😊💔 يا احمد ح اخليك تندم علي اليوم العرفتني فيهو ح ارد ليك الصاع صاعين😊💔 ولو ما خليتك تجيني وانت بتبكي وتقول لي انك بتحبني ما يبقي اسمي سلمي وانا وانت والزمن بينا يا احمد....
خلاص بقي دة هدفي وشغلي الشاغل لازم اجيبو مذلول قدامي.... قلت كدي الصباح ابدا خطتي وم ح اكلم سمر نهائي نمت وصحيت كان ما عندي جامعة قلت انا لازم امشي الجامعة متظبتة تماام التماااام... مشيت ل امي قلت ليها اني عايزة امشي لجارتنا الحنانة ترسم لي لاني م رسمت للخطوبة وما عايزة صحباتي يسألوني لية م رسمتي ولية م اتزفتي قالت لي طيب امشي.. فتشت لي شكل حلو وراقي شديد مشيت ليها رسمت لي كان مبالغة والله..😊.. جيت البيت بقيت اطلع هدومي في الدولاب اي هدوم حسيت بيها م حلوة ختيتها بضلفة والفساتيين والملابس الزابطة ختيتا في ضلفة... 😊 مشيت طلعت الحاجات بتاعت الخطوبة الجابوها لي طبعا لغاية هسي م شفتها لاني قلت اصلا كدة كدة ح ارجعها ليهم وامي لقيتها جزو خاتاهو لي في دولابي وجزء في دولابها هي زي الدهب والقروش والحاجات دي قالت لي لما تبقي عليهم تعالي شيلي😊😊 المفتاح 😊.... طلعت الباكج بتاع الكريمات ووب ووب كان فزيع 😍حتي واقي الشمس جابو لي😍.. يلا طلعتهم كلهم وخلاص بديت اخلط كريماتي واختهم علي جنب.😍😍.. مشيت ل امي قلت ليها عايزة قروش اشتري بيها ملابس قالت لي هاك المفتاح شلتو فتحت الدولاب القروش كانت كتيرة شديد كلها فئة خمسمية 😐😐انا بقيت مصدومة😐😐 يا ربي القروش دي حقيقة.😐😐. المهم بقيت اشيل واخت في الشنطة م عارفة شلت كم...😂😂 وطلعت..😊. قلت لماما انا ماشة السوق قالت لي انتظري اختك تجي قلت ليها لا لا سمر قالت ما بتقدر قالت لي خلاص م بتمشي براك😑 قلت ليها بمشي مع هديل يا امي سكتت مسافة وقالت لي خيير بس م تتأخرو.😊😊💔..
طبعا هديل دي بت في حلتنا م شاء الله الصلاة علي النبي مزة قاطعة😍 اللبس كيف والنظافة كييف😍 م صحبتي شديد بس يعني قررت اني اصاحبها تاني..😂😍.. مشيت ليها البيت كانت نايمة قلت لامها عايزاها في موضوع ضروري صحيها لي جاتني بتقش في عيونا لمن اتخلعت قالت لي مالك الليلة رايحة 😐😐ضحكت قلت لية ااي وعايزاك تمشي معاي السوق 😌
هسسي يا سلمي 😐
ااي يا هديل والله زمني ضيق الجامعة الاسبوع الجااي😭
يا بت م جادة معاي كان تكلميني قبلها بكم يوم عشان اعمل حسابي 😐
ياخ والله جات فجاءة المشية دي حلفتك يا هديل انا اخترتك انتي بالذات عشان زوقكك حلوو وعزالة😢😢💔
خلاص خلاص م تكسري لي تلج احجهز واجييك😒😒💔
جهزت وطلعنا قلت ليها اول ششي عايزة لي كمية من الفستايين وتكون ناار نار يا هديل فهمتي علييي.😍😍😍 بقت تعاين لي😐😐 قالت لي والله انا م مطمنة ليك يا سلمي لكن خيير الفستاين في بس انتي جهزي قروشك..😌 قلت ليها القروش في م تخافي😌😌.. اشترينا ملابس كتييير واسبورتات واسكيرتات وطرح واكسسوار وشنط.. ومكياجاات وعطوور والله بس بقت شيلة عروسس 😂😂😂💔
بعد خلصنا طلبنا ترحال ورجعنا البيت... دخلت مع الحاجات امي قالت لي ووب ووب انتي شلتي القروش كلها ولا شنو😐 قلت ليها لا لا طبعا😢💔... طوالي دخلت جوة بقيت اقيس واجرب واااي حاجات كانت مبالغة😍 غايتو هديل ما قصرت معاي.😍 شلتهم دخلتهم في الدولاب.....سمر كانت ناس حبوبة قالت بايتة هناك.... يلا كنت تعبانة شديد نمت صحيت المغرب صليت واكلت وجيت مسكت التلفوون... اتصلت علي ايمن...
