أبو عائشة

البارت السابع

قلبها خبط ويديه بنعومة سارحة على خدها كيف نظراتو لعينيها..بسم بهدوء وقرب لنيفها باسها منو ساد عينيه وفمها زاد تحل ببهطة اما قلبها خبط بعنف خبطة وحدة 

 

بعد عليها بخطوات اللور وببسمة جانبية قال: الواليد مكاينش..العشية غايدخل تما عاودي رجعي

 

رفرفات رموشها ببلاهة: هاا

 

وساعت ابتسامتو ورجع قرب ولهان بشوفتها قدام عينيه: مساخياش بيا؟

 

ردت: م م ما م.. بعداتو عليها وخرجات كاتجري ..سد الباب متكي عليه بضهرو ومبسم بارتياح.. حتا قاطع عليه الجو صوت التيليفون خنزر وجبدو منيرڤي شاف الرقم وجاوب: ديما مخسر اللقطة تاماالك هاكا مااالك 

 

خالد: هاد المرة مقادها اصااحبي كون هااني

 

كمش حجبانو: علاش كاتهضر؟

 

خالد: نتا فداركم؟

 

بلال: علاش

 

خالد: انا فالدرب جاي عندك..اجي طيبتو الغدا

 

رد: صايميين آجر اخويا سير للقهوة ديال الدرب تسناني تما

 

خالد: ياااك..عرفتي كون تشوف شمن خبار جايب ليك تعرض عليا لأحسن ريسطو فكازا

 

كمش حجبانو بتدكر وقال: بلاتي بلاتي ماحدك صونيتي نسولك.. الجاگوار واش خليتها فالبار ولا مشينا لشي بلاصة خرا

 

خالد وقف بلاصتو حال عينيه وريقو نشف: هاا

 

بلال: هووظ.هزيتيها ياك اميدروس وااخا تسنا انا جاي نتفاهمو

 

خالد: ا اهزيتها على قبلك الصاحيب باش نفك لك موشكيلتك

 

بلال: سير قلب على شكون يفك لك مشكيلتك معايا الصاحيب بلاتي انا جاي لك

 

خالد:ا ا الو.. الو الريزو خاسر دوز دوز للقهوة 

 

......

دخل سي بوبكر هاز الغدا فيديه ومخنزر كعادتو..دخل للكوزينة قاد الكاسكروطات فالطباسل وهزهم للصالون مع الكيسان وقرعة الموناضة..حطهم وبرك كايعيط بالجهد وصوتو حرش كايزعزع: عااائشة..عااااائشة