ايمن انا فقدتك واشتقت ليك. 😭😭
سلمي انا.........
شنو يا ايمن... قول لي انك لسة بتحبني وانك مسامحني
سلمي انا من اول يوم جبتك بيتكم قلت ليك اني ح اسامحك وحصل ....انا مسامحك ع كل شي تمااام بس حكاية انو نكون مع بعض دي صعبة شدييد انا شايف انو كدا احسن لينا نحن الاتنين .. انا كنت بحبك اييي بس انتي مشاعرك وقلبك مع زول تاني . .... وما عشان انا عملت معاك حاجات كويسة تقومي تقولي لي انو خلاص انتي عايزانا نرحع لبعض ....الحكاية م كدا يا سسلمي...
يعني انت خلاص بقيت بتكهرني يا ايمن
م بكرهك ياسلمي وما بقدر زاتو
طيب ليية م نكون سوا
عشان انا م قادر ارجع احبك زي زمان حاسي انو في حاجة خلاص اتكسرت وما ح تتصلح انا اسسسف...
بقيت ابكي...
سلمي م تبكي ....انا اسسف بس دي الحاجة اللي انا حاسي بيها وبقولها ليك
انا ضيعت حبك لي بغبائي وهبالتي
خلاص انسسسي الماضي وركزي في الحاضر واكيدح تحبي ويحبوك في يوم من الايام اكتر من حبي ليك دة
مسحت دموعي ...طيب يا ايمن ع العموم شكراا ليك كتيييير ع كل شي
ولو عادي ... . طيب انا ح استأذن
اوك طيب ..... شكرا تاني
طلع ايمن وانا خلاص اتأكدت اني فقدتو للابد بس كان جواي حاجة تقول لي ح يرجع تاني....
طلعت من المستشفي ورجعت البيت شوية شوية بقيت ارجع لحياتي القديمة نزلت الجامعة واخدت الموضوع جد...في يوم احمد اتصل لي...
الو مييين
سلمي انا احمد
م اتكلمت بقيت ساكتة
سلمي انا م عارف بتصل عليك بياتو وش بس يمكن لانو دة ح يكون اخر اتصال بينا..... انا مسافر بكرا امريكاا نقلت شغلي كلو هناك وح استقر هنااك لاني كرهت البلد دي وما قادر اعيش فيهاا.... ح امشي واسيب ايي شي اسراء وخالتي واخواتي وايي شي ...لاني ما مرتاح لو بقيت قاعد في البلد ح اعمل حاجات انا م عايزهاا .... ح اتزوج اسراء وح نعيش في جحيم وح اكون حكمت عليها وعليي بالموت عشان كدة انا بس ح اسيب ايي شي وامششي ...بس عايز اقول ليك انا اسف علي كل شي وكل لحظة حسيتي فيها بوجع بسسببي انا يا سلمييي وبس بتمني ليك السعادة لانك بتستاهلي اللي يسعدك عنجد والعفو والعافية واشوف بوشك بخيير لو ربنا كتب عمر ....مع السسلامة...
قفل الخط وانا بقيت ماسكة التلفون مسافة وبستوعب في الحصل دة مستغربة من نفسسي اني كنت هادية وبسمع فيهو وما حسيت ب ايي شي بالعكس كنت حانة علي حالو وشفقانة عليهوو.... بتمني انو يلقي راحة البال محل م يمششششي ....
مرت 3 سنين وانا اتخرجت من الجامعة الحمد لله واشتغلت وسمر اختي اتزوجت وجابت بنوتة حلووة شدييد وقال سمتهاا سلمي ههههه طول ال3 سنة دي م عرفت اخبار عن احمد و كنت بعرف اخبار ايمن من صحباتنا وكدا ومرات اختو... طول ال3 سنة اتكلمت معاهو مرتيين مرة لما ابوهو كان عيان...ومرة لما جو من العمرة .... شكلو مبسوط في حياتو....وانا كمان الحمد لله حياتي ماشة كويس وح اتزوج بكرااا😍
طبعنا الكروت وكنا بنعدهاا علشان نعرف نوزع لمنو ولمنو؟؟ .... تلفوني رن رقم غرييب م اهتميت بس رن كتير
الوو مييين
سسلمي
الصوت دة انا بعرفوا اكتر من نفسسي حتيي
ايمن دة انت؟
ايي انا شكلك مسحتي رقمي
التلفون اتفرمط وكدا معليشش
ايوااا حتي انا تلفوني كم مرة اتفرمط بس كنت حافظ رقمك وبسيفوا
ايوااااا.... كيفك انت
تمام ماشي الحال
الحمد لله...
سكتنا ماف زول اتكلم مع التاني بعد مسافة قال لي . .....
سمعت انك ح تتزوجي بكرااا قصدي شفت الكرت قبيل جابتو لي امي
اييي بكرا العقد والحفلة وكل شي يوم واحد بسسس وح نسافر
مستعجلة للدرجة دي
لا م كدا بسس كمال عندو شغل كتير ولازم يتابعو
كمال منو
دة خطيبي ...زوجي المستقبلي
ايواااا ...طيب ربنا يسعدك
اميين جمعا عقبالك ...لازم تجي
م معروف يمكن م اقدر
لا لا يا ايمن عليك الله تجي م معروف يمكن تاني م نشوف بعض بالسنيين
........سكت م اتكلم
الوووو..
ايوة يا سلمي سامعك انا
اهاا ح تجي ولا لا
طيب بجيي
طيب تمام انا ح اقفل هسي لاني مشغولة
طيب تمام اسف لاني يمكن اخرتك او كدا..
لا لا ماف مشكلة ييلا مع السلامة
مع السسلامة
قفلت منو ....وبقينا مواصلييين بنتكلم عن المعازيم والترتيبات وكدااا
جااا صباح اليووم كنت فرحانة شديد مشيت الكوفيير واتمكيجت ولبست الفستان والخفلة كانت في البيت وكنا مجهزيين كل ششي وكل شي كان حلو
