قضية شرف🔥🔥

الحلقة الثالثة عشر🔥

قضية شرف ⛅🔥
..
..
..
🥇 روايات ولد الكاتب 🥇
..
..
( الحلقة الأخيرة ) 🔥❤
..
..
..
ليلى: اي موافقة
بوها: به علاش مش من الاول قولي
ليلى: بابا افهمني الزواج مستقبل وضروري مانفكر كويس صح ولا
بوها: خلي نرد ع الراجل عثمان بو صابر
ليلى: نحت عبايتها وخشت للدار
سلمى: لحقتها،،، احكيلي شن صار
ليلى: تغيررر هلبا
سلمى: كيف يعني
ليلى: نوضي صكري باب الدار
سلمى: اهو صكرتة تكلمي
ليلى: ،،،،،،
.
.
.
.
.
عثمان: انشاء الله على خير ياحاج
بوها: مرحبتين بيكم
عثمان: هي سلامات
كريمة: غر قول شن صار
عثمان: البنت قبلت قبلت
منذر: اي بنت نشاء الله ليلى ؟
عثمان: اي اي
كريمة: يروروروروروي
سمر: خيركم شن في شن الزغاريط؟
كريمة: ليلى قبلت بخوك
سمر: اها كويس ربي يهنيهم
كريمة: عرسك انتي وخوك مع بعض
منذر: واني
كريمة: شني انت هني روحك مزال
منذر: ههههه به به
.
.
.
.
ترن ترن ترن
صابر: الو اهلين
لميس: وين انت ؟
صابر: اهو كيف جايك وانتي عششتي
لميس: هي حبي تأخرت
صابر: صكر عليها ،،،، شن هالحصلة
لميس: كانت ترضع في البيبي متعها
.
.
.
.
.
.
.
.
سمر: الو وين انت
صابر: شوية ومروح للحوش
سمر: اها غر بنقولك بو ليلى اتصل بي بابا وقاله تفضلو قبلت ليلى
صابر: بجديات؟
سمر: اي
صابر: به نروح توا نهدرزو هي
سمر: سمعت صوت بيبي يناغي بس كدبت،،،،، تمام تمام
صابر: هوها ياهوها اسكت اسكت
لميس: عذبني اليوم عذبني وهو يعيط
صابر: نشاء الله غر قاعد صغير
.
.
.
.
.
.
⛅ ثاني يوم ⛅
..
..
سلمى: مرحبتين بيكم تفضلو تفضلو
كريمة: سلمك سلمى
سمر: خشت وحضنت سلمى
ثريا: شاده ولدها ،،،، اهلين بيكم تفضلو
كريمة: يزيد فضلكم
.
.
.
.
ليلى: طلعت سلمت ع كريمة وسمر ،،، انستونا وشرفتونا
كرينة: لاحظت ببطن ليلى زايدة شوية،،، اهلين بالعروس
ليلى: ابتسمت وفرقت عليهم القهوة وقعمزت
..
..
...
...
..
..
صابر: كان مقعمز ويبي يدير نظرة شرعية ويستنى بالساعة والدقيقة باش يشوف ليلى الله مغير الاحول
بوها: ليلى ليلى
ليلى: نعم بابا
بوها: البسي حاجة وتعالى يبي يشوفك الراجل
ليلى: قلبها دق ولأول مرة تجري باش تشوف صابر،،
صابر: قعد مقعمز وطلع بوه وبو ليلى برا
ليلى: جابت القهوة مدتله وقعمزت 😊
صابر: ستاحشتك
ليلى: تحشمت
صابر: هاك هذا تلفون جديد وفيه شفرة
ليلى: لالا شكرا
صابر: مافيش شكر انتي من اليوم وليتي مرتي
ليلى: خدت الكيسة وجت بتنوض شدها صابر
صابر: اسف ع كل جرح سببتهولك
ليلى: ابتسمت وخشت
.
.
.
.
.
.
.
.
.
ترن ترن ترن
ليلى: كيف نرد
سلمى: هكي من العلامه الخضرة وحركيها هكب
ليلى: الو اهلين
صابر: خيرك سنة باش تردي
ليلى: تحشمت،،، ماهو منعرفش نرد
صابر: اها كويس شن الجو
ليلر: تمام الحمد الله
صابر: كيف حال صغاري
ليلى: 😔
صابر: الو
ليلى: معاك معاك
صابر: خيرك
ليلى: لالا شي
صابر: حس بيها حزينه حب يغيرلها جوها
ليلى: فاتت هدرزتهم اكثر من ساعتين زادو تعرفو ع لعضهم وزاد علمها كيف تتكلم بتلفون وهكي
.
.
.
.
.
.
.
فاتت ايام وزادو تعرفو ليلى وصابر ع بعضهم اكثر واكثر تعلقت ليلى بيه هلبا وتفاهمو يديرو العرس في اسرع وقت لان متبيش بطنها تبان اكثر واكثر زادت حبت صابر وشافت الطفل الموجود داخله زادت تعرفت ع القلب البرئ اللي داخله بس شن قصة لميس😳؟
.
