#قصه_سلمي ٢١
كنتي مع ريان انتي!!😊💔
اييي 😐
مممم😊😊😊💔💔
مالك في شنو! ؟😐💔
بس انا اتصلت علي ريان عشان اعرف مكانكم وين وقالت لي انها م معاك وانك مع احمد......
طبعا وشي قلب الوان وبقيت ارجف تاني قويت قلبي واتكلمت لانو م عندو شغلة هو انا كنت مع منو وبعمل شنو😒
ايوة وين المشكلة اذا كنت مع احمد😐
انا بس سألتك ماف داعي للاسلوب دة يا سلمي... 😊💔
وكمان اسلوبي ما عاجبك 😐
لا م كدا عايني انا اسسف م عارف ليية اتدخلت وسألتك 😊
اهااا تماام حصل خييير😐
يلا انا ماشي سسلام... 😊💔
طلع وانا بقيت اقول والله دة الفضل عاد اوريك بمشي وين وبجي من وييين😒
عايزة ارجع الغرفة امي قالت لي هييي يا بت تعاملك مع خطيبك دة ما عاجبني مالكم حصل شنو..😒💔💔
ماف شي يا امي انتي بتجيبي الكلام دة من وين😢😢
والله احساسي ما بخيب وانتي عارفة كدا.. 😑
يا امي ماف ششي احلف ليك يعني😑
خلاص خلاص امششي اكلي.... 😑💔
طلعت دخلت المطبخ جات اختي الصغيرة جابت لي تلفوني وقالت لي من قبيل في زول بتصل عليك ياخ بس عليهو غياظ كييف..😒😑💔.
عاينت لقيت دة احمد مسكتها قرصتها قلت ليها هيييي اوعك تقولي عليهو غياظ فاهمة 😒....ههههه قالت اصبري لو ما كلمت امي قلت ليها انك بتتكلمي مع الاولاد بالتلفون باليل 😂قلت ليها اجري كلميها هسسسي ههههه 😂😂
رجعت ليهو قفل فيني ورجع لي هو..
حبيبتي مساء الخييير💚
مساء النور 😌
كيفك 💚
تمام وانت ؟😌
م كويسس😢💔
ليية! 😢
عشان مشتاق ليك💔💔
مممم وحتي انا 😢💚
حتي انتي شنو😒
مشتاقة ليك يا احمد 😢💔
كتيير ولا شوييية 😢
ممم شوية بس 😂
والله؟؟ 😒
هههه اييي😂😂
كذاببببة بعرفك من صوتك 😌
بتحب صوتي ؟😢
بحبك كلك كدة علي بعضك 💚🌸
وتاني؟😌
منتظر بكرا يجي بفارق الصبر واشوفك اصلا صورتك م مفارقة بالي وكل ما اغمض عيني بشوفك اقصد بشوفنا مع بعض...وحتي لما انوم ولو شوية احلامي بتكون عنك💚💚🌸
بتحلم بشنو؟😢
انو احنا سوا واني ماسك يدك وانتي بتتكلمي وتحكي لي عن حاجات كتيير بس انا م مركز معاها ومركز مع عيونك وحركات وشك وبس...💚🌸.
احمد انت بتحبني للدرجة دي ؟😢
واكتر يا سلمي وحياتك😢💚
م عارفة اقول شنو بس انا محظوظة فيك كتييير يا احمد😢😢💚
يحظي انا💚... وعلي فكرة بكرة ح اتكلم مع ايمن بخصوص موضوع الخطوبة دة وافهموا علي كل شي وانو خلاص انا ح اطلعوا من الموضوع دة ومن حمل مسؤلية زي دي 😊
انت شايف دة وقت مناسب لكن ؟😢
كل م اتسرعنا كل ما كان احسسن عشان الحكاية م تتشربك اكثر صح ولا ما صح ؟😊💚
صااح 😊
وبعدين انا ما ح استحمل اشوفك مع زول تاني حتي لو كان صحبي واخوي 😑😑
طيب يا احمد كلموا...😊💚
تمام ايي ح اتصل عليهو الليلة واقول ليهو يلاقيني بكرا في المعرض 💚
طيب تماام..😊. ابوي بناديني لازم اقفل 😢😢💚
لكن م اتكلمنا كتيييير😢😢💔
ايييي بس ح اشوفوا عايز شنو وح ارجع ليك 😊😊💚😍
طيب يا سلمي منتظرك انا 💚🌸
اوك طيب باااي..💚.. قفلت منو ومشيت لي ابوي كان بسأل فيني اها كل شي تمام وخطيبك كويس معاك وكدة.. قلت ليهو ماف شي كل حاجة تمام الحمد لله.😊😊..
