قلبي بقي شيين وحسيت انو انقسم نصيين... احمد حظرني ليية انا عملت شي غلط 💔 بقيت اعيد كلامنا القلناهو امس كلو ما فيهو شي.... دخلت القروب لقيتهم عاديين بيتونسوا... كنت عايزة اسألهم احمد داخل ولا لا بس قلت ماف داعي خلاص 😊💔 فجاءة كرهت نفسسي واليوم العرفتوا فيهو وكرهت تلفوني قفلتوا وختيتوا في الدولاب.. الوقت دة كان يدوب الصباح والمفروض اطلع امشي الجامعة... بس م قدرت حاسة جسمي كلو مخدر والصداع ح يفجر راسسي... بقيت راقدة. ببكي بصوت واطي عشان ماف زول يسمعني فجاءة جات اختي قالت لي انتي الليلة م عندك جامعة ؟! م قبلت عليها قلت ليها انا مصدعة شديييد ما بقدر امششي... قالت لي طيب ح اجيب ليك حبوب من الدكان هسسي... وطلعت 😊
بعد شوية جاتني قالت لي يلا دي الحبوب ودي الموية قومي هاك ابلعي.. قلت ليها خليهم ببلعهم هسسي. لاني م كنت عايزاها تشوف عيوني وتعرف اني ببكي 😊 قالت لي كويس وطلعت مشت الجامعة طبعا هي بتدرس في سنة تالتة
بقيت راقدة معندي نفس لاي حاجة حتي الحبوب حاسة انها م ح تعمل لي شي لانوا انا التفكير ح يموتني 😭😭
جاتني امي قالت لي انا ماشة ناس خالتك الليلة عندهم الصندوق ح افطر معاهم ونكمل باقي اليوم الاكل في التلاجة لو حسيتي نفسك احسن قفلي البيوت والحقيني هناك....
قلت ليها تمااام... لما حسيت امي طلعت رفعت راسسي قشيت دموعي... 😊
فجاءة بقيت اضحك علي نفسي واقول شكلي صدقت انو بالجد هو معجب بي عشان بتكلم معااي كتيير 😊 ياخ انا وهمية كييف اصلا واحد زي دة كيف يعجب بواحدة م بعرفها اصلا ولا شافها 😊 بالجد انا متخلفة وغبية وليهو حق يحظرني يااخ ..💔 بس انا قلبي كان واجعني عليهو م قادرة اقول خلاص موضوع انتهي 😭💔 شكلي حبيتوا بالجد معقول ؟! 😊 قلت لنفسي يلا كم يوم وبنسااا م مشكلة عشان تاني يبقي لي عظة وعبرة لقداام.. 😊
طلعت استحميت وجيت رقدت م حسيت بنفسسي الا وامي بتصحيني للغداا... معقول انا نايمة كل الوقت دة 😐 قلت ليهم ما عايزة م عندي نفسس 😊 طلعت صليت وجيت راجعة... بعد شوية جات سمر اختي داخلة وقفلت الباب قعدت جمبي قالت لي يا بت مالك حصل ليك شنو احكي لي ياخ لو م حكيتي لاختك تحكي لمنو 😐💔 فجاءة بقيت ابكي قلت ليها حظرني يا سمر احمد حظرني تخيلي 😭😭💔 قالت لي لييية الحصل شنو 😐 قلت ليها ما بعرف كنا بنتكلم عادي لغاية امس بليل والصباح لقيتو حاظرني في الفيس والواتس 😭 انا معارفة عملت شنو غلط 😭😭 بقت تهدي فيني قالت لي انتي عويرة عشان تبكي عشانو 😐 ياخ في ستين يلا بلا احمد بلا بطيخ 😑 قلت ليها لكن انا قلبي واجعني يا سمر 😭 قالت لي يا سلمي ماف زول يستاهل انك تعملي في نفسك كدا عشانو تمام ؟! ااي هيي حارة وبتوجع لكن معليش ح تموتي نفسك يعني 😔💔 قلت ليها خلاص طيب انتي معاك حقق 😊 انا م عارفة دة شنو البعملوا في نفسي دة 😭
يلا بقيت احاول اكون عاديية وارجع لحياتي الزمان والضحك والهبل بس م قدرت بقيت احاول اخلي امي م تحس انو فيني شي.... مرت خمسة ايام وانا في نفس الحال ما قربت من التلفون ولا مسكتوا في يدي.... يوم رجعت من الجامعة تعبانة شديييد فجاءة اتذكرت انو صحبتي عايزاني اصور ليها جزء من الشيت... مشيت علي الدولاب طلعت التلفون قبل افتحو ختيتو في الشاحن طلعت استحميت وصليت جيت اخدتو من الشاحن وجبت الشيت عشان اصورو ليهاا.... فتحت التلفوون صورت ليها الورق العايزاهو ودخلت الواتس ارسلوا ليها... 💚🌸 اول ما دخلت لقيت احمد مرسسل لي رسايييل كتيييييير... طبعا استغربت دخلت فيهم هو كان متصل الان... بديت اقرأ فيهم بسس فجاءة قام اتصل عليي 😐 قلبي بقي يدق ويدي بترجف.. ما رديت اول مرة...م عرفت اعمل شنو وسمر ما رجعت من الجامعة لسة عشان توريني اعمل شنو 💔 قام اتصل تاني بعد شوية فتحت الخط فجاءة قال لي انتي لو حيوانة وريني عشان اكون عااارف يا سلمي...
يتبع...
تابعوني❤
