وقفنا لما مرام كانت بتحاول تهرب من محسن و ماندو و سمعنا ضرب نار .
مرام وقفت فجأة و ردراعها اتضرب عليه نار و وقعت ع الارض.
محسن : انتى غبى ايه اللى خلاك تضرب نار . البيه منبه أنه عايزها سليمه
ماندو : اعمل ايه يعنى ما هيا اللى كانت هتهرب.
محسن : طب يالا ناخدها ونمشى.
بس جه شخص من وراهم وضربهم بالعصايه على راسهم. (مش مازن لا 😂😂 دى بنت 😂هتعرفوها بعدين )
مرام كانت لسه فايقه : انتى مين
البنت : متخافيش انا هساعدك انا اسمى منار ممرضه ف مستشفى...... وشوفتهم وهما بيجروا وراكى وهاخدك على أقرب مستشفى .
مرام ببطء : م....ماشششى
منار شالت مرام وحطيتها ف العربيه ومشيت بيها ع المستشفى ووقفت عند الباب الخلفى واتصلت على حد
منار : الو ي محمد انا تحت عند الباب الخلفى انزلى بسرعه
محمد : فى حاجه ولا ايه
منار : ايوا انزل بس انت بسرعه.
محمد نزل : اييييه ده مين دى 😨😲😲😲
منار : هحكيلك بعدين بس ساعدني نعالجها بس من غير ما حد يعرف وانا هفهمك .
محمد شالها وطلع بيها ودخل العمليات هو و منار بس ( ملحوظه : محمد دكتور و منار ممرضه وهما مخطوبين تمم )
محمد : احنا شيلنا الرصاصه وهنستنى لما تفوق ونعرف حكايتها ايه
منار : باين عليها غلبانه الحمد لله انى كنت جايه الورديه و شوفتها والا كانوا خدوها ويعالم هيعملوا معاها ايه
محمد : حبيبى ابو قلب طيب ده .
¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥
عند مريم
بدأت تقلق ع مرام وبتتصل بيها مبتردش
مريم : بابا صبرى انا بتصل ع مرام مبتردش
صبرى بقلق : ازاى . هى فين
مريم : خرجت تتمشى مم ساعه
صبرى : اييييه انا مش منبه محدش يطلع من البيت
مريم بدموع :انا خايفه عليها لتكون اتخطفت زى حياة
صبرى : اهدى ي حبيبتى انا هدور عليها تلاقيها قعدت ع البحر ونسيت نفسها اطلعى انتى اقعدى جمب زينب.
مريم : حاضر
صبرى خرج واتصل على حد
صبرى : ربع ساعه واعرف مكان مرام فين من جهاز التتبع اللى ف تليفونها .
وقفل السكه
واتصل ع ادهم
صبرى : ادهم خلص الموضوع ده النهارده . عشان الموضوع كبر و مرام اتخطفت تمم انجز ومتقولش لحياة عشان مش تقلق.
########################
عند ادهم
حياة من وراه : ايه ي حبيبى مين اللى كان بيكلمك.
ادهم : ده بابا صبرى كان بيتصل عشان امشى واروح لنجلاء وأبوها عشان نخلص النهارده .
حياة بقلق : ايييه مش ينفع تأجل .
ادهم : اهدى ي حبيبتى متخافيش انا هبقى كويس . لازم نخلص عشان نعيش حياتنا بقى
حياة : ماشى ي حبيبي ربنا يوفقك وترجعلى.بالسلامه .
ادهم : تسلميلى تسلميلى حياتى انا همشى انا خلى بالك من نفسك . ومش تفتحى لحد و عندك المسدس عشان لو حد جه هنا ومش تنسى صمام الأمان . سلام ي حياتى
ومشى ادهم
########################
عند صبرى راح لمكان تليفون مرام هو ومراد
راح لقى تليفون مرام واقع ع الارض وجمبه دم بس (طب محسن و ماندو راحوا فين هنعرف بعدين ) .
صبرى كان هيقع بس مراد مسكوا
صبرى : بنتى 😢 انا السبب . انا السبب
مراد بدموع 😢😢: اهدى ي بابا ان شاء الله بخير . متخافش وخدوا موبايل مرام ومشيوا
#######################
عند نجلاء و ابوها
ادهم دخل عليهم
نجلاء و هى بتحضنه : ادهم حبيبى وحشتنى
ادهم : وانتى كمان . وبيكلم : ابوها ازيك ي باشا اخبارك
صابر: الله يسلمك . كويس. كنت عايزه ف موضوع مهم
ادهم : اتفضل
صابر: الشحنه هتتسلم بكرة بالليل . عايزينك تجيبهالنا من الجمرك من غير ما تتفتش .
ادهم : بسيطه دى . استأذن انا عشان أجهز الدنيا . سلام
########################
عند يوسف
انتو بهايم ازاى تهرب منكوا انا هبعتلكم مكان العربيه تروحوا وتجبيوها
(ملحوظه منار لما جت تمشى خدت العربيه بتاعتهم اللى كانت مرام مخطوفه فيها )
&&&&&&&&&&&&&&&&&&&&&&&&
عند مرام
بدأت تفوق
مرام : اااه انتى مين
منار : انتى فوقتى حمدالله ع السلامه هنادى الدكتور واجى
منار راحت لمحمد ونادته
محمد وهو بيكشف عليها : لا كويس الحمد لله يومين كده وتقدرى تخرجى الجرح بس كان سطحى.
مرام : شكرا ي دكتور
محمد :.مش المفروض تشكرينى انا المفروض تشكريها هيا اللى جابتك لحد هنا .
مرام : شكرا بجد ليكى انا مش عارفه أشكرك ازاى انتى انفذتينى من الموت
منار برقه : لا ي حبيبتى لا شكر ولا حاجه قومي انتى بس بالسلامه
محمد وهو رافع حاجبه بدهشه : ايه ده جعفر جاب الرقه دى منين .
منار بغيظ : محمد ميت مرة قولت متقوليش جعفر .
مرام بضحك : انتو قرايب ولا ايه 😂😂
محمد : اه انا جوز الحجه دى
منار : لسه مبقيناش جوز كل واحد فينا مستقل بذاته اخر الشهر نبقى جوز.
محمد : طيب يختى حسابك تقل معايا
منار : اهدى بس ي كبير.احنا عنهزر معاك .
مرام بضحك: لا بجد انتو مش معقولين مش قادرة هفتس من الضحك .
منار : لا وحيات عيالك مش تفتسى دلوقتى عايزينك لآخر الشهر عشان الفرح
مرام : من عنيا ده انا و مريم و حياة هنبهرك وبعد كده سكتت وعنيها دمعت
منار : مالك ي حبيبتى احنا قولنا حاجه غلط
مرام : لا بس افتكرت اخواتى.
محمد : ممكن نعرف حصل ايه وليه الناس دول عملوا كده .
مرام : حاضر وبدأت تحكى كل حاجه .
منار : ابن المبقعه ده انا لو شوفته هخلى المشرط يلعب ف وشه
محمد : هدى نفسك ي اختى لو نفخ فيكى هيطيرك .
منار : نا هنزل اجيب حاجه تاكليها .
نزلت منار وهى بتجيب الاكل شافت محسن و ماندو جريت على اوضه مرام
منار : يالهوى الحقو الاتنين اللى كانوا خاطفينك تحت وبيدوروا عليكى
مرام بخوف : ايييه وعرفوا مكانى منين
محمد : اهدى هما ممكن يكونوا عرفوا مكانك من العربيه عشان منار نقلتك ف عربيتهم
منار : طب هنعمل ايه ؟؟
محمد : انا عندى فكرة
مرام : ايه هيا
محمد : هقولكم ..............و...................
منار :حلوة دى .
محسن و ماندو شافوا العربيه بتتحرك وفيها اتنين
محسن : العربيه هناك اهيه
ماندو : طب يالا بسرعه نلحقهم
وجريوا وراهم بالعربيه
وعربيه محسن و ماندو وقفت قدام العربيه
وبيجروا يفتحوا الباب لقوا. .............
أنت تقرأ
حياة قلبى
Romansa🌸أدهم سليم( البطل يولاه😂 ) وطبعا زى ما احنا عارفين انه ف اى روايه مصريه اصيله ان البطل لازم يكون رياضى ووسيم و مفتول العضلات و ممشوق القوام بس معايا بقى عينه مش هتكون ولا خضرا ولا رمادى هنا البطل عينه بنى فاتح بس ي مصيبتي لو اتعصب بتقلب للون الأسو...
