خلاص دة اخر مشوار ح يكون لينا سوا خلاص ح يرتاح مني خلاص ح يتخلص من القرف اللي في حياتو ....طول الطريق كنا ساكتين بس انا كنت ببكي بدون صوت لاني م عايزة اذل نفسي اكتر من كدااا وصلنا ودخلنا ع بيتنا بقينا ماشيين ومقربين علي البيت وانا بس م عارفة اليوم دة ح يعدي كيف ....وكيف ناس بيتنا ردة فعلهم ح تكون.😭...
وصلنا جمب الباب ..... ايمن وقف العربية وكان بس ساكت وما نزل ..💔💔..
سلميي يمكن تاني م نتلاقي تمام؟💔 والعمر ما معروف ...المهم انا م بقول ليك اني مسامحك بس بحاول اني م اموت الا وانا مسامحك ما بعرف متين بس بقول ليك عشان تكوني عارفة وعشان م تفكري تعيشي وانتي حاسة بالذنب عشاني تماام 💔...المهم العفو والعافية وانا لو في يوم عملت ليك حاجة سامحيني 💔💔💔
وطوالي نزل من العربية ....انا بقيت بس بعاين فيهو .😟.... اكيد هو م نصيح معقول بعد كل شي عملتو فيهو بيقول لي سامحيني ..😟... كلامو دة زاد حرقة قلبي اكتر اكتر....😭😭😭
ييلا انزلي لازم ندخل💔💔
طيب 😭😭
نزلت ومشيت جمب الباب وهو نزل الشنط وبقيت ادق الباب.... وانا برجف رجف....😭😭😭
شوية جات اختي الصغيرة فتحت لي الباب واول م شافتني بقت تصرخ يا امي سلمي جاات 😍وطوالي مسكتني وحضنتني😍 ...... سمر جات جارية علييي وامي طلعت من المطبخ وهي بتلبس توبهااا وبتقول ليهم خلوهاا تدخل لي جوة يا متخلفات انتن.😐😒😒😑😑..
انا بقيت ابكي واضحك علي حبهم لي امي جاتني وحضنتني وبس اول م مسكتهااا بكييييييت قدرتي لمن امي دي اتخلعت ...😟😟
مالك يا بت في شنو انتي كويسة😟
مشتاقة ليكم يا امي😭
عاد لكن م قدر دة يا بت صوتك ح يروح
يلا تعالي ارتاحي اكيد تعبانة من السفر وانت يا ولدي مالك واقف تعالو ادخلوا
امششي الصالون ارتاح .....😊.
حاضر يا خالتي بس اجيب الشنط دي😊😊💔💔
يلا يا سمر امششي اعملي ليهم عصير وهسسي الاكل ح يجهز..😊😊
حاضر يا امي😍😍
مشينا دخلنا الغرفة انا وامي .....
يا بت مالك انتهيتي كدا ...هسي دة شكل عرووس 😐😐
معليش يا امي بس الجو هناك م نفع معاي عشان كدة قضيتها كلها التهابات 😊💔💔
لا لا م حكاية التهابات انتي ما عاجباني يا بت في شنو احكي لي .... راجلك كويس معاك😐😐
ايي يا امي ايمن مافي زيييو😊💔
طيب ارتاحي وغيري هدومك ..... امشي اتصل لي ناس خالتك يجو يسلموا عليك واشوف ابوك دة وين خليهو يجي😑...
امي طلعت من الغرفة وانا بس حاسة انو الموضوع اتعقد اكتر ....كيف ممكن اقول ليهم الكلام اللي قالو لي ايمن ....كييييف😭😭😭😭😭😭
شوية جاتني سمر داخلة.....
يا بت دة شنو غايتو لو العرس كدة ما دايراهو😏😏😏
كيف يعني😂
عديل كدة مالك ما شايفة نفسك مبهدلة كيف دة منظر عروس جاية من شهر العسل 😏😏
كنت عيانة عشان كدة 😢
بس م تكوني احم احم....😂😂
انتي عويرة لا طبعااا😐😐
ههههه مالك بتقوليها كدة اصلا بعد كم يوم ح تجي تقولي لي واااي عندي طمام وااي عندي لفة راسس😂😂
جدعت فيها المخدة .... يا بت اخجلي ولا اخجل ليك😑 .... اطلعي دايرة اغير ملابسي 😑😑