قال لي خلاص طييب.😊.. طلعت منو كدا عايزة ارجع اتكلم مع احمد الباب دقاا فتحت لقيت خالاتي عاد الليلة ونسة وسهر للصبااح...😂😂. دخلو وبدينا الجبنة في الليل دة ووالونسسة والضحك والحكاوي ههههه ياخ والله كان يوم فظيييع.😂... طبعا م قدرت اتصل علي احمد.💔... يلا زي الساعة واحدة ونص كدا مشيت شلت تلفوني لقيت احمد متصل لي قريب الكم وعشريين مكالمة ووب ووب الليلة😟.... طوالي رجعت ليهو اول جرس طوالي فتح الخط...😢
الحمد لله انك طلعت صاحي لو كان نمت كنت ح ازعل من نفسي شديد لاني م رجعت ليك مع اني وعدتك.😢💔.
طبعا ما رد وكان ساااااكت ييلا انا خلاص قلبي بقي في يدي. 😢😢💔.
احمد اتكلم رد عليييي😢
اقول شنو يا سلمي..😢. المهم انتي كويسة😢💔💔
ااييي انا كويسة واسفة لاني م رجعت ليك... 💔💔😢
كنتي بتعملي شنو 💔
اتكلمت مع ابوي شوية وبعدها جو خالاتي وما لقيت فرصة اكون برااي..💔
كان ترسلي لي رسالة انك م قادرة تتكلمي معاي هسسي💔 يا سلمي م تتخيلي الافكار الجات في بالي في الوقت الفات دة شنو طوال الوقت ماسك التلفون ومنتظرك وبقول يا ربي حصل ليها شي ؟ ابوها قال ليها حاجة ؟ حصل ليها حاجة ؟! ياااخ متيني طلع والله..... 😑😑💔
ههههه معليش 😂😢😢...بس انت اتغييرت شديد يا احمد ...😢💔
حتي انا مستغرب من نفسسي والله بس شكلو الحب بعمل كدة..😢😌💔..
احمد.. 💚
قلب احمد من جوة 😊💚💚
تلفوني ح يقفل.💔.. في ايي لحظة 😢
طيب اصلا الوقت اتأخر وانا م عايزك تساهري اكتر من كدة وبس انا بحبك شدييد يا سلمي ومستني يوم بكراا بس عشان اشبع منك ..😢💚💚...
وانا كمان بحبك يا احمد.... تصبح علي خير... 😊💚
وانتي من اهلليي.... 😊💚
قفلت منو ونمت وانا مبسوطة وفرحانة شديييييد صحين الصباح للجامعة مشيت وخلصت محاضرات....طلعت تلفوني غريبة احمد م اتصل علييي ليية اول مرة يعمل كدة كان في اليوم بنتكلم اكتر من 10 مكالمات يا ربي مالو يا ربي مشغول يا ربي اتصل عليهو ولا اصبر شوية....😐 في النهاية م قدرت قلبي م اتطمن اتصلت عليهو في البداية م رد علييي يلا خلاص قلبي بقي في يدي اتصلت تاني ما رد انا بس خلاص حسيت انو في شييي تاني اتصلت مسسافة الجرس قرب يقطع قام فتح الخط...
الووو😊
احمد انت كويس مالك م اتصلت عليي من الصباح وبتصل عليك ما بترد في شنو 😐😐💔
ماف شي يا سلمي انتي كيفك وكيف الليلة في الجامعة 😊
لا في ششي يا احمد صوتك مالو. 😟 عاين انا عايزة اشوفك هسسي م بقدر استنيي ونطلع العصصر... 😢💔
لا لا م بقدر والله يا سلمي مشغول ومضغوط شديد م ح نقدر نطلع العصر ولا ح اقدر اقابلك هسسي... 😊
لييية في شنوو يا احمد م تخليني ابكي انا في الشارع هسسي 😭😭
انتي عويرة تبكي ليية ماف شي بخليك تبكي انا معاك يلا بطلي هبل.... 😑
.....................😭😭😭
سلميي م تبكي يا سلمي يااخ والله انا كدة بس ح اكرههه نفسسي اكتتتر 😭
يعني انت هسي كارههه نفسك صح ؟ يلا وريني مش نحنا الاتنين خلاص بقينا واحد مش انا حبيبتك مش انت بتحبني يلا احكي لي يا احمد 😭😭
.. ................
احممد!! ؟😭
سامعك ومعاك انا يا سلمي (اخد نفس عميق وقال لي) كنت مع ايمن قبل شوية اتصلت عليهو وقلت ليهو اني عايزو في موضوع جاني المعرض واول ما وصل قال لي قبل م تقول موضوعك انا زاتي عندي موضوع قلت ليهو طيب قول انت اول. ويا ريتني م قلت .......
اهاا يا احمد كمل لي ايمن قال شنو؟😢
ايمن قال كلام انا لغاية هسي م قادر استوعبو يا سلمي قال كلام خلاني احس انو قلبي اتقسم نصين انا من قبيل م فاهم اييي ششي.. 💔💔💔😊
قال شنو يا احمد انا م قادرة استحمل 😭😭😭
قال انو بحبك يا سلمي .....💔💔💔
