قضية شرف🔥🔥

الحلقة السابعة🔥

قضية شرف⛅🔥
.
.
.
( الحلقة السابعة ) 💜
.
.
.
سلمى: اسفةةةة انسة سمر والله ماقصدي نخش هكي
سمر: ناضت من سريرها وشدة سلمى من كتفها،،، تعرفي لو نسمع انك معاودة حاجه ح نمسحك ع الوجود فاهمه ولالا
سلمى: حاضر تمام
سمر: اطلللعي
سلمى: طلعت وكانت مصدومة
سمر: قعدة تمسح في الكوكايين
.
.
.
.
.
.
ليلى: كانت كبدها زااااهقة ومش متحملة نفسها
كريمة: خيرك ليلى وجهك اصفر
ليلى: لالا ولا شي مدام كريمه غر ارهاق ممكن
كريمة: معقولة الوجه الناير هذا تخليه يصيرله ارهاق
ليلى: ابتسمت رغم الوجع 💔
كريمة: ديريلي فنجان قهوة وجيبيهولي في الصالون
ليلى: اها مافيش حد يعني؟
كريمة: لالا صابر فوق وراقد ومنذر طلع للشركة
ليلى: تمام
.
.
.
.
.
سلمى: ارفعيلها القهوة وتعالى نبيك
ليلى: شن في خيرك
سلمى: غر بررري
ليلى: تمام
سلمى: حوووووش قذر البنت متع مخدرات والولد تافه ساقط قليل ادب خزززي
.
.
.
.
سمر: حي عليا كان تمشي تعاود
معتصم: لالا حبي مدوري شي خدامه وتقدري كيف تسيطري عليها
سمر: وين انت؟
معتصم: في الشارع
سمر: تمام اسمع
معتصم: نعم
سمر: مرات غدوة نجيك فالشقة
معتصم: اها تمام
سمر: اوك
معتصم: باي
.
.
.
.
.
.
.
ليلى: حطت ايدها ع فمها ،،،، يحححححح
سلمى: وهددتني
ليلى: مش معقولة الحوش كلهم هكي
سلمى: اني خايفة ليلى
ليلى:  متخافففيش اني وانتي مع بعض
سلمى: اسمعي
ليلى: شنو
سلمى: زعمك حتى خوهم هكي
ليلى: منذر؟
سلمى: اي
ليلى: شفتة من بعيد بس واضح عليه الاحترام علاش تسألي؟
سلمى: اها لالا شي
ليلى: نسحابها كويسة وطيبة طلعت هكي
سلمى: اسمعي منعرفوش علاش وصلو للمرحلة هاذي
ليلى: صح الظلم مش باهي

ترن ترن ترن 📞📞

سلمى: الو حنينة 
حناها: وين يابنيتي لا تتصلو لا تكلمو لا شي كلتكم طرابلس
سلمى: لالا حنينة والله غر  نشغلنا
ليلى: عطيني نكلمها
سلمى: هاك
ليلى: حنينة ستاحشتك
حناها: اي والله مكانكم قعد
ليلى: تعالى انتي وجدي
حناها: لا يابنيتي مني بيعاني الدجاجات والحمام والمزرعة
ليلى: اي حق
حناها: هي بسلامه وردو بالكم على روحكم
ليلى: نشاء الله
.
.
.
.
.
.
سمر: مساء النور
عثمان: اهلا اهلا ببنتي الغالية
كريمة: ليلى درتو الشربة الخاصة بعمك عثمان
ليلى: تحط في الصحون ع الطاولة،،، اي مدام
صابر: كان نازل من الدروج ،،، مساء الخير
ليلى: سمعت الصوت وخافت خشت للمطبخ طول
صابر: خيرها هاذي 😐😐
كريمة: البنت ملتزمة متحبش تشوف رجالة
صابر: شني بوي عزوز امالا ؟؟
كريمة: بوك زي بوها واسكت معاش تحرج البنت
سمر:  وين منذر
عثمان: في الشركة بيعطل
سمر: بابا نبي نقولك حاجة
عثمان: نتعشو وبعدين ساهل
.
.
.
ليلى: اعوذ بالله من صوته ومن حركاته التافها
سلمى: عيلة خامرة
ليلى: خيرك انتي؟
سلمى: شي
ليلى: غر قولي خيرك
سلمى: ارفعي العصير وتعالي
ليلى: تعرفيني منطلعش وهو موجود
سلمى: خليه يشوفك
ليلى: لالا ،،،بدت ترعش مع بعضها
سلمى: اسمعي اللي نقولك عليه
ليلى: خاااايفة نشوفه
سلمى: اطلعي وديري زي ماقتلك
ليلى: طلعت العصير ويديها يرعشو وتقول في خاطرها،،،، يارب قويني ياررررب
كريمة: شكرا ليلى يسلم يديكم ع الاكل الحلو
ليلى: صحتين ع قلبكم
صابر: كان ياكل وشاف ليلى كيف تحط في العصير
ليلى: كانت قوية،،،، شافت لصابر نظرة مقززززة
صابر: #يتبع
.
.
.
في حلقة تانية بعدين تفاعلو 💜💜💜🔥