.
.
.
.
لميس: الو صابر وراس امك محمد ولدي حرارته مرتفعه بنموت عليه خايفة راني بنهبل
صابر: اني جاي مسافة الطريق
.
ترن ترن ترن
ليلى: خيرك انتظار ؟
صابر: لالا غر كان يكلم فيا محمد اهو ماشيله
ليلى: توا ماشي لمحمد الساعه قريب 3
صابر: اي عادي شن فيها
ليلى: تمام به كلمني لما تروح
صابر: مسح وجهه من لعرق
.
.
.
.
صابر: وينه مح وينه ؟
لميس: دفاته ع الصالون،،،، معقولة جاي ع خاطر محمد بس مش ع خاطري
صابر: شافها كانت لابسة روب عاررري هلبا ،،،، قصدك جايبتيني هني ومحمد مش مريض ومافيشي شي😐😐
لميس: صابر مش معقولة هكي وبدت تقيم في رجلها فوق
صابر: جي بيطلع بس شداته من سوريته وباساته
صابر: ذاااب فيها وكمل الموضوع💔💔💔
.
.
.
ترن ترن ترن
خدت لميس تلفون صابر وداراته صاكت وهو رقد في سابع نومه 😷
لميس: صورت سيلفي هي وياه وهو راقد وحفظتهم في هاتفها
ليلى:   بعد اكثر من 70 مكالمه صكرت تلفونها ورقدت
.
.
.
.
٠
⛅ الصبح ⛅
صابر: ناض مخلوع خدي تلفونه لقي فيه 76 مكالمة من ليلى اتصل بيها لقاها مقفل
لميس: كانت راقدة
صابر: نوضها ،،، والله لما نوريك هذا اللي يدير فيك الخير ياكلبة
لميس: صاحبك موصيك عليا ولا
صابر: الله يرحمك يامعتز وضربها كف
لميس: قعدة تبكي
صابر: لبس ونزل من العمارة
.
.
.
.
.
.
سمر: الو صابر خيرك متردش
صابر: كنت راقد في حوش وليد
سمر: ليلى قالبه عليك الدنيا امس في الليل
صابر: به به توا نكلمها
سمر: تمام ،،وصكرت
.
.
.
.
سلمى: ليلى نوضي ليلى
ليلى: نعم خليني راقدة متأخر
سلمى: خيرهم عيونك؟
ليلى: شي شي
سلمى: صابر: اتصل بيا يسال عليك
ليلى: فتحت تلفونها واتصلت بيه
صابر: صباح النور
ليلى: وين كنت؟
صابر: والله مع ولاد رقدت
ليلى: كدااب محمد مش معاك
صابر: ماهو مشيت لولاد وسهرنا ورقدنا
ليلى: حست بتناقض في الكلام
صابر: خيرك عاد الاسبوع الجاي عرسنا
ليلى خليني نوض نغسل وجهي ونكلمك
صابر: تمام اسمعي اسمعي
ليلى: نعم
صابر: بنجي بنطلعو نفطرو اني وياك وسلمى
ليلى: لالا فوتها
صابر: اهو قريب نوصلكم وتو روحكم،،،وصكر الخط
...
...
...
...
...
كريمة: ربي يهنيهم
سمر: اي والله
كريمة: وين خوك منذر
سمر: راقد قاعد
كريمة: ياناري تعب في تعب
سمر: خليه يرتاح ياناري
.
.
.
.
ليلى: محلاه لمكان
صابر: عندهم افطار مش عادي
سلمى: جاياته اني ومنذر😌
صابر: هههههه سبقني الكلب
ليلى: ههههه
صابر: بنخش للحمام شوية ونجي
ليلى: تمام
صابر: وصله مسج ع الواتس
ليلى: شافت المسج قررت تفتح وتشوف شن مكتوب وفتحت ولقتهم الصور اللي صورتهم لميس لما صابر راقد ومكتوب عليهم( حلوات طلعو) 😨😨😨😳
سلمى: خيرك ليلى شن في
ليلى: ايديها بدو يرعشو وتبكي
صابر: جي ،،، خيركم شن في
ليلى: وسسسسخ
صابر: مني اني؟
ليلى: قذرررر حقيرررر كلببب شن تبيني نقولك اكثر علاش بس علاش
صابر: غر افهمي ياليلى افهمي والله مرت صاحبي المتوفي اسمه معتز والله
سلمى: اهدي ليلى الناس تتفرج
ليلى: ناضت بتروح
صابر: ليلى افهميني بالله عليك
ليلى: ضرباته كف وزادت عطاته الثاني
صابر: واقف ومصدوم والناس كلها تشوفله في الكافي
سلمى: غر فهميني
ليلى: شن بنفهمك البي بايت نع وحده امس والله عرفت واحساسي قالي
صابر: هي خدرتني والله هي
ليلى: هي سلمى هي
سلمى: لحقت اختها وقفو تاكسي وروحو
.
.
.
.
.
.