الوو... 😊
ايوة يا ايمن كيفك😊
تمام انا انتي كييف😊
الحمد لله.. بكرا عندك شنو انت😐
مممم والله طالع ماشي لي احمد في المعرض بتاعو عايز اغير عربيتي وبعد كدا يمكن اطلع مع اصحابي ناكل شي وكدا يعني..... خيير في شي؟!😢
لا ماف شي بس في كوفير حلو في شارع المشتل وكان نفسي امشي ليهو بس المواصلات وكدة وخايفة اتأخر 😊
طيب انا بأجل الحاجات اللي عايز اعملها وبوديك وبرجعك البيت.. 😊💔
لا لا ماف داعي تأجل شي بس توديني الكوفير ولما اخلص نطلع سوا نمشي المعرض ولا ما عايزني اختار ليك العربية الجديدة؟!😌😌💔
خلاصص تماام اتفقنا.😌.. ياخ هو انا لاقي انو سلمي تختار لي حاجة 😌
خلاص طيب بس انت تعال لي بدري البيت 😊😊💚
تمام ح اجيك زي 9 كدا... كويس😊
كويسسس.. بالمناسبة انت ساكن وين ؟
ممم ساكن في الرياض😊😊💔
حلللوو.... طيب تصبح علي خييير 😊
وانتي من اهللووو😊😊💚
.
قفلت منو وانا ح اموت عشان يوم بكرا دا يجي لاني اول شي مشتاقة اشوف احمد😭 وتاني شي عايزة اتأكد بالجد اذا هو بغيير علييي ولا لا.😭 عايزة اشوف شكلو ح يكون كييف وعيونوا ح تكون كييف لما ييغيير واااي م قادرة اصصبر😭😭 نمت وصحيت بدري بقيت اجهز نفسي كلمت امي بقت تقول لي اول مرة واخر مرة تاني ماف كلام زي دة قلت ليها حاضر يا امي....😑💔💔
بعد شويهه ايمن جااا... لبست فستان حللوو حللوو حللوو إسود وفيهو ورورد صغيروونة كدة وطبعا لوني ظبط بقي فيني ابداااع عملت شعرري لوراا وحطيت طرحة في النص ولبست اسبورت وطلعت.😌.. اول ما جيت داخلة طوالي ايمن قام علي حيلو 😂 هههههه يا حليلو المسكيين اتخلع قال البت دي منو.😂.. امي قالت لي ربنا يحميككم من العين..😊. سلمت عليهو وقلت ليهو كيفكم م رد علييي😂 قلت ليهو ييلا نطلع طلعنا من البيت بقي ماسك مفتاح العربية ويدو بترجف اجي اجي مالو دة فجاءة 😐😐😂بيحاول يدخل المفتاح يشغلها المفتاح وقع منو بقي يقول لي اسفف معليش.😊.. دنقر راسو رفعوا قال لي عن اذنك ممكن بس ثواني فتح الطبلون شال موية ونزل من العربية شرب شوية وووقف مسافة وتاني جاا راجع.😊.. قلت ليهو مالك يا ايمن😐😐💔
لا لا ماف شي ما تاخدي في بالك😊
لو انت حاسي نفسك عيان ولا تعبان خلاص نأجل المشوار ليوم تاني💔😐
لا عيان شنو انا كويس بس اتوترت شويية😊😊💔
اتوترت من شنو 😐😐😐
عاين لي قال لي لا لا ما من ششي انسسي 😊😊😁😀
سكت منو بقيت شغالة في تلفوني بعد مسافة قال لي اها بيتزا ولا فطاير..😊
شنو هو 😐
الفطور انا جيعان صراحة 😊
مممم خلاص جيب فطاير😌
جابهم واكلنا في العربية...😊🌸. وصلني الكوفيير مسكتوا شنطتي يا حليلو😂😂 وبقي مستني والبنات الهناك طبعا كل واحدة تعاين ليهو لدرجة انو جات واحدة داخلة قالت واااي دة منو القاعد براا دة ومستني اريتو راجلي يا يما لا بكل ولا بمل راجل السرور. عاد يا يمة خلقة واخلاق وبقن يتوسوسن التافهات قبلت عليهم وقلت ليهم دة خطيبي 😊😊💔طبعاا خجلن خجل طوالي قاموا....😒💔 انا خلصت وطلعت ليهو قلت ليهو معليش😊
لا لا م مشكلة 😊😊
بقينا طالعييين علي العربية ركبنا قام قال لي....
بالمناسبة شععرك حللووو💚🌸
عنجد ؟ مع انو م عجبني شغلها شديد
لا حللو صدقيني 😊
طييب صدقتككك.... 😊😌
ييلا بقينا ماشيين وقربنا علي المعرض انا قلبي بقي يدق وبطتي بقت توجعني ويديني ديل اتجمدوا عدييييل 😂وصلنا نزلنا من العربية وبقينا داخلييين... ايمن سأل واحد قال ليهو احمد ويين قال ليهو قاعد جوة.... بقينا داخليين المكتب بتاعو... دخلنا لقيناهو ماف. قال لي ح يجي هسسي اقعدي ننتظروا.... قلت ليهو طيب ح امشي الحمام واجي واااي والله بس فجاءة جاني بول من وين ما بعرف 😭كنت مزنوقة وبطني دي ما عارفة مالا وقلبي دة بس دق دق دق..😭😭.. ييلا اثناء ما انا ماشة علي الحمام كان في ممر يلا انا ماشة كدة اشوف ليك احمد جااي علييي كان مركز في تلفونوا ما شافني 😔انا خلاص بس قربت ابول في مكاني بقيت واقفة ما قادرة اتحرك وهو جاااي علييي وخلاص قرب رفع راسو وعاين لي لكن ما ركز ومشاا من جمبي انا بقيت بقول معقول ما عرفني 😐😐💔بس فجاءة حسيت انو وقف مكانو😢😢💔
بس فجاءة احس ليك بزول لمس كتفي وبيقول لي سللممييي.... 😐😐😐
يتبع....
