وخضعت للحب

الفصل الاخير

#وخضعت للحب
#الفصل الثالث والعشرون والأخير
بقلم ....أروى الشرقاوى
كانو فى صدمه ايعقل ذلك هل يوجد شخص بهذا الشر فى الكون
اميره لن تصدق مايقال وأخيرا نطقت :إوعى تقول أنى أنا البنت دى
ميرال بصرامه:فين البنت دى
مصطفى :البنت دى هى أنسه أميره لان وقتها أنا إلى كتبت إسمها وعملت كل الأوراق
كامل بصدمه :يعنى مرات اخويا فضلت عايشه وبتعانى بعد موت اخويا و الكلب الوقت ده كله واخد بنت أخويا
أميره بدموع :يعنى انا مش بنت الراجل ده
يعنى مش هفضل أعانى من سيرته العمر كله
ميرال أخذتها بين أحضانها
مازن بمرح :يعنى كده الواد معاذ ده متجوز اختى لا انا احتج تعالى فى حضنى ياحبيبتى
معاذ :متلم نفسك تحضن مين
مازن :إنتا اطرش دى اختى ياض إنتا
معاذ :والله ماهيحصل ابدا
ميرال :الكلب الإعدام شويه عليه
كامل :تعالى فى حضنى يابنت الغالى
مصطفى :فى حاجه كمان
أسماء بشكل درامى :متقولش إن انا طلعت بنتهم انا كمان
ضحك الجميع على أسماء وعلى مزاحها الذى يغير الموقف
مازن :كمل يادكتور أصل المدام حامل هرمونات حمل وكده
مصطفى :الاستاذ شادى بيخلف
صدمه ألجمت الجميع لم يصدقو ماسمعوه كانت تفكر هل بالفعل اكرمها الله وسوف تحصل على حبها وسوف تنجب بإذن الله ايضا لم تصدق مايقوله
أكمل مصطفى :مش انا إلى زورت التحليل هو ألى عمل كده بس انا بحثة وراه وعرفت إلى عمله انا متأسفه ياجماعه حسن هددنى بقتل عيالى
شادى وهو لديه مشاعر مختلطه لايعرف يحزن على ماحدث ووجعه ام يفرح لانه سوف ينجب :متأسف بقى انا بتوجع وتقولولى أن وجعى ده كان كدبه وكنت بعذب نفسى وبعذب حبيبتى كده على الفاضى
ميرال بغضب فهذا الشخص فعل بعائلتها مالم يتوقعه بشر :الكلب لازم اموته بنفسى
كامل يحاول تهدئت ميرال فيعلم انها لن تمرر ذلك :ميرال المهم شادى دلوقتى مع بيسان واميره رجعت تانى لينا تانى
أعتذر مصطفى منهم ورحل فوجوده فى قصر الجمال جعله يخاف بشده ونظرات ميرال جعلته يتأكد من حديث الناس عليها فلديهم حق لكى يخافو منها فهى حقا لديها شخصيه وقوه تجعلك تفكر قبل الوقوف امامها
مازن :انا نفسى اقتل الشخص ده
اميره ببكاء :انا بكرهه ليه عمل فيا كل ده حرمنى من عيلتى ومووت اهلى الراجل إلى عشت عمرى كله معاه احترمته حرمنى من حياتى من أهلى
جلس معاذ بجانبها فهو حق لايتحمل رؤية دموعها تحول إنتقامه الى عشق ليس له حدود :اميره دموعك بتقتلنى أوعدك هعوضك وجعك ده كله
اميره بخجل :إوعى تسيبنى يامعاذ انا بجد محتجاك جمبى
معاذ باس أيديها ونسى تمام وجود بقيت العيله :اوعدك لان أنتى حياتى ياأميره قلبى بينبض ليكى وعلشانك
مازن مسكه من هدومه:هو البيه معندوش دم قاعد تسبل وأنا واقف إحترمنى ياجدع
معاذ :وإنا جوزها إهدى كده
ميرال بصرامه:بس مش عارفه افكر
أسماء:بس إنتا وهو كل شويه أقول كملى تفكير ياميرو لو اى حاجه فيها قتل قوليلى نفسى اجرب الأكشن
ميرال :مازن كلم عمار وادهم يجيو هنا فورا
مازن :ليه انا متكلميهم إنتى
ميرال :انا قولت إيه
شادى :متكلمهم ماهى لو كلمت عمار هيقعد يرغى لامؤاخذه ياسوسو
أسماء:مؤاخذتك معاك ياخويا
وأكمل حديثه :ولو كلمت ادهم هيقعد يحب ويعيش الدور
أبتسمت ميرال فشادى الوحيد الذى يفهم مايدور برأسها
وبالفعل قام مازن بالأتصال بعمار وأدهم
أدم :مش فاهمك ياميرال ليه عايزاهم دلوقتى فيه إيه
ميرال بمكر :حسن لازم أنا إلى أموته
أميره :إزاى ياميرال
شادى بخبث :بس الطريقه دى ممكن تبقا خطر ومش قانونيه
تعجب الجميع فميرال لم تقول شئ لماذا يتحدث شادى بهذا الشكل
نظرت ليه غير متعجبه فشادى يفهم مايدور فى رأسها دون أن تتفوه بكلمه
مازن :إنتا فهمت هيا هتعمل إيه
شادى وهو ينظر اليها بأبتسامه:عيب عليك محدش بيفهمها قدى انا الوحيد إلى بدأت معها فى الشغل بدرى لازم افهمها
ميرال :رفيف اميره اسماء ينفع تكملو قعدتكم فوق لأنى محتاجه الشباب فى حاجه مهمه
وبالفعل ذهبت الفتيات وبعد فتره أتى عمار وادهم
ميرال :حسن يلزمنى عايزه انا ألى أموته
ادهم بصدمه :بس إنتى مش قاتله ياميرال
شادى :مش لازم تبقى قاتله علشان تخلص من عدوها لازم تبقى قويه
ادم:ودى هتعمليها إزاى ده واحد إتحكم عليه بالإعدام وهيموت خلاص هتموتيه إزاى
مازن :ده لو ناويه تبعتى حد يموته
ادهم بصرامه :ميرال إسمعينى إوعى توسخى إيدك بدم شخص زى ده ياميرال وتحملى نفسك ذنب قتل نفس
ميرال بزعيق :والشخص ده مسابش حاجه معملهاش فى عيلتى
مازن :بطلى بقا هتشيل دم واحد زى ده متوصلش للقتل ياميرال
ميرال :انا هنفذ لوحدى
شادى :معاكى ياميرال بس مع تعديل بسيط وهيعجبك
ميرال :قول
شادى :خطتك تمشى زى ماهى نسهله يهرب وناخده مخزن من بتوعنا ونضرب فيه براحتنا وبعد كده نبلغ عنه البوليس ويتعدم
ميرال بإعجاب :فكره حلوه وهتبرد نارى شويه
مازن :أنا مش معاكى فى الكلام ده
ادهم:فكرى ياميرال
عمار :أنا معاكى ياميرال نفسى انتقم منه
على الى عمله مع ساندى
وفى هذا الوقت اتاها إتصال من احدهم يخبرها بأن لاتفكر فى امر
ميرال :الو
الضابط :حسن مات
ميرال بصدمه:مات ازاى
الضابط:موت نفسه
ميرال :عاش عاصى لربنا ومات كافر
واغلقت معه الهاتف
أدهم بتساؤل :مين إلى مات
ميرال:حسن قتل نفسه
كانو فى صدمه جميعهم ماذا فعل له الكره واالأنتقام والقتل وتدمير من حوله
كامل بتفهم وكان يستمع لكل هذا ولم يعلق على كلامهم لأنه يعلم أن غضب ميرال يسيطر عليها :الكره والغل بيدمرو صاحبهم ربنا اعلم بنوايا البشر