أبو عائشة

البارت الخامس

غززات سنانها عايقة بشنو بغا يقصد وصرفو اللي رجع بالتي هي أحسن: ولد الحراام

عراضت ابتسامتو المستفزة قدام وجهها ..اما الحاضرين قطع قلبهم سوا عزيرات ولا مزوجات والدراري گاع اللي هاز شي ضربة فقلبو راه فكرها فيه تا من المرا اللي بغات دخل بخيط بيض عز عليها وحشمها فنفس الوقت من القرب بينو وبين عائشة وبدات تمتم وعينيها فالارض

المرا: وواصافي ابنتي صافي صفي الخواطر راه راجلك ومايحن علك حد من غيرو باراكة غاللي داز عليكم

ضارت ليها وقبل ماتبدا دوي جرها مدرعها وقال بحصرة: خاصها غير تمشي معايا لدارنا تما غاندويو فراحتنا ونحلو مشاطلنا

عائشة طلعات فيه الراس صفرة: اااشمن دااار واااش نتا مسطي

المرا: سيري ابنيتي لداركم وتفااهمي مع رااجلك بينك وبينو ماشي فالشانطي ويلي حشوومة

قالت مرا خرا وعائشة موسعة فيهم العينين وحالة فمها: اتوما بناات هاد الجيل بااغين طيرو يااربي السلاامة عطاك الله بلارة هاز هباالك وتاتنفخي على النعمة

بسم للمرا عجبو الحال: شكرا اخالتي شكرا

....: العفو اولدي، والله كون كتي باقي عزري وماتسالني حلوف تانزوجك ببنتي مونى راااها فين واگفة "البنت حنات وجهها حشمانة گاع الدراري شافو فيها ومها تتشكر وتعاود" الزيين والتبااتة والصوااب والادااب "شافت فعائشة بنص عين" سااعة ربي كايعطي للفول غالي ماعدو سنان

عائشة: هااااا؟؟؟

بسمات مونى علامن كانت داوية وقالت حشمانة: ايوا راه ربي حلل ربعة امي هههه

بلال طلع حاجب وعائشة تنترات منو و خرجات فيها عينيها: ايااااه ولهيلا انا ااختي قاابلة بالدرة غاازيدي خووديييه الى عاجبك خووكيه ربحي بييه

ردت البنت: امم علاهانا كرهت

جرها معنقها تعنيقة العصارة وتايضحك ضحكة صفرة: الله يكبر بيك اخالتي ولكن اشغاديري الحب اعمى

....: ماالو اوليدي؟؟