Si "First" Sana Ang Last (boyXboy) ongoing....

Chapter 4: Unang Pagkikita

Paul POV

"Rocky... 7pm Greenbelt 3 Cinema lobby ha... wait kita gilid ng coffee shop tabi ng entrance.... see you... ingat sa byahe"

Yan ang huling text ko kay Rocky, halos buong araw kong hindi nahawakan ang cellphone sa sobrang busy. Ramdam ko na ang pagod sa buong araw na mga lakad namin. Pero sa tuwing iisipin ko na magkikita na kami ni Rocky ay tila nawawala ang lahat ng nararamdaman ko at napapalitan ito pananabik at tuwa.

"Sir, ngayon lang kita nakitang nakangiti kahit alam ko, pagod na pagod kana. Iba talaga pag inspired at excited, Sir wag masyadong magpahalata ha...."

"Tumigil ka na nga dyan at nagugutom na ako.... nakalimutan kong kumain at kasalan mo ito at hindi mo pinaalala sa akin na wala pa akong kain, buti nalang masaya ako"

"Hala sir, kanina sa Megamall bumulong ako sa iyo na kumain kana sabi mo later nalang, sa date nyo nalang ni Rocky"

"Ha? Ganun ba?????? Teka! Martha... anong oras na?"

"7:00 pm na Sir"

"Hala! late na tayo, Manong sa Greenbelt 3 tayo ha, hanapan mo nalang ng malapit na parking area ha"

Si Rocky nagtext at nasa Greenbelt na siya, buti nalang malapit narin kami sa area. Agad naman nakikita ng magandang parking space si Manong Gery. Kaya dali dali narin kami pumunta sa Greenbelt 3. Kasama sila Martha, Manong Gery at Kuya Arvin dumiretso muna kami sa cinema lobby sa 4th floor ng mall at kailangan ko munang magbilin sa mga ito. Naalala ko masyadong formal ang suot kaya kailangan ko magpabili ng pamalit na damit nang hindi naman mailang sa akin si Rocky.

"Hi...Paul dito na ako tapat ng timezone...for sure makikilala mo agad ako...ako lang yun nag iisang gwapong nakatayo at nag aantay ng ka date nya este ka meet pala. Saan kana?"

Ito na ang pinakahihintay kong sandali nasa baba na si Rocky at anumang oras ay magkikita na kami, wala na itong atrasan. Dahil hindi pa nakakabili ng pamalit na damit, no choice ako kundi ang i-meet si Rocky ng naka ganito. Sana lang hindi siya mailang at mahiya sa itsura ko.

Habang bumababa ng escalator nakita ko na agad si Rocky. Biglang kumabog ang dibdib ko at natuwa sa nakita. Napaka gwapo naman pala ng ka-meet ko. Haay, sana magustuhan din niya ako. Napansin ko kanina pa niya ako tinitingnan, alam kaya niya na ako si Paul. Pero bakit biglang nakatuon ang atensyon niya sa lalaking nasa tabi niya.

"Shit, napagkamalan niya yatang ako ang lalaking iyon, kasalanan ko rin kasi hindi ko man lang nasabi itsura ko noon at ang suot ko ngayon"

Tumayo muna kami sa gilid ng coffee shop kasama ang driver, secretary at body guard ko. Nagkaroon din ako ng pagkataong utusan si Martha na bilhan ako kahit T-shirt at gusto ko talagang magpalit. Nagbilin din ako kay Kuya Arvin na huwag magpapahalata na binabantayan ako. Iniwan na nila akong mag isa, at handang handa na akong magpakilala kay Rocky.

*******************

Rocky POV

"Asan kana? Kanina pa ako nandito..."

"Sorry Rocky late ako, pero nandito na ako...." reply niya

Bigla ko siyang hinanap, pero wala naman akong napansin na dumating na bago maliban doon sa mga pumapasok para bumili ng ticket at doon sa gwapong mayaman na kanina ko pa pinagmamasdan. Sinubukan kung maglakad papunta malapit sa entrance katabi ng coffee shop pero parang nahihiya ako at dadaan ako sa harapan ng lalaking nahuli akong tinitingnan siya. Pero wala akong choice nandito na daw si Paul at kailangan kaming magkita kaya lumakad na akong nakayuko papunta sa labas. Habang papalapit sa labas, bigla akong may narinig na boses sa aking likuran...