دخلت الواتس لقيت مرسل لي صاحية؟!
طبعا استغربت شوية وقلت في قلبي لو نايمة بصحاا ليك انت بالذات. 😂😂
رسلت ليهو لا لا لسة لكن ح انوم بعد شوية... 😊 طبعا عاملة فيها البت التقيلة وانا من جوة الانبراش واصل الحد الاخييييير 😂😂😂😂😂
قام قرأ الرسالة وما رد علي... يلا بقيت مقلقة يا ربي مالو 😐😐 اجي يا ربي كتبت شي غلط ولا النت ضعيف ولا شنو 😐😐😐💔... طوالي رسلت ليهو مالك في شي.. ؟!😊 قال لي لا لا بس والله زهجان شديد وقافلة معااي لمن بهناك.... قلت ليهو حاول احكي وفضفض مع اصحابك او الناس القريبة منك ح ترتاح صدقني.. 😊 ( انا كضابة قصدي يحكي لي انا دي مالي ومال اصحابو كمان 😒) ضحك قال لي ااه وين يااا م بقدر والله 😊 قلت ليهو لييية.. 😐 قال لي عشان كل الناس شايفة انو حياتي زابطة شديد واموري دسيسة واي شي ماشي تماام وخاتيني حاجة كدا يستحيل تحس بخوف او قلق او توتر... جربت مرة احكي بس لقيت انو الناس بتقول لي معقول انت احمد ياخ وتقول كدة طيب نحنا نعمل شنو.. من اليوم داك كسرت الحنك وبقيت باكل ناري برااي زي ما بقولوا 😊😊.... قلت ليهو شكلك حياتك زابطة شدييد 😍😍 ضحك قال لي هسي من الكلام دة كلو طلعتي بالحاجة دي 😂
قلت ليهو غايتو انا م بعرفك بس ممكن تحكي لي ااي ما بقدر اساعدك بس علي الاقل بتكون حكيت 😌😌 قال لي زاابط يا زولة قداام ✊✌ ...قلت ليهو انا اي مشكلة وعندي ليها حل طوالي بزبط صحباتي لو عندهم مشااكل 😌 قال لي والله ما ظاهر عليك 😂😂 الحيوان قذف جبهتي 😹 قلت ليهو في داعي للاحراج دة هسي لكن والله ح تشوف براك ما عايزة اتفشخر انا 😌😂
قال طيب ح نشووف ✊😊..
بعد شوية ظهر لي انو بيسجل رسالة صوتية... عاد انا غلبتني القعدة بقيت واقفة في نص السرير وبقول ووب ووب الليلة ووب داير يسجل لي ريكورد 😭😭 وااي وااي لا لا كدة كتيير توو ماتتش... 😢💔
اختي جات داخلة عايزة تنوم. .. طبعا بننوم في اوضة واحدة 😒 جات داخلة لقتني واقفة في نص السرير وبقول اححي يا لطيف ووب... بقت تعاين لي 😐😐😐 قالت لي الجن ولا النفسيات 😐😐 والله نوعك دة ما لاقني في بشر 😐 قلت ليها انا ما بشر انا جن 😒😒 قالت لي والله حقك كعب يختتتي 😂
مشت رقدت م اشتغلت بيها .😒 يلا رسل لي الريكورد قمت قعدت في نص السرير والابتسامة دي ما تديك الدرب 😌 طوالي دخلت يدي تحت المخدة طلعت السماعة دخلتها وقلت بسم الله 😂 وفتحت التسجييل 😂😂
ووي ووي صووت زي صباح العييد والعجب لما قال لي يا سلمى بس حردت اسمي من زول غيرو اححييي بسس صووت الصلاة علي النبي ظاهر انو هيبة كدا وفخامة وترطيبة ووي ووي بقيت فاتحة خمشي وسرحانة بتخيل فيهو وهو بيتكلم 😂😂😂 الساعة الحسيت ب اختي ضربتني بالمخدة قالت لي اطفي النور دة دايرة اتخمد 😒 قلت ليها حاضر حبيبتي 😌😌 قالت لي شنوو 😐😐قلت ليها شنو هو الشنو 😌 قالت لي مالك بتتبسمي كدا وبتسمعي شنو بالليل دة 😐 قلت ليها بسمع السمعتوا سعاد انتي مالك ييلا مش قلتي دايرة تتخمدي اهاا قفلتوا ليك النور... 😒😒 رقدت في السرير وشغلت الريكورد تاني وكان بيقول لي والله يا سلمي م تعرفي كنت زهجان قدر شنو وقافلة معاي بس شوية كلام منك ومني حسيت انو الوضع ايزي ياخ عايني يا زولة من الليلة انتي فردتي زاابط ؟!😂
