قضية شرف🔥🔥

الحلقة السادسة🔥

قضية شرف ⛅💔
.
.
.
.
🥇روايات ولد الكاتب🥇
.
.
( الحلقة السادسة ) 💜
.
.
.
صابر: نزل من السيارة وكان دايخ تماما
محمد: قام الراجل وركبه السيارة وطول مشي بيه للمستشفى
صابر: كان مقعمز ويفكر
الراجل: كانت اصاباته خفيفة مش هلبا
محمد: استحمل ياحاج قريب نوصلو للمستشفى
الراجل: كان مدمدم ودايخ
.
.
.
.
.
ترن ترن ترن
كريمة: الو وينك صابر عطلت
صابر: يمه شوية ونروح
كريمه: شن صوت اللي جنبك
صابر: اني في المستشفى مع محمد ضرب راجل بسيارة
كريمه: غباااارتي ،،، شن صار فيه الراجل
صابر: لالا اموره طيبة غر صكري توا
كريمه: تمام
.
.
.
.
.
.
⛅ ثاني يوم ⛅
ليلى: خشت هي وسلمى للمستشفى بدير تحاليل
سلمى: كانتخايفة ع اختها لو طلع الموضوع اللي في راسها صح يعني كيف بدير وكيف بتتصرف 💔
ليلى: صباح النور دكتورة
الدكتورة: تفضلو
ليلى: نبي ندير تحليل تام
الدكتورة: يعني شيك اب ؟
ليلى: مفهمتش الكلمة ،،،
سلمى: اي اي
الدكتورة: تمام عطيني الفلوس
ليلى: عطتها لفلوس،، لمحت شخص نازل من الدروج
سلمى: خيرك شن في؟؟؟
ليلى: اهوااا اهواااا هو نفسه
سلمى: مني؟؟
ليلى: الحقير التافه الللللقذر
سلمى: وينه؟
ليلى: نازل من الدروج
سلمى: اهدي ،،، شكرا دكتورة
الدكتورة: العفو
.
.
.
صابر: الحمد الله ع سلامتك ياحاج
الراجل: الله يسلمكم ياولادي
محمد: سامحنا ياحاج بالله عليك
الراجل: مسامحك انت اللي سامحنا الله غالب لعيون بلهون اني ومشفتش السيارة قصيت طول
صابر: طلع فلوس من جيبة،،،،تفضل ياحاج
الؤاجل: بارك الله فيك ياولدي الحمد الله مستورة
صابر: متردهمش 🙂
محمد: وين نوصلوك توا
الؤاجل: لالا حوشي قريب من هني مش بعيد صحيتو
محمد: لالا والله لين نوصلوك
الراجل: تمام ،،، طلعو وركبو السيارة
.
.
.
.
.
.
الدكتورة: المدام ليلى؟؟
ليلى:  ناضت لما سمعت كلمة مدام يعني صح تفكيرها
الدكتورة: تفضلي تحاليلك واتيات
سلمى: ناضت مع اختها وخشو للحجرة
الدكتورة: الف الف الف مبروك حامل
ليلى: حست برعشششة من رجليها لراسها ومعاش عرفت شن ترد
سلمى: حطت ايدها ع فمها ،،،، متأكده دكتورة؟
الدكتورة: اي اي متاكده عندك الفيتامين د ناقص شوية وعندك هبوط في الدم يعني اشربي العصير وهكي
ليلى: خدت الورقة وطلعت تجري
سلمى: هههه ياناري من الصدمه ليها قريب5 سنين محملتش
الدكتورة: ردي بالك عليها بس
سلمى: شكرا دكتورة
ليلى: طلعت وقعدة تبكي قدام المستشفى تبكي
سلمى: خلاص ليلى استهدي بالله
ليلى: ااااااه ياوخيتي مني بيا
سلمى: اني معاك
ليلى: استندت ع اختها وطلعو وقفو تاكسي
سلمى: لو سمحت ارفعنا ل ،،،،،،
التاكسي: تمام
ليلى: علاش بتمشيلهم ولا كيف
سلمى: حني نزلنا من الجبل ع خاطر الموضوع هذا ليلى انتي مش اول وحده ولا اخر وحده يصيرلها موضوع زي هذا حققققك تااااخديه
ليلى: تشجعت بأختها ومسحت دموعها ،،، تمام ..
.
.
كان الوجع الداخلي عند ليلى اصعب من كل شي كانت تفكر ان صابر عايش حياته وهكي متندريش انه قاعد يتعذب بعد اليوم الاسود💔
.
.
.
.
.
كريمة: اهلين بيكم
سلمى: بنسالك مدام كريمة
كريمة: كانت تلبس في الكعب متعها،،، تفضلي؟
سلمى: امتى نروحو
كريمه: تفاهمت اني وعمكم عثمان من غدوة يجيبكم السواق ويروح بيكم
سلمى: اها تمام
كريمه: يلا اني نستاذن بنمشي للجمعية قاعدة معاكم سمر توا تفهمكم شن اديرو وشن ماديروش
سلمى: تمام
ليلى: كانت مقعمزة تسمع بس مش مصدقة شي ولوين وصلت كانت حالتها النفسية تاعبة هلبا
.
.
.
.
سمر: اهلين سلمى وليلى
ليلى: شافت لسمر،،، اهلين بيك
سمر: هذا الزي الخاص بيكم محتشم وبحجابه
سلمى: اها يعني مش ح نلبسو لبسنا؟
سمر: لالا الزي انسب ليكم
سلمى: اها تمام
سمر: بدلو لبسكم في غرفة المطبخ الداخل وتعالو نقوللكم شن اديرو
سلمى: تمام اوك ،،،
.
