أبو عائشة

البارت الأخير

غادة جاية فبيتها كادوي معاه فالطيلي وخدودها بالحشمة حمارو وقالت: لا لا لا ابلال مانقدرش

 

رد بعصبية: وااش باغة تحمقيني اعائشة، رااه باك باغي يلسقك حداه حياتك كلها محاساش بهادشي..خااصك تگولي باللي موافقة وباللي حتا نتي كاتبغيني بااش يفهم رااسو شوية ويخليك تشوفي حياتك حتا نتي

 

حزنو ملامحها كتر وردت: انا هاد الحالة ماباغاهاش ابلال وكون تشوف الدموع اللي بكيت.. ولكن باش نگول آه باغاك قدام با ؟ مانقدش را كانحشم منو

 

رد: وهو كاايحشم منك؟ السيد رافض واحد كايبغيك وكاتبغييه للحلاال هادشي ماشي حشومة

 

رمشات بارتباك وقالت:ك كان خاصك ماتجيبش واليديك دابة ..تسنا حتا تصلح الامور بيناتكم بعدا عاد ديك الساعة جيو

 

بلال: اياااه عاارفة داك باك باش نكسب خاطرو شحال خااصني من عاام ؟ واقلة عشر سنين وشوووف تشووف

 

ردت: ايوا تسنا عشر سنيين ماالك

 

رد: ياااك الالة

 

قرمات فمها و تتعض شفايفها بتوتر وهو بحدة قال: شوفي فيا

 

ردت: كانسمعك شنو

 

بلال: وااشووفي فيا

 

باستغراب: كيفاش شووفي فيا يااكما جيتي لهنا وطالع عدي ..وييلي ياااكما جاااي

 

بنفاد صبر: عاائشة ضووري

 

ضارت للسرجم تتقلب، عينيها خرجو وفمها تحل بالصدمة فاش لقاتو على السرجم ديال بيتو حاضيها والتخنزيرة بين حجباانو

 

ردت: ن نتاا ك ك كيفاش ! من ايمتااا ونتا كااتراقبني؟ اااويلي واااش هاديك بييتك 

 

رد مخنزر: سمعي الاالة عائشة ولا زهيرو ولا منعرف " وساعو بلابل عينيها بصدمة تانية وهو بتهديد قال" غاايعييطو ليك ماالين الداار.. غاتنزلي تگولي ليهم باللي موافقة على هاد التزوييجة تباارك الله ...مابغيتيش..حدي غانجيب معايا تيليفوني ونجي عدكم نييشان ونحل المكالمات اللي مسجلين عندي بينناتنا وهضرتك المحلونة يالااالة..وميساجاتك وهضرتنا كلهااا غانحطها لسي بوبكر فوق الطبللة..شتي حتا من الخرجة اللي درنا اليووم والخاتم اللي بااقي فصبعك والبوسة اللي بستك ؟ كلشي غانعاودو ليه بالتفصيل الممل