عاد انا ح ارفض كيف لكن... قلت ليهو تماام خلاص من الليلة نحنا اصحاب 😌
قال لي طيب انا جريت بيك زمن كتييير ويمكن هسي وقت نومك جااا... يلا لغاية بكراا.. ✊ قلت في نفسي نوم شنو النوم يطيير يااخ هو انا النايمة ليها شنو زاتو والليلة الخميس 💔💔 رسلت ليهو خلاص تماام ييلا. ... قرا الرسالة وما رد وانا طوالي طلعت... وقفلت النت وفتحت التسجيل ونمت علي صوتوا.😂 صحيت الصباح وكان يوم جمعة 😌 كنت مبسوطة وببتسم برااي مشيت صليت ... امي جاتني قالت لي اوعك تمشي ترقدي تاني طيري نضفي البيوت دي سورعة لو لقيتك راقدة المفراكة 🐠دي بكسرهاا فيك قلت ليها حاضر يا ماما من عيوني 😌😌 امي بقت تعاين لي كدا 😐 قالت لي من متين الادب دة انتي كويسة😐 م رديت مشيت فتحت اغاني وبقيت انضف واغني بعد خلصت مشيت لاختي لقيتها بتغسل الملابس. طبعا هي عليها الملابس وانا النضافة.. اها مشيت ساعدتها ليك وشريت ليها جزء من الملابس ولميت ليها الباقي 😂😂 بقت تقول لي هييي انتي 😐 مالك قال لو دايرة تموتي وريني 😐😐 قلت ليها يا سمر دة الحب 😌 بس انتي الحاجات دي لسة م وصلتيها عشان كدة م بقدر اشرح ليك 😌😌 قالت لي ايوااا 😂 حب قلتي لي هههه والحبيب دة منو يا ربي بس م تقولي لي احمد 😂 انتي موهومة ولا هطلة زول بتعرفيهو من يومين خلاص حبيتيهو 😐😐 قلت ليها اي حبيتوا وبعدين مالك ما بتسمعي الحب من اول نظرة 😒😒 طول الوقت بتحضري افلام ومسلسلات علي شنو 😒 قالت لي برااك قلتيها افلام ومسلسلات 😒 دة واقع حبيبتي 😒 قلت ليها تقعي يامة وما تلقي اليرفعك بركة الجمعة والناس المجتمعة 😑 والله هسي امشي اجدع ليك هدومك الشريتم ليك ديل.. اصلو الحسنة فيك ما نافعة 😑 قالت لي خلاص خلاص يا زولة حبيبك حبيبك الفي شنو والمافي شنو 😌😌 ضحكت ليها ومشيت دخلت الاوضة بقيت اسرح شععري وانا بتذكر في صوتوا وكلاموا وفاتحة اغاني وبغني وبرقص معاها 😌 جات امي مارة وقفت في الباب تعاين لي 😂😂 شايفاها بالمراية... قالت لي والله انتي الليلة ما نصيحة.. لو جنيتي وريني.. قلت ليها يا امي يعني الواحد ما يرقص في البيت دة يععنيي 😑😑💔 قالت لي خلاص مش خلصتي شغلتك ارقصي للصباح بعد كداا 😂 قلت ليها سسسمح 😌 ييلا خلصت من شعري ونشطت دخلت الواتس لقيتو مرسل لي صبااح الخيير وجمعة سعيييدة 😊 واااي انا م حصل زول رسسل لي صباح الخيير وااي رديت ليهو خلاص الصباح انتهي لكن 😂 وجمعة سعيدة علي الجمييع.. 😊
بعد شوية رد لي ما انتي الما بتصحيي من الصباح اعمل شنو اناا 😂💔 قلت ليهو خلاص ما مشكلة... انت كيف 😊 قال لي تماام والله.. وانتي ؟! قلت ليهو كويسةةة 😌🌸💚
بقينا نتكلم لغاية وقت الفطور قال لي يااخ والله انا الناس كلها بتقول لي انت م بتتكلم كتير وبتختصر الناس وانا كنت مصدق الحاجة دي بس هسي عرفت انو كل الناس دي غلط والدليل المواضيع اللي بنتكلم عنها والونسسة البتطلع من غير م اشعر بيهاا دي 😂😂💔
قلت ليهو ولسة ح تلقي انو الناس غلطانين في حاجات كتيرة ما دي بس..
