي وحضنتهمممم وتبكي
مرت: من في ع الباب!!!؟،،، وقعدة واقفة
ليلى: عميمه شن في هني؟
سعاد: بوكم جاه وليد ومدايرين لمة للعيلة هي خشو
ليلى: شبحت لأختها سلمى بكسرة خاطر بوي جاه ولد ومقالش لبناته الوحيدات 💔
سعاد: حست بانهم زعلو حبت تلطف الجو،، هي خشو سلم بنياتي
مرت بوهم: اهلين اهلين
سلمى: مبروك عليك المزيود
مرت بوهم: الله يبارك فيكم انشاء الله خير خيركم جيتو
ليلى: نزلت راسها ومعرفتش شن بترد
سلمى: والله الحوش حوش بونا نجوه امتى مانبو تمام
مرت بوهم: غر البسو حاجه قنينة قدام الضيوف متحشمونيش
سلمى: متخافيش مناش طالعين من دارنا،،،، خشو ركبو طول لدارهم
سعاد: عيب يا ثريا هكي غلط 😑.
ثريا: والله مقلت حاجه غلط ياحماتي
سعاد: غر خشي للضيوف توا بعدين ساهل
ثريا: اي
.
.
.
.
سلمى: حتى دارنا ناقصة وين الطاولة وووين الدب
ليلى: الدب لكبير وينه
سلمى: ماما جابتهولنا هدية وين رفعوه
ليلى: بالك حطاته في دار المزيود
سلمى: طلعت تجري تنادي فيها من فوق،،،، ثرييييييا ثريييا
ثريا: نقصي صوتك في نساوين معاش تعيطي ،،، شن تبي
سلمى: الدب متاعنا وين
ثريا: بدي لمعصومي ولدي انتم كبرتو
سلمى: وراس امي كان مترجعيشي لما نقتلك اليوم تعرررفيني
ثريا: خافت ،،، تلقيه في الغرفة فوق
سلمى: تفي شكالات مقلبة
ثريا: توا يبانلك يا قزمة غر يروحو النساوين
.
.
.
.
.
.
.
.سلمى: شافت تلفونها لقت فيه مسجات،،،( يسكنو في ،،،، ويشتغلو في السفر والسياحه وعندهم شركة استراد وتصدير )
..
ليلى: اطبق في ملابسها في الدولاب،،، خيرك تضحكي
سلمى: بتشتغلي خدامه🤭😂😂
ليلى: حذفتها بالقفطان،،،، وقت برادة توا😑
سلمى: خيرك والله نتكلم بجد
ليلى: شن تقولي انتي؟
سلمى: بتشتغلي خدامه في حوش ناس وح تتنكري يعني
ليلى: والنبي ارقدي شكلها الطريق ماثرة فيك
سلمى:  مش تبي تنتقمي؟🙂
ليلى: اي
سلمى: خلاص امالا اسمعي كلامي هذا كووويس لان انتقامك ح تعرفيه كيف 😑
ليلى: اي قولي
سلمى: ،،،،،،،،،،
.
.
.
.
.
.
.

.
.
كان صوت اغاني قوية وبنات ورقققص وسكير وفي وسطهم صابر طايح ومتخدر بالكامل مش قادر حتى يوقف من السكير والمخدرات😔🔥
محمد: صااابر خيرك
صابر: خلووني ارقصووو انتم وهيجو
محمد: قعمز جنبة ،،، انسى الموضوع
صابر: بنروووح اني
محمد: بحالتك هاذي ؟
صابر: اي تصبخو ع خير
محمد: وانت من اهله
صابر: طلع ركب سيارته ومشي
.
.
.
.
.
.
ليلى: ومني عطاك هاذي المعلومات؟
سلمى: عمر 🥺
ليلى: قاعدة تكلمي فيه؟
سلمى: اي توا مش وقته المهم نقولو لبوك منخدمو في معمل حلو وخار
ليلى: زعما يصدقنا؟
سلمى: توا نعرف كيل نقنعه
ليلى: لالا
سلمى: شنو اللي لالا🤨🤨🤨🤔
ليلى: #يتبع
.
تفاعلو🥰🥰🥰