.
.
.
سلمى: متحرقيش اللي درناه كله اضحكي وابتسمي
ليلى: ضيق لبسهم
سلمى: هذا الزي الخاص للخدامات البسي واسكتي
ليلى: لبست وين حجابه؟
سلمى: هاك هذا الحجاب
ليلى: دارت اللفه الخاصة بيها،،، اسمعي
سلمى: نعم؟
ليلى: كان يشوفني ؟
سلمى: اسكتي فال الله ولا فالك
ليلى: نبي نفهم شن الشجاعة اللي عندك هاذي كلها
سلمى: اللي في القلب مايعلم بيه الا ربي
ليلى: هي نطلعو
سلمى: تمام
.
.
.
.
.
سمر: مشاء الله طلع عليكم بالزبط طبعآ الدور هذا فيه المطبخ زي ماشفتو وسفرة الاكل يعني الساعة 8 تكونو هني لان بابا والاولاد يكونو موجودين ع سفرة لفطور الساعة 9 اي والغذاء حتى هو الساعة 2 يكون كل شي واتي والعشاء الساعه 8 بالزبط
.
سلمى: اها تمام وشن تاني
سمر: اي الدور الثاني فيه غرف النوم يعني كل يوم ضروري ماديرو لفة ع غرف النوم 😊
ليلى: والدور الثالث؟
سمر: الدور الثالث لخوي لكبير صابر ميحبش من يقربه تمام متفاهمين
سلمى: تمام
سمر: هي ايديكم ع الغذاء 🙂
ليلى: وبتبدا تتأمر علينا
سلمى: اسكتي ،،،، تمام انسة سمر
.
.
.
.
.
.
صابر: خش شاف سلمى ترتب في سفرة الاكل ،،،، مني انتي؟
سلمى: شافتله بكل برود،،، اهلين بيك اني الشغالة الجديدة
صابر: شافلها لقاها تشبه لليلى قعد واقف ومصدوم وكأن جمال ليلى فيها
سلمى: احم احم ،،، في حاجه استاذ
صابر: ااا لالا شي مرحبتين بيك،،،، وركب غرفتة
سلمى: خززززي قذر
ليلى: كانت في المطبخ ادير في الغذاء
سلمى: خشت،،،، وسخخخخخخ
ليلى: شافتلها،،، نبي نقتله
سلمى: خيرك انتي هبلتي؟
ليلى: نبي نقتتتتله هكي نشوفه يتعذب باش يرتاح ضميري
سلمى: اهدي حني مش جايين باش تقتليه حني جااين ناخدو حقنا
ليلى: حق شني؟؟؟؟ فهمييييني
سلمى: حقك وحق الطفل اللي في بطنك ومش وقته الدوة هاذي
.
.
.
.
.
كريمه: خشت وشمت ريحة لوشق والحوش نظيف زي الشمامه ،،، مشاء الله تبارك الرحمن
عثمان: صكر الباب،،،، اي وشق وجو
سلمى: اهلين مدام كريمه الغذاء قريب يكون واتي
عثمان: شافلها ،،، مشاء الله تبارك الرحمن انتي الخدامه الجديدة ؟
سلمى: اي استاذ عثمان
كريمه: اوك تمام جهزوه وشوية وننزلو
سلمى: تمام
.
.
.
.
.
منذر: مساااااء النور
كريمه: هي تعالى قعمز تغدى
منذر: وين صابر ؟
عثمان: شوية وينزل
منذر: شن الريحة الطيبة هاذي
عثمان: اي ههههه
كريمة: صحتين وهناء
سلمى: مدام كريمه
كريمه: نعم سلمى؟
سلمى: لو سمحتي عندكم خيط شحن غر تلفوني تم شحنه
منذر: تلفت وشاف سلمى قعد يشوفلها وعيونه قلوب قلوب
سلمى: فهمت الوضع
كريمه: شن تلفونك؟
سلمى: بيلة
كريمة: اها لالا معنديش الحق
سلمى: تمام صحتين وعافية
منذر: كان مصدوم في الجماال والبراءة
ليلى: احسن شي عندهم زوز غسالات اماعين
سلمى: تعرفي تستخدميها؟
ليلى: عادي ساهله مش صعبه
صابر: خش بيشرب امية
ليلى: خشت لغرفة المطبخ بدون ماتشوفه
سلمى: محتاج حاجه استاذ صابر؟
صابر: لالا بس بنسالك؟
سلمى: تفضل
صابر: اختك او امك اللي خشت توا
سلمى: اختي ملتزمه فهمت متحبش تشوف رجالة او تسلم عليهم
صابر: تمام ،،، وطلع
.
.
.
.
.
.
بوها: وين لبنات؟
ثريا: طلعو مشو للمعمل
بوها: قصة المعمل هاذي مش مرتاحلها
ثريا: الله غالب خليهم يساعدوك في المصروف
بوها: كيف حال الولد
ثريا: امس مخلانيش نرقد وهو يبكي
بوها: ههههه سلم ولدي باش تكبر وتخدم مع بوك وتبظا راااجل
ثريا: اي نشاء الله
.
.
.
.
.
سمر: كانت حاطه كوكايين في ورقة وتشم فيها 😳💔
سلمى: طقت الباب وخشت
سمر: من الخلعة طاحت منها الورقة وطاح الكوكاين ع الارض
سلمى: شافت ونصدمت
سمر: كيف تخشي هكي انتي؟
سلمى: #يتبع 💜
.
.
تفاعلوووو🍒❤