قال لي كييف.. 😐 قلت ليهوو انساا م تركز قال لي زاابط تماام..😌😌
يلا بقوا ينادوني للاكل قلت ليهو انا طالعة اكل لو باريتك والله الترابة في خشمي انا 😢💔💔 بقي يضحك قال لي اصلا انتي بطنك دي م بتشبع من شوية مش اكلتي 😐 قلت ليهو ديك كانت تصبيرة 😒 واصلا الكلام معاك بجوع م بعرف لييية... يلا انا طالعة م ينتهوا منو.. 💔 قال لي تماام انا زاتي ح اطلع اجهز للجمعة يلا لبعدين .. 😊 طلعت مشيت اكلت وامي قالت لي اعملي العصير... شربنا كويت لابوي الجلابية وطلع الصلاة... وانا برضوا صليت واخدت لي نومة خفيفة كدا وتاني صحيت... كنت مصدعة شدييد راسي عايز يتفجر 😢💔 قلت اقوم م قدرت رسلت اختي الصغيرة الدكان تجيب لي بندول... بلعتو بعد 10 دقايق بقيت احسن شووية وواصلت نووم... صحيت المغرب استغربت طبعا وشاكلتهم لية م صحتوني اصلي العصر 😑😑💔 قالو لي كنتي مصدعة وجسمك حار عشان كدة خليناك.. طلعت صليت العصر والمغرب اتذكرت التلفون شلتو دخلت لقيت مرسل لي معقوول الوقت دة كلو بتاكلي..!! ؟ كان منزل حالة وكاتب سيلفي الجلابية 😂
وااي طبعا حسيت الدنيا لفت بي وراسي بقي تقييييل عاد الجلابية م يلبسها زول غيرك يا احمد يا جماعة مبالغة اححيي انا الوقعني في الزي دة شنو يا ربي 😭😭 قلت ليهو كنت مصدعة شوية وشالتني نومة. 💔 قال لي سلامتك وهسي حاسة كيف 😊 عاد بعد الجلابية الشفتها دي ح احس كيف 😭😭💔 قلت ليهو الحمد لله احسسن 😊💚 قال لي نحن هسي في القروب بنتفق انو بكرا نطلع اووزون نتغدا هناك رايك شنو تجي ونتعرف وتتعرفي علي باقي الشلة ولا اقول ليك دقيقة اضيفك في القرووب..😊😊.
اجي اجي قروب شنو كمااان 😐 قبل م اقول شي لقيت نفسي داخلة في قروب اسمها Remix 🌸💚 فتحتوا بس شوية الناس الفيهو بقوا يرسلوا دة منو
وواحد يقول شكلها بت.... تاني قال اوو مزز احمد ياااخ.... واحد رابع قال هوووي م تمعطونا بالرسايل يااخ... تاني زول رسل... انا عايز اعرف دي منو 😐
يلا انا بقيت كدا 😐😐😐 بقرا في الرسايل وما عارفة ارد اقول شنو 😐 فجاءة ظهر انو احمد يكتب الان...