ثريا: خيركم اللطف
ليلى: خشت وقربعت الباب
ثريا: بشوية ع الباب كسرتيه
سلمى: لحقت اختها ،،، غر صلي ع النبي
ليلى: شفتهم الصور بعيني ياسلمى بعيني
سلمى: نحت عبايتها وتصلت بمنذر
منذر: نعم .
سلمى: شفت شن صار
منذر: شن صار شن في ؟
سلمى: خوك امس بايت مع وحده
متذر: كيف كيف
سلمى: ،،،،،،،،،،
.
.
.
.
.
.
صابر: ركب للعمارة وضرب الباب برجله وطلعها من شعرها
محمد: غر صلي ع النبي
صابر: توا تلبسي حاجة فوق راسك وتجي تواااا
لميس: خشت تجري وطلعت ولدها وركبت معاهم
صابر: ياكلبة اني تصوريني؟
لميس: اسفة صابر والله ماقصدي
صابر: اديري اللي بنقولك عليه والله ورحمة معتز لما ندفنك في ارضك
لميس: قعدة شادة ولدها وخايفة
.
.
.
.
.
سلمى: مني هاذي؟
صابر: نادي ليلى
سلمى: منبوش فضايح قدام الجيران وبابا شوية تاني ويروح من العمل
صابر: ضبحي ع ليلى
ليلى: تفضل شن تبي؟
صابر: تكلمي تواااا
لميس: تبكي اني مرت صاحبة المتوفي والله مابيناتنا حاجه امس اتصلت بيه في الليل ع اساس محمد ولدي مريض وعطيته منوم وصورته والله
ليلى: علاش درتي هكي شن استفدتي؟
لميس: نبيه بس لان معتز مات نبي صابر هو اللي يصرف عليا وع محمد والله صابر راجل ويحبك والله
ليلى: شافت لصابر وابتسمت
صابر: فهمتي توا
ليلى: فهمت
صابر: معاش تتسرعي
ليلى: حاضر
صابر: كان واقف لين حس بعصاة ضرباته ع راسة
ليلى: حنننننينة وحضنتها
حناها: مني هذا يابنيتي معندناش بنات يوقفو ع الولاد
ليلى: خطيبي هذا
حناها: اي والله كيف حالك
صابر: قعدة توجع فيه ضربة العكوز ،،، باسلها ايدها وهذرز وروح هو ومحمد ولميس
.
.
.
.
.
.
ليلى: علاش محكيتليش ع صاحبك معتز
صابر: معتز صاخبي قديم يتيم الاب والام حب لميس وتزوجها ومات في الحرب لميس قعدة هي وولدها بروحهم اني نصرف عليها
ليلى: ياروحي سخفتني
صابر: قلبك طيب
ليلى: هههههه بنفتح فيك قضية
صابر: شن بتسميها؟
ليلى: امممممم
صابر: حبيت مجنون
ليلى: قضية شرف
صابر: علاش بالتحديد الاسم هذا
ليلى: لان فيه هلبا قضايا مطروحه
صابر: ههههه نحبك
ليلى: حتى اني
...
...
...
تزوجت ليلى وصابر وعاشو حياة سعيدة بعد معاناة وضياع والاعيب واكاذيب ❤
..
..
بعد زواج ليلى وصابر تززوج محمد سمر ودارو عرس مطنطن وكل الناس كانو متفاجئين بحمل ليلى السريع وهما ميعرفوش الحقيقة 💜
..
..
..منذر طلب ايد سلمى للزواج وقاعدين مخطوبين ويهبلو الزوز احلى كوبل في العائلة منذر بيهبل ع سلمى وسلمى بتهبل ع منذر 💜
..
..
ليلى جابت زوز توامه وليد وبنية زي لعسل واحد سمو معتز والبنت زهرة ع اسم ام ليلى المتوفية 💜
..
..
..
..

• ضروري مانتعمقو في الشخص باش نعرفو حقيقته الوجوه خداعة والقلوب مش صافية لازم مانعرفو الشخص هذا ونعرفو شن السبب اللي خلاه هكي ❤
..
• الفرصة الثانية مش يعني الهزيمه لا بالعكس تعني انك شجاع ومقاوم وهكي دارت لليلى مع صابر ❤
..
• خليكم واثقين من نفسكم ماتكونوش طيبين زيادة ع اللزوم واقوياء لدرجة الشر وحنينين لدرجة الاوفر ❤
...
•النصيحة واجبة علينا مرات نصيحة صغيرة تغير حياة شخص محتاجها للأفضل ضروري مانساعدو بعضنا ولو بنصيحة  وهكي زي اللي صار مع ليلى وسمر ❤
..
..
• بغظ النظر ع حالتك المادية متتكبرش ع الناس وتدفع روحك للتهور والضياع والمخدرات ❤
..
..
وهكي نقدر نقوللكم🔥
( الحياة صعبة بس بطبعنا نحلوها) 🔥🔥🔥🔥
..
..
مع تحياتي :
🥇ولد الكاتب🥇