حياة قلبى

الفصل الخامس ❤

اولا كده انا الفصل ده خد منى وقت كتييير جدا وكنت كل ما اخلصه مقتنعش بيه وارجع تمسكه مسحته حوالى خمس مرات عشان.يطلع بالشكل ده ف اتمنى اعرف رايكم
Love you all ❤
الفصل الخامس 
وقفناالفصل اللى فات لما مراد طلب من حياة تعتذر وهى اعتذرت طب هى هتعتذر ولا لا هنشوف👇👇

تانى يوم زينب دخلت تصحى حياة و مريم و مرام عشان الكليه . (ملحوظه : في فيلا عايش فيها صبرى وزينب وحياة و مرام و مريم  ومراد عايش مع ادهم و مازن ف فليتهم عشان اللغبطه )
زينب : يالا ي بنات   اصحوا عشان الكليه .
وبتفتح الستارة : يا غلبى نفسى مرة تصحوا من نفسكوا لازم اصوت عشان تصحوا .
حياة بنوم : خلاص ي ماما مش كل يووم . عايزه انام
مريم: يالا ي زينب اقفلى الستارة واطلعى بره.  وبتشد الغطا
مرام: الحقى صبرى بينادى عليكى عايزه يحطلك قطرة أجرى.
زينب (بصوت عالى ): قطره ي قليلة الأدب .  قوووومى ي بت انتى وهيااا قوموااااا .
صبرى جاى: ايه ي بطتى مالك بتزعقى ليه؟؟
زينب : هيتاخروا ع كليتهم  ومش راضيين يصحوا و الست مرام بتقولى روحى لصبرى عشان يحطلك قطرة . بزمتك دى تربيه ؟؟
صبرى(بابتسامه ) : هى قالت كده . طب والله بتفهم ما تيجى احطلك قطرة. وبيغمزلها
مرام بغمزه للبنات: بقولكوا ايه ي بنات ما تيجوا نسيب الاوضه عشاب بابا صبرى عايز يقول لماما زينب كلمه سر ف بوقها.
زينب بكسوف  وشويه غضب :  والبنى ما حد  معلم البنات دى قلة الأدب غيرك  . انا نازله احضر الفطار.  الفطار على ما تجهزوا .
حياة : بتتكسفى ي بيضه😂
زينب : بنت عيب.  وسابتهم و نزلت
صبرى بجديه مصطنعه : يالا خمس دقايق والاقيكوا تحت وانا هنزل اساعد امكم ف الفطار. 
مريم: ع الهادى ي زبادى😂😂 متتشقاش ي حج 😂 .
زينب واقفه ف المطبخ : انا اقعد اربى ف البنات وهو ييجى ف خمس دقايق يبوظهم . وبتحس بحد بيحضنها من ضهرها .
زينب: هاااا . خضتنى ي صبرى مش كده
صبرى : بطتى لسه بتتخض منى بعد السنين دى  كلها .
زينب : اه . وابعد شويه كده عشان البنات زمانهم نازلين .
صبرى  وهو بيقرب اكتر : وايه يعنى ده احنا مسجلين مطابخ .
حياة : ااااه قلبى . بابا و ماما و فى المطبخ كمان . اودى وشى من البوتاجاز فين ؟؟؟
مريم : فى المطبخ ي زوزو قلبى الصغير لا يتحمل .
مرام : مين سمعكوا ده الحلل كلت وشى و لا التلاجه مبقتش قادرة افتحهاعشان اكل .
صبرى : بس ي بنات بلاش تكسفوا بطتى.  خلاص .
زينب : يالا ي ختى انتى وهى ع الفطار. وهما بياكلوا مراد جه
مراد: ي اهل البيت انا جيت
حياة : انت جاى بهوليلتك ليييه ؟؟ مش عازين دوشه .
مراد : بس ي بت انتى انا جاى اشوف بابا و ماما اصلهم وحشانى اوووى وبيبص لمريم. 
مرام و هى بتغمز مريم اللى هتموت من الكسوف: بقى هما برضو اللى وحشوك .
مراد : ايوه طبعا.  وبعدين ايش حشرك انتى ي مرام ي ملكة الإجرام. مش الكى دعوه وبيطلع لسانه لها😛😛😛    
حياة : لا شرجاوى شرجاوى  مفيش كلام .
مراد وهو بيعدل جاكيته : وافتخر
مرام : تبا لتواضعك .
مراد:بقولك ي بابا كنت عايز اعزم ادهم و مازن عشان عايزين يتعرفوا عليكم .
صبرى : انا عن نفسى معنديش مانع.  شوف ماما
زينب : انا موافقه خليهم ييجوا النهاردة بالليل.
مراد : اشطا هروح لادهم ع الكليه . تعالوا معايا هوصلكوا واكسب فيكم ثواب. 
وقاموا الاربعه ومشيوا. 
وصلوا ف العربيه و مريم ومرام نزلوا وحياة لسه ف العربيه مع مراد
حياة : بقولك ي مراد انتى مش ناوى تخطب مريم ولا ايه
مراد : لو عليا عايز كتب كتاب علطول بس مستنى لإجازة نص السنه .
حياة : طب كويس  عشان عايزه البس سواريه😂😂💃💃💃
مراد : هااااراسوح بقى انا بتعذب عشان اتجوزها وانتى بتفكرى ف الفستان. 
حياة : اومال عايزه افرح واغنى😂😂
مراد : تغنى لا مستحيل انتى عايزه الناس تطفش .
حياة بكبرياء: انت الخسران .
مراد: طب يالا ي ختى هوينا عشان اروح لصاحبى
حياة : طيب ي خويا سيبهالك مخضرة. 
والكلام ده كله طبعا قدام ادهم اللى وصل بعربيته من شويه وهيموت من الغيرة .
نزلت حياة ومراد راح يركن
حياة وهى ماشيه لسه بدرى ع المحاضرة هروح اعتذرله وخلاص .
دخلت المكتب لقته فاضي . : خلاص هجيله بعد المحاضرة . وهى خارجه خبطت ف ادهم وكانت هتقع بس هو مسكها وحاوطها بايديه . وفضلو باصين لبعض كتييير  و كل واحد فيهم سرحان ف عين التانى لحد ما حياة بعدتوا عنها .
ادهم : جايه هنا ليه المدرج مش من هنا
حياة ف نفسها غتت : احم انا جيت عشان اعتذر على اللى حصل المحاضرة اللى فاتت.
ادهم (ببرود مستفز ): ها وايه تانى .
حياة(ف سرها ابو تقل دمك ): واوعدك مش هتتكرر تانى .
ادهم:خلاص ماشى . ..
الباب خبط
ادهم : اتفضل
مراد : ادهومه السكرة وبيبص لحياة : حياة بتعملى ايه هنا
حياة : مراد ؟؟؟
ادهم : انتوا تعرفوا بعض ؟؟
مراد : دى حياة اختى
ادهم : اممم طيب
مراد : بتعملى ايه هنا
حياة : كنت جايه اعتذر
مراد بيبص لادهم: هو انت الدكتور اللى حياة هزقته
ادهم اتعصب :  ايه وبيبص لحياة بتوعد
حياة فسرها : الله يخربيتك ي مراد ده انا خلاص كنت اعتذرت وماشيه
حياة : انا بعتذر مرة تانيه ومع السلامه عندى محاضرة وخرجت حياة
ادهم : خير ي مراد ايه اللى جابك مش  عوايدك تيجى الكليه .
مراد : عادى اصل ماما قالتلى اعزمك انت و مازن عشان تتعرف عليكم .
ادهم : اممم طيب . ابقى قول لمازن. 
مراد : اوكى . هطلع ع الشركه واقوله. 
ومراد طالع لقى حد بيعاكس مريم
الشخص : ايه ي قمر واقفه لوحدك ليه
مريم : عيب كده حضرتك لو سمحت ابعد من طريقى.  
الشخص : اكيد قالك جاى ومجاش تعالى معايا انا طيب
مريم جت تمشى كان هيمسك دراعها بس مراد من  ايده  : هى مش قالتلك أبعد .
الشخص : الله وانت مالك ي أخينا هى تخصك ف حاجه .
مراد : رجب لم نفسك دى خطيبتي أشوفك تهوب ناحيتها  مش هيحصلك طيب.
رجب بتهكم : هتعمل ايه يعني
مراد وهو بيضربه بالروصيه : هعمل كده وقعد يضربه شويه
مريم ( بصوت عالى ) خلاص ي مراد هيموت ف ايدك . خلاص عشان خاطرى
مراد سابه عشانها بس هسيبك وانما ورحمه ابويا لو جيت جمبها تانى هموتك فاااهم. 
وشد مريم من ايديها ومشى. 
رجب : هتروحوا منى فين لازم ادمركم(ادهم ومراد ومازن )  وفرصتى جت لحد عندى .
(رجب ده بيكره ادهم و مراد ومازن هو منافسهم بالسوق وبيكره ادهم تحديدا لسبب هنعرفه بعدين ) .
عند مراد ومريم
مراد ماسك ايد مريم بقوه وبيشدها وراه
مريم : كفايه ي مراد انت بتوجعنى. 
مراد(بغضب ) انتى ايه اللى موقفك لوحدك مرام وحياة فين .
مريم : راحت تجيب مذكرة من برة الجامعه و حياة بتسأل الدكتور على حاجه وانا كنت قاعده مستنياهم. 
مراد بهدوء : طب خلاص.اهدى انا اسف وهما ورحمه ابويا لوريهم
مريم ضحكت
مراد: أيوة كده خلى الشمس تطلع بقولك بما أنه مفيش وراكى حاجه اكسبى فيا ثواب وتعالى نتغدا سوا
مريم بتردد: بس يعني انا وانت لوحدنا مش هينفع
مراد بجديه : انتى مش واثقه فيا؟
مريم بسرعه : لا طبعا واثقه فيك اكتر من  نفسى .وبعد كده اتكسفت وبصت ف الأرض. 
مراد ابتسم ومسك ايديها : انا عايزك تعرفى ان محدش ف الدنيا دى هيخاف عليكى قدى . انا بخاف عليكى اكتر من نفسى .
مريم وهى باصه ف عنيه : عارفه ومتأكدة من كده
مراد : حيث كده بقى تقبلى عزومتى
مريم : موافقه .
مراد يالابينا .
عند مرام وهى ماشيه ف الشارع بتجيب المذكرة و بتتكلم ف الفون ومش واخده بالها من العربيه اللى ماشيه بسرعه وجايه وراها .
خلاص كده . كفايه😂

مراد هيعترف بحبه لمريم دلوقتى ولا لا؟؟؟
حياة هتعمل ايه هه ادهم هيبقوا اصحاب ولا هيتخانقوا تانى ؟؟؟
مرام العربيه   هتخبطها ولا لا ؟؟؟
مرام كانت  بتكلم مين ف الفون ؟